مشاهدة النسخة كاملة : راعـي الـعـشـوة عـلـى كـرسـي الأعـتـراف ....
السلام عليكم ورحمة الله وبركاته
أول شي أعتذر من اخي راعي العشوة وباقي الأعضاء على التاخر في الرد
وان شاء الله يستمر الموضوع وتكون مدته تقريباً اسبوع نسئل العضو المختار
وبما ان ( حلوه بما ان تحسون اني مثقف :D ) اللي طرح الموضوع راعي العشوة
بعد اذنكم نستضيفه الاسبوع هذا وان شاء الله تكون اسئلتكم له خفيفه
( لا تصدقون تولوه باالاسئله ;) ) ويكون بعد هو صريح معنا مثل ماتعودنى منه .
ومثل ماحنا عارفين في بداية اعترافه لنا يعرفنا بنفسه يعني اسمه وعمره
وحالته الاجتماعيه ( يمكن نلقى له بنت نخطبها له :p ) ووظيفته .
اتمن من أخواااني وخواااتي يتفاعلون مع الموضوع والضيف والضيوف القادمين .
راعي العشوه ( جاك الموت ياتارك الصلاة )
كـووول
اليامي
09-03-2004, 09:28 PM
هههههههههههههههه
ودك ابرد خاطرك يا كووووووول
والله ان فيه خخخخخخخخخخخخاي
بكره نتفاهم انسق الاسئله
وارتبها واستلمه
تحياتي
ابشــــــــــــــــــــــــر يا كول
سؤالي للاخ راعي العشوة
شنو معناة اسمك وليش اخترته ؟!!! وبالتفصيل الله لا يهينك << تراها غشيمه :)
السلاااام عليكم ورحمة الله وبركاااته
تسلم اخي اليااامي ايه ولم الاسئله له وخل منها شووي مره ثااانيه :D
تبشرين بالجنه عزوووف ان شاء الله هذا السؤل مو شي ولمي بعد لو سمحتي :p
تسلمووووون على مروووركم والله يعطيكم العاافيه
(صورة واحد يشبح يمين ويشبح يسار يدور راعي العشوة )
كـووول
كويتيه
10-03-2004, 12:00 AM
اوكي راعي العشوه مستعد لاساله??..
بسالك اساله خفيفه عشان اعرف لاعضاء الباجين بيهدون حيلك..
1. شنو طموحك...
2. لون تحب تلبسه
3. هل انت انسان عصبي
4. تاريخ لايمكن تنساه
راعي العشوه
10-03-2004, 12:57 AM
بسم الله الرحمن الرحيم
والصلاة على اشرف المرسلين
اولا اشكرك عزيزي كول على هالمقدمه الطيبه
والتهديد والوعيد (والله مت من الضحك وانا اقرى فضحتنا على الهوا :) )
ثانيا اشكرك على استضافتي لهذا الاسبوع
وأتمنى ان اكون ضيفا خفيفا عليكم وتكونون خفيفين علي بالاسئله :P
لا أخذوا راحتكم و أعدكم بالصراحه كثر ما اقدر ;)
ونبدأ بالأسئله
أما سؤال المذيع العزيز كول
الأسم :- عبدالرحمن الحذران
العمر :- 23 ربيعا (ترا لو خريفا كان اصغر)
البلد :- الكويت
الوظيف:- شركة البترول
الحاله الاجتماعيه :-أعزب
أما بخصوص المتصله عزوف :)
فأسمي
راعي = مالك
العشوة = أسم لناقة جدي
وكان مشهورا بها ومن يسأل عنه سوف يعرف أسمه وسبب التسميه
أما العزيز اليامي
<<--- يعني مظبطه بالكلام عشان ما يزلغني بالأسئله :)
فأنتظر أسئلتك بفارغ الصبر
واخيرا وليس أخرا
مع كويتيه
طموحي : - بلاوي :)
لكن عسى الله أن يجمع امت الاسلام اجمعين ويرجع لنا القدس وكامل فلسطين
والباقي ماتكفيه منتديات :D
لون تحب تلبسه
الازرق
هل أنت انسان عصبي
ههههههههههههههههههههههههههه <<-- كذا كافي ؟
انا اكثر واحد يضحك
ولا اعصب إلا إذا كان الأمر يستحق
((إتق شر الحليم إذا غضب))
نغزه عشان ماتكثرون الأسئله :P
تاريخ لايمكن تنساه
31/1 وبدون ليش
شاكر لكم اسئلتكم
واتمنى يكون شرحي وافي وكافي
والمايك للأعضاء والعزيز كول
لكم تحياتي وإحتراماتي
أخوكـــــــــــــــــــــم
راعي العشوة
الوطن
10-03-2004, 01:12 AM
اهلا اخى
راعى العشوة
سؤااالى
الى اى قبيلة تنتمى لها
راعي العشوه
10-03-2004, 01:18 AM
اهلين بالعزيزه
كيفي هاجريه
هلا ببنت محلف ;)
ربعي ضنا مرزوق بالعسر واللين%%%لطامة اللي عليهم يزومي
يعني عجمي وربي الله
وشاكر لش مرورش الكريم وسؤالش الخفيف اللطيف
لكم تحياتي وإحتراماتي
أخوكـــــــــــــــــــــم
راعي العشوة
الوطن
10-03-2004, 01:28 AM
هلا والله فيك اخوى
راعى العشوة
وكفوا العجمان على حله والله
بس تقول عجمى وربى الله
يعنو شنو اكيد ربك الله
ضحكتنى
اجل حنا منو ربنا يا الهواجر
السلام عليكم ورحمة الله وبركااااته
أشكرك راعي العشوة على تجاوبك مع أسئلة الأخوان والأخوات وسعة صدرك
معنا .
