عمــان تهدي قطــر الفوز على طبق من ذهـــب..

[كويتي]

يعطيــكم العافيـــه

اليوم مبـــارات قطــر و عمـــان طبعآ الكــل عارف الفــارق الشاسع
في المستوى الفنـــي بين الفريقيــن والفــرق الي شفناه في البطــوله
بين الفريقين تعادل قطــر مرتين مع الامارات والعراق ..
وفوز عمان على الأمارات والعراق ,,

وتكون نتائج الفــرق على هذى الشكــل

عمان اول المجموعه بــ 6 نقــــاط
قطــر الثاني على المجموعه بـ 2 نقطه
الامارات الثالث على المجموعه بـ 1 نقطه
والعراق الرابع على المجموعه بـ 1 نقطه

يعني اذى اخسرت قطـر اليوم من عمان وفاز واحد من الفريقين
الامارات او العراق راح يصعد الى الدور الاربعه ,,

ولكــن امس صــرح مدرب فريـــق عمــان انه راح يشــارك بهذي المباره
من غيــر اللعبين الأساسيـــن وراح يشـارك بلعبيـــن الاحتيـــاط ,,

وعلى مااظن السالفه مفــهومه يعني ابي اهدي الفــوز حق قطــر الدوله المضيفه
للبطـــوله عشان تصعد الدور الاربعـــه ,,

واذى صــار الشي هذى راح يكــون في ردت بفعــــل قويـــه من المنتخبان
الاماراتي والعراقــي وراح تكون البطـــوله فيها تزريق ,,

وبصـــراحه اتمنا قطــر تطلع من البطــوله احسن لها لا تصعدها قطــر وتروح الدور
الاربـــعه ويزيد عليها الحمـــل ومستواها تعبـــان ولا راح يقدر يكمــل البطوله
وراح يطلع من الدورالاربعه اذى صعد طبعآ ,,

وهذى تحليلي الشخصــــي الي اتمنـــا ما يصيــــر عشان ما تخرب البطــوله

تقبــلو تحياتي
كويتي

[كويتي]

2-1 لقطـــر هههههههههههه مدرب عمان بارع في التمثيـل
صــراحه يوم حطو الكامره عليـــه سوى نفسه منصدم :)
علينا هل حركـــات المبارات الحين في دقيقتها 29 من الشوط الاول
2-1 لقطـــر والله قــويه بس مطبــوخه يا عمـــــــــان

[ابو خالد]

الشــوط الاول انتهـاء

العـراق 0 : 0 الامـارات
قـطـــــر 2 : 1 عــمــان

يبــدو ان ماتـشلا مــدرب عمـان غيــر مهتـم بنتيـجة المبــارة , وبذلك قـام باللعب في التشكيـلة الاحتيـاطـيه حتـى يريــح لاعبينـه الاسـاسين لمبـارة قبــل النهــائي

[الناجعي]

السلام عليكم ورحمة الله وبركاته اقول هذا والله الزمن الأغبر اللي عمان تحدد من يصعد معها بس ترى مجموعتهم سهالات و ما طاحو في راعي الشوهات

[كويتي]

لاهنت يا الناجعي لكن ياخوك هذى حال الدنيا شنو نسوي :)

كويتي

[ابو محمد]

لاهنت ياكويــتي وانا اختلف معاك ان قطر بتخرج من النصف نهائي واتوقع رااح تكون صعبه على الكويت لأن اذا فاز الكويت على اليمن بيكون اول المجموعه الثانيه وقطــر ثاني المجموعه الاولى وبتكون مباراه صعبه علـى الكويت لانها بتلعب معا صاحــب الارض والجمـهور وكنت اتمنى تتأهل الامارات لاكن للأسف تأهلت قـــطر :(

[كويتي]

ابن عجيــم لاهنت على مرورك يا الغالــــي
وصدقني قطــر فريقهم مو اوكي اخرطي
والله وصدقني اول مباره له ان كاكنت مع الكويت
او غيــره راح تطلع انشاء الله ,,

والكـــــــــأس ازرق

نبي جمهور بكره عشان مبارات الكويت واليمن نبي مشجعيــن
نبي رئيس المشجعين ابوخالد والنائب عنه ابن عجيم
ونبي العنصر النسائي وياهم هههههههههه مايبيلها
الاخت كويتيه مشجعه متعصبه وخل تشولف لنا جم وحده يشجعون
وياها خخخخخخخ عاشت كويتيه :)

[كويتيه]

كويتي والللللللللله والله لو يقولوون لي يالله امشي من كندا حق الدوحه اروووووووووووح... و مابذني ماي..:) بس مو بيدي..:)

بعدين صراحه.. عمان لعبتهاا صح و على حساب المنتخب الاماراتي والعراقي... ... لعبهم كان خرطي و كانواا مبينيين انهم يبوون قطر تفووز.. و قطر ماكانواا ذاك المستوى.. بس الحظ لعب دوره معاهم... والله والللللللللللللله اني مثلك كويتي كل مايطلعوون على ماتشيلا يسوي روحه زعلان و معصب.. يعني جنه مو راضي.. ماجنه مخطيين لهاا..
بس وشنو يعني عمان ولا قطر ولا اي منتخب.. ازرقناا قادر.. و محد احسن من احد في هالبطوله..
انشالله يبيضونهاا باجر ...

الله مع ازرقناااااااااااااا

[جيــر]

يا جماعه صدقوني لو يفوز اللي يفوز وتقابلون اللي تقابلون الكأس سعودي ولