المساعد الشخصي الرقمي

مشاهدة النسخة كاملة : وين الشاعر الله لايهينه

الهواوي2
15-01-2005, 10:33 PM
ابغي رفيقن على الطارق يسليني = نبدع بيوتن على القيفان مرسومه
تثبت بيوتن من العدوان تحميني = يا بانين دوك رب القاع ملغومه
فيصل بن حجرف
16-01-2005, 06:03 AM
صح لسانك يالهواوي
وننتظر الرد من احد الاخوان
مـحمـد
16-01-2005, 08:18 AM
صح لسانك يالهواوي2

وبانتظار احد شعار المنتدى :)
كثير همة
17-01-2005, 06:21 AM
السلام عليكم ورحمه الله وبركاته

الله والله اني حسيت من دخلت المنتدى انك محاور وكني الا اعرفك .... سبحانه

ليتني شاعر اصافح ابياتك ... وأرد على كل بيت بأوزانه

لاهنت يا لهواوي

لاخلا منك المنتدى ولا عدم


قواك الله
كثير همة
17-01-2005, 06:22 AM
صح الله لسانك

وين الشاعر الله لايهينه ...
الهواوي2
17-01-2005, 06:19 PM
الضاهر اني بعود بيتي يازيني= قاعد اكسر فالغضى اجرومه
مادام مابه على القيفان تلحيني = والصاحب الي نسانى مدري بعلومه
الهواوي2
17-01-2005, 06:22 PM
صحت ابدانكم يا الربع والله لايهينكم كل بسمه وبيض الله وجيهكم على زيارتكم وجعلكم المعزه
فلاح بن مبخوت
18-01-2005, 07:07 PM
ياخوك انا ماسمعت الرد للحيني = والخير لامن لفاك الظيف بقدومه

هاك المعاني وقول الشعر تفنيني = والعلم ياتي مع البطران واسلومه
الهواوي2
18-01-2005, 07:48 PM
الخير خيرومعى هالناس تلاقيني= اهلاوسهلا ببن مبخوت وش قومه
انارفيقك وشفي انك تحييني = حق عليكم تمر البر وحزومه
فلاح بن مبخوت
18-01-2005, 08:04 PM
لظيف واجب وكل الناس داريني = والحق ياصلك لو تطغا على السومه

لكن تفضل وقلي من يباريني = خوفي رفيقي قاطع اهدومه
الهواوي2
18-01-2005, 08:30 PM
يا صاحبي مهقيت انك تلاحيني = حيث ان شفي مع الشعار معلومه

لكن طلبتك تقفي لا تماليني = لجل ابشعل في هالساحات تقدومه
فلاح بن مبخوت
18-01-2005, 08:42 PM
الذيب لامن عوا لذيب ايناديني = وابشر ترا لي معا الحومات كم حومه

انته وحيداً وكل الناس لاهيني = والحر مايرغب الصيصان والبومه
مـحمـد
18-01-2005, 08:43 PM
ماشاءلله صح لسانك يافلاح ويا الهواوي
رديات ممتازه:)
فلاح بن مبخوت
18-01-2005, 08:48 PM
صح ابدنك العجمي

وانا انسحب واترك الهواوي مع غيري من الشعراء دام هذي رغبته
كثير همة
18-01-2005, 10:00 PM
ماشاء الله تبارك الرحمن

لا اله الا لله


يعطيك العافيه يالشاعر ( فلاح )

صح الله لســــانك

ماشاء الله لا اله الا الله

حفظك الله من كل شر

محاور رائع

الحقيقه انه من المؤسف ان لا تكتمل هذه المحاوره وتنسحب بشجاعه أخ فلاح ولكن مادامت هذه رغبته ....

:) نتمنى ان نرى مزيدا" من المحاورات الشعريه سواء منك ام منه


وثق اني بإذن الله من المتابعين لك وله ....

- - - - - - -


الشاعر الهواوي

أسئل الله ان يكون هنالك من يسمع صدى أبياتك فيجاريك في شعرها ...

لك كل التقدير

ووفقكم الله لما يحبه ويرضاه
فلاح بن مبخوت
18-01-2005, 10:11 PM
ال شريم صح ابدنك مليار

ومرور اعتز فيه والله يشهد

وانشاء الله يقدرني ان اقدم انا واخواني الشعراء والأعضاء ما ينال

الأعجاب ويليق بمنتدانا الغالي
عـزام
18-01-2005, 11:10 PM
صح السنتكم يا شعار

ولا هنتوا امتعتونا
الهواوي2
21-01-2005, 03:50 PM
الله لايهينكم يالربع على الزياره