## مهـــــــــرة بلا فـــارس ضيفة على كرسي الاعتراف ## [الأرشيف]

اطياف الماضي

15-01-2005, 04:14 AM

http://www.jaralqamr.com/smiles/smile_files/smile2_data/1112.gif

السلام عليكم ورحمة الله وبركاته

كعادتنا كل اسبوع نلتقي

ونجدد لقائنا هذا الاسبوع مع ضيفة

تم اختيارها من قبل الاخت السنافية

يعطيها العافية على اختيارها الرائع

ضيفة هذا الاسبوع هي صاحبة احلى دروووووس خصوصية :D

صاحبة الظل الخفيف

مهــــرة بلا فـــارس

http://www.hanaa.net/postcard/images/messa5_s.gif

يسرنا ويسعدنا ان نتعــرف على ضيـفــتنا الغــالــية

فـــاهـــلاً وســـهــلاً بـــــــك عزيــــــــزتي

وبدايتنا كاي بداية

تتطلب تقديم بــــطـــاقـــتــــك الشـــخصـــية لنا

والان

اترككم مع ضيفتنا الغالية في استضافة رائعة

ولي عودة :)

تمنياتنا للجميع بلقاء ممتع

تحيتي

http://www.jaralqamr.com/smiles/smile_files/smile2_data/1112.gif

كثير همة

15-01-2005, 04:34 AM

السلام عليكم ورحمة الله وبركاته

الإخت الكريمه أطياف

جزاك الله خيرا لهذا الطرح

ولي عوده بعد مشاركه الأعضاء

فقط أحببت الجلوس مستطلعا" في المقعد الأول ... ولي عوده ان شاء الله بأسئلتي

والسلام عليكم ورحمة الله وبركاته

فيصل بن حجرف

15-01-2005, 04:41 AM

السلام عليكم
اختيار رائع من الاخت السنافيه
واشكر مقدمة الموضوع الاخت اطياف:)

ونرحب بالاخت القديرة المبدعه مهره بلا فارس
ونسألها سؤال على الطاير
شرايك في منتدى العجمان بشكل عام؟ وهل هناك اي ملاحظات على اي قسم او على اي نقطه تشوفين انها تنعكس سلبا على المنتدى؟
ولك مني كل الشكر

كويتيه

15-01-2005, 05:12 AM

هلا واللللللله مهره..:)
انا سعيده اني اشوفج على كرسي الاعتراف عشان تعرف على مهره اللي بوقت قصير قدرت انهاا تخلق لهاا جو بورحهااا .. و قدرت انهااا تدخل قلوبناا كلناا بخفه دمهاا و روحهاا الحلوه..:)

طبعا ابي البطاقه الشخصيه:)..

الاسم:
العمر:
الحاله الاجتماعيه:
المهنه او المرحله الدراسيه:
الدوله:
الهوايه:
الامنيه:

و عني بعد سوال... بس مو من البطاقه الشخصيه:)..

قوليلي شلون عرفتي منتدى العجمان..:)

لي رجعه اكييييييييييييييييييد

تايه الغربه

15-01-2005, 12:38 PM

:p:p

جاتك الفرصه يا تايه الغربه ..:)

الله يا مهره .. عزالله احسنت السنافيه الاختيار

راجع لك انشاء الله .

غلاتي

15-01-2005, 03:31 PM

اول شي حبيت اقوول لخواتي أطياف الماضي وكويتيه والسنافيه يعطييكم العاافييه على هالكرسي الحلوو...وتسلميين يااطياف على المقدمه الروعه...والسنافيه على اختيارها ليي..وكويتيه على كلامج اللي مثل العسل مثلج :)
صح انا صارلي اسبوعين بس احس اني اعرفكم من فتره طويله وكل هذا بسبت رووحكم الحلو وتعاملكم الراقي مع الاعضاء..وماقصرتوو..
ويالله انا مستعده للكرسي :)

اديب

15-01-2005, 06:18 PM

السلام عليكم ورحمة الله وبركاتة

وتحية طيبة من الاعماق للجميع

في الحقيقة أعجبني كرسي الأعتراف وأتمني من الجميع المشاركة لنستمتع بأجمل الأوقات

الأخت العزيزة مهره بلا فارس اريد أن اسئلك.....

ماهو الشي الذي يبكيك اذا نظرتي الي شباب هذه الأمه في هذه الايام؟

وأيضا ماهو الشي الذي يجعلك تفتخرين بشبابنا في هذه الايام؟؟

وسؤالي الأخير ماهي الحكمة التي ترديدينها دائما؟؟؟

ولكي جزيل الشكر...وبالتوفيق

فلاح بن مبخوت

15-01-2005, 09:15 PM

السلام عليكم ورحمة الله وبركاته

ارحب بضيفتنا مهره بلا فارس وارجو ان تكون الاسئله خفيفه عليها

اما عن اسئلتي فهي كالتالي

س1:مهره بلا فارس!!ماسبب اختيارك لهذا الاسم؟؟

س2: ماهي مواصفات فارس احلامك ؟؟

س3:مارائيك بالمداعبات اللتي تحصل بين فتيان وفتيات المنتدى؟؟

مع تمنياتي لك بالتوفيق باذن الله

هند

15-01-2005, 09:21 PM

السلام عليكم ورحمة الله وبركاته

مساء الخير غاليتي
سؤالين إن أذنتٍ لي .،

وش معنى إسمك ( مهرة بلا فارس ) ؟
هل تعتقدي أن رفع الكلفة بين الفتيات والفتية يذهب بالحياء ؟

لك تقديري
السؤدد

حظه منسدح

15-01-2005, 10:18 PM

والله بغيت اسال بس شفت الى الحين ماردت

يالله بخلي نفسي للجزء الثاني

مهــــــــــــــــــره اخلصي لاتتهربين

ههههههههههههههههههههههههههههههههههههههههههههههه

ولي رجعه ياويــــــــــــــــــلك مني يامهره

هههههههههههههههههههههههههههههههههههههههههههههههه

سلملم

غلاتي

16-01-2005, 10:45 AM

آل شريم...حيااك الله معاناا..وانشاءالله اكوون ضيفه خفيفه على قلوووبكم يارب :)

