من يسوى لى توقيع

[الوطن]

بسم الله الرحمن الرحيم

تحية طيبة وبعد

أود أن أطلب من القادرين على عمل توقيع خاص لى

اللى يسوى لى توقيع اخبره من الان حتى لو سوى التوقيع ترا ما اعرف كيف ادخله بمكان التوقيع لو تعلمونى عشرين مره يعنى ما عليكم الا انى اعتمد التوقيع اللى يعجبنى وبعدين عليه ان هو اللى يحطه بمكان التوقيع

الله يعينكم
دوختكم معى

[الوطن]

:(

[gft]

أبشري بالسعد
وهذي والله أبرك الساعات
اللي شرفتينا بعمل توقيع لكي
تامرين أمر يابنت محلف
ماعليش الا أنش
تعطيني فكره
عن نوع
التوقيع
اللي تبينه
فهناك عدة تواقيع
منها التي تعمل بطريقة
فلاش تكون الكتابه متحركه
ولكني اضن انها لم تفعل لدينا
حتى الان في المنتدى وهناك تواقيع
ثابته والتي يتم عملها على برنامج
الفوتوشوب او البرش ماعليش
ألا أنش ترفقين الصوره
التي تودين تكون
توقيعا لكي
وماهو
بيت
الشعر الذي
تريدينه موجود في التوقيع
وأن كنتي تودين أضافة الاسم
المستعار أو الأيميل أو أسم الموقع
بأنتظار طلباتك وستجدين
توقيعك بين يديك
بعدها بقليل
وارجو أن
أوفق
ويعجبك
وأن لم يعجبك
فالباب مفتوح لجميع
الأخوه والأخوات
كي نشاهد
تصاميم
أروع
أعطر وأرق
تحياتي

[الوطن]

al3jman


والله ما قصرت

بعد وتخيرنى

والله اللى تسويه اكيد راح يعجبنى

بس يكون فيه الاسم

كيفى هاجرية
وقصيده ما أبى
ولا ايميل :mad:

ولا يكون فيها صورة رجال ( ما عندنا خرابيط):mad:


وانا اترك لك حرية الاختيار

وبعدين عاد الله يعينك

[admin]

مشكور العجمان علي هالمبادره الطيبه منك
وتستاهل كيفي هاجريه

واذا ماعرفتي تحطين التوقع انا حاضر اللي بيسويه العجمان انا اركبه لك

<--- يعني مسوي شي :D

[اليامي]

ابشري يا كيفي

هاجريه

خلي العجمي يسويه وانا بعطيش اياه

[المستشار]

وانا حاضر بعد وأعرض خدماتي المجانية بالتصميم ،،، وانشالله اسوي فكرة بسيطة وارسلها لك كتجربة ،،،

عندي راي ،،، اختاري أي توقيع من تواقيع الربع الموجودين بالشكل ونصمم لك شي مقارب له بنفس البرنامج مع وضع ملاحظاتك .

المستشار

[عزوف]

قواكم اللــــــــــــــــــه

وتستاهل الهاجريه :)

[كويتيه]

ماشالله والله صراحه ردودكم تونس.. يعطيكم العافيه..

زين وانا ابي توقيع.. :o

[admin]

تستاهلين كويتيه وعندنا المستشار ما يقصر :D

[الوطن]

بصراحه اخجلتم تواضعى





واحرجتنونى بطيبكم الزايد






وانا اعرف ليه تسون كذا يا العجمان








تبون توصولون مثلنا الى درجات العلياااااا





من






الهياط










وعساكم على القوة





وانا انتظر التوقيع بفارغ الصبر وانا سويت التوقيع



صار لى يومين





وانا




ماشفت شئ


وانا بالانتظار

[المستشار]

لعيونش يالهاجرية هذه أول تجربة حسب ما سمح لي وقتي ،،، ويا ريت تعطيني ملاحظاتش عليها وأية تعديلات :

http://www.alajman.net/vb/uploaded/hajreyah.jpg


http://www.alajman.net/vb/uploaded/hajreyah.jpg

تحياتي

المستشار

[الوطن]

أهلا أخى المستشار


أعتمد وتوكل الله

التوقيع ممتاز



بس



فى مشكله



لا أعرف كيف انزله فى مكان التوقيع



بس اذا تقدر تنزله بمكان توقيع جزاك الله خير


واذا ما تقدر بس عطنى الطريقه خلنى أخبص يمين يسار
يمكن يضبط
او لا يضبط




وتقبلوا تحياتى

[عادل الشمري]

أنا وكويتيـة بعد نستاهل تواقيـع...

