فنون الوداع

[ابن مره]

انـتـهـيـنـا وارفـع لـدرب فـرقـانـا شـراع بـاتـحـمـل غـلـطـتـي والـقـنـاعـه مـكـسـبـي
لـو عـيـونـي مـن سـبـايـب ظـنـا الـفـرقـى اجـيـاع اجـحـدي يـاعـيـويـنـي اكـبـر دلالات اغـضـبـي
دامـنـي قـررت والـقـلـب راضـي(ن) بـاقـتـنـاع مـا تـعـودت اتـلـفـت وانـا مـن صـلـب ابـي
والـرجـل لا عـاف مـاشـاف فـي مـاجـاه فـاع ومـن رضـى بـالـهـون مـاهـو بـمـن صـلـب اعـربـي
لـو تـعـلـق فـي هـوى مـن يـحـبـه بـالـتـيـاع وقـال لـعـيـونـه عـلـى الـخـد هـلـي واكـتـبـي
لازم ايـحـدد بـدرب الـهـوى شـبـر(ن) وبـاع عـقـبـهـا يـلـزم عـلـيـه ايـتـفـادى ويـعـبـي
فـرق بـيـن الـلـيـل الادهـم ومـطـلاع الـشـعـاع وفـرق بـيـن الـراس بـالـقـوم مـن خـطـوى صـبـي
ولا تـحـسـب انـي مـا اعـرف الـشـجـاع مـن الـرعـاع ومـدرك(ن) قـدر الاوادم .. واقـرر ويـش ابـي
اسـبـقـونـي يـوم قـالـوا تـرى الـدنـيـا مـتـاع ومـن تـغـيـر جـزت مـنـه وهـذا مـذهـبـي
الـخـطـاء مـا ارضـاه وقـف وشـلـيـت الـقـنـاع وبـان وجـه الـزيـف ..واشـعـلـت نـاري بـاحـطـبـي
يـامـدرعـم لا تـهـقـوى تـرى دربـك ضـيـاع راحـة الـبـال الـصـراحـه وقـل لـي وش تـبـي
الـتـطـبـع لا بـغـيـتـه يـمـاثـل لـلـطـبـاع يـحـرجـك ويـنـزلـك مـن عـلـوك بـاهـدبـي
ومـا انـكـر ان وجـهـك بـه الـحـسـن زاد الـصـاع صـاع والـعـيـون الـسـود لا سـلـهـمـت تـسـبـي سـبـي
وفـيـك وصـف الـزيـن راهـي ولا تـلـقـى نـزاع وفـيـك هـيـبـه مـن تـلـفـات عـنـقـك يـاظـبـي
حـتـى لـو هـذي اوصـوفـك تـرى مـا فـيـه داع عـافـك الـخـاطـر ولـو جـيـت تـحـبـي لـي حـبـي
تـدري انـي كـنـت مـغـلـيـك لاكـن كـيـف ضـاع مـا تـجـاوبـنـي وتـدرك وتـفـهـم يـاغـبـي
الـغـلا مـاهـو بـيـشـرى ولا شـي(ن) يـبـاع الـغـلا وهـبـه مـن الـلـي بـعـث فـيـنـا نـبـي
والـغـلا مـايـحـكـمـه وصـل مـن عـقـب انـقـطـاع يـحـكـمـه قـلـب(ن) سـمـوح(ن) الـى جـاه اعـتـبـي
واثـق(ن) مـنـهـا "وكـل امـراء(ن) بـمـا اسـتـطـاع" لا تـزودهـا كـفـايـه وابـعـطـيـك اطـلـبـي
ودي ادرسـك درس(ن) عـن افـنـون الـوداع ويـاعـسـى الله يـخـلـف الـلـي بـذلـتـه واتـعـبـي
لا تـحـسـب انـي ابـي مـنـك لـلامـر انـصـيـاع ابـغـي اعـلـمـك والا انـت لا والله اتـهـبـي
مـن يـعـز الـنـفـس يـرقـى شـمـوخ الارتـفـاع ومـن فـضـل رب الـمـخـالـيـق عـزيـت اشـنـبـي
للشاعر
ا /صـالـح ال كـحـلـه المري

[بن حظيبه]

والـرجـل لا عـاف مـاشـاف فـي مـاجـاه فـاع ومـن رضـى بـالـهـون مـاهـو بـمـن صـلـب اعـربـي




عجيبه القصيده يا بن مره عجيبه صح لسانك ولسان الشاعر الله لا يهينك أمتعتنا.

تحياتي

[مـحمـد]

لاهنت على هذا النقل المتواضع
قصيده جميله ومفردات جزله
صح لسان شاعرها .

[السنـــــافية]

قصيده رائعه

صح لساانك ولاهنت على نقل هالقصيد الحلو لنا