الله يعطيك طولة العمر والصحه والعافيه ان شاء الله .
لو سمحت عندي كذا سؤال اتمنى انك تجاوب عليها :
شلون دريت عن منتدى العجمان وكيف كان شعورك وهل توقعت انه بالشكل
هذا ؟
ماهو الشي المميز في منتدى العجمان عن باقي المنتديات الثانيه ؟(لازم تمدح ;)
ماهو الديوان المفضل لراعي العشوة في ديوان العجمان؟ وماهي الاسباب ؟
لي عوده ان شاء الله مره ثانيه واسئله ثانيه :D
كـووول
كويتيه
10-03-2004, 03:20 AM
العمر كله يا راعي.. واخيرا فهمت معنى نكك:)....
و يعطيك العافيه على الاجوبه:)..
ويالله نططر اساله باجي الاعضاء
لك تحياتي
فيصل بن حجرف
10-03-2004, 03:42 AM
السلام عليكم
يعطيكم العافيه اخواني على الموضوع الجميل
واليوم بسأل اخوي راعي العشوه كم سؤال خفاف على القلب
كم عمرك؟
ومتى اول مره شاركت في منتديات؟
وكم ساعه تشبك في اليوم؟ يعني هل تعتبر نفسك من مدمنين النت ولا لا؟
واخر سؤال لي شنو اكثر قسم في منتدى العجمان يشدك اكثر؟
تحياتي
السلام عليكم ورحمة الله وبركاته
استاذي الفاضل
كول
شكرا لك
هذا التقديم
الرائع لبرنامجك
كرسي الاعتراف والذي
من خلال وجهة ندائك لكافة
الأعضاء بطرح أشد وأقوى الأسئله
للمتهم الماثل امامنا :D والذي يركن
في قفص الاتهام معترفا بكل
صراحه ومن دون قيد او
شرط وعليه ان يمتثل
لأسئلتنا ويجيب
والا سيكون
الرادع
قوي
:D :D :D
شاكر لك استاذي
تحملك لنا كثرة هذرتنا
على غير داعي محاولين
استضراف انفسنا لعل
وعسى يقال دمه
خفيف وشربات
لاهنت الغالي
وابشر بعزك
والاسئله
الطيبه
الأخ الغالي
راعي العشوه
مرحبا مليون ولايكفون
<<<<< مامليت من وجهه وترحب بعد
ياحي الله عبدالرحمن وشلونك
بصراحه لا أجد سؤالا مناسبا
كي اطرحه لاني لايخفيني
عنك شئ الا ماتيسر
من الامور والتي
لاتعني لي شئ
ولكن طالما
وضع الكرسي
ووجبت المشاركه
أود في البدايه ان اتقدم
بأقتراح وهذا متعارف عليه
في أغلب المنتديات وأنت أخذت
البعض منه وتركت البعض الاخر كأنه
ليس من صلب الموضوع أني أرى من خلال
وجهة نظري المتواضعه أن يتم الأستجواب كالأتي
الأسبوع الذي يتم به أستضافة عضو عند نهاية اللقاء
يقوم بأختيار عضوه وعند أنتهاء أسبوع أستضافة
العضوه تحتار عضو وعليه يكون الاستجواب أسبوعيا
أسبوع عضو وأسبوع عضوه وللعلم هذا الأمر متعارف
عليه في أغلب منتديات التي شاركنا بها وليس بها
أي أختلاف سوا الأمر اليسير جدا أن وجد هذا
بخصوص اقتراحي المتواضع ولكم الراي بما
ترونه مناسبا للرقي بهذا الموضوع
والأستفاده منه الفائده المرجوه
لطرحه بيننا كأعضاء نتجاذب
اطراف الاحاديث الوديه
وكسب التعارف
وهي احد أهم
أهداف شبكة
العجمان نت
وبالتوفيق
أما أسألتي
فهي كالأتي
س 1 / كيف ترى أزمة المياه التي اثارة الراي العام الكويتي ؟ وماهي وجهة
نظرك بالحلول وكيف تعتقد استغلالها في الشارع السياسي من خلال مجلس
الامه وماهو صداها ؟
لا ياحبيبي تو الناس :D
محد قالك تحط
هالموضوع
نهيتك :confused:
عناد
هاه
خله ينفعك ;)
لول <<<< هو شقومه قام يتبلى
<<<< آخر روقان متقعد للموضوع ومتخيل نفسه محقق :cool:
س 2 / بعد النتائج الهابطه للمنتخب الكويتي وكونك رياضي من الطراز الأول
وبعد أستلام حبيبك أحمد اليوسف مهام رئيس الأتحاد الكويتي لكرة القدم
فما هي توقعاتك لمستقبل الكره الكويتيه بقيادة بو تركي ( حبيبك ) :D
وهل من الممكن ان نصل لكأس العالم ؟ ولو حدث هل من الممكن ان ننافس ؟
وماهي افضل نتيجه تتوقعها لأذيرق عفوا خطأ مطبعي يكرم من قراه
المقصود هو أزيرق ؟!؟! وهل وجدوا عصى أحمد الفهد السحريه ؟ وأين ؟
س 3 / هذا السؤال أختياري ماهو أسم أمك ؟ :D :) :D :)
أكتفي بهذا القدر من الأساله
وقد يكون للحديث بقيه
في حال لم تعجبني
ردود ولد عمي
قصدي ولد
خالتي
ملاحظه هامه /
بما انك مقدم البرنامج الأصلي <<<< عرفته ؟ :D أعتذر عن المشاركه
كضيف لهذا البرنامج قناعه شخصيه ولكم جزيل الشكر لتفهمكم
كلمه اخير /
كوول
والله فتني انت ولا كان لي بالغ الشرف بطرح اسالتي المتواضعه
كي نستفيد منك استاذي الفاضل
لكم اعطر وارق
التحايا
بخـــــــــــوت
10-03-2004, 04:06 AM
شكر على المو ضوع كوول
س سؤال هل سبق ان اخوذت نااقتكم العشوة من جدك وقام بستردادها اذكر ذلك با التفصيل مع التعليل ؟:D وما اسم المعركه ان وجدت :D ؟
تحياتي بخوت
الجـــــــــادل
10-03-2004, 08:33 AM
لاهنت اخي كوول وكانت مقاابله حلووو ماني ساله علشاان ما كثر عليه
بس بقوول وين توقيعك مختفي
يا ويلك من الله يا العجمان هذي اسئله :confused: هذا تحقيـــــــق بصراحه الله يعينك يا راعي العشوه
وشاكره لك اجابتك على سؤالي :)
راعي العشوه
10-03-2004, 02:59 PM
اشكركم كلكم على هالأسئله الحلوه
ونبدأ ب كيفي هاجريه
واشكرها على تعقيبها
أما بخصوص رب الهواجر
فهو الله اللذي لاإله إلا هو
(بتوهقيني يعني :P )
لكم تحياتي وإحتراماتي
أخوكـــــــــــــــــــــم
راعي العشوة
راعي العشوه
10-03-2004, 03:01 PM
مذيعي وعزيزي
Cool
بخصوص المنتدى عرفته عن طريق
شخص لم يسجل حتى الآن :)
وأما ما يميزه عن غيره فيكفيني
اسمه والناس الطيبين اللي فيه
والديوان اللي يعجبني اكثر
يمكن العام والترفيهي
وبدون اسباب :)
ومنتظر عودتك
لكم تحياتي وإحتراماتي
أخوكـــــــــــــــــــــم
راعي العشوة
راعي العشوه
10-03-2004, 03:02 PM
مشكوره عزيزتي
كويتية
على التعقيب
والمرور الكريم
ويسعدني اني سهلت
الموضوع وعرفتي معنى التوقيع
لكم تحياتي وإحتراماتي
أخوكـــــــــــــــــــــم
راعي العشوة
راعي العشوه
10-03-2004, 03:04 PM
يا مرحبا بالغالي
بوعبدالله
عمري جاوبته بأول اللقاء
ماني قايله عشان تعيد الشريط من الاول
ولا تنتظر الأعاده :D
واول مره ادش منتدى من زمان وكان منتدى الازرق
ايام كاس الخليج او تصفيات بس شنو بالضبط ما اذكر
الوكاد انها من فتره
وبخصوص النت انا مدمن بس على خفيف :)
والساعات مره دقايق ومرات ايام على حسب المزاج :)
والمنتدى جاوب عليه ايضا باول الحلقه :D
لكم تحياتي وإحتراماتي
أخوكـــــــــــــــــــــم
راعي العشوة
راعي العشوه
10-03-2004, 03:07 PM
هلا وغلا والله في ولد عمي :)
((ترا ولد عمي صدق مو بالنت ولا بالاسم))
يا حيا الله ولد خالتي
((ايضا نفس الكلام السابق)) :)
اما بخصوص مشكلة الماء بالكويت فاقول حسافة التنكر اللي
انباع قبل المشكله بأسبوع :D :D :D :D
الظاهر اللي خذاه عارف السالفه :P
وانشا الله ان الحكومه ابخص وبتقدر تحل المشكله
أما بخصوص المنتخب
أأأأأأأأأأأأأأأأأأأأأأأأأأأأأه
<<------ قلبه متروسه :)
دام بوتركي (حبيبي جعل العافيه ماتحبه) :D
مستلم الأتحاد فأتوقع حتى كأس الخليج لن نتأهل له
((ادري ماله تصفيات بس اعطيك مثال على سوء المستوى))
وأما بخصوص الحلول
فأولها ان يزاح احمد اليوسف وشليلته عن المنتخب
ويوضع الرجل المناسب في المكان المناسب
ويؤخذ موضوع الاحتراف بعين الاعتبار
والبدأ في التخطيط له تخطيطا سليما صحيحا
وأن تزل الواسطه والمحسوبيه في اختيار لاعبين المنتخب
واخيرا ان يتم اسناد المهمه لمدرب ذو كفائه عاليه
لفتره طويله حتى يبني فريقا كاملا
ولكن أعلم اننا نتكلم ونشجب ونستنكر ونصرخ
و (عمك اصمخ)
والشكوى لله
واما بخصوص العصى :|
لي اللحين ما لقوها :P
<<--- رقعها ;)
واذا تبي أسم امي
اسأل اللي عندك بالبيت
ويعلمونك :D
لكم تحياتي وإحتراماتي
أخوكـــــــــــــــــــــم
راعي العشوة
راعي العشوه
10-03-2004, 03:13 PM
مشكوره يا بخوت
على هالسؤال
والناقه لها سالفه
وسوالف لكن بذكرها انشا الله
مع الوقت بديوان تاريخ العجمان
وانشا الله عذريني وتنتظرين الموضوع
لكم تحياتي وإحتراماتي
أخوكـــــــــــــــــــــم
راعي العشوة
راعي العشوه
10-03-2004, 03:16 PM
عزيزتي
الجادل
(بصراحه انا طول هالمده عبالي رجال )
:D
يكفيني هذا المرور الكريم
واذا كان السؤال عن توقيعي
انا فأعتقد الآن انه واضح
لأني غيرت الرابط وانشا الله طلع معاكم ;)
او شوفيه هنا
http://www.alajman.net/vb/uploaded/ra3i.jpg
لكم تحياتي وإحتراماتي
أخوكـــــــــــــــــــــم
راعي العشوة
راعي العشوه
10-03-2004, 03:19 PM
مشكوره عزيزتي
عزوف
على التعاطف الطيب
اللي شجعني اكثر
وحسسني ان فيه احد
يطالع البرنامج ;)
وشفتي العجمان شسوا فيني ؟
هذا وانا ولد عمه :(
واذا على السؤال حاظر
ولو تبين اجاوب على
وسيلة كامله ماعندي مانع :d
لكم تحياتي وإحتراماتي
أخوكـــــــــــــــــــــم
راعي العشوة
راعي العشوه
10-03-2004, 03:25 PM
اقترح العزيز
العجمان
ان يكون الضيف القادم بنت
بصراحه انا اؤيد هذا الرأي
وبيني وبينك انا في بالي
انها بنت وراح اختار
أحلى وحده من بنات المنتدى
((ادري اللحين كل البنات يقولون يارب انا ))
:D :D :D :D
لا بصراحه
راح اختار اكثر وحده تشارك وياي
بالموضوع هذا ;)
<<---- ترا والله البنت في راسه من زمان :)
وانا عندي اقتراح للاخ ابو عبدالله
اذا استمر هذا الموضوع انشا الله
اتمنى يتم فتح جزء خااص بديوان الضيافه
وتوضع فيه كل اللقاءات اللي صارت
واللي بتصير إنشا الله حتى يكون
مرجع لنا ولمن يسجل في الايام القادمه
وهذا اقتراح إن عجبكم كان بها
وإن لم يعجبكم فهو مجرد إجتهاد
لكم تحياتي وإحتراماتي
أخوكـــــــــــــــــــــم
راعي العشوة
السلام عليكم ورحمة الله وبركااااته
<<<<<<<<<<<<<<<<<< :D :D مبسوووط مره بس ان شاء الله تجي باقي
الاسئله ( اليامي طالب اسئله خصيصاً لك :p )
مشكووورين على مروووروك واسئلتكم على اخي رااااعي العشوة .
كويتيه تسلمين على اسئلتش واهم شي انش فهمتي معنى اسمه . كان فيه
اسئله ثانيه عااادي ترى يكون افضل :) .
Alajman ابو عبد الله تسلم على تشجيعك واسئلتك الخفيفه بس ياليت تكثر منها:D
al3jman مرحبا ومقربي اخي وتسلم على اسئلتك لولد عمك وولد خالتك ;) وزانت
الحين يعني بنسئله عن سوالفك القديمه انت وياه :D .
الشرف لي اخي على مرورك ومشاركتك وشوفتك اسمك تسوى شي واجد وان
كان فيه خاطرك شي اسئل راااعي العشوة مره ثانيه :D
تسلمين بخوووت والله يعطيش العااافيه وترى راااعي العشوة ماجاوب على
سؤالش (( يعني تقدرين تسئلين غيره خمس اسئله )) :)
مشكوووره الجاااادل على زيااارتش وان كااان في خاااطرش سؤال اسئلي
ترى الاسبوع الجاي دور بنت يعني بيذبحونكم بالاسئله العوال :p
عزوووف تحسن العلااااقه تدري ان الاسبوع الجاي الدور على بنت وذلت :p
مشكوووره على مرورش مره ثاااانيه عزووف .
تسلم اخي راااعي العشوة على سعة صدرك علي وعلى باقي الاعضاء وهذا
معروف عنك والله يديمه عليك وعلينا .
ننتظر باااقي الاعضاء واسئلتهم ان شاء الله تكون خفيفه على اخينا .
كـووول
admin
10-03-2004, 06:46 PM
بصراحه شي حلو والله يعطيكم العافيه
وانا ماعندي اسأله بس حبيت اتصفح هالموضوع واعتقد al3jman كفى ووفى في الاسأله
فأنا ادور السلامه من هالكرسي ولكن احب بس الاستطلاع
ومشكور يا راعي العشوه علي رحابة صدرك للاخوه الاعضاء
والله يساعدك علي بعض الناس ;)
اليامي
10-03-2004, 10:02 PM
يا كوووووووول
لا تستعجل
الحين كاتب 50 سؤال
ودي اضيف عليها كم سؤال
واجيبها انشاء الله بكره
خخخخخخخخخخخخخخخاي
طار عقله راعي العشوه
ههههههههههههههههاي
تراني ما امزح صدق
وانتظروني بكره
تحياتي
فيصل بن حجرف
10-03-2004, 10:17 PM
السلام عليكم
اقتراح جميل اخوي راعي العشوة
وانشالله راح نحطه بالاعتبار بس خلنا نشووف منو بيجيه الدور اول شي
وسوؤالي لك من اللي راح تختاره للكرسي بعد مايخلص دورك؟
وماهو السبب؟
تحياتي
الوطن
11-03-2004, 12:16 AM
اقتراح كويس
راعى العشوة
وبانتظار كل جديد يميز هذا المنتدى
<<===== مدرى ليش متحمسه للمنتدى
السلااااام عليكم ورحمة الله وبركاااته
مشكووور ابو فيصل على مرووورك والظااهر ان دوورك قريب على الكرسي:D
يعني اسئل اليوم قبل ماتنسئل بكره ;) .
الياااامي 50 سؤال :confused: عز الله اللي رااح فيهااا رااعي العشووة
نحتري اسئلتك اخي .
