من الغازي.......الثاني

[فلاح بن مبخوت]

بسم الله الرحمن الرحيم

كان بودي اطرح اللغز الثاني بعد ان يتم حل اللغز الأول

لكن للأسف السالفه طولت

المهم

بطرح لكم لغز من الغازي سهل جداً جداً

اللغز يقول



الله على الثلاث لاصرت ماشي = يحمنك من طعن الظهر والخديعه

ماينقلن كلام كاذب وواشي = ياتنك بالاخبار كنها الطبيعه


اخوكم

فلاح بن مبخوت

[جيــر]

اخي فلاح ممكن تكون العدادات اللي هي عداد البنزين والحراره والزيت

[فلاح بن مبخوت]

يحمنك من طعن الظهر

وهن فعلاً يحمن ظهرك

تفكيرك ماجا من فراغ لكن للاسف غلط

[العساس]

حياك الله يا اخ فلاح انا اقول يمكن انها :طيب الرجل وطيب جليسه وطيب المجلس


اشكرك على اللغز ولك تحياتي.........

[فلاح بن مبخوت]

لا والله ياخوك العساس للاسف غير صحيحه

[الشادن العربي]

السلام عليكم ورحمة الله وبركاته
كان ماهي الساعه والجوال
والبوصله

[فلاح بن مبخوت]

للأسف يا اخت الشادن سماويه

حاولي مره اخرا

[عجمي ولي الله]

والله ياخوي علي ماضن تواير السياره اذا ماااني غلطاااان ولاهنت علي اللغز الحلو

[فلاح بن مبخوت]

والله لا يهينك ياخوي عجمي ولي الله بس للأسف الاجابه غير صحيحه

[كويتيه]

االحواس اللي عند الانسان؟؟
مادري.. صراحه:)

[خميس سحمي]

ياسلام على كويتيه وانا اقول هذا الجواب السليم ولاهنت

[فلاح بن مبخوت]

لاوالله للأسف يا كويتيه انتي والاخ العزيز خميس الاجابه غير صحيحه

[فلاح بن مبخوت]

افاااااا وقف التفكير ياجماعه ولا شنو

[قرناس]

اخوي فلاح اشكرك على اللغز الجميل

وانا اقول مرايات السياره الثلاثه



اخوك : قرناس

[فلاح بن مبخوت]

بيض الله وجهك يالقرنااااااااس وسلام الله عليك

مابغا ينحل هاللغز


وساعود لكم بلغز جديد

[فيصل بن حجرف]

لاهنت يافلاح على اللغز
عاد والله لي يومين ادخل اقراه وافكر ولا اعرف وتندبل كبدي
اقول بكرى بفكر فيه من جديد
والله يعطيك العافيه اخوي قرناس على الحل

ننتظر الغاز جديده

[محمد أبو زيد]

مبدع والله يافلاح بن مبخوت


لاتخلينا من الغازك

[فلاح بن مبخوت]

اخواني اشكركم جزيل الشكر على هذا التشجيع وانشاء الله اعدكم بالمزيد