غلاتي

16-01-2005, 10:52 AM

مرحباا اخوي وalajman ..
نرحب بالاخت القديرة المبدعه مهره بلا فارس
هلاافيك..
شرايك في منتدى العجمان بشكل عام؟ وهل هناك اي ملاحظات على اي قسم او على اي نقطه تشوفين انها تنعكس سلبا على المنتدى؟
بصراحه منتدى قمه بالروعه بدوون مجامله..بس انا عندي اقتراحات للاقسام..تمنيت ان يكون بالمنتدى قسم خاص للمراه .ممكن ان احنا البنات ننقاش امور الخاصه المتعلقه في حياتنا بدون احراج..لان مافي قسم ممكن احط مواضيعي المتعلقه في المراه والازياء والموضه ومشاكلها الاخرى...وان يكون هناك قسم للصور..تكون المشاركات اللي فيها صور او صور مطربين او طبيعه ممكن ننزلها على هالقسم..وهيدي كل اقتراحاتي ويعطيكم الف عافيه

ولك مني كل الشكر
يعطيك العافيه على الاسئله

غلاتي

16-01-2005, 10:58 AM

هلا وغلا بخيتيي كويتييه
هلا واللللللله مهره..
انا سعيده اني اشوفج على كرسي الاعتراف عشان تعرف على مهره اللي بوقت قصير قدرت انهاا تخلق لهاا جو بورحهااا .. و قدرت انهااا تدخل قلوبناا كلناا بخفه دمهاا و روحهاا الحلوه..
تسلميين ياقلبي على الكلام الرووعه..من طيب اصلج والله..وانا حابه اتعرف عليكم اكثر
الاسم: مهره بلافارس
العمر:20
الحاله الاجتماعيه: آنسه
المهنه او المرحله الدراسيه: الجامعه
الدوله:الكويت
الهوايه: القراءه والشعر
الامنيه:احقق كل طموحاتي

و عني بعد سوال... بس مو من البطاقه الشخصيه..

خـذي راحتج بالاسئله :)

قوليلي شلون عرفتي منتدى العجمان..
انا عرفت المنتدى من رفيجتي وحبيبه قلبي السنـــافيه اللي لولاها ماتعرفت على الناس الطيبين شروااكم
لي رجعه اكييييييييييييييييييد

حياااااااااااااااااااااج

غلاتي

16-01-2005, 11:00 AM

جاتك الفرصه يا تايه الغربه ..

الله يا مهره .. عزالله احسنت السنافيه الاختيار

راجع لك انشاء الله .

حيااااااك خيووه وناطره الاسئله بس انشاءالله تكوون خفييفه :D

غلاتي

16-01-2005, 11:07 AM

اديب...
السلام عليكم ورحمة الله وبركاتة
وعليكم السلام
الأخت العزيزة مهره بلا فارس اريد أن اسئلك.....
تفضل

ماهو الشي الذي يبكيك اذا نظرتي الي شباب هذه الأمه في هذه الايام؟
بصراحه يبكيني تفكييرهم السطحي وركضهم وراء الموضه والافكار اللي تشوه الاسلام وابتعادهم عن الصلاه والاهتمام بامور الدنيا وعدم التفكير بيوم الاخره..وانا اتكلم عن بعض الشباب موكلهم..
ماهو الشي الذي يجعلك تفتخرين بشبابنا في هذه الايام؟؟
اعتمادهم على نفسهم..
وسؤالي الأخير ماهي الحكمة التي ترديدينها دائما؟؟؟
اتق شر من احسنت اليه..to be or not to be..
ولكي جزيل الشكر...وبالتوفيق
يعطيك العافيه

غلاتي

16-01-2005, 11:15 AM

فلاح بن مبخوت..حيااك
السلام عليكم ورحمة الله وبركاته

ارحب بضيفتنا مهره بلا فارس وارجو ان تكون الاسئله خفيفه عليها
وعليكم السلام ياهلاا..
انشاءالله الاسئله خفيفه لانها منكم ..واخـذوا راحتكم

س1:مهره بلا فارس!!ماسبب اختيارك لهذا الاسم؟؟
بصراحه عجبني هالنك لاني شفته في بيت شعري واهوه."" انا ماني سوات اللي تجي مع طقت الاصبع انا مهره بلافارس عجز منهو يروضها..""واخـذته لانه المهره ممكن تكون عنيده وصعب ان اي شي يدش راسها وهالصفات تقريبا فيني.عشان جـذي سجلت بهالنك
س2: ماهي مواصفات فارس احلامك ؟؟
اهم شي عندي تكون اخلاقه عاليه وشخصيته حبوبه وبنفس الوقت قويه..ويخاف ربه
س3:مارائيك بالمداعبات اللتي تحصل بين فتيان وفتيات المنتدى؟؟
اـذا كانت مداعبات في حدود انا معاها بشرط الا تتجاوز الخطوط الحمراء..واللي اشوفه بالمنتدى ان علاقاتنا اخويه وفي حدود الاحترام..
مع تمنياتي لك بالتوفيق باذن الله

اجمعيين يارب وشاكره اسئلتك :)

غلاتي

16-01-2005, 11:23 AM

:)السلام عليكم ورحمة الله وبركاته

مساء الخير غاليتي
سؤالين إن أذنتٍ لي .،
وعليكم السلام ..هلا وغلاا باختي السؤدد..سئلي الاسئله براحتج..سؤالين ثلاثه لو عشره..انا بالكرسي علشان اسئلتكم الحلووه...

وش معنى إسمك ( مهرة بلا فارس ) ؟
مثل ماقلت لاخوي فلاح بن مبخوت..اني شفت هالنك في بيت شعر..وشدني لانه غريب بالنسبه لي..ان من صفات المهره العناد علشان جـذي مايقدر اي فارس ان يروضها..وانا فيني طبع العناد بس مو وايد..فحبيت يكون هـذا نكي
هل تعتقدي أن رفع الكلفة بين الفتيات والفتية يذهب بالحياء ؟
الكلفه من اي ناحيه..؟؟ااذا كانت بحدود العمل فمااعتقد هالشي لانه متطلبات العمل اذا كان مختلط ان يكون بينج وبين زميلج بالعمل حوار..ولكن اذا كانت في مواضيع اخرى ممكن يـذهب الحياء اذا حوارهم تافهه وليس لهم هدف..
لك تقديري

حيااج اختي

غلاتي

16-01-2005, 11:26 AM

هلالاوالله اخوووي حظه منسدح...الله يستر من اسئلتك ..:d
يالله اسئل قبل لااقوم من الكرسي..ههههههههههههههههه
ناطره اسئلتكم

حظه منسدح

16-01-2005, 11:50 AM

خلوووووووووووووووووووها

مهره

ذكرتي فيما سبق مايحزنك في الشباب هذه الايام.. ممكن تذكرين لنا مايحزنك في بنات هذه

الايام؟

لنفرض انك يوم من الايام قابلتي صديقه لك وكانت هذه الصديقه منذ زمن تكنون لبعض الكراهيه

والبغض..وفجأه تزوين احد صديقاتك وقابلتها هناك..هل سوف تلقين عليها التحيه؟

ولي رجعه

سلملم

غلاتي

16-01-2005, 06:52 PM

حظه منسدح :) اهليين..
ذكرتي فيما سبق مايحزنك في الشباب هذه الايام.. ممكن تذكرين لنا مايحزنك في بنات هذه

الايام؟
بصراحه نفس الشي اشوف بعض البنات يقلدون الغرب بلبسهم واشكالهم حتى لوكان غلط وخارج عن تقالدينا..بس للاسف عبالهم هالشي تطور وتحضر...

لنفرض انك يوم من الايام قابلتي صديقه لك وكانت هذه الصديقه منذ زمن تكنون لبعض الكراهيه

والبغض..وفجأه تزوين احد صديقاتك وقابلتها هناك..هل سوف تلقين عليها التحيه؟
.اذا صادفتها راح اسلم عليها عادي..علشان ابين لها انها ماهمتني واني سلمت لله بس لااكثر ولااقل..
ولي رجعه

سلملم

حيااك وشرفتنا :)

كويتيه

17-01-2005, 12:11 AM

يعطيييييييييييييييييييييييييييييج الف عافيه على اجوبتج الحلوه..:)
على فكره عاجبني نكج.:) و بيت الشعر بعد حلوو..

اوكي انا احب اسال اساله عاديه.. جذي تخليناا نعرف شنو العضو يحب شنو يكره..:) و عن حياته شوي:)..

1. قوليلي ترتيبج بين خوانج؟؟..
2. احب الاسامي لقلبج..:)
3. شلون عرفتي سنافيه:).. تراهاا حبيبتي بعد:)..
4. مثلج الاعلى..
5. تاريخ ماتنسينه وليش شمعنى هالتاريخ بالذات؟؟
6. الوانج المفضله باللبس؟؟
7. تسوقين ولا لا؟؟ واذا اي قوليلي جم مره اخذتي مخالفه:).. و قولي لناا موقف مر عليج بالشارع:)..
8. تعرفين تطبخين؟؟؟... و اذا اي تعرفين تسوين حلو:)..
9. اخر هديه اخذتيهاا.. و من منو و شنو المناسبه؟
10. شنو تدرسين بالجامعه؟؟ التخصص؟؟
ادري اكلت قلبج:) خلاص الحبن بروح بس برجع:)..

غلاتي

17-01-2005, 01:39 AM

كويتيه..
يعطيييييييييييييييييييييييييييييج الف عافيه على اجوبتج الحلوه..
على فكره عاجبني نكج. و بيت الشعر بعد حلوو..

يعاافيج ربي....واذا نكي عاجبج هذا من ذوقج واذا تبينه حلالج :)
انا احب اسال اساله عاديه.. جذي تخليناا نعرف شنو العضو يحب شنو يكره.. و عن حياته شوي..
اووكيييي ماعندي مانع :)
قوليلي ترتيبج بين خوانج؟؟..
الثانيه
2. احب الاسامي لقلبج..
اذا بنات ساره..وشباب..عبدالعزيز
3.
شلون عرفتي سنافيه.. تراهاا حبيبتي بعد..
حبيبة الكل سنافيه :) تعرفت عليها من اول يوم لي بالجامعه. 4.
مثلج الاعلى..
الرسول (ص)..وابوي
..5. تاريخ ماتنسينه وليش شمعنى هالتاريخ بالذات؟؟
2/8 الغز العراقي الغاشم على عروسه الخليج الكويت..6.
الوانج المفضله باللبس؟؟
درجات البني..والوردي..والاسود لانه ملك الالوان..الكحلي..7.
تسوقين ولا لا؟؟ واذا اي قوليلي جم مره اخذتي مخالفه.. و قولي لناا موقف مر عليج بالشارع..
اي اسوق..الحمدالله ولامره اخذت مخالفه..مواقف وايد تصيرلي بس اللي اتذكره.(( مره اخذت سيارة ابوي لانه كان مسافر وكنت ابي شغلات ضروريه من السوق وصادفني تفتيش وطلبوا مني دفتر السياره وانا مادري وين حاطها ابوي..حزتها ويهي حمر وماعرفت شسووي بس فهمت الشرطي السالفه وياحليله كان خوش ريال..مشااني وماقالي شي :)8.
تعرفين تطبخين؟؟؟... و اذا اي تعرفين تسوين حلو..
لا للاسف مااعرف اطبخ..((اذا تعبت نفسي سويت بيض وطماط وسلطات))9.
اخر هديه اخذتيهاا..
و من منو و شنو المناسبه؟
ساعه من عمتي..المناسبه كانت عيدميلادي10.
شنو تدرسين بالجامعه؟؟ التخصص؟؟
الجامعه..الحقوق..ا
دري اكلت قلبج خلاص الحبن بروح بس برجع
لاشدعووه..حيااج وانا ناطره اسئلتج :)

كثير همة

17-01-2005, 05:05 AM

السلام عليكم ورحمه الله وبركاته

الأخت الكريمه / مهره

بعد الاستطلاع ومتابعه الإخوان والأخوات احتفظت بأسلتي ولربما لي عوده ...

الأخت الكريمه :

-1- كيف نفرق بين الشخص الشجاع والضعيف؟ واضربي من فضلك مثال لذلك ....

- 2 - ذكرتي في طيات الاسئله ان قدوتك الرسول ... فكيف يكون ذالك واسمك مهره بلا فارس ؟

- 3 - :) لربما تحبين الجياد .... ومن يحبها يتسم بالشجاعه ... ف فيما تستخدم الجياد؟ وكيف؟

- 4 - هل تحلمين بمن يروض عنادك وانتي مهره؟ ام بمن يكسر عنادك ويعلمك ان العناد معناه خسرانك لنفسك ؟ فما كان العناد صفه حسنه يفتخر فيها . فماذا تقولين وانتي تحبين الترويض؟

- 5 - أعتقد اني اكتفيت من الاسئله الآن وبقي سؤال أخير وأعتذر عن ازعاجك بأسئلي ... هل الأسم المستعار اسم( لايودي ولا يجيب ) ؟ اذا كان كذالك فلماذا اطلقت السنافيه هذا الإسم على نفسها ؟ هل لأن بها هذه الصفه ؟ ام الاسم لا يودي ولايجيب ؟

ولي عوده بباقي الأسئله بإذن الله

واعتذر للإزعاج

مـحمـد

17-01-2005, 02:55 PM

اهلا بالاخت مهره بلا فارس
اختيار موفق
نتمنى لها طيب الاقامه على هذا الكرسي:)

ولي عوده انشاءلله

حظه منسدح

17-01-2005, 06:51 PM

هلا مهره

لاحظت الاسئله كلها هجووووووووووووووميه

هههههههههههههههههههههههههههههههههههههههههههههه

علشان كذا بقول لك اسئله فيه نوع من الدعابه

1-لنفرض مثلا انك في حفل زواج..وفجأه وانتي تتفرجين على العرس وحده تحمست

وقامت بسرعه ومن السرعه صبت كاس العصير على فستانك....بتكملين العرس ولا بتروحين؟

2- لو احد عطاك امانه..وقال لك لاتفتحينها ابدا ابدا..وقال لك وصليها لانسانه معينه..بس

المشكله انها تبعد عنك مسافه ..يعني الامانه بتجلس معك كم يوم..وفجاه لاحظتي ان العلبه

اللي فيها الامانه تتحرك !!!! بتفتحينها ولا لا؟

3- اذا شفتي اسم حظه منسدح مشارك في احد مواضعيك...بماذا تحسين؟

هههههههههههههههههههههههههههههههههههههههههههههههههه هههههههه

حبينا ننلطف الجو شوي

سلملم

غلاتي

17-01-2005, 07:00 PM

آل شريم..
السلام عليكم ورحمه الله وبركاته.
وعليكم السلام ورحمه الله وبركاته..
1- كيف نفرق بين الشخص الشجاع والضعيف؟ واضربي من فضلك مثال لذلك ....
من سمات الشخصيه لكل واحد منهم ومن حيث المواقف اللي تصير معاهم ممكن انك تعرف ان هالشخص قوي وهذا ضعيف..ومثلا على هذا.."ان الشخص الشجاع اهوه اللي يدافع عن حقه ومايسكت والشخص الضعيف اللي ياكلونه حقه واهوه ساكت..-
2- ذكرتي في طيات الاسئله ان قدوتك الرسول ... فكيف يكون ذالك واسمك مهره بلا فارس ؟
وماعلاقة قدوتي بالرسول(ص) بنكي..؟؟الرسول قدوتي في حياتي العامه وفي شخصيتي وايماني..والنك مجرد اسم اخترته من ذوقي مايرتبط بشخصيتي..؟؟ واذا كان ارتبط فاهوه ارتبط بصفه العناد لااكثر ولااقل..-
3- لربما تحبين الجياد .... ومن يحبها يتسم بالشجاعه ... ف فيما تستخدم الجياد؟ وكيف؟
احب رؤيه الجياد بس بنفس الوقت اخاف من لمسها..الجياد تستخدم في التنقل وفي السباق وقد يشتريها شخص لحبه في اقتناء هالخيول وركوبها والاستمتاع بهوايته..- - 4-هل تحلمين بمن يروض عنادك وانتي مهره؟ ام بمن يكسر عنادك ويعلمك ان العناد معناه خسرانك لنفسك ؟ فما كان العناد صفه حسنه يفتخر فيها . فماذا تقولين وانتي تحبين الترويض؟
لاطبعا مااحب احد يفرض سيطرته عليه..لاني مقتنعه بحريتي وشخصيتي المستقله.والعناد ليس معناه خسران نفسي لاني لما اعاند اكون على حق ولكن اذا كان عناد على خطأ فهذا موعنادي..لاني اعرف افرق يبن الصواب والخطأ...-
5- أعتقد اني اكتفيت من الاسئله الآن وبقي سؤال أخير وأعتذر عن ازعاجك بأسئلي ... هل الأسم المستعار اسم( لايودي ولا يجيب ) ؟ اذا كان كذالك فلماذا اطلقت السنافيه هذا الإسم على نفسها ؟ هل لأن بها هذه الصفه ؟ ام الاسم لا يودي ولايجيب ؟

وهل كل شخص اطلق على نفسه لقب متناسب مع شخصيته.؟؟؟السنافيه اختارت هاللقب لانه بها من صفاته..وانا اخترت المهره لان فيه من صفاتي..وموكل من اخذله نك يكون متناسب مع شخصيته..لانه ممكن شخص ياخذ صفه تكون متناقضه مع شخصيته والعكس صحيح..ووالمفروض ماتركز على النك كثر ماتركز على شخصيه الوحده او الواحد..وانا اقول ان النك لايودي ولااييب..
ولي عوده بباقي الأسئله بإذن الله
حياك..:)

غلاتي

17-01-2005, 07:04 PM

ALAJMI
اهلا بالاخت مهره بلا فارس
اختيار موفق

هلا والله اخوي العجمي:)
نتمنى لها طيب الاقامه على هذا الكرسي
...انشاءالله اقامتي بتكون حلوه :)
ولي عوده انشاءلله

حيااك...

غلاتي

17-01-2005, 07:17 PM

يااهلااا باااخووي اللي حظه منبطح مادري منسدح..هههههههههههههه
يالله انا مستعده للاسئلتك الدعاابيه :)1

-لنفرض مثلا انك في حفل زواج..وفجأه وانتي تتفرجين على العرس وحده تحمست
وقامت بسرعه ومن السرعه صبت كاس العصير على فستانك....بتكملين العرس ولا بتروحين؟
حزتها راح ابجي من القهر وراح اكمل العرس بس وانا قاعده بالكرسي ماارح اقووم علشان مااتفشل :)
2- لو احد عطاك امانه..وقال لك لاتفتحينها ابدا ابدا..وقال لك وصليها لانسانه معينه..بس

المشكله انها تبعد عنك مسافه ..يعني الامانه بتجلس معك كم يوم..وفجاه لاحظتي ان العلبه

اللي فيها الامانه تتحرك !!!! بتفتحينها ولا لا؟

لاطبعا مارح افتحها بس اذا شفتها تحركت بوديها لصاحبتها بسرعه علشان تفتحته جدامي واشووف شنو فييه..:)

3- اذا شفتي اسم حظه منسدح مشارك في احد مواضعيك...بماذا تحسين؟

بصرااحه استانس لاني عارفه اني بتناشب انا وياك باللعبه وبتناجر هههههههههههههههههههههههه واذا شفتك مشارك بمواضيعي اعرف ان في ناس بالمتندى تهتم بمواضيعي وان لها قييمه :)

حبينا ننلطف الجو شوي

لطفت الجوو وكفييت تسلم والله :)

اطياف الماضي

17-01-2005, 07:23 PM

مهوووورة

يعطيك العافية على اجاباتك الحلووووة اللي مثلك

عندي كم سؤال ياليت تجاوبين عليهم

ماهو برنامجك اليومي ؟؟

ماهو الدرس الذي تعلمتيه من الحياة ؟؟

اين تقضين عطلة الاسبوع وبصحبة من ؟؟

ماهي نقطة ضعفك ؟؟

ماهي طموحاتك ؟؟

اذا استعرضنا معك اجمل محطاتك في الطفولة والدراسة فماذا سنجد في جعبتك من مواقف ؟؟

لو رجعت بنا الحياة خمس سنوات ورى ماهو الامر الذي ستقومين به ؟؟

ماذا يعني لك كل من ؟؟

منتدى العجمان** الحب ** الكذب ** الخيانه ** الصداقة **

الام ** الرجل ** ابتسامة طفل ** الشعر ** السفر **

منهي العضوة التي تتمنين لقائها ؟؟

ماهو الموضوع الذي حاز على اعجابك في منتدى العجمان وتمنيتي انك كاتبه هذا الموضوع ؟؟

منهو الشخص البعيد الذي تتمنين ان يكون معكم في هذا العيد ؟؟

مالذي يشغل فكرك حاليا؟

رسالة قصيرة تريدين ايصالها لمن وماهو نصها ؟؟

هذه مسجات لمين ودك توصل ؟؟

..................

اشتقت لك وينك ؟؟
..................

احترمك واقدرك

..................

من لا استشارك لاتباديه بالشور *** ومن لايودك نور عينك افراقه

................

والله ماتسوى اعيش الدنيا دونك

................

ويعطيك العافية

لك تحيتي يالغالية

غلاتي

18-01-2005, 12:13 AM

مهوووورة

يعطيك العافية على اجاباتك الحلووووة اللي مثلك
يعاافيج يا قلبي وهذا من ذوقج :)
عندي كم سؤال ياليت تجاوبين عليهم
تفضلييي
ماهو برنامجك اليومي ؟؟
مافهمت اذا تقصدين عن برنامج بالتلفزيون او يومياتي.؟؟اذا برامجي التلفزيوني انا من متابعين قناة ام بي سي 2 واتابع جميع مسلسلاتها اليوميه.ماهو الدرس الذي تعلمتيه من الحياة ؟؟
عاشر من تعاشر فلابد من الفراق
اين تقضين عطلة الاسبوع وبصحبة من ؟؟
مرات نقضيها بزواره الاهل او الشاليهات مع اهلي.
.
ماهي نقطة ضعفك ؟؟
الطفل اليتيم خاصه لما يكون مظلوم ..والشخص كيبر السن لما يبجي او يخونه الزمن..
ماهي طموحاتك ؟؟
اني اتخرج بنسبه عاليه و ارفع راس اهلي..اذا استعرضنا معك اجمل محطاتك في الطفولة والدراسة فماذا سنجد في جعبتك من مواقف ؟؟
احلى المواقف اللي مرت بحياتي كانت ايام الثانويه..لانه صج كانت مرحله شطانه مع المدرسات..واحلى موقف لما عاقبونا بالساحه وكان حزتها حررر موطبيعييي..بس لهيينا بالضحك ونسيينا الحر :)
لو رجعت بنا الحياة خمس سنوات ورى ماهو الامر الذي ستقومين به ؟؟
الحمدالله كل الامور اللي اتخذتها كانت متناسبه معاي واتخذتها عن قناعه ..فلو رجعنا خمس سنين مارح اغير شي

ماذا يعني لك كل من ؟؟

منتدى العجمان* منتدى الاصدقاء والاحبه * الحب * احساس جميل يمتلك الانسان ممايزيد من درجة احساسه بالفرح والحزن والغضب واهوه عباره عن حرفين لكن لايمكن وصفهم بالكلمات..
* الكذب * شيك بدون رصيد
* الخيانه * نهاية حب فاشل
* الصداقة ** بلسم الحياة

الام * حياتي وعطر الامومه واحلى كلمه ممكن ينطقها الشخص
* الرجل * النصف الثاني للمراه
* ابتسامة طفل * امل الحياه والتفاؤل
* الشعر * تعبير عما بداخل القلب من مشاعر واحاسيس
* السفر ** هوايه جميله للتعرف على البلدان الاخرى

منهي العضوة التي تتمنين لقائها ؟؟
مافي عضوه محدده بالعكس اتمنى لقاء كل عضوات منتدى علشان اتعرف عليهم اكثر..
ماهو الموضوع الذي حاز على اعجابك في منتدى العجمان وتمنيتي انك كاتبه هذا الموضوع ؟؟
كل المواضيع حلوه علشان جذي ماودي اني اختار موضوع واخلي الثاني :)
منهو الشخص البعيد الذي تتمنين ان يكون معكم في هذا العيد ؟؟
ابوي وامي لانه رايحين الحج :(

مالذي يشغل فكرك حاليا؟
درااستي
رسالة قصيرة تريدين ايصالها لمن وماهو نصها ؟؟

" دع الناس يتكلمون وقف انت كالبرج المتين..الذي لاتهتز قمته وان هبت عليه كل الرياح."" اهديها للسنــافيه ..
وعندي رساله ثانيه.""لوكنت مبحر وانا عن صدتك مبحر..منعت حتى البحر يرسي على جالك..أقدر ويقدر عنادي وانت ماتقدر..شف لعبة الوقت صار المهلك الهالك"" اهديها لشخص عاندني وبالآخر خسر..
هذه مسجات لمين ودك توصل ؟؟

..................

اشتقت لك وينك ؟؟

لبنت خالتي
احترمك واقدرك

لكل شخص يحترمني ويقدرني....................

من لا استشارك لاتباديه بالشور *** ومن لايودك نور عينك افراقه

شخص تمنيت اني ماقابلته في حياتي................

والله ماتسوى اعيش الدنيا دونك
ابوي وامي الله يخليهم لي..
................

ويعطيك العافية

لك تحيتي يالغالية

يعاافيج وتسلمين على الاسئله الحلوه وانشاءالله تكون اجوبتي كافيه :)

كويتيه

18-01-2005, 05:34 AM

يعطيييييييييج العافيه يا الغاليه اولله يخليلج الحجي والحجيه:) و الله يردهم بالسلامه:)..

نرجع لمحور حديثناا..:)

قوليلي... جم كانت نسبتج بالثانويه.؟. و هل كنتي مقرارات ولا ثانويه عامه اذا عامه قوليلناا علمي ولا ادبي.. اتوقع ادبي:)..

لو نفرض انه نكج مو مهره بلا فارس شنو كنتي بتختارين نك؟؟؟

جم طولج و وزنج؟؟.. و شنو الاكله اللي تحبينهاا:)..

تلبسين نظارات؟؟؟

شنو موديل سيارتج؟:)...

وين بيتكم؟؟

اذا تسمعين اغاني قوليلي مطربج المفضل و مطربتج المفضله.. و بالمره قوليلي اللي ماتحبين تسمعين لهم بعد:)..

اوصفيلناا مهره بشكل عام.... بشخصيتهاا باسلوبهااا بسوالفهاا بغشمرتهاا.. شنو مهره بوقت الجد و وقد اللعب.. ..

راجعتلج:)

كويتي

18-01-2005, 03:00 PM

حياج الله مهره على الكرســي واتمنا ان اسألت
الأعضاء كلها خفيفــه عليــج ,,

وانــا عندي سؤال واحــد لــج ..

شنو احســـن مكــان في الكويـــت اذى رحتيلـــه ترتاحيــن ..؟؟

وأســف علــى الأطــالـة

تقبلي تحيـــاتي
كوووويتي

غلاتي

19-01-2005, 12:25 AM

يعطيييييييييج العافيه يا الغاليه اولله يخليلج الحجي والحجيه و الله يردهم بالسلامه..

نرجع لمحور حديثناا..
الله يعاافيج..وتسلميين والله يردهم بالسلامه انشاءالله :)
قوليلي... جم كانت نسبتج بالثانويه.؟. و هل كنتي مقرارات ولا ثانويه عامه اذا عامه قوليلناا علمي ولا ادبي.. اتوقع ادبي..
انا كنت مقررات..علمي (تشعيب علوم)..نسبتي كانت 3.80

لو نفرض انه نكج مو مهره بلا فارس شنو كنتي بتختارين نك؟؟؟
راح اختار..نبض الكويت..
جم طولج و وزنج؟؟.. و شنو الاكله اللي تحبينهاا..
طولي 160 ووزني 54 ..(توني مقاايسه )..اكلاتي المفضله: السلطات بانواعها..برياني دياي...والتشريبه(برمضان)..شوربه ذره.. بس مااحب اللحوم كلش والله يديم النعمه ..
تلبسين نظارات؟؟؟
نظارات طيبه لاء..بس البس نظارات شمسيه..
شنو موديل سيارتج؟...
جيب بليزر
وين بيتكم؟؟
بالكويت :)
اذا تسمعين اغاني قوليلي مطربج المفضل و مطربتج المفضله.. و بالمره قوليلي اللي ماتحبين تسمعين لهم بعد..
(عبدالحليم حافظ,,محمد عبده,عبدالكريم عبدالقادر,,راشد الماجد,,عاصي الحلاني,وعبدالله الرويشد وعبدالمجيد....ماخليت شي ههههههههه)
(نوال الكويتيه,,اليسا ,,ونانسي عجرم,,)واللي مااحب اسمعهم((شعبان عبدالرحيم,,وعبدالرب ادريس,,)وكل اغنيه احس ان مالها معنى او كلماتها مومفهومه..واللي اصواتهم نشاز ..
اوصفيلناا مهره بشكل عام.... بشخصيتهاا باسلوبهااا بسوالفهاا بغشمرتهاا.. شنو مهره بوقت الجد و وقد اللعب.. ..
....شخصيتي اجتماعيه و هاديه وعفويه ومااحب احد يزعل مني وياخذ بخاطره وانا خجوله بطبعي..بس بوقت الجد اكون جديه وماكو مجال للغشمره وبوقت اللعب احب العب واتغشمر واستانس اسوي دقات برفيجاتي :)
راجعتلج

حياج الله وناطره اسئلتج العسل :)

غلاتي

19-01-2005, 12:38 AM

حياج الله مهره على الكرســي واتمنا ان اسألت
الأعضاء كلها خفيفــه عليــج ,,

هلا اخوي كويتي ..حيااك...الحمدالله اسئلتهم خفيفه وعسل على قلبي :)
وانــا عندي سؤال واحــد لــج ..

تفضل
شنو احســـن مكــان في الكويـــت اذى رحتيلـــه ترتاحيــن ..؟؟
بصراحه المكان اللي ارتاحله واكوون بعييده عن الناس اهوه البحر..

وأســف علــى الأطــالـة

حيااك الله :)

كثير همة

19-01-2005, 01:38 AM

ماشاء الله كويتيه كفيتي ووفيتي ...

مدري متفقين انتي ومهره؟

:) امزح

عموماً . . . نكمل الاسئله :

1- قلتي يامهره ان عمرك صار الحين 20 السؤال يقول :

*أ* ايش استفدتي من حياتك ؟ أقصد ايش الخبره اللي وصلتي لها؟
*ب* مهره هل تعاني من الوحده؟ وان كانت كيف تشغل وقتها؟
*ج* ماهو الانجاز الذي انجزتيه وانتي في هذا العمر؟
*د* اللون المفضل الذي لاتتنازلين عن اختياره؟
*هـ * الالوان الحاليه التي تلبسينها دائما؟

2- س2 .......... بصراحه ماودي اسئل بس ودي أقول حاجه ...
انتي الآن خلصتي العقد الثاني من حياتك وتمشين بدايه للثالث ... عمرك سن الزهور ... في هذا السنوات من العمر راح تحدث تطورات كبيره وأغلبها نفسيه ... راح تمرين بأشياء كثيره أمامك ... لاتضايقين واذا ضقتي تسلحي بإيمانك واقري قرآنك ... عيشي اميره بحسن سيره وسلوك وأخلاق . . . والله يرزقك سبل العفاف والخير. ولك مني دعوه.

بتذكرين كلامي في يوم من الايام :)

أطيب تحيه محمله بذكر الرحمن

الله يحفظك من كل شر ومكروه

كويتيه

19-01-2005, 03:49 AM

اللللله نبض الكويت.. خوش نك:)...

وماشالله خوش نسبه.. ماشالله عليج.. طبعج حلوو .. و الخجل اللي فيه يحليه:)..

ماني مكثره.. اساله:).. ال شريم يقول انا انتي متفقين:).. لوول

لا بسال اساله خفييفه:)..
قوليلي لمن تهدينهم..

باقه ورد..
باقه شوك...
احبك..
مشتاقتلك...
الله يسامحك
يعطيك العافيه

لج مني كل التحيه:)

مـحمـد

19-01-2005, 05:01 AM

الاخت مهره بلا فارس

بما ان العيد على الابواب اين تقضين العيد بأيامه الثلاث برنامج كل يوم منهم

اطياف الماضي

19-01-2005, 07:01 PM

ماهو برنامجك اليومي ؟؟
مافهمت اذا تقصدين عن برنامج بالتلفزيون او يومياتي.؟؟اذا برامجي التلفزيوني انا من متابعين قناة ام بي سي 2 واتابع جميع مسلسلاتها اليوميه.color]

الله يعطيك العافية مهورة

انا قصدت
من تصحين الى ان تنامين وش تسوين :)

غلاتي

20-01-2005, 12:08 AM

ماشاء الله كويتيه كفيتي ووفيتي ...

مدري متفقين انتي ومهره؟

امزح

ههههههههههه لاء بس تقدر تقول القلوب عند بعضها
عموماً . . . نكمل الاسئله :

1- قلتي يامهره ان عمرك صار الحين 20 السؤال يقول :

*أ* ايش استفدتي من حياتك ؟ أقصد ايش الخبره اللي وصلتي لها؟

اشياء وايد تعلمتها من الدنيا ومن التجارب اللي صارتلي واهم شي اني تعلمت الصبر وشلون اتعامل مع الشخص اللي جدامي ..*
ب* مهره هل تعاني من الوحده؟ وان كانت كيف تشغل وقتها؟

لا مااعاني من الوحده لاني اشغل وقت فراغي وخواتي ورفيجاتي شاغلين وقتي :) واذا حسيت بالوحده اروح امارس هوايتي واهيا القراءه لاني احب الروايات ..*
ج* ماهو الانجاز الذي انجزتيه وانتي في هذا العمر؟

الانجاز اللي حققته تفوقي بالكليه :)*د* اللون المفضل الذي لاتتنازلين عن اختياره؟

الوردي
*هـ * الالوان الحاليه التي تلبسينها دائما؟
الوردي ودرجات البني والاسود

2- س2 .......... بصراحه ماودي اسئل بس ودي أقول حاجه ...
انتي الآن خلصتي العقد الثاني من حياتك وتمشين بدايه للثالث ... عمرك سن الزهور ... في هذا السنوات من العمر راح تحدث تطورات كبيره وأغلبها نفسيه ... راح تمرين بأشياء كثيره أمامك ... لاتضايقين واذا ضقتي تسلحي بإيمانك واقري قرآنك ... عيشي اميره بحسن سيره وسلوك وأخلاق . . . والله يرزقك سبل العفاف والخير. ولك مني دعوه.

بتذكرين كلامي في يوم من الايام

أطيب تحيه محمله بذكر الرحمن

الله يحفظك من كل شر ومكروه

كلامك جمييل ومن ذهب واعتبره حلق باذني ما انساه وشاكره نصيحتك الاخويه وهذا من طيب اصلك وتسلم والله يبعد عنك كل مكروه ويفرج همك ويبعد عنك كل شر .وكل عام وانته بخير..وبالتوفيق يارب .

غلاتي

20-01-2005, 12:15 AM

اللللله نبض الكويت.. خوش نك...

وماشالله خوش نسبه.. ماشالله عليج.. طبعج حلوو .. و الخجل اللي فيه يحليه..

ماني مكثره.. اساله.. ال شريم يقول انا انتي متفقين.. لوول

لا بسال اساله خفييفه..

هلالالاواللله كوويتييييه نوورتييي المووضووع :) اسئلتج كلهاا خفيفه حيااج قوللي اللي ودج تقوليينه :)قوليلي لمن تهدينهم..

باقه ورد..
لامي وابوي
باقه شوك...
لا احد
احبك..
اخوي
مشتاقتلك...
عمي
الله يسامحك
السنافيه
يعطيك العافيه
ل كويتيه :)
لج مني كل التحيه

ولج مني كل تقدير:)

غلاتي

20-01-2005, 12:19 AM

هلا اخوي ALAJMI

الاخت مهره بلا فارس

بما ان العيد على الابواب اين تقضين العيد بأيامه الثلاث برنامج كل يوم منهم .؟
اول يوم نزور بيت يدي(اهل ابوي) ويدتي (اهل امي) :)بليل نطلع مع البنات نتعشى..
ثاني يوم وثالث يوم بنروح الشاليهات :)
وثانكس على الاسئله

السنـــــافية

20-01-2005, 12:20 AM

ياحى الله مهره

اسفرت وانورت نورتى الكرسى

عندى لج جم سؤال بعد اذنج

1- شنو الهدف من تسجيلج فى المنتديات والمشاركه بها؟

2- طبيعتج بالمنتدى رايقه حيل ياترى نفس الشى فى الواقع ؟

3-شنو اكثر شى يشد انتباهج بالمنتدى؟

4-متى تحقق السعاده بالنسبه لج؟

5-شنو التصرف اللى تسوينه لما تشوفين انسان امامج يعصي الله سبحانه وتعالى ؟

6-هل تعتقدين ان في شي بالدنيا يستاهل عشان نزعل عليه؟

7- لو قالو لج اختارى بلد تعيشين فيها بعد الكويت الحبيبه شنو تختارين ؟ وليش

وهذه اسالتى يامهره انشاءالله تكون خفيفه

ولى رجعه :p

غلاتي

20-01-2005, 12:30 AM

هلااوغلاا بطيووفه :)
الله يعطيك العافية مهورة
الله يعاافيج ياقلبي
انا قصدت
من تصحين الى ان تنامين وش تسوين ..

بالايام العاديه (السبت- الثلاثه) اقووم الصبح واطلع الجامعه وبعد مااخلص محاضراتي ارد البيت وانام فتره وبعدها اقوم واراجع محاضرات اليوم واذا ماعندي شي اروح اشبك :)
اما الاربعه بعد مااخلص محاضراتي ارد البيت وبعدها اطلع مع الاهل سواء السوق او زواره للاهل و الخميس تكون طلعتنا واليمعه لازم نكون في بيت يدي :) ...
وثانكس على الاسئله :)

غلاتي

20-01-2005, 12:46 AM

ياحى الله مهره

اهلييين بالسنــافيه الله يحييج ويبقييج :)
اسفرت وانورت نورتى الكرسى
منوور بوجوودكم :)
عندى لج جم سؤال بعد اذنج

تفضلي اذنج معااج :)1-
شنو الهدف من تسجيلج فى المنتديات والمشاركه بها؟
استفيد وافيد من المواضيع
2- طبيعتج بالمنتدى رايقه حيل ياترى نفس الشى فى الواقع ؟
تقريبا :)
3-شنو اكثر شى يشد انتباهج بالمنتدى؟
قسم الترفيه :)
4-متى تحقق السعاده بالنسبه لج؟
اذا حسيت اني وصلت للي ابيه
5-شنو التصرف اللى تسوينه لما تشوفين انسان امامج يعصي الله سبحانه وتعالى ؟
انصحه بان اللي يسويه غلط وممكن اييب ايه قرانيه او حديث تنهي عن اللي قاعد يسويه..6
-هل تعتقدين ان في شي بالدنيا يستاهل عشان نزعل عليه؟
بصراحه الدنيا ماتسوى الزعل لانه اخرتنا بالتراب
7- لو قالو لج اختارى بلد تعيشين فيها بعد الكويت الحبيبه شنو تختارين ؟ وليش
بصراحه سؤالج صعب لانه ماكو بالدنيا مكان ممكن يعوضني عن الكويت بلد الخير والامان.....واذا جبرتيني اختار بلد ثاني باختار مكه المكرمه بيت الله :)

وهذه اسالتى يامهره انشاءالله تكون خفيفه

ولى رجعه

يعطيج العافيه...ونااطره اسئلتج الحلوه وحياج الله :)

السلطانه

20-01-2005, 01:23 AM

مرحبا....

شلونج مهره ؟؟
عندي جم سؤال لج ياليت تجاوبين عليهم

1_لو احتاجت صديقه عزيزه لج كليه فهل تتبرعين لها او تبيعينها لها او تقولين لها : يامعوده روحي؟؟
2_صفة تفتخرين بها؟؟

3_ما الذي يقلقك؟

4_هل تؤيدين مقولة اقرب طريقه لقلب الرجل معتدته؟

5_شنو اكثر كتاب قريتيه وتأثرتي؟

6_هل تؤيدين زواج الاقارب؟

7_كيف تصفين علاقتك بأنوثتك؟
8_ هل تؤيدين عمليات التجميل ؟
سوري على الااطـاله
ويعطيج العاااافيه :)

غلاتي

20-01-2005, 02:37 AM

مرحبا....

مراحب
شلونج مهره ؟؟
بخير انتي شلونج؟
عندي جم سؤال لج ياليت تجاوبين عليهم
تفضلي
_لو احتاجت صديقه عزيزه لج كليه فهل تتبرعين لها او تبيعينها لها او تقولين لها : يامعوده روحي؟؟
اذا نفس الفصيله الدم... ممكن ليش لاء2_
صفة تفتخرين بها؟؟
الصبر
3_ما الذي يقلقك؟

الزمن

4_هل تؤيدين مقولة اقرب طريقه لقلب الرجل معتدته؟

لاطبعا اقرب طريق لقلب الرجل طاعته وتفهم احتياجاته 5_
شنو اكثر كتاب قريتيه وتأثرتي؟
جرائم من واقع الحياه
6_هل تؤيدين زواج الاقارب؟
عن نفسي لاء لانه مثل مايقولون وخر اللحم عن اللحم علشان مايخيس :)
7_كيف تصفين علاقتك بأنوثتك؟
علاقتي بانوثتي علاقه عاديه

8_ هل تؤيدين عمليات التجميل ؟
اذا كانت للضروره فقط
سوري على الااطـاله
ويعطيج العاااافيه
الله يعافيج وحياج

تايه الغربه

21-01-2005, 08:59 PM

مرحبتين يا مهره

عندي سؤوال واحد في صيغة رسائل ابغاك توجهينها للاعضاء الآتيه اسمائهم .. يعني اش رايك فيهم بصراحه ؟

الســــــــــــؤدد...

السنافيـــــــــــــه..

بن عجيــــــــــــم..

ســــــــــــــــــــراب..

_________________________

كان ودي اوجه لك كم سؤال ولكني راح اكتفي بهذا السؤال ..
وعلى فكره ترا فيه واحد هدد تايه الغربه وقال ..
( حذاري انك يا تايه الغربه تستجوب مهره او تسألها بأكثر من سؤال يعني ما سمح لي الا بسؤال واحد ) :p:p:p

غلاتي

22-01-2005, 01:00 AM

مرحبتين يا مهره

مراحب ياهلا
عندي سؤوال واحد في صيغة رسائل ابغاك توجهينها للاعضاء الآتيه اسمائهم .. يعني اش رايك فيهم بصراحه ؟

الســــــــــــؤدد...
يعطيها العافيه على ردودها بمواضيعي واسلوبها الحلو واعتبرها اخت عزيزه وغاليه :) تحياتي لها

السنافيـــــــــــــه..
رفيقه الدرب على قولتهم ..واهيا صج سنافيه اسم على مسمي..ومااقدر اوصف علاقتي فيها بالكلمات لانها ماتكفي :)

بن عجيــــــــــــم..
اخ عزيز :) واقوله لاهنت على مشاركتك في مواضيعي المتواضعه

ســــــــــــــــــــراب.. ماعرفتها للحين وانشاءالله اتعرف عليها اكثر بس اقولها تسلمين على ردودج :)

_________________________

كان ودي اوجه لك كم سؤال ولكني راح اكتفي بهذا السؤال ..
وعلى فكره ترا فيه واحد هدد تايه الغربه وقال ..
( حذاري انك يا تايه الغربه تستجوب مهره او تسألها بأكثر من سؤال يعني ما سمح لي الا بسؤال واحد )

@@ عن جد تايه.؟؟؟ مين هالشخص اللي بيهدد.؟؟ لا مومعقووله انا صرت ضيفه على هالكرسي علشات ارد واجاوب على اسئلتكم...قولي منو هالشخص .؟؟ واذا عندك اسئله تفضل ولايردك الا لسانك :) ويعطيك العافيه اخووي تايه الغربه