تسلم ابو عبد الله على زيااارتك مره ثااانيه وسؤالك .
كيفي هااجريه ان شاء الله الدور جاااي عليش او احد من البنااات :p
لا عاد تسئلون راعي العشوة اسئله كثيره ترى صار مسئول يعني بروح فيها
خففو عليه الاسئله :D
ننتظر راااعي العشووة والاجوبه اللي معه .
كـووول
غــــــــــزلان
11-03-2004, 08:18 AM
السلام عليكم والرحمة
أحب هذه النوعيه من المشاركات الخفيفة
يعطيك العافية أختي العزيزة COOL وعساك على القوة
أما الاخ الكريم راعي العشية
أختيارك في الأسم رائع والارع معنى أسمك (( مالك أبل جدك )) الله ما أروع الأصالة
تحياتي لك ولردودك التي أستمتعنى بها
وسؤالي : ماذا تعني لك هذه الأبل؟؟
وآخر دعوانا أن الحمد لله رب العالمين
admin
11-03-2004, 08:35 AM
لا ياكول ترى من شروط كرسي الاعتراف ما تنسأل الادارة :D
راعي العشوا وش شعورك بعد ماصرت مشرف ؟
وشنو الديوان اللي كان ودك انك تكون مشرف عليه ؟
عدنا
من جديد
اول شي بقول
سبب العوده هذي
غزلان جابت فينا العيد
راعي العشية
ياكبرها عند الله :D
وهذاك اليوم وحده تقولي
راعي الشعوه <<<< الله من فرق
بين شعوه والعشوا وتكرم العشوا منها
والحاضرين واما السبب الاخر فهو
لشكر اخي كول على حسن استقباله
لاتصالات المعجبين ونقلها للضيف
الموهق جدا حسب ماصرح
بذلك في محطة ابناء
القبيله بقوله بلشت
بعمري <<< طوف
المراد طالت
عماركم
ولاهنتوا
على جهودكم
وننتظر المزيد من
الاسئله التوهيقيه
للمتوهق جدا جدا
ولي عوده بعد
تنسيق عدد
من الاسئله
أعطر تحيه
السلام عليكم
الغاء اقتراح
انا دخلتي هذي
بعد مقرات رد الاخ الفاضل
ابو فيصل وتهربه من مسؤلياته
وعليه انا الغي الاقتراح المقدم من قبلي
بطرح الموضوع اسبوعيا بين عضو وعضوه
واستبدله يكون ثلاث اعضاء ومن ثم ثلاث عضوات
<<<<<<< يبي له شي شنو عاد ؟ المهم ولمن يخلص
راعي العشوه من التحقيق يختار ابو فيصل لانه هو المتحدث
الرسمي باسم الاداره ويجب ان نعرف منه الكثير من الامور
المهم ان وافقتوا كان بها وان ماوافقتوا علمني
من هي العضوه اللي بتختارها عشان ازهمها
تحط ابو فيصل في الاعتراف الجاي
وهيا بنا نهتف بصوت واحد
ابو فيصل ياشفي
غيرك مانبي
تحياتي
اليامي
11-03-2004, 10:50 AM
السلام عليكم ورحمة الله وبركاته
الله بالخير يالربع
اخباركم وعلومكم
انا جاي اطرح كم سؤال
للأخ راعي العشوه
اشياء بسيطه لا تخاف
ترى كنت امزح ماهي ب50 سؤال
مجرد 3 اسئله
السؤال الاول :
1) - انت موظف ولا طالب ولا اش قصتك ؟
2) ماهي نوع الفاكهة التي تفضلها ؟؟
3) اي الالوان تفضل؟؟
4) ماهي هوايتك؟
5)اي نوع من الكتب تحب أن تقرأ؟
6)ماهي افضل قصه قراتها؟
7)ما نوع الافلام او المسلسلات التي تستهويك؟
8) متى اخر مره سافرت ؟والى اين ؟
9) تحب الخواطر او لا ؟
10) لو عندك وردة بتهديها لمن؟
====================================
انتهى السؤال الاول....
====================================
السؤال الثاني:
1) لمن تقول هذه الكلمات ....
الله يسامحك.........؟
شكرا"..............؟
اشتقت اليك........؟
لماذا ..............؟
2) متى اخر هدية استلمتها وبمناسبة ايش؟
3) متى اخر مره رحت السينما؟
(هذا السؤال اذا كنت غير سعودي )
(او كنت خارج السعوديه )
4)ماهو ترتيبك بين اخوانك ؟
5) اذا كان لديك اخوان اكبر منك
هل هم طايحين فيك طلبات؟؟
6) لو عطيتك ريال وش بتشتري فيه ؟
7) لو كان عندك مصباح علاء الدين الحين ... اش بتطلب من المارد ؟
8) لو أنا قدامك الحين اش بتسوين فيني ؟
(جاوب على ذا السؤال زين علشام ما اكثر اسئله)
9) تعرف تطبخ ؟؟ خخخخ واي طبخه ؟؟
10) هل بنظرك هذى العبارة صحيحه( الزواج مقبرة الحب)؟
11) ماذا تفضل--زواج الحب او الزواج العادى؟
12) من من الاعضاء تنتظر مواضيعهم بشغف؟
======================================
انتهى السؤال الثاني
======================================
السؤال الثالث :
1) وشرايك اكمل الاسئله ولا انسم وارتاح ؟
2) ماهو شعورك وانت ترد علي ؟
3) يقولك الحقد ما يصلح بين الناس ! وش رايك؟
والبقيه على كيف الخ راعي العشوه
وده اكمل كملت وده لتوقف وقفت
===============================
والمعذره اني ما قدرت اقدم المطلوب
من الاسئله
تحياتي
الــــــــيـــــــامـــــــــــي
راعي العشوه
11-03-2004, 04:54 PM
شكرا يا مذيعي العزيز
على مرورك واسمحلي اقرأ الفاكسات
من الاخوان وارد عليها :)
لكم تحياتي وإحتراماتي
أخوكـــــــــــــــــــــم
راعي العشوة
راعي العشوه
11-03-2004, 04:58 PM
هذي 3 فاكسات جميله من
ابو فيصل
وابوعبدالله
وكيفي هاجريه
ابو فيصل اشكر لك مرورك الكريم
ومصيرك قاعد على الكرسي
انا وانتى والايام وهذي الحياه قدام :)
ابو عبدالله
اسعدني مرورك مره اخرى
و كل شي في وقته حلو ;)
كيفي هاجريه
صرتي قهوه من كثر ماتحمستي :D
مشكوره على مرورش والفال لش :D
والشكر موصول للمذيع العزيز على ردوده
لكم تحياتي وإحتراماتي
أخوكـــــــــــــــــــــم
راعي العشوة
راعي العشوه
11-03-2004, 05:05 PM
هههههههه
عزيزتي غزلان
فيه غلطه عندش
مدري غلطه مطبعيه او فكريه
انا اسمي راعي العشوا
مو راعي العشيه
العشيه عكس الصبحيه :)
اما ما تعنيه لي الابل
فتكفيني قصيدة الشاعر الكبير خلف بن هذال
http://www.abyat.com/open.php?uid=11&id=117
لكم تحياتي وإحتراماتي
أخوكـــــــــــــــــــــم
راعي العشوة
راعي العشوه
11-03-2004, 05:21 PM
يا مرحبا يا ابو فيصل
والله هالشي اسعدني وشرفني
والديوان انا كنت مخير مو مسير فيه
بس انا لو متذكر موضوع كرسي الاعتراف
كان خذيت ديوان الضيافه عشان سكر الموضوع :D
لكم تحياتي وإحتراماتي
أخوكـــــــــــــــــــــم
راعي العشوة
راعي العشوه
11-03-2004, 05:23 PM
يا مرحبا يا العجمان
هي من ناحية جابت العيد جابته :)
ومشكور على مرورك الكريم
والبنت اللي باختاره هي
(----)
عرفتها :d
لكم تحياتي وإحتراماتي
أخوكـــــــــــــــــــــم
راعي العشوة
راعي العشوه
11-03-2004, 05:43 PM
اهلا عزيز اليامي
ويا هلا بالحامل والمحمول :)
إجابة السؤال الاول
1-انا موظف و حكايتي حكايه
2-انا احب الجبن جـــــــــده :d
احب التفاح والموز ;)
3-الازرق - الابيض
4-كرة القدم - السباحه - ركوب الخيل - الانترنت
5-كتب السيره او التاريخ
6-قديمه اذكر انها لاجاثانا كريسي بس نسيت اسم القصه
7-الاكشن
8-قبل شهر لجويات كنت مصيف في جويات الهمل :)
9-لا ولا اعرفها هي وشهي :)
10-للمنتدى ومن فيه
إجابة السؤال الثاني
1-الله يسامحك ..... لشخص عزيز علي طعني من الخلف (طبعا طعني بحركه ولا كان لعنت والديه :d)
*شكرا ... لمن لهو فضل علي وعلمني شيء في هذه الدنيا
واخرهم بوعبدالله على ترقيتي :)
*اشتقت لك ....... شخص عرفته بنت مده طويله وغاب فجأه منذ اكثر من سنه
وإلى الآن لا اعفر عنه شيء
*لماذا ........ لماذا تسأل مثل هذه الاسئله وتقلب المواجع يا اليامي :D
2- اخر هديه كانت عطر بس ليش ما اذكر :)
3-الاسبوع الماضي فلم الشرطي المخدوع
4-امتنع عن الاجابه :)
5- لا لأن فيه اصغر مني :)
6-انت عطني أول ويصير خير :)
7-يطلع لي سياره من تحت الأرض تعبت وانا ادور :)
8-احب خشمك ;)
9-اووووووووف لا تذوق الماي اللي انا اسويه
أحلى من طعم شط العرب :D
بيض وطماط ولي اللحين مو ضابطه معاي :)
10 /11 - لا الزواج هو اساس الحب والحب اللي يأتي قبل الزواج في الغالب
ينتهي بعد الزواج واللي يجي بسرعه يروح بسرعه ;)
12-اكثر من شخص وبدون تحديد عشان ما انسى احد ;)
إجابة السؤال الثالث
1- انت ابوها وسمها طال عمرك اللي ودك
2-منبسط على الآخر :)
3-الحقد هو اللي اخرج ابلييس من رحمة الله
(اعتقد وافي الجواب ) :D
وان كان الشور لي اخذ
راحتك تره بكره يجي لك يوم ;)
لكم تحياتي وإحتراماتي
أخوكـــــــــــــــــــــم
راعي العشوة
كويتيه
11-03-2004, 08:31 PM
اجوبتك رووعه ياراعي العشوه...
بس هذي عجبتني..
دام بوتركي (حبيبي جعل العافيه ماتحبه) lool
بس والله ماشالله الاعضاء قضوا عليك بالاساله بس ماشالله قدها وقدود
اليامي
12-03-2004, 04:46 PM
لا هنت يا راعي العشوه
ترى الاسئله كنت مظغوط
من قبل كم عضو يراسلون ويكلمون
لين نزلتها والمعذره <<<< شاف انه زلق بالكرسي
على العموم كانت اجوبتك وافيه وانا اخوك
ما شاء الله عليك
تحياتي
السلاااام عليكم ورحمة الله وبركاااته
أحب اشكر جميع الأخواااان اللي سئلو اخي راااعي العشوة وعلى تفاااعلهم
واسئلتهم الخفيفه .
