المساعد الشخصي الرقمي

مشاهدة النسخة كاملة : نسخه مع السلام للمشرف .

السامر
21-12-2004, 12:19 PM
السلام عليكم ورحمة الله وبركاتة

مساكم الله بالخير جميع .. تحياتي للمنتدى . ولرواد منتدى المحاوره

تفضل ياشديد الباس لاهنت .؟


انت يا مشرف الحله عليك التحيه = كيف حالك وحال اهل العزوم القويه

اقلط . اقلط . هنيا . بين ذيه وذيه = صفقو ياصفوف وياجماهير حيوووو



سلا م الله على المشرف من الخفجي ليا نجران = سلام(ن) داخل الحد السعودي ماطلع برا
وليا منه بغا يطلع لزوم يسجل العنوان = ونا باعطيه عنواني في وقت الخير والشرا

تحياتي للجميع

السامر
سمو الامير
21-12-2004, 04:43 PM
الله الله

صفقوا ياصفوف وياجماهير حيووووووووووووووووووووووووو


صح السانك ملايين يالسامر

ننتظر المشرف عساه مايطول
عيد بن شدقان
21-12-2004, 05:35 PM
الله الله الله
السااامر صح السانك
وتراني بصفك
ولا اقصور
بشديد الباس

وزهلوووووو الصفووووووووف

متاااااااااااااابع
السامر
21-12-2004, 05:46 PM
سمو الامير

حياك الله ياطويل العمر ... مبطا بالسيل الا كبره .. اكيد ان مشرفنا العزيز مايدري عذره معه

لاهنت على المتابعه والحماس .. امسك الصف زين لاهنت يالغالي

تحياتي

السامر
تايه الغربه
21-12-2004, 05:53 PM
سلام الله على المشرف من الخفجي ليا نجران & سلام(ن) داخل الحد السعودي ما طلع براا

صح السانك يا السامر

لاهنت

وين المشرف واصلووووا

وحن معكــــــــــــــــــــم
ناشط سياسي
21-12-2004, 06:08 PM
ياسلام عليك يالسامر
عـزام
21-12-2004, 08:39 PM
الله الله

يا السامر وحنا فى انتظار شديد الباس


واصلووووووووو وحنا متابعين
السامر
21-12-2004, 11:57 PM
هلا وسهلا ياذياب

حياك الله .. ومرورك شرف يالغالي

تحياتي لك

السامر
محمد أبو زيد
22-12-2004, 03:58 AM
مرحبا والله ومسهلا يالسامر

واسمحوا لنا على التاخير


ابشر اني بخير وقدحتي من زنادي= . في خليج العرب كل العواصم بلادي
وانت لك عاصمه وحده وفيها جهادي = . صفقوا ياصفوف وجماهير حيوووا


هلا يامرحبا من دار اخو مريم رفيع الشان = ليا حد البحر الاحمر عشان العلم يفترا
انا مدري علامك في سلامك تقفل البيبان = وانا عارفك وقت البرد يارجال والحرا
محمد أبو زيد
22-12-2004, 04:02 AM
سمو الامير

ذياب

تايه الغربه

ناشط سياسي

الولهان


مرحباً الف


لاهنتووا على المرور

والسموحه على التاخير
السامر
22-12-2004, 11:36 AM
الاخ \ تايه الغربه

الاخ\ الولهان

الاخ\ ناشط سياسي



حياكم الله .. ولاهنتو على المتابعه .. بس اشوف الصف الايمن ناقص ..ههههههه

خلووووووووووووووووووووووها

استلم ياشديد


المعارك بدت بين العرب ياجماعه = واعلن السامر الحرب العلن والخداعه
والله اني مادور من وراهم طماعه = صفقوو ياصفوف وياجماهير حيوووو



يدوم لك البقا لاكن حذرا تقرب الميدان = تراني بانتحر والله ونا ياشيخ مضطرا
سلامي فيه نوع من العتب واللوم ياذيبان = ولكن لا تطلعنا عن الموضوع من برا
محمد أبو زيد
22-12-2004, 12:29 PM
يالربع اضبطوا صف السامر لايجي فيه ميله :)


استلم لاهنت ...


المعارك تراها كل يوم(ن) وليله = . وانت فارس ولكن منت فوق الكحيله
لاح برق المخايل كان عينك تخيله = . صفقووا ياصفوف وياجماهير حيووا



عسى الله يرحمك لامت والله ماني بحزنان = حياتك مثل موتك والحقيقه طعمها مرا
غصونٍ صلفقتها الريح ذا مايل وذا وجعان = تركد لاتعيد الهرج كان العلم ينسرا
السامر
22-12-2004, 03:58 PM
تفضل ياطويل العمر

0
0
0



ياولد لاتهور ثم احطك معاهم = خلك انته بعيد ولا تجي في ذراهم
ويش لك في المشاكل ويش لك في غباهم= صفقوياصفوف وياجماهير حيووو



ترا الانسان له قيمه .. وله شيمه .. وله حسبان = واذا انه مالقاها راح يم البر والبحرا
وخلا الشجره اللي ساكنن في وسطها ثعبان = ونا ما ودي احدك على العسرا .. على العسرا

تحياتي
محمد أبو زيد
22-12-2004, 07:35 PM
استلم لاهنت ...


انت ياللي تخم الغافل وتستذمه = اسمك الخاين اللي خان فـأبوه وأمه
عقرب(ن) فــالثرى ماهمنا لدغ سمه = صفقووا ياصفوف وياجماهير حيووا


تشذّب في عراقيب البشر بإسم الله الرحمن = ترى العجمان ماترضى الغليبه في بني مرا
ترى الاحسان يابن عبيد لازم ينجزى بإحسان = وذي حكمه لابن حثلين وأهل الضر تنضرا
عيد بن شدقان
23-12-2004, 12:10 AM
السامر صح السانك
شديد البباااس صح السانك
والله انكم ابدعتووووو
واااااصلووووووو
وانا متااااااااااااابع
معكم
فيصل بن حجرف
23-12-2004, 12:40 AM
صح لسانك يالسامر
وصح لسانك ياشديد الباس وتراني في صف السامر :cool:
السامر
23-12-2004, 01:36 AM
اهلين وسهلين ياذياب
يعطيك الله العافيه يالغالي

حياك الله يابو عبد الله .. ومرورك اسعدني


استلم ياشديد



والله الخاين اللي ماعرف وين راسه = وان سالته لقيته راسب في الدراسه
بس يشفع له اني ما اذبحه طيب ساسه = صفقو ياصفوف وياجماهير حيووو



انا مشكاي لله قبل اقدم شكوتي لأنسان= ونا عارف جميع الناس في الضرا وفي السرا

وعرف العاربه ماهي عرب والناس من قحطان= ونا في موقفي ثابت ولي فرا ولي كرا

تحياتي للجميع
محمد أبو زيد
23-12-2004, 02:44 AM
مرحبا يابو عبدالله ,,, ومرحبا ياذياب

استلم يالسامر




انت تكتب ولاتفهم طلاسم كلامه = ضعف؟ ولا جهل ؟ لاشك جاتك علامه
والسلامه ترى ماهي بلحية سلامه = صفقووا ياصفوف وياجماهير حيووا


&&&&&&


انا توني دريت انك تشادي طير ابن برمان = اهدك طامعٍ فالجزل لكن جبت لي غرا
تخالفنا تفاهمنا تراها جايزه يافلان = ولك فاختامها حبة خشم خمسة عشر مرا

وصح الله السانك يالسامر ولاهنت ....
السامر
23-12-2004, 01:14 PM
تخالفنا تفاهمنا تراها جايزه يافلان = ولك فاختامها حبة خشم خمسة عشر مرا


للاخ \ شديد الباس

تشكر على اللعب .. والروح المرحه

والشكر موصلا لجميع الاعضاء المتوجدين .. والمتابعين لنا

تحياتي لك

اخوك \ السامر
فيصل بن حجرف
23-12-2004, 06:15 PM
صح لسانك يالسامر ويا شديد الباس والله لا يهينكم على اللعب الجميل والرائع
وننتظر منكم المزيد من المحاورات الجميله
المحايد
26-12-2004, 08:31 PM
صح لسانك يالسامر
وصح لسانك ياشديد الباس

محاوره رائعة وأبيات جزلة ومعاني طيبة والله لا يهينكم

وعساك سالم يالسامر

المحايد