تسجيل الدخول

مشاهدة النسخة كاملة : ## عجمية ولي الفخر ضيفة على كرسي الاعتراف ##

اطياف الماضي
19-02-2005, 06:45 AM
http://www.jaralqamr.com/smiles/smile_files/smile2_data/1112.gif

السلام عليكم ورحمة الله وبركاته




هانحن نلتقيكم كعادتنا

ويتجدد لقائنا الاسبوعي مع أعضاء ومشرفي منتدى العجمان الاعزاء

ولقاءنا هذا الاسبوع ... مع أحد وردات منتدى العجمان

التي حرصت على تقديم افضل مالديها رغم قلة تواجدها


ضيفتنا

عجمية ولي الفخر


اهـــلاً وســـهــلاً بـــــــك


http://www.hanaa.net/postcard/images/messa5_s.gif

ونتمنى ان نعرف المزيد عن ضيفتنا الغالية


وبدايتنا عزيزتي

نطلب منك تقديم نفسك لنا

الاسم :

العمر :

الحالة الاجتماعية :

المؤهل العلمي :

المهنة :

السكن :

......................


لا انسى ان اقدم الشكر

للاخت مشاعر على اختيارها الجميل

والان


اترككم مع ضيفتنا في استضافة رائعة

ولي عودة :)

تمنياتنا للجميع بلقاء ممتع


تحيتي

http://www.jaralqamr.com/smiles/smile_files/smile2_data/1112.gif
كويتيه
19-02-2005, 08:03 AM
هلا والللللللللللللللللله


يعطيج العافيه طيووفه على هالاختيار الحلو.ز
و يا عجميه اسعدناا جلوسج على هالكرسي..:)


طبعااا ما ابي اتعبج من او لهاا اساله.. لا اول شي بكتفي بالبطاقه الشخصيه.. بس مو بختصار لا بالتفصيل:)...
و حابه اعرف شلون عرفتي منتدى العجمان...




لي عوده:)
الشامخه
19-02-2005, 08:39 AM
هلا والله أختي أطياف الماضي أشكرج وأشكر أختي مشاعر ولو أني تفاجأت :)

أختي أطياف راح أحاول أجاوب على أسألتج

الاسم : عجميه ولي الفخر

العمر : 26 من مواليد 1978 ( علشان ما تقولون أنه الحريم ما يقولون أعمارهم الحقيقيه ;) )

الحالة الاجتماعية : متملجه

المؤهل العلمي : دبلوم هندسه الاكترونيه

المهنة : مساعدة مهندس

السكن : في محافظه الأحمدي :)

تحياتي لج أختي أطياف
الشامخه
19-02-2005, 08:45 AM
هلا فيج أختي كويتيه وأتمنى أني جاوبتك كثر ما أقدر بالبطاقه الشخصيه
العرجاني محمد
19-02-2005, 01:57 PM
حياك الله ياعجمية ولي الفخر وإن شاء الله تكون أسألتنا خفيفة على قلبك ...

السؤال الأول : ماهو رأيك في منتدى صدى المشاعر ومستوى القصائد إللي يكتبها الأعضاء

السؤال الثاني : برأيك ماهي المواضيع التي تحوز على قدر كبير من الأهمية والتفاعل المواضيع إللي يكتبها الشباب أو البنات أعضاء المنتدى طبعا ( سؤال حساس)

السؤال : هل يوجد هناك موضوع أو خاطرة أو قصيدة مازالت عالقة في ذهنك وتعتبرينها الأفضل حتى الآن



وشكر ( راجع لكم )









محمد العرجاني
تايه الغربه
19-02-2005, 05:23 PM
الاخت / عجميه ولي الفخر .. اسعد الله اوقاتك .. ارحب بك على كرسي الاعتراف
ومشكوره الاخت مشاعر على الاختيار .. كذالك الشكر موصول للاخت اطياف على المقدمه الرائعه عنك


وكان بودي ان اطرح بعض الاسئله الخفيفه التى استنتجتها من اجاباتك السابقه . ولكني قررت في الاخير عدم طرحها لأسباب معينه .. عموما

حبيت اسلم عليك واقووووول الله يعينك



وقد يكون لي عوده
كويتيه
19-02-2005, 06:46 PM
العمر كله انشالله...
والله يوفقج يارب..:)



خل اسال..:)


1. مثلج الاعلى
2. اقرب الناس لقلبج
3. طولج و وزنج
4. لونج المفضل
5. اكلتج المفضله
6. قناتج المفضله
7. شلون عرفتي منتدى العجمان.. ؟
8. هل تحبين السفر؟؟ و اذا اي.. قوليلي سافرتي من قبل؟؟ واذا اي وين:) و شنو احلى ديره رحتي لهاا:)
9. تعرفين تطبخين؟؟
10. من هي عجميه ولي الفخر... اوصفي لناا شخصيتج.. و شنو تحبين وشنو تكرهين وهواياتج..:)

لي رجعه:)
مـحمـد
19-02-2005, 07:48 PM
الاخت عجميه حياش الله من جديد على هذا الكرسى
واختيار موفق من قبل مشاعر:)

سؤال يتيم : عيوب ومميزات منتدى العجمان بصراحه .!
ذهب
19-02-2005, 09:45 PM
إختيااااااار موفق

تؤيدين إعطاء المرأه حقوقها السياسيه؟
منو أقرب الناس لقلبش يعني تبوحين له كل اسرارش؟أكيد الماما هههه
تسوقين سياره ولالا؟
طمووووحش بالحياة؟
أحلى منتدى تحبينه ؟يعني الترفيه ولا الأسره والمجتمع ..إلخ؟
ثلاث وردات تهدينها لمنو؟
كم عدد أفراد عايلتش ؟
بس أعتقد كاافي ههههههههههه
صـــمتا
19-02-2005, 09:57 PM
مساكم الله بالخير ...

يعطيش العافيه اختي اطيااف واشكراختي مشاعر على اختيارهاا الموفق ...

أبدأ :::

1/ شخص مميز في حياتك ..؟

2/ كلمة اعتذار تقدمينها لمن ..؟

3/ باقة ورد تهدينها لمن ؟

4/ احلى خبر سمعتيه مؤخراً ..؟

5/ اكثر تصرف ندمتي عليه العام الماضي وتتمنين ما تكرره هالسنه ..؟

6/ ما أجمل سطر شعري قد قرأته ..؟

7/ هل تحبين القرأه .. ولمن تحبي أن تقرأ ..؟

8/ ما طموحك ..؟

وسلامتش ... والسموحه على كثره الاسأله ...
Aziz
20-02-2005, 04:20 AM
السلام عليكم ورحمة الله وبركاته....

اختي عجميه ولي الفخر...