أرجو أن يتبرع أحدكم بشرح طريقة تنزيل التوقيع , ودمج الصور والكتابة عليها ومن أي المواقع نحصل عليها وكيف نضيفها لإشتراكاتنا...

بالإنتظـار على الخـط ،،،

[admin]

اوكي مشكورين كلكم وهالله هالله في عادل وكويتيه

خلاص الهاجريه انا بضيف لك التوقيع

[Ajmi]

السلام عليكم ورحمة الله وبركاته

معليش جينا متأخرين وسبقونا الطيبين

انشاء الله نعوضك في الجايات

[الوطن]

هلا والله
اخى ابو فيصل

والله على راسى تسلم

على اضافة التوقيع
الرائع من يد الاخ الرائع
المستشار

وبصراحه ما قصرتوا
والله لا يهينكم


AJMI ما قصرت اخوى والجاجيات واجد

واتمنى ان تلبوا طلب اخوانى ( العذال )

كويتيه
و
عادل الشمرى

لعمل لهم توقيع

[المستشار]

أبشروا والله ،،، بس عطوني وقت أسوي اللي تبونه ،، ويا ريت الأخوان المتبحرين في التصاميم يساعدوني فيه وبالأفكار.

[admin]

ابشر يالمستشار انت عليك التوقيع وانا علي التركيب :D

[حاكم العتيبي]

مرحبا


ممكن اخدم؟


اخوي عادل الشمري هذا توقيعك وسامحنا على القصور


تراني بالتصميم على قدي والجود من الموجود


التوقيع بالمرفقات


تحياتي

[عزوف]

بصراحه تواقيع رووووووووعه يعطيكم العافيه واللي احلى تعاون الاعضاء والمشرفين اللي الله يديمه :)

مبروك يا الهاجريه مبروك يالشمري تواقيع رائعه عليكم بالعافيه :)

[فيصل بن حجرف]

السلام عليكم

اخوي عادل هذا توقيع من تصميم اخوي المستشار

ولو لك عليه ملاحضات تقدر تقول او تقدر تحطه كتوقيع دايركت بدون ماتنزله ولا شي بس اسحب العنوان وحطه في مكان التوقيع

http://www.alajman.net/vb/uploaded/adeel.jpg



تحياتي

[gft]

أعتــــذار
وتحيه أجلال
السلام عليكم ورحمة الله وبركاته
في البدايه اتقدم من الغاليه كيفي هاجريه
بالأعتذار لتأخري في عمل توقيع وعدم تنفيذي
لوعدي لها بعمل توقيع لها وأرجو منها ومن الأخوه
قبول أعتذاري وذلك لمروري بضروف أشغلتني عن الجهاز
والحمد الله الأخوه لم يقصروا وقاموا بالواجب وهذا ماطلبناه منهم
وكانت فكره جميله وروعه تنافس شريف بين الجميع لعمل تواقيع
رائعه يستحقها اعضاء شبكة العجمان نت وكما اسلفت ان الباب
مفتوح للكل ويستطيع المشاركه ويساهم بتصميمه بعمل
توقيع رائع وصاحب التوقيع يختار ماعجبه منهن
ويضعه توقيع له وهنا لايسعني سوا شكر
كل من تقدم بعمل تصميم لأحد الأعضاء
وأخص بالشكر الجزيل الأستاذ
المستشار على روعة
نصاميمه وسرعة
تلبية الدعوه
وكل الأخوه
المشاركين
أعطر تحياتي

[حاكم العتيبي]

العفو اخوي العجمان


:) من قال توقيع؟


تراني اعين واعاون واحب التصميم ولايضايقني لو كل عضو طلب مني توقيع


بنتظار الطلبات

[admin]

صراحه شي يسعدنا على شوفت هالتعاون بين الاخوه وهالابداعات الرائعه في التصميم

واذا السالفه كذا فأكيد راح يكون في ديوان خاص للتصاميم اذا تبون هاشي طبعا ومتحمسين له

وماشاءالله ابداع رائع من المستشار والاروع بعد الاخ حاكم العتيبي بيض الله وجهك على هالتوقيع اللي اكثر من ممتاز

واتمنى احد يسوي توقيع للاخت كويتيه اعتقد اهي طالبه توقيع بعد ;)

وشكرا للاخ العجمان علي اعتذاره ومبادرته الاولى بالمساعده

الله يجزاكم خير ويعطيكم الف عافيه

[حاكم العتيبي]

جزاك الله خير يابوفيصل على التنبيه


ونقول آسفين للاخت كويتيه:( مانتبهت والله


وهذا توقيج وسامحينا على القصور

[admin]

الله عليك يا حاكم شي رائع
الله يعطيك العافيه

واكيد بعجبها انا متأكد

[حاكم العتيبي]

الله يعافيك يابوفيصل:)


وانشاء يعجبها مثل ماقلت

[كويتيه]

رهييييييييييييييييييب مو بس عجبني.. الا يطير العقل
تسلم ادينك والله احرجتني وايد.:o. مشكور وماقصرت.يا العتيبي.. .. شي فوق مستوى الخيااااااااااااال


يعطيكم العافيه وماقصرتوا..
بو فيصل مشكوووووووور وايد..

[عادل الشمري]

العجـــمان / المستشــار / حاكـم العتـــيبي ....

تسلمون يالغالـين , لا عدمـناكم....

بـس توقيـع العتيـبي ماطلع عـندي:(

أما توقيـع المستشـار اللي نزلـه العجـمان رهيب...بس مو واضـح....تقل عليـه زغللـة مادري فيه وإلا بعيوني !!!!

والصراحـة أنا غـرت من الكويتية.....توقيعها فظـيع....لا وفيه شعـار الدولـة !!!!
امممممممممممش...واللـه حكومـة :p

أنا الظاهر جهازي فيه علـة ....يمكن فيه بعض الملفات مفقودة...ومايشغل بعض الملفات والبرامج....

مثل توقيع عزوف مايطلع عندي ...ليش ؟؟؟ مادري!!!!

توقيع كويتية طالع عندي.....إذا توقيع كويتية غير برنامج توقيعي أنا وعزوف عرفنا العلـــة ،،،

أؤيد وبشدة دروس التصاميم.....خوش مقـترح...يمكن نترقع فيه شوي:p

يالله....ياللـه...اللي عنده تصميم جديد...يتفضل ،،،:p

[عادل الشمري]

أسحـب كلامي أعـلاه.....وكل شي واضح عـندي....

التوقيــع رهيب يالعتيــبي...تسلم يـمناك....

بس ملاحظـة صغـيرة....

مادري ليـش الألوان تذكرني باســبانيا;)...والمثل اللي يقول :

" إن كان حبـيبك ثــووووووووور...إلبـس لـه أحــمر ":p

بـس يالغـالي لو تغـير اللـون الأحـمر هـذا..وتخليـه أزرق بحـري أو أخضر زيـتي تسوي لي معروف....

لاهـنت ولاهانـوا الربـع كلهم...وموتي حـرة ياعـزوووف :p

[حاكم العتيبي]

عادل محشوم طال عمرك


لكن انا التوقيع مااقدر اقعد عليه اكثر من عشر دقايق


عشان كذا على قولة القايل ياتصيب ياتخيب اما يطلع التوقيع اوكي وحلو


ولا يطلع سكه:D


التوقيع الي سويته لك انا الصراحه ماني راضي عنه


لذالك ابعيده كله واسمحلي :mad: ابعيييييييييده كيفي


وابش بالتوقيع :D الي بيصير شيخ على كل التواقيع


بس كلمة راس :rolleyes: تعال تحت
































































انا عندي محاضره الساعه ثلاث لازم اروح لها الشايب ماتقهوى الضحى بسبتي
نايم ومخلي الدوام:D


الساعه اربع ونص وعشر دقايق :cool: راح تلقا توقيعك


تحياتي يابطل

[عادل الشمري]

لاهـنت ياولـد برقـا وروق ،،،

[حاكم العتيبي]

ولاانت ياالغالي


وهذا التوقيع شرايك فيه؟


اذا فيه شي او تبيني اغيره لايردك الا لسانك


;) كم عادل عندنا؟

[admin]

يا سلام عليك يالعتيبي مبدع ماشاءالله عليك

[عزوف]

يعطيكم العافيه على هالتعاون



توقيع حلو يالعتيبي قواك الله >>>>>>>> شعليك يالشمري توقيع عجيب :)

[عادل الشمري]

لاهـنت يالعتـيبي لاهـنت....

هـذا والله التوقيـع ال8 سلـندر...امممممممممش

خـلاص نعـتمد هذا التوقيع.....بس شلون أضيفه لي؟؟؟

عـاد انت كملها وضيفه لي ....

تسلم يــمناك...لاعدمـــناك ،،،

[admin]

تستاهل يالشمري انا بضيف لك التوقيع وانت عليك بس تفتر وتخشخ :D

[admin]

اتمنى من الاخ حاكم ان اي عضو يطلب توقيع ان يضاف علي التوقيع ( ديوان العجمان )او عنوان الموقع
حتى لا يتم سرقة هذه التصاميم الرائعه وتستعمل في منتديات اخرى من غير اعضاء هذه المنتدى

وشكر ا 99 مره

[عادل الشمري]

بوفيصـــل : تأييــــــــــــــــد ،،،