اللغز يا هل اللغز

[قرناس]

بنشدك عن بنت لها فالزمان دور.............افعالها فالناس دايم شنيعه
اصحابها تكره ولو تحكم الشور..............من سمع فيها بشره بالقطيعه
خواتها بالاسم والنبع مخبور................فوق البصيطه شاركت بالطبيعه

[عـزام]

مساك الله بالخير يا قرناس

لغزك أعرفه بس مراح أحله أعطى فرصه للاعضاء يحلّونه:)


لا هنت يا قرناس على اللغز


الولهان

[قرناس]

هلا مسيك بالنور ولا انت يا الولهان جزاك الله بالخير

[محمد أبو زيد]

والله مدري !!

الولهان غششني دامك تعرفه :)


لاهنت ياقرناس , ومتى ماعرفته علمتكم به

[عـزام]

شديد الباس كم تعطينى واغششك .

بس لا تعلم احد بعدين يقولون المشرفين ياخذون بخاشيش:)

[محمد أبو زيد]

والله يالولهان مايخدم بخيل :)


طاروق يرضيك ؟ :)

[قرناس]

اررررررررررررررررررررررحبو يالرجال السنافيه لكن من غشنا فليس منا ومرحبا يا شديد الباس ولاانت شكرا على مرورك الكريم

[العساس]

السلام عليكم ورحمة الله وبركاته

يمكن انها الحشيشه او الزقاره

لك تحياتي......................

[خميس سحمي]

وشرايك يالخوي بالنار

[قرناس]

اخوي العساس واخوي خميس لاهنتوا على مشاركتكم

ورمعتكم للاسف خطا

[عـزام]

قرناس انا بجاوب لصار الشباب ما عرفوه

شديد الباس لو انك زايد الدراهم شوى كان علمتك:)

الحل هو العين (عين الحسد) وخواتها شاركت بالطبيعه عيون الماء.


هاه وشرايك بالحل.

[قرناس]

اخوي الولهان:


مرحبابك رمعتك صح ماشاء الله عليك


وشكرا على مرورك الكريم



تحياتي:*قرناس*