انا اقول الله يعينج على الأسأله خاصه من الأخت كويتيه تقول المحقق كونان

:):):)

وعندي كم سؤال اذا مافيه ازعاج...

1) هل حبيتي من قبل؟؟؟؟؟؟

2) ما الأمور اللي تكرهينها؟؟؟؟؟

3) ماهي اسعد لحظه في حياتج؟؟؟؟؟؟

4) ماهي اتعس لحظه في حياتج؟؟؟؟؟؟

ومشكوره وماقصرتي واتمنى ما ازعجناج..

ولنا رجعه...............:)
سياتل
20-02-2005, 05:54 AM
حياش اللع عجميه و لي الفخر
و بغيت ارحب فيج على الكرسي
و كنت بسال بس خل اعطيش فرصه اول تجاوبين على الاساله اللي وجهها لج الاخوان
تاتا
ابو غالب
20-02-2005, 06:07 AM
ما عينتي خير يومك طحتي بهالكرسي :D

يا جماعه خفو عليها شوي :rolleyes:

انا دخلت متعاطف وما عندي اسأله ;)
الشامخه
20-02-2005, 07:36 AM
أولا أرحب بكل من دخل وطرح الأسئله صج أنها وايده بس ان شاء الله أقدر اجاوب على كل الأسئله

السؤال الأول : ماهو رأيك في منتدى صدى المشاعر ومستوى القصائد إللي يكتبها الأعضاء

للأسف أخوي ما أحب وايد أقرأ قصايد أو أشعار أحب أسمعها من الشاعر نفسه ( يعني مو وايد مع الأشعار )

السؤال الثاني : برأيك ماهي المواضيع التي تحوز على قدر كبير من الأهمية والتفاعل المواضيع إللي يكتبها الشباب أو البنات أعضاء المنتدى طبعا ( سؤال حساس)

إلي لاحضتها المواضيع السياسيه لها قدر اكبر من الأهتمام لكل الطرفين
والمواضيع الأجتماعيه

السؤال : هل يوجد هناك موضوع أو خاطرة أو قصيدة مازالت عالقة في ذهنك وتعتبرينها الأفضل حتى الآن

في بعض المواضيع أعجبتني كثيرا ولكن... تعلق بهذني حتى الأن لا أعتقد والقصائد قليل ما أقرأها


شكرا لك أخوي العرجاني محمد وأتمنى أني جاوبتك على أسئلتك
الشامخه
20-02-2005, 07:40 AM
وكان بودي ان اطرح بعض الاسئله الخفيفه التى استنتجتها من اجاباتك السابقه . ولكني قررت في الاخير عدم طرحها لأسباب معينه .. عموما

أخوي تايه الغربه ان شاء الله أقدر اجاوب على أسألتك مايردك إلا لسانك :)


تحياتي لك
الشامخه
20-02-2005, 08:09 AM
هلا أختي كويتيه الله يسلمج ماقصرتي



1. مثلج الاعلى

جدتي الله يرحمها ويسكنها الجنه

2. اقرب الناس لقلبج

والدي والدتي

3. طولج و وزنج

ليش الأحراج :) طولي 162 ووزني 62

4. لونج المفضل

الأسود ودرجات البيج والوردي

5. اكلتج المفضله

أمطبق هامور إلي تسويه أمي مو من أحد ثاني :)

6. قناتج المفضله

channel 2 وقناة الأخباريه DW

7. شلون عرفتي منتدى العجمان.. ؟

بالصدفه كنت داخله GOOGLEأبحث عن القبائل العربيه لأني كنت أبي أعرف معلومات عن قبيله معينه وبالصدقه شفت موقع منتدى العجمان

8. هل تحبين السفر؟؟ و اذا اي.. قوليلي سافرتي من قبل؟؟ واذا اي وين و شنو احلى ديره رحتي لهاا

أحب السفر بس مو بالصيف ...أيه سافرت من قبل ...رحت السعوديه ولندن وقطر ومصر والأسكندريه أحلى ديره بعدني مازرتها واهي أسكوتلندا ودي أزورها طبيعتها وايد حلوه

9. تعرفين تطبخين؟؟

لما ملجت بديت اتعلم

10. من هي عجميه ولي الفخر... اوصفي لناا شخصيتج.. و شنو تحبين وشنو تكرهين وهواياتج..

هذا أصعب سؤال لأني ما أعرف أوصف نفسي بس راح أقول الوصف إلي دايما أسمعه من المقربين مني ....خجوله ... ما أعرف أخش بقلبي اذا أستلطفت أحد يبين على ويهي واذا احد كان ثقيل على نفسي يبين على نفسي بعد ... مزاجيه ..ملوله .. عاطفيه حيل أبسرعه تنزل دمعتي جدام أي موقف ..وادئما متهمه بالغرور والعكس صحيح


أتمنى أني جاوبت على أسألتج أختي كويتيه
الشامخه
20-02-2005, 08:15 AM
هلا فيك اخوي ALAJMI

سؤال يتيم : عيوب ومميزات منتدى العجمان بصراحه .!


عيوبه : لم ألاحظ حتى الأن عيوب يذكر

مميزاته : الطرح الجيد للمواضيع ويقوم بنقل أخبار قبيلة العجمان يكون الشخص على علم بأخر الأخبار سواء كانت أجتماعيه أو سياسيه وغيرها

تسلم اخوي ALAJMI أتمنى أني جاوبتك على السؤال
الشامخه
20-02-2005, 08:27 AM
هلا أختي عجميه ملسونه



تؤيدين إعطاء المرأه حقوقها السياسيه؟

أؤيد أنه المرأه يحق لها التصويت فقط .. وليش الترشيح في البرلمان

منو أقرب الناس لقلبش يعني تبوحين له كل اسرارش؟

أمي وعمتي

تسوقين سياره ولالا؟

أيه أسوق سياره

طمووووحش بالحياة؟

أني انجح بعملي وأتوفق بحياتي الخاصه وأرزق بالأطفال وأربيهم تربيه صالحه


أحلى منتدى تحبينه ؟يعني الترفيه ولا الأسره والمجتمع ..إلخ؟

منتدى السوالف العامه ... والأسلامي ... والأسره والمجتع

ثلاث وردات تهدينها لمنو؟

أهديها لأقرب الناس لقلبي

كم عدد أفراد عايلتش ؟

6 أشخاص


تسملين أختي عجميه ملسونه وان شاء الله أكون جاوبتج على أسألتج
الشامخه
20-02-2005, 08:35 AM
هلا فيج أختي بنت السلاطين وحياج الله


1/ شخص مميز في حياتك ..؟

والدي

2/ كلمة اعتذار تقدمينها لمن ..؟

ولا أحد

3/ باقة ورد تهدينها لمن ؟

أمي

4/ احلى خبر سمعتيه مؤخراً ..؟

زواج خالي

5/ اكثر تصرف ندمتي عليه العام الماضي وتتمنين ما تكرره هالسنه ..؟

ماعندي تسرف ندمت عليه

6/ ما أجمل سطر شعري قد قرأته ..؟

لا أذكر لأني ما أقرأ وايد شعر بس توجد قصائد عجبتني وايد للشاعر ناصر القحطاني

7/ هل تحبين القرأه .. ولمن تحبي أن تقرأ ..؟

أحب القرأه لايوجد أحد محدد بس ما اكمل الكتاب لأنه بسرعه أمل

8/ ما طموحك ..؟

أن أنجح بحياتي العمليه والخاصه

أختي بنت السلاطين تسلمين وأتمنى أني جاوبتج على الاأسئله وبالعكس أسألتج كانت خفيفه :)
السلاطين
20-02-2005, 08:37 AM
حيــاك الله أختــــي عجمــيه و لي الفخـــر

على الكرسي اللي ما يقعــد عليــه إلا الغالييــن

أسئلتي :

1- شــعورج و أنت على الكرسي ؟

2- متى تنزل دمووعك ؟ قصــة آخــر دمعــه

3- متى تضحك عجمــيه من قلب ؟ آخــر موقــف

4- قولي موقف محرج جدااااااااا. لاينسى

5- أسئلة محرجــــه وجهت إليك ، تفسيرك للهدف منــها .

6- نريد ستة أعضاء من الشباب و البنات لابد أن تتصفحي

مواضيعهم كلما دخلت المنتدى .

نكتفي لنتيح المجال لك للجواب
الشامخه
20-02-2005, 08:50 AM
هلا أخوي Aziz بالعكس أسألت كويتيه وايد كانت خفيفه


1) هل حبيتي من قبل؟؟؟؟؟؟

أكيد حبيت والدي ووالدتي وأهلي كلهم ومازلت أحب

2) ما الأمور اللي تكرهينها؟؟؟؟؟

الجذب والكلك والنفاق بكل انواعه

3) ماهي اسعد لحظه في حياتج؟؟؟؟؟؟

لما أشوف نظرات الرضا من عيون أبوي

4) ماهي اتعس لحظه في حياتج؟؟؟؟؟؟

لما أحس انه أبوي أو أمي زعلانين مني

شكرا لك أخوي Aziz على الأسئله وان شاء أكون جاوبت عليهم
الشامخه
20-02-2005, 08:52 AM
أخوي سياتل أشكرك وحياك الله
الشامخه
20-02-2005, 08:53 AM
أخوي أبو ميار حياك الله وماقصرت على تعاطفك :) :)
الشامخه
20-02-2005, 09:13 AM
هلا فيك اخوي السلاطين وأسعدني مرورك


1- شــعورج و أنت على الكرسي ؟

أحس أني مو قادره ألحق أني اجاوب على الأسئله :)

2- متى تنزل دمووعك ؟ قصــة آخــر دمعــه

دموعي بسهوله تنزل .. بجيت لما يقولولي انت فرحت أهلج الأولى وكانت هذي أخر دمعه أنزلت

3- متى تضحك عجمــيه من قلب ؟ آخــر موقــف

وايد مواقف ضحكت فيها بس ما أذكرها

4- قولي موقف محرج جدااااااااا. لاينسى

وايد مواقف محرجه مريت فيها بس صعب أني اذكرها

5- أسئلة محرجــــه وجهت إليك ، تفسيرك للهدف منــها .

الحمد الله ما واجهتني أسأله محرجه وتفسيري لها فاذا وجدت فأكيد الهدف منها الفضول

6- نريد ستة أعضاء من الشباب و البنات لابد أن تتصفحي مواضيعهم كلما دخلت المنتدى .


أنا أقرأ لكل الأخوان والخوات بالمنتدى ولكن فيه أشخاص معيني ما اطوف لهم موضوع

البنات : كويتيه ..السنافيه.. مشاعر.. أطياف الماضي ..بنت السلاطين ..مهره بلافارس


الشباب : المتلقم.. السلاطين.. كويتي..ابوميار..بس


اخوي السلاطين أسعدتني أسألتك وان شاء الله أكون جاوبت عليها تحياتي لك
كويتيه
20-02-2005, 07:15 PM
يعطيييج العافيه ياا لغاليه اولله يهنيج و يوفقج... و يرزقج بالذريه الصالحه..:)

ودي اسال جم سوال بس اخاف احرجج.. خلاص مو ساله..:).. ارجع للاساله العاديه احسن..:)


1. اكثر شخصيه تحبينهاا بالكويت؟؟؟
2. جم كانت نسبتج ايام الثانويه.. و شنو كنتي علمي ولا ادبي..؟
3. احلى الاسامي الى قلبج.. سوا كانت اسامي بنات او صبيان..
4. تاريخ ماتنسينه..
5. جم ترتيبج بين اخوانج؟
6. تحبين القناه الثانيه معناته تعرفين انجليزي؟؟. صح؟؟؟.. قوليلي جم لغه تعرفين:)
7. شنو اللي تكرهيينه في بنات وشباب هاليومين؟
8. منو مطربج او مطربتج المفضله؟؟
9. شرايج بمسلسلات رمضان؟؟؟... :).. و خصوصا مسلسلات فجر السعيد:)


وبس برجع انشالله..:)


عزييز ...:PPPP
الشامخه
21-02-2005, 07:29 AM
هلا فيج أختي كويتيه مافيه أحراج أنشاء الله ومايردج إلا لسانج :)


1. اكثر شخصيه تحبينهاا بالكويت؟؟؟

أحمد الفهد

2. جم كانت نسبتج ايام الثانويه.. و شنو كنتي علمي ولا ادبي..؟

كانت نسبتي 70% وكنت علمي

3. احلى الاسامي الى قلبج.. سوا كانت اسامي بنات او صبيان..

فهد

4. تاريخ ماتنسينه..

2/ 8
5. جم ترتيبج بين اخوانج؟

أنا البجر

6. تحبين القناه الثانيه معناته تعرفين انجليزي؟؟. صح؟؟؟.. قوليلي جم لغه تعرفين

لغتين بس اللغه العربيه والانجليزيه

7. شنو اللي تكرهيينه في بنات وشباب هاليومين؟

تجرد البنت عن أنوثتها وتجرد الرجل عن رجولته

8. منو مطربج او مطربتج المفضله؟؟

مطربي المفضل محمد عبده ومطربتي المفضله نوال

9. شرايج بمسلسلات رمضان؟؟؟... .. و خصوصا مسلسلات فجر السعيد

مسلسلات رمضان قصه متكرره ....أما مسلسلات فجر السعيد فللأسف أن من كاتبه كويتيه


هلا فيج أختي كويتيه أتمنى أني جاوبتك على أسألتج
صـــمتا
21-02-2005, 04:44 PM
السلام عليكم ..
رجعت مع أسأله جديده ... ولكن مو محرجه نفس اللي فوووق <<< تقصد كويتيه وعزيز


ماشاءالله ماخلو شئ لنا نسأل الاعضااء ..

س1: هواياتك المفضلة ؟

س2: اكثر قسم بتحبينه في العجمان ؟

س3: هل أنتي فتاة محظوظه بالحياة ؟

هذي الكلمات تهدينهااااا لأشخاص اللي بالمنتدى ...ماشي عزيزتي

س4: الله يسامحك
.........
س5: لن أنساك
.........
س6: تعجبني ثقافتك
.........
س7: كتاباتك متميزه
.........
س8: لن أنسى ما فعلته من أجلي
.........
س9: واثق من نفسك
.........
س10: دمك خفيف
.........


وبس ....


ادري اسألتي كثيره ... بس لانش عزيزه وغاليه علينااا يا عجميه ...
كويتيه
21-02-2005, 10:02 PM
اوكي يعني اسال عادي..:)

اوكي اسال..:)




1. متى بيكون عرسج:)... و المعرس يصيرلج ولا غريب..:)

2. شي تمنيتييه وصار؟

3. شرايج بسوالف الارهاب في الكويت؟؟..

4. ظاهره ودج ماتشوفينهاا بالكويت؟؟ ..

5. تحبين الكره؟؟؟..... اذا اي شرايج بمنتخبناا:)..

6. قلتي تحبين نوال.. شنو احلى اغنيه تحبينهاا لهاا.. ..

7. منو المطرب اللي ماتحبينه كلش ملش..:)


اذيتج مو.. :$... استحمليناا عاد.. انتي على كرسي الاعتراف:)..


لي رجعه:)
الشامخه
22-02-2005, 08:41 AM
هلا فيج أختي بنت السلاطين وحيااج الله :)



س1: هواياتك المفضلة ؟

المطالعه

س2: اكثر قسم بتحبينه في العجمان ؟

السوالف العامه وأكثر شيء بعد ازوره أهو المواضيع الجديده لأنه يعرض أجدد المواضيع لكل الأقسام بالمنتدى

س3: هل أنتي فتاة محظوظه بالحياة ؟


بنظري مافيه فتاه محظوظه أو فتاه منحوسه إلي أعرفه إلي كاتبه الله بيصير بغض النظر محظوظه أو لأ


هذي الكلمات تهدينهااااا لأشخاص اللي بالمنتدى ...ماشي عزيزتي

ماشيء :)



س4: الله يسامحك

ولا أحد

س5: لن أنساك

منتدى العجمان بكبره :)

س6: تعجبني ثقافتك

الأخ بوحمد الشامري ( الله يذكره بالخير )


س7: كتاباتك متميزه

الأخ السلاطين


س8: لن أنسى ما فعلته من أجلي


ALAJMAN( الأخ فيصل ) ماقصر معاي لما واجهتني مشكله بأحد مواضيعي ماكانت الصور تعرض والأخ فيصل حلي هالمشكله يعطيه العافيه :)

س9: واثق من نفسك

المتلقم

س10: دمك خفيف

الأخت كويتيه :)


أتمنى جاوبتج على أسئلتج أختي بنت السلاطين :)
الشامخه
22-02-2005, 08:59 AM
هلا فيج أختي كويتيه لو أدري هذي أسألتج جان ماقتلج سألي ومايردج إلا لسانج :) :)



1. متى بيكون عرسج... و المعرس يصيرلج ولا غريب..

أول سؤال صعب أني أجاوبه .... ثاني سؤال لا ما يصيرلي


2. شي تمنيتييه وصار؟

بعده ماصار وأتمنى يتحقق ان شاء الله :)


3. شرايج بسوالف الارهاب في الكويت؟؟..

طبعا ضد هالعمليات الأرهابيه إلي الكويت بغنى عنها وناس أبرياء راحوا من غير سبب بدون نتيجه

4. ظاهره ودج ماتشوفينهاا بالكويت؟؟ ..

العمليات الأرهابيه

5. تحبين الكره؟؟؟..... اذا اي شرايج بمنتخبناا..

لا ما أحبها .. بس ممكن أقول رأيي حتى لو ما أحب الكره ؟ :) .. الله يوفقهم ومستواهم مو ذاك الزود مقارنتا بمنتخابات أخرى

6. قلتي تحبين نوال.. شنو احلى اغنيه تحبينهاا لهاا.. ..

لو المحبه

7. منو المطرب اللي ماتحبينه كلش ملش..


واييييييييييييييييييد إلي ما أحبهم كلش ملش إلي اذا سمعتهم بالراديو أصك الراديو بس راح أذكر بعض أساميهم إلي أتذكرهم طبعا

ناصر الرغيب :eek: ... مرام :eek: ... فرقة ميامي :eek:... عادل الماس :eek: ... خالد الملا :eek: ...خالد بن حسين :eek: ... أحلام :eek:

هذيلا إلي أتذكرهم ألحين


اذيتج مو.. :$... استحمليناا عاد.. انتي على كرسي الاعتراف..


لا بالعكس :D بس أأتمنى تكونين مكاني ;)
غلاتي
22-02-2005, 09:04 AM
مرحباااااااااااااا ..شلووونج عجميييه ولي الفخر :)

عندي سؤاال وااحد بس..؟؟
انتي قلتي تؤيديين ان المراه تنتخب وماتؤيدين ترشحيها.؟؟ انا معاج بهالشغله بس ممكن توضحين رايج ليش فضلتي الانتخاتب على الترشيح.؟؟
وسؤاالي الاخيررر شنو نوع سياارتج.؟
ويعطيييييييج العافيه :)
اطياف الماضي
22-02-2005, 09:33 AM
يعطيك العافية يالغالية

وشلونك اليوم ان شاء الله مبسوطة

اليك بعض الاسئلة
......................................

ماهو برنامجك اليومي ؟؟

ماهي سلبياتك وحسناتك ؟؟

اصعب موقف مر عليك ؟؟

امر استصعب عليك تحقيقه وتتمنين ان يحققه اولادك ؟؟

ماهي نقطة ضعفك ؟؟

امنية تتمنينها ؟؟

تحيتي
الشامخه
22-02-2005, 10:16 AM
هلا فيج أختي مهره وحيااج الله :)


عندي سؤاال وااحد بس..؟؟
انتي قلتي تؤيديين ان المراه تنتخب وماتؤيدين ترشحيها.؟؟ انا معاج بهالشغله بس ممكن توضحين رايج ليش فضلتي الانتخاتب على الترشيح.؟؟

أنا بوجهة نظري لها الحق في أنتخاب الشخص إلي تشوفه مناسب وممكن أن يعمل تغيير أو يتطرق مواضيع تهما شخصيا مو شرط أنه يتكلم عن مواضيع تهم المرأه ممكن عن مستقبل أطفالها فهالبلد فأنا مع أنها نتنخب امرشح إلي أهي تشوفه مناسب ....أما الترشيح فبوجهة نظري انا المرأه ماراح تزيد شيء يكفي يرشحون نفسهم بالجمعيات النسائيه

وسؤاالي الاخيررر شنو نوع سياارتج.؟

ألمانية الصنع ( أعذريني ما أقدر أجاوب اكثر :) )


مشكوره أختي مهره وان شاء الله جاوبتج على أسالتج :)
الشامخه
22-02-2005, 10:26 AM
هلا فيج أختي اطياف الماضي وحيااج الله والله كنت ناطره تسأليني :)


ماهو برنامجك اليومي ؟؟

من البيت إلى الدوام ومن الدوام إلى البيت واذا عندي أشغال أقضيها العصر مع أهلي مع العلم أني بيتوتيه :)

ماهي سلبياتك وحسناتك ؟؟

سلبياتي : مزاجيه .. عنيده .. وسواسيه

حسناتج : الحمد الله ما احب أظلم أحد ودائما أشوف الجانب الزين من كل الناس


اصعب موقف مر عليك ؟؟

لما الوالد الله يطول بعمره تعرض لأزمه قلبيه كانت الدنيا منتهيه بالنسبه لي فكان هذا أصعب موقف الله يحفظه ويخليه اللهم أمين

امر استصعب عليك تحقيقه وتتمنين ان يحققه اولادك ؟؟

يكملون الدراسات العليا بالتخصص إلي يحبونه ان شاء الله :)

ماهي نقطة ضعفك ؟؟

نقطة ضعفي لما أشوف رجل كبير بالسن وليس عنده من يعتمد عليه لما أشوف هالمنظر بأي مكان يقطع قلبي

امنية تتمنينها ؟؟

التوفيق والستر من الله


اختي أطياف حيااج الله وأسدعني مرورج وان شاء الله أكون جاوبتج على أسئلتج :)
كويتيه
22-02-2005, 05:50 PM
يعطيييج العافيه..:)
والله يعينج على الاساله..:)


بس تعالي اقولج ليش ليشششششششششششششششششششش ماتحبين ميامي.. امبيه هذيل والله روعه.. و احلام حلوه بعد و عادل الماس عجييب لي غنى شويخ من ارض مكناس يا سلام. لا لا بتزعلينيي منج لوول.. :)


زين قوليلي شلوون شايفه القعده على هالكرسي؟؟ مرييح..:) اذا مو مريح بنقول حق اطياف تغيره...:)..

انا والله خلصواا اسالتي.. بس والله انتي ماقصرتي ويعطييج الف عافيه والسمووحه اذيتج وايد.:)

لج مني كل التحيه
الشامخه
23-02-2005, 07:26 AM
هلا فيج أختي كويتيه أسعدني مرورج :)

والله اتمنى تقعدين مكاني وجربين واتشوفين اذا كان مريح ولا لأ ;)

أكيد خلصوا أسألتج ؟؟؟:) الله يعافيج اختي كويتيه وبالعكس أسألتج وأسألت كل الأعضاء كانت حلوه على قلبي :)
اطياف الماضي
23-02-2005, 11:00 AM
تسلمين لي يالغالية على تفاعلك

ومدام اسئلتنا حلوة على قلبك

استلمي ياحلوة

<< ماتنعطى وجه http://www.asmilies.com/smiliespic/happy/121.gif

......................



هل انتي مشاركة في غير منتدى العجمان .. ؟؟

عجمية .. لك معرفة شخصية في احد الاعضاء .. اذا فيه من ؟؟

ماهو المكان الذي تحبين ان تقضين فيه اجازتك ؟؟

منهو الشخص اللي تثق فيه عجمية ؟؟

هل انتي من هواة متابعة الجديد في عالم المرأة ؟؟

وش رايك في بنات اليوم ؟؟

موقف اثر في عجمية منذ الصغر ومازال عالق في ذهنها الى الان ؟؟

ماهي المنطقة اللي زرتيها في السعودية .. ماهو رايك فيها ؟؟

سؤال خاص شوي (( انتي تقولين انك متملكة .. على اي اساس تم اختيارك لشريك حياتك ؟؟ )) اختياريhttp://www.asmilies.com/smiliespic/happy/121.gif

تحيتي http://www.asmilies.com/smiliespic/happy/149.gif
الشامخه
23-02-2005, 12:53 PM
هلا فيج أختي أطياف وحياج الله :)


هل انتي مشاركة في غير منتدى العجمان .. ؟؟

لا

عجمية .. لك معرفة شخصية في احد الاعضاء .. اذا فيه من ؟؟

لا توجد

ماهو المكان الذي تحبين ان تقضين فيه اجازتك ؟؟

أي مكان يكون هاديء

منهو الشخص اللي تثق فيه عجمية ؟؟

كل شخص يكون أهل للثقه

هل انتي من هواة متابعة الجديد في عالم المرأة ؟؟

اكيييييييييد :)

وش رايك في بنات اليوم ؟؟

ما أقدر أعمم بأجابتي فيه وفيه

موقف اثر في عجمية منذ الصغر ومازال عالق في ذهنها الى الان ؟؟

قتلي لقطه عمدا عندما كبرت اثر فيني حيل :(

ماهي المنطقة اللي زرتيها في السعودية .. ماهو رايك فيها ؟؟

زرت الخبر والدمام والجبيل الصناعيه أبها ومكه المكرمه بس :)

سؤال خاص شوي (( انتي تقولين انك متملكة .. على اي اساس تم اختيارك لشريك حياتك ؟؟ )) اختياري

no comment :)

مشكووره أختي أطياف وأتمنى أني جاوبتج على معظم أسألتج :)
مـحمـد
23-02-2005, 02:13 PM
كل الشكر على تجاوبك عجميه ولي الفخر
سؤال يتيم كالعاده : ماهو مجال عملك وطبيعته؟
سياتل
23-02-2005, 03:01 PM
بصراحه ما كنت ناوي اسال قات مسكينه و ذبحوها بالاساله
بس الحين حقدت عليش:mad::mad:
شلون ذبحتي قطوه لا و عمدا:mad::mad::eek::eek:وين جمعية حقوق الحيوان عنش تجهزي,خلاص نويت ابلغ عنش
لا امزح
بس ابي لو سمحتي القصه وبالتفصيل اذا امكن و باي عمر كنتي؟
تاتا
كويتي
23-02-2005, 03:10 PM
يا هلا في الأخت عجميه ولـي الفخــر نور الديوان كله
مو بس الكرســي واسف على التأخيــر توني اشوف
الموضـــــــــــــوع السموحه ,,

وعنــدي لــج سؤال واحد فقط لاغيــــر (حشى شيــك مو سؤال) :)

شنو برجج بــــــــــس ؟؟


تقبــلي تحياتي
كويــــتي
تايه الغربه
23-02-2005, 06:35 PM
هذا انا عدت اختي عجميه ولي الفخر .. ارجو ان تتقبلين اسئلتي بكل رحابة صدر


أين تكمن السوداويه في حياتك ؟ وهل ترضخين لها بسهوله ؟


الكويت ,, ماذا تعنـي لــــــــك .. وماذا ينقصها لكي تكون كما تحبين!


أهم شئ غير مجرى حياتك .. اضاف لها او حوّل بعض مسارها ..!


هل تؤيدين التصفح الخفي ام الظاهر .. ولماذا ؟


هل الكاتب مطالب بأن يبرمج نصوصه وفق فهم القارئ، أم يكتب كما تملي عليه بنات افكاره ؟


هذا وتقبلي اجمل وارق تحيه من اخوك تايــــــــــــه الغربه
مصلح
23-02-2005, 07:45 PM
مسيش بالخير عجميه ولش الفخر.. شلونش؟ بخير ان شاء الله..

اول شي مبروك على الملكه.. والله يوفقش ان شاء الله فيما يحبه ويرضاه..
عندي سؤال صغير مُير(على وزن كلش ملش) :)

لو تقدم لش من هو كفو وصالح شاب في وظيفه زينه ومصلي وخايفن ربه ومحبوب من ربعه وجماعته.. بس اصغر منش بسنتين او ثلاث.. هل تقبلين ؟؟ واذا لا وش الاسباب؟؟( ترا مو قصدي شي من ها السؤال اقسم بالله الا بس اني اعرف وجهة نظرش )

الا ليه اتكملين حضري وما توشوشين مثلنا؟


انتها .. يا الله الله يوفقش ومشكوره على سعة صدرش
كويتيه
23-02-2005, 09:21 PM
عجميه:) انا قعدت على الكرسي وخلصت..:) طافج مو لوول..:)
بعدين لا اهوو صراحه.. ودي اسال بعد وايد.. بس اخاف احرجج من جذي بطلت اسال..:)

اي صج كويتي سال شنو برجج. قوليلناا شنو برجج و هل تامنيين بالابراج ولا لا؟؟؟..


وعلى فكره انا لازم اجيك الكرسي:) و لي طرى على بالي سوال بسال اكيد الاساله عمرهاا ماتخلص:)
السنـــــافية
24-02-2005, 02:22 PM
هلا والله عجميه ولى الفخر

نورتى الكرسى

وعندى لج جم سؤال بس :p

انا لاحظت انه فى بعض الاسئله ماتجاوبين عليها مثل من وين من العجمان شنو سيارتج
,, مع العلم انج على كرسى الاتعراف ؟


1- ليش اخترتى هالنك بالذات ؟
2- شنو يعنى لك النت ؟
3- بنظرج ليش دايم العضو الناجح والمتميز له اعداء بالمنتدى ؟

4- شنو هدفج بالحياه ؟

5- اخر دمعه نزلت من عجميه ولى الفخر وليش ؟

6-من هو العضو الي برأيج يستحق يكون مشرف بالوقت الحالي ؟

7-لو ملكتي العالم لمدة ساعه شنو الشي الي راح تسوينه ؟

8-لو كنتى فى صحراء وفجأه طلع لج الفانوس السحرى وطلع لج المارد قالج اطلبى 3 امنيات شنو تطلب عجميه ولى الفخر ؟

9- شنو شعورج لو تفوزين بمليون دينار ؟ وشنو راح تسوين فيهاا ؟

10-اجمل هديه قدمت لج ؟

11- كلمات شنو رايج فيها ؟

(( الحب , الخياانه , الغدر , الصداقه , الكذب , الامومه , ))

12-بحط لج مواصفات وابيج تحطين كل عضو او مشرف يناسبه الوصف ؟ وبدون مجامله ؟

- عضو / مشرف توقيعه حلو ؟
-عضو /مشرف نشيط ؟
- عضو /مشرف واثق من نفسه ؟
-عضو /مشرف اتمنى التقى به ؟
-عضو /مشرف مثقف ؟
- عضو /مشرف ودج تغرين نكه ؟
- عضو / مشرف ودج تعرفين معنى نكه ؟
- عضو /مشرف تحسين انه شايب ؟
- عضو /مشرف يناسبه لقب طموح ؟
-عضو /مشرف قريب لقلب عجميه ولى الفخر ؟
-عضو /مشرف الكل يلجأ له للمساعده ؟
-عضو /مشرف دمه خفيف ؟

13- مليتى من الاسئله ؟ :p


يعطيج العافيه والله يوفقج انشااءالله فى حياتج
الشامخه
24-02-2005, 11:30 PM
هلا أخوي ALAJMI وحياك الله :)


سؤال يتيم كالعاده : ماهو مجال عملك وطبيعته؟

مجال عملي له علاقه في البيئه وطبيعة عملي هو أخذ القرأت بأجهزه متخصصه في هذا المجال

أشكر مرورك اخوي ALAJMI :)
الشامخه
24-02-2005, 11:39 PM
هلا أخوي سياتل وحيااك الله :)

بس ابي لو سمحتي القصه وبالتفصيل اذا امكن و باي عمر كنتي؟

كنت بالمرحله الابتدائيه يمكن عمري 7 سنين وكانت الساعه 6 صباحا يوم الجمعه وكنا بذاك الوقت اداوم حتى خميس يعني اجازتنا الاسبوعيه بس يوم الجمعه يمكن تذكرون حتى :)

المهم كان صوت القطوه مزعجني حيل :eek: قاعده أقول ألحين بتسكت بس ماكو كل مالها وتزيد :mad: طلعت الحوش وخذيت طاابوقه وفكشت راسها على طووول ماتت :( بس لما درت أمي شنو صاار؟ خذيت زفه محترمه :D بس لما كبرت وكل ما أتذكر هالسالفه قلبي يعورني طبعا وهذي القصه بالكامل أخوي سياتل طبعا ألأحين أموووووووت بالقطاوه حييل يمكن تكفير عن الذنب :)

أخوي سياتل أتمنى جاوبتك على أسالتك وشكرا :)
الشامخه
24-02-2005, 11:42 PM
هلا أخوي كويتي وحيااك الله :)

بالعكس معذوور وحياك الله بأي وقت

شنو برجج بــــــــــس ؟؟

برجي الثور :D


شاكرتلك :)
الشامخه
24-02-2005, 11:52 PM
هلا أخوي تايه الغربه وحيااك الله :)

أين تكمن السوداويه في حياتك ؟ وهل ترضخين لها بسهوله ؟

عندما أفقد شعوري بذاتي .... لا طبعا الانسان يجب أن يكون لين ويقبل التغيير

الكويت ,, ماذا تعنـي لــــــــك .. وماذا ينقصها لكي تكون كما تحبين!

الكويت أهي وجودي وكياني وأتوقع هذا شعور كل كويتي ... المزيد من الأمان والتقدم في كل مجال

أهم شئ غير مجرى حياتك .. اضاف لها او حوّل بعض مسارها ..!

أرتباطي اضاف الكثير لحياتي


هل تؤيدين التصفح الخفي ام الظاهر .. ولماذا ؟

أؤيد التصفح الظاهر ...لأنه التصفح الخفي ما أشوف غير أو يضيف للعضو شيء ما المانع أن كل الأعضاء يعرفون بتواجدك في هذا الوقت

هل الكاتب مطالب بأن يبرمج نصوصه وفق فهم القارئ، أم يكتب كما تملي عليه بنات افكاره ؟

أنا بنظري يكتب كما يشعر الكاتب حرفيا لأنه الكاتب ليس مطالب بأن يقلل من أفكاره أو يغير فيها حتى يجاري القاريء برأيي القاريء يجب أن يرتقي بطريقه تفكيره حتى يصل لفكره الكاتب وبذلك تعود بالفائده الكبرى للقاريء وهي ترقيه وعلي طريقه تفكيره

حيااك الله اخوي تايه الغربه وأـمنى أني جاوبتك على أسألتك :)
الشامخه
24-02-2005, 11:59 PM
هلا أخوي معقل الخبلان وحيااك الله :)

الله يبارك فيك ومشكور على الكلام الي قلته وفال لك اذا كنت بعددك ما تزوجت :)

لو تقدم لش من هو كفو وصالح شاب في وظيفه زينه ومصلي وخايفن ربه ومحبوب من ربعه وجماعته.. بس اصغر منش بسنتين او ثلاث.. هل تقبلين ؟؟ واذا لا وش الاسباب؟؟( ترا مو قصدي شي من ها السؤال اقسم بالله الا بس اني اعرف وجهة نظرش )


لا ما أقبل لأنه بوجهة نظري البنت لازم تكون أصغر من الرجل هذي طبعاا مو قاعده ياما ناس تزوجوا والبنت أكبر ونجح زواجهم .. بس أنا شخصياا لا أقبل لأنه البنت المعروف عنها تكبر أسرع من الرجل فالحلو تكون أهي أصغر منه ..بس الأول والأخير كل شيء قسمه ونصيب من رب العالمين

الا ليه اتكملين حضري وما توشوشين مثلنا؟

:) ما أدري بس أحنا بعايلتنا العجايز بس الي يوشوشوون بس ساعات لما أعصب على خواتي يطلع العرج وأوشوش غصبن علي :)


تسلم اخوي معقل وأشكرك على ذوقك وأتمنى أني جاوبتك على الأسئلتك :)
مخاوي العجمان
25-02-2005, 01:34 AM
عجمية ولي الفخر

بصراحه اشكرك على اجوبتك ولكن عندي ملاحظة على جواب واحد

عندما سأل احد الاخوة سؤال وقال من مثلك الاعلى؟

فأجبتي جدتي

وعلى عيني وراسي جدتك ولكن هناك من هو أولى إنه:

الرسول محمد صلى الله عليه وسلم

وشكراً لكي شفافيتك.
الشامخه
25-02-2005, 09:46 AM
هلا أختي كويتيه وحيااج الله :)

أيه والله طافني بس لو كنت أدري كنت هريتج أسأله :) :)

بس يا الله خيرها بغيرها :)

اي صج كويتي سال شنو برجج. قوليلناا شنو برجج و هل تامنيين بالابراج ولا لا؟؟؟..

برجي جاوبته عند سؤال الأخ الكويتي ..أما اذا كنت أؤمن بالأبراج شوفي ساعات يقولون مواصفات الشخص في هذا البرج وساعات تكون حقيقيه ومتطابقه بنسبه حيل عالييه ... أما الأخباراليوميه لهذا البرج مثلا شنو راح يصير لصاحب برج الثور في هذا اليوم وشنو حظه ما أؤمن فيها كلش .. لأنه ما يعلم الغيب الا الله سبحانه وكذب المنجمون ولو صدقوا

وعلى فكره انا لازم اجيك الكرسي و لي طرى على بالي سوال بسال اكيد الاساله عمرهاا ماتخلص

لا تكفيين لألأ وبعدين الحمد الله صاار أفراج واليوم أخر لي في كرسي الاعتراف :) :) :)

حيااج الله أختي كويتيه وأتمنى أني جاوبتج على أسألتج :)
الشامخه
25-02-2005, 10:15 AM
هلا وغلا أختي السنافيه وحيااج الله :)



انا لاحظت انه فى بعض الاسئله ماتجاوبين عليها مثل من وين من العجمان شنو سيارتج
,, مع العلم انج على كرسى الاتعراف ؟

أختي السنافيه السؤال الي سألتني اختي عجميه ملسونه من وين من العجمان جاوبتها عليها وتقدرين أتجيكين :) ..... أما شنو سيارتج أختي هذا منتدى عاام وصعب أقول شنو سيارتي بس أنا لمحت .. وما أعتقد أني قصرررت في اجوبت الأخوان والخوات :) :)

1- ليش اخترتى هالنك بالذات ؟

أول ما دخلت منتدى العجمان على طوول طرأ في بالي هذا النك يعني ماقعدت أفكر شنو أكتب بالفطره طلع :) :)

2- شنو يعنى لك النت ؟

ولا شيء .. ماهو شيء أساسي بحياتي

3- بنظرج ليش دايم العضو الناجح والمتميز له اعداء بالمنتدى ؟

موبس العضو الناجح له أعداء في المنتدى كل شخص ناجح له أعداء في الحياه .. أما ليش بأعتقادي عدم الثقه بالنفس أهي الي تولد الشعور بالغيره وبالتالي يعادون الشخص الناجح ..وأتمنى هذا الشيء ما ينوجد في منتداانا

4- شنو هدفج بالحياه ؟

كل فتره يجدد هدفي بالحياه .. اما هدفي الي مايتغير هو أرضاء رب العالمين

5- اخر دمعه نزلت من عجميه ولى الفخر وليش ؟

جاوبت على هذا السؤال :) وأعتقد من ضمن أسئله أخوي السلاطين

6-من هو العضو الي برأيج يستحق يكون مشرف بالوقت الحالي ؟

كل عضو يستحق هذا الشيء اهو الي يستااهل

7-لو ملكتي العالم لمدة ساعه شنو الشي الي راح تسوينه ؟

يمدييني أسوي شيء بهالساعه :) ... اول شيء انفذ حكم الأعدام لصداام

8-لو كنتى فى صحراء وفجأه طلع لج الفانوس السحرى وطلع لج المارد قالج اطلبى 3 امنيات شنو تطلب عجميه ولى الفخر ؟

أول شيء يرجعني لأهلي دام أني بصحراء وماعندي أحد :( .. وثااني شيء أطلب أكل يكيفي لا ما أوصل لأهلي .... وثاالث شيء أطلب كراتيين ماء صحه :) ( بس مو من اجاوبتي تتوقعين أني دبه ترى مو متينه :) :) )

9- شنو شعورج لو تفوزين بمليون دينار ؟ وشنو راح تسوين فيهاا ؟

رااح أطير من الفرحه ... أول شيء اتدصق على الأطفاال الفقراء بجميع أنحاء العالم ....واذا بقى أشتري كل شيء كان بخاطري فيه :) ألحين ما أدري شنو الي بخاطري فيه

10-اجمل هديه قدمت لج ؟

خاتم الزواج والفال لج ولكل البنات في المنتدى :)

11- كلمات شنو رايج فيها ؟

(( الحب , الخياانه , الغدر , الصداقه , الكذب , الامومه , ))


الحب : هو الشعور للتواصل

الخياانه : أمكر صفه وأجبن صفه

الغدر: معناته عندي مثل الخياانه

الصداقه : لا توجد هذي الأياام ومعناته اكيد شيء حلو

الكذب : فقدان الثقه بالنفس ومرض

الأمومه : أحلى شيء بالوجود عسى الله يرزقنا وأياكم الذريه الصالحه

12-بحط لج مواصفات وابيج تحطين كل عضو او مشرف يناسبه الوصف ؟ وبدون مجامله ؟

- عضو / مشرف توقيعه حلو ؟

أعتقد أسمه birlliat ما أذكر بس كان توقيعه حيل عاجبني واهو ( عندما أنتهيت من بناء سفينتي جف البحر )

-عضو /مشرف نشيط ؟

- عضو /مشرف واثق من نفسه ؟
المتلقم
-عضو /مشرف اتمنى التقى به ؟
السؤدد
-عضو /مشرف مثقف ؟

وايد ابوحمد ااالشامري

- عضو /مشرف ودج تغرين نكه ؟

عجمي عراقي ما أدري ليش أسمه جذيه

- عضو / مشرف ودج تعرفين معنى نكه ؟


- عضو /مشرف تحسين انه شايب ؟

شاايب حيل ماكو بس بس الي احس انهم أكباار وايد لورنس السلاطين بوتركي

- عضو /مشرف يناسبه لقب طموح ؟

كويتي

-عضو /مشرف قريب لقلب عجميه ولى الفخر ؟

كلكم :)
-عضو /مشرف الكل يلجأ له للمساعده ؟

أنا ما أدري منو الي يلجأله بس أنا لما تواجعني مشكله في عرض احد مواضيعي ألجال الأخ ALAJMI من الداره

-عضو /مشرف دمه خفيف ؟

واييد بس ما أذكر

13- مليتى من الاسئله ؟

لا بالعكس بس أسالتج واييد اكثر وحده أسالتني شنو أطلعين حرتج عااد يوم كنتي انتي بكرسي الأعتراف اسالتي كانت خفيفه يمكن سؤالين أو ثلاث بس :o

بالعكس أضحك معااج حيااج الله أختي االسنافيه وما قصرتي والله يوفقج أنتي بعد بدراستج وبحياتج :)
الشامخه
25-02-2005, 10:22 AM
هلا فيك أخوي مخاوي العجمان وحيااك الله :)


عندما سأل احد الاخوة سؤال وقال من مثلك الاعلى؟

فأجبتي جدتي

وعلى عيني وراسي جدتك ولكن هناك من هو أولى إنه:

الرسول محمد صلى الله عليه وسلم


بدون شك مثلي ومثل كل مسلم ومسلمه الرسول عليه الصلاة والسلام عسى أن نمشي على خطااه ..عندما سألت هذا السؤال كان القصد الي اتوقعه وفهمت وهو مثلي الاعلى بالحياه واللذين عشت معهم ...أما الرسول عليه الصلاة والسلام فهو مثل لكل مسلم ومسلمه والقدوه بالرسول عليه الصلاة والسلام فهو بالفطره ومحبته أيضا .. ولكن كل واحد فينا له مثله الاعلى من بين اهله ان كان والده أو والدته كونه عاش بينهم


أشكرك أخوي مخاوي العجمان على المرور والتعليق وأتمنى أني وضحت القصد وحيااك الله :)
السنـــــافية
25-02-2005, 02:22 PM
لا بالعكس بس أسالتج واييد اكثر وحده أسالتني شنو أطلعين حرتج عااد يوم كنتي انتي بكرسي الأعتراف اسالتي كانت خفيفه يمكن سؤالين أو ثلاث بس


لووووووووووووول


مادرى عجميه ولى الفخر يمدينى اسأل بعد ولألأأ:p

عالعموم تسلمين على اجوبتج وروحج الحلوه

تحياتى لج
الشامخه
25-02-2005, 04:54 PM
لا ما يمدي راحت علييج اليوم أفراج لي خلاص :) :) :)
مـحمـد
25-02-2005, 05:09 PM
كل الشكر على تجاوبك مع الجميع
والسؤال الاخير بما انه اليوم الجمعه من تختاري بعدك ليجلس على كرسي الاعتراف علما بانه توجد قائمه فيها جميع الاعضاء اللذين جلسو على كرسي الاعتراف بامكانك الاطلاع عليه
مواضيع كرسي الاعتراف (http://www.alajman.net/vb/showthread.php?s=&threadid=5210/)
الشامخه
25-02-2005, 07:28 PM
هلا اخوي ALAJMI اخترت الأخ السلاطين وان شاء ما اكون احرجته :)

لك كل الشكر اخوي على الرابط :)
اطياف الماضي
26-02-2005, 02:23 AM
اما سالفة القطوووووووة

هههههههههههههههههههه اثاريك مجرمة

لوووووووووووووووووووول

................

واخيــــــــــراً

عزيزتي

اسعدنا حضورك الرائع وتجاوبك الجميل مع اسئلة اعضائنا الكرام ..

وسعدنا بمعرفة ضيفتنا الغالية

لك غاليتي

اصدق الدعوات والامنيات بحياة سعيدة وهانئة

ونتمنى لك التوفيق اينما حللت

نشكر لك اختيارك الرائع

تقبلي اجمل تحية
مخاوي العجمان
26-02-2005, 08:11 PM
يعطيكي العافية على الرد يا مهندستنا