غـــزلان تسلمين على مرووورش وعلى سؤالش لرااعي العشوة وان شاء الله
نشووف منش اسئله ثاانيه او ترى الدور على البنااات يعني يمكن انتي تنسئلين .
ابو فيصل المدير الغااالي لو سمحت مافيه استثناء وان شاء الله دووورك قريب
لان فيه اعضاء عندهم اسئله كثيره وشكاوي لكم وان شاء الله نشوفك قريب
على الكرسي .
al3jman مشكوور اخي على زيااارتك مره ثااانيه وعلى اقترااحك الجديد بس ان
شاء الله دورك قريب مع اليااامي العين عليكم .
حبيبي الياااامي تسلم ولا هنت الغاالي على الثلااث اسئله الخفيفه وعز الله انها
خفيفه . مشكوور على مروورك اخي .
تسلمين كوويتيه على زيااارتش مره ثاانيه ولا هنتي .
اشكر اخي رااعي العشوة على سعة صدره واجوبته الصريحه ان شاء الله
والله يعطيه العااافيه .
بس لو سمحتم لا تمسكون بدليااات على الاعضااء ترى عليكم بدليات .
كـووول
السلاااام عليكم ورحمة الله وبركاااته
رجعت لك راااعي العشوة ومعي اسئله خفيفه ومنوعه واتمنى منك الاجاابه عليها
ويكون صدرك وسيع .
سؤالي الاول :
بما انك صرت مشرف على ديوان الترفيه ماهي خططك المستقبليه او الافكار
اللي لك نيه تسويها في المنتدى ؟ يعني بيكون فيه تغيير ؟
سؤالي الثاني :
اغلب المنتدياااات والمشاااركاااات اللي فيهااا تكون منقوووله هل انت من
الاشخااص اللي يحبون النقل ؟ او يكون نقل مميز ؟ او مجرد لرفع عدد المشاركات؟
سؤالي الثااالث :
نقرااء كثير من المشاااركااات ويمكن تقدر تميز صاااحب المشااركه واخلاقه
هل كثير من النااااس يتصنع الشي هذا او فيه جزء منهم يتصنع ؟
سؤالي الرااابع ( نحول على الرياضه شوي )
اسباااب تدني الدوري الكوويتي وتلقي اغلب الانديه الكويتيه خسااائر
كبيره من الانديه العربيه والخليجيه ؟
سؤالي الخامس :
هل تعتقد غياااب لاعبين عن المنتخب الكوويتي كان له اثر كبير على خسارته
لكاس الخليج ؟ مثل الصقر واعتقد وبران
سؤالي السادس :
الدوري الامااارتي يبرز فيه الوحده الامارتي والدوري السعودي يبرز فيه
الاتحاد ؟ هل سبب بروز النااديين هو الدعم المااالي لهم وشراء اللاعبين من
الانديه الاخرى ؟ وهل شراء افضل اللاعبين لنادي مخصص يكون في مصلحه
المنتخب والدوري بوجه عااام او له اضرار؟
سؤالي الاخير :
مكااان تحب تروح له داااايم ؟ ومع من تفضل يكون معك ؟
اتمنى اني وفقت في الاسئله لك وتكون خفيفه وتكون اجابتك صريحه مثل
ماتعودنى منك .
كـووول
راعي العشوه
12-03-2004, 11:56 PM
مشكوره شكرا جزيلا يا
كويتية
على تشجيعش ومتابعتش
وبوتركي ما يحتاج كلنا نحبه
ولا انتي شرايش :D
عزيزي اليامي
لاهنت على الاسئله
وعلى مرورك الكريم
وان كان عندك زود
انا حاظر من عيـــ @@ ـــوني
اشكر المذيع العزيز
Cool
على عودته ورددوده على الاعضاء
الكرام
لكم تحياتي وإحتراماتي
أخوكـــــــــــــــــــــم
راعي العشوة
راعي العشوه
13-03-2004, 12:13 AM
حياك الله يا عزيزي
وانا ايضا رجعت لك ;)
اجابة السؤال الاول
بما اني صرت مشرف انشا الهل ناوي ابني دور ثاني واحط سرداب بالمنتدى
وبحط لكم مزرعه صغيرونه مع ليتات حمر وخضر حق المسا (يعني عوال فلوس ) :D
اجابة السؤال الثاني
والله يا عزيزي كل شيء له اصول والشيء اذا زاد عن حده انقلب ضده
يعني انا او غيري اذا ابي ازيد مواضيعي ما فيه اسهل من كوبي وبست :)
والمنتديات واجد
لكن انا اذا ابي انقل ما اتعب إلا على شي يسوا
شي يزيد شي من رصيدي بالمنتدى
اجابة السؤال الثالث
والله انا اتوقع مافيه شخص يقدر يتصنع اربعه وعشرين ساعه
وبالعكس حلات الانسان على سجيته
اجابة السؤال الرابع
تدني الدوري الكويتي يعود إلى عدة اسباب
قلة الاهتمام - نظام الهوايه وليس الاحتراف - غياب الجماهير - الواسطه والمحسوبيه حتى في اختيار التشكيله الاساسيه للفريق - عدم توضيف الكفائات الرياضيه - عدم توفر الماده - - - - - -- و و و و وإلخ
وهذا بحر لو ندخله ما نطلع
اجابة السؤال الخامس
لا طبعا لأن هناك لاعبين يسدون مكانهم وقد يكونون افضل منهم ولكن للأسف الواسطه والمحسوبيه تجلسهم على دكات الاحتياط
ومنهم (عاد عقله-ناصر العمران-خلف السلامة-خلف عويد)
هذا ما طرأ علي بالي حاليا واعتذر عن كثير ممن ظلموا
وعندي تنوية بسيط لكل من يريد معرفة الحقيقه
فليشاهد كأس الخليج في البحرين عندما حصلت عليه الكويت بقيادة الشيخ أحمد الفهد الصباح وليشاهد اللعب والنتائج والفريق و و و
وبعد ان عادوا من البطوله استلم الشيخ الوزاره واصبح وزيرا
واسند المهمه إلى احمد اليوسف وكانت اول بطوله له تصفيات كأس العالم
عندما خرجنا من التصفيات من خساره مذله على ارضنا من البحرين 1/0
ومن بعدها توالت النتائج المذله ولبس الازرق ثوب الخساره إلى يومنا هذا
اجابة السؤال السادس
يا عزيزي النادي اللي يكون مدعوم ماديا اكيد بيكون الافضل .
ولكن لا الاتحاد ولا الاهلي يتسيدون بلادهم فلكل واحد منهم انداد وخصوم
وهذا ما يكون في صالح المنتخب ان يكون في البلد على الاقل اكثر من خمسة انديه تعج بالنجوم حتى يشتد الحماس بين اللاعبين لتقديم الافضل
اجابة السؤال السابع
البر و الاسطبل و الدوانيه وكلاهما مع اصدقائي :)
لكم تحياتي وإحتراماتي
أخوكـــــــــــــــــــــم
راعي العشوة
كويتيه
13-03-2004, 12:53 AM
نحب بو تركي... :rolleyes: متاكد:D
راعي العشوه
14-03-2004, 12:50 AM
الحر تكفيه الاشاره ;)
بنت راكــــان
14-03-2004, 10:10 PM
لسلام عليكم ورحمه الله
وبارك الله فيك اخي كوول لاختيارك شخصيه الاسبوع اخينا راعي العشوة
ونعم الاختيار
وعندي لك اخي راعي العشوة كم سؤال وانشاء الله يكونون خفيفين عليك
1 / متى تكون بلحضه ضعف
2 / اجمل كلمه قيلت لك ومن من
3 / افضل نصيحه تلقيتها بحياتك
4 / متى تكون ابتسامتك صادقه
5 / قارئ تحب الاستماع اليه
6 /ماذا اخذ منك النت ؟وماذا اعطاك؟
في امان الله
راعي العشوه
14-03-2004, 11:20 PM
حياش الله اختي
بنت راكان
واسألتش خفيفه وحلوه
1-متى تكون بلحظة ظعف ؟
انا انكسر مو بس اظعف قدام اي شخص او موقف يكسر الخاطر
2-اجمل كلمة قيلت لك ومن من ؟
كل الادعيه اللي تدعي لي فيها امي او اي شخص يكون يدعي لي من قلبه
وخصوصا دعاء الهدايه
3-افضل نصيحه تلقيتها بحياتك؟
بصراحه مع اللي شفته من الزمن
"اتق شر من احسنت إليه"
4-متى تكون ابتسامتك صادقه؟
بفضل الله انا اضحك على مدار الساعه وحتى الهموم اخليها بقلبي واضحك واحاول انسى
5-قارئ تحب الاستماع إليه؟
-عبدالرحمن السديس ويوسف المطر واحمد العجمي
6-ماذا اخذ منك النت ؟
صحتي ووقتي هد حيلي :D
وما اذا اعطاني
والله اعطاني الكثير
تعرفة بناس اتشرف بمعرفتهم امثالكم
تعرفت على البرامج
تعلمت على برامج وزادة خبرتي فيها
تعرفت على المواقع وكيفية تصميمها
دشيت عالم العولمه ;)
(اموت يا العولمه)
وانشا الله تكون الاجوبه شافيه ووافيه؟؟
Cool
وقت الربرنامج خلص ولا انا غلطان ؟
اخاف ساعتك واقفه :D
اختار ولا انطر شوي :;)
راحوا فيها البنات :)
لكم تحياتي وإحتراماتي
أخوكـــــــــــــــــــــم
راعي العشوة
كويتيه
14-03-2004, 11:49 PM
يعطيك العافيه يا راعي العشوه.. اسالت الاعضاء كانت حلوه.. واجوبتك كانت احلى.. يعطيك العافيه
السلااااام عليكم ورحمة الله وبركااااته
الف شكر لك اخي رااااعي العشووة على سعة صدرك وطولة باااالك علي وعلى
باااقي الأعضااااء ولا هوب شي مستغرب منك .
واشكر الاخت كووويتيه على تواااصلها والاخت بنت رااكاان على اسئلتهاا .
ومثل مااقترحتم ان يكون في تنوع في الاختيااارااات واعتقد اتفقتو على اختيار
أحد العضواااات من الاخواااات وان شاء الله يكون تجااااوبهااا معنا وتكون
وسيعة صدر على اسئلة باااقي الاعضاااء ومثل بعد ماقترحتو اللي يختااار
العضو او العضوه هو العضو المختااار اللي كان على الكرسي يعني لو سمحت
اخي رااااعي العشوووة اختر لنا عضوه (( رااحة فيهاااا )):p
اشكرك مره ثااانيه اخي راااعي العشوة ولا هنت والله يخليك الغاااالي .
كـووول
vBulletin® v3.8.0, Copyright ©2000-2026, TranZ by Almuhajir