مواقف لها بصمه فى حياتنا تفضل وضع بصمتك ,,,

[السنـــــافية]

بسم الله الرحمن الرحيم



كثير من الأوقات نحتاج لواحة خضراء لنختلي بأنفسنا و نفكر مع ذاتنا بصوت مسموع .

نستدعي ذاكرتنا لتشاركنا في تداعي المواقف و الأحداث التي مرت بحياتنا

فسرعان ما يبعث العقل الباطن بالكثير مما خزنه ليعرضه علي ذاكرتنا

و بحكم تأثير الحدث و اتساع دائرتة نجدة يتصدر الأولوية

و المقدمة ،،، سواء كان موقف مبهج آو حدث محزن (أعا فنا و إياكم )


و العجيب في عملية التداعي آن هناك ترابط ملحوظ بين تعبير الوجه

و بين مدلول الموقف الذي نفكر فيه !

فمثلا عندما نبتسم آو نتأمل براحة خطوط الوجه فهذا يعني أننا نتذكر

مواقف أسعدتنا ،،، و عند انغماس العينين و رفع الحاجبين و انضمام

الشفتين فهو استدعاء لحدث محزن ( هل لاحظت ذلك ! )




الأعزاء الكرام أعضاء منتدى العجمان


هذه ساحة برحه من الود و الحب و التقارب

تُركت لأقلامكم لتدون علي واحتها أهم المواقف و الأحداث

التي تركت بصمتها ( علامتها ) الغائرة علي حياتكم


ولا تترددوا ،،،، فنحن في اشد الحاجة للفضفة و الدردشة


و آن كانت علي ورق !


وسابدء انا



فتشت في رفوف ذاكرتي الممتلئة بالمواقف التي تركت بصمة في حياتي

لكن الموقف الاكثر ايلاما..والتصاقا بالنفس هو


وفاة عمى



والان اترك المجال لكم واتمنى المشاركه من الجميع

[ابوحمد الشامري]

كتبتي فابدعتي اختي القديرة السنافيه من المعلوم انا الدنيا تسير في اتجاهين يكون الانسان فيها مختارا ومسيرا في بعض الاحيان اما فرحا لنجاحاً يصيبه واما حزنا على فقد عزيز او لحظة فراق انتابة قلبه الضعيف.


لكل شيء{ن} إذا ما تم نقصانُ= فلا يَغُر بطيب العيش إنسانُ
هي الامور كما شهدتها دولٌ = من سَره زمنٌ ساءته أزمانُ

ولعل الايام السعيدة عندي مقدمة على الايام الحزينة فقد كان حصولي على الشهادة الجامعية من الايام التي سعدت بها، حيث كانت ايامها عصيبه في حياتي اما النجاح او السقوط فلا وسطية بين هذين الامرين :


ونحن اناسٌ لا توسط عندنا = لنا الصدر دون العالمين او القبر

ابوحمد الشامري

[السنـــــافية]

ابو حمد

لاهنت على مرورك وتعليقك اللى اسعدنى

كل الشكر لك

[غلاتي]

مرحبا اختي السنافيه يعطيج العافيه على هالفكره الحلوه وماقصرتي
وعن المواقف اللي حزت بخاطري اهيا فقداني لشخص عزيز على قلبي والسبب هالدنيا اللي ماترحم وظروفها القاسيه...
وهذي تعتبر اول مشاركه لي معاكم... واشوفكم بمشاركات اخرى
باي
http://www.alajman.net/vb/uploader/7saaayef.gif

[السنـــــافية]

هلاااااااااااا والله مليووووون ولايكفوون

حياج الله معانا ومنوره المنتدى

تسلمين على مرورج يالغاليه

[غلاتي]

هلاااااااااااافيج والله وانتي اللي تسلمين على ردج اللي اكثر من روعه...
والمنتدى منور فيج وباهله..وانشاءالله اكوون عند حسن ظنكم ومشاركاتي تعجبكم :)
تسلمييين يالسناافيه

[راكان اليامي]

تسلم يميينش وكعادتك مميزه وانشاءالله دووم التميزز

[الشامخه]

الشيء الي لما أذكره أبتسم... عندما أقوم بعمل يكون مفخره لي مهما كان هذا العمل بسيط

الشيء الي لما أذكره أحزن.... عندما تعيد بذاكرتي رؤية والدي وهو بالعنايه المركزه هذا الشيء الوحيد الي فعلا أقدر أقول هزني بكل معاني الكلمه ( الله يحفظه ويطول بعمره )

تحياتي لج أختي السنافيه

[السنـــــافية]

راكان

الله يسلمك ولاهنت على مرورك

[السنـــــافية]

عجميه ولى الفخر

هلا فيج ونورتى الموضوع

وانشاءالله دائما مبتسمه والله يخلى لج الوالد ويطول بعمره

[كويتيه]

يعطييييج العافه على الموضوع الطيب.

و بالنسبه لي.. السفر اهوو اللي غير كل شي بحياتي..

يعطيج العافيه

[صـــمتا]

يمال العافيه اختي السنافيه على الموضوعش

كلمات جميله بل وأكثر من ذلك

ولكن لكل انسان بدايه ونهايه .. وكثير نمر بمواقف صعبه ... ومافي انسان مايمر

ووانا من مرت بمواقف صعبه وهي صديقتي ... ولقد انتشرت سالفتهااا في جرايد والكل تكلم عنهم

سمعتوا عن عائله فلان .العجمي .... اللي رايحين العمره وتوفووااا بسبب حادث السياره .. ولقد ماتوا وهم في احسن الحالات .. الله يرحمهم ويرحم جميع الموته يارب

ولقد حطوهم في اول صفحه في الجريده . .. وهي ليست صديقه بل زميله لي واصبحت معهاا 40 يومااا معااا في البااااص المدرسه .. وهي حصلت في العطله ... لكورس صيفي لنا

وهم من العائله ملتزمه جداا ومحافظين .... ويمكن تعرفون السالفه ... ولكن اللي خله الموقف صعب

المهم اصبحت هوشه في البااص الصغير ونحن في طريق .. وانا بشخصيتي مع البنات اصبحت الكل بالكل في البااص ...و فلانه لاتحب ان يظهر صوتهااا عالي .. لانا تقول صوت المرأه عوره .. الله يرحمهااا لانه راعي البااص رجل هندي ..


* * *

وانا جنبهااا نسوف مع بعض .. ولكن البنات طلعوا شريط اغاني لعبدالله روشيد .. او حسين الجسمي
وانا كنت استمع ايضااا معهم .. ولكن بجوارالفتاه الملتزمه...ولكن حسيت انهاااا متضايقه من البنات
ولماا طحت الميانه وايهاااا . عاد وقالتلي .. قلت افااا عليش يا فلانه .. ابشري ولا يهمش كم فلانه عندناا .. وكنت احترمهاا واعزهاا كثـــــــــــــــــــير ..وقامت وطلعت من جنطتهاا المدرسه شريط ديني .. وهو لشيخ (( نبيل العوضي )) وهو يتكلم عن البنات والمعاكسات والاغاني

قلت ولا يهمش .. عطيني الشريط وهذا حصل بالكفتريااا معهااا ...

ولما ظرب الجرس .. وكلنااا رحنا للباصات ... ركبنا الباص ..كلنا ...
والبنات زهبو الاغاني ...
* * *

قمت وقلت للهندي طلع الشريط .. وهاك الشريط هذااا ... عاد البنات اللي ورى يسؤلوني شنو هذا الشريط ومنو اللي يغني عساه حلو

قلت اكيد حلووووو ... واللي يتكلم الشيخ نبيل شلون مو حلو ...
اشتغربو البنات وفلانه هم استغربت ...
وقام الشريط يتكلم .. والبنات اللي ورى ينافخون .وانا . ولا همني . وكان عندي اهم شئ لو يصير الي يصير اهم شئ عندي رضا البنت علي .. ماادري ليه . سبحان الله
.
* * *
وبعدهاا قامت وحده من البنات وقالت للهندي قصر على الشريط ... وقصر الهندي ...
قمت وقلت للهندي طول على الشريط وطول ...
وقامت تنافخ البنت .. قلت اذا البااص مو عاجبش اظن فيه ميه الباااص روحي شوفي اي باااص لمستوااش ... وحناا محنا ناقصين يصير لنا حادث سياره وحنا نسمع ذا الاغاني

* * *
البنت اسكتت .. وقامت فلانه كل يوم تجيب شريط وتعطيني الاشرطه واشغلهااا لهااا .. ولما البنات تأثرووووو كثير والله سبحان الله

وقامت فلانه وقالتلي يا بنت السلاطين ...تصوري اهلي كلهم اليوم بسافرووون العمره وانا مراح اسااافر .. الا بعد اسبوووع ... قلت لهاا ماعليه كلهاا اسبوووع والاياام تركض يا فلانه
كانت متشفقه للعمره ... وتصوري هذي الكلمه صعبه علي والله ... وتمر ثلاث اسابيع ولا اسمع بوفاااته ووفات العائله معهااا.. ياهـــــــي صدمه

والمشكله اني بعد اسبوع من سماع الخبر .. رحناا انا واهلي لسوق ولكن مع راعي الباااص ماكان من اهلي فاضي يودينه قمناا ودقينه عليه وجى ورحناا

وراعي البااص قالي هذا شريط الفلانه انت عطيهاا بعدين .... اهي قبل ثلاث اسبوع يسوي حق انا تليفون يقول جيب كاست .(( الشريط )) حق انا

بس انتي عطيهاا وقامت ادموعي تنزل من عيني كالسيل على خدي والله .. مو مثل اول ما سمعت الخبر

وهذي الاشرطه معااااي مدري وش اسوي فيهاا كل مااسمعهاا اتذكرهااا ... الله يرحمهاا ويرحم اهلهااا ويرحم جميع المسلمين

وجعلكم ماتفقدوون غالي ..


وهذي يا اختي الغاليه يا السنافيه .. الموقف اللي تركت لي بصمه في حياتي ..


اعذريني اختي على الاطاله
اختش
بنت السلاطين

[admin]

الله يعطيك العافيه أختي السنافية علي هذا الموضوع وشكرا للجميع علي مشاركتهم ولكن عن جد موقف الاخت بنت السلاطين ماثر ولكن هذي مسيرت الحياة واعتقد كلنا سمعنا عن هذي العايلة والحادث الاليم الذي تأثر معه المجتمع الكويتي بأكمله
والله يرحمهم ويسكنهم الجنه

شكرا مره ثانيه أختي السنافية

[السنـــــافية]

بنت السلاطين

الله يرحمها وبالفعل موقف مؤثر

يعطيج العافيه على مرورج نورتى الموضوع

[السنـــــافية]

كويتيه

الله يعافيج ومشكوره على مرورج

[السنـــــافية]

ابو فيصل

الله يعافيك والشكر لك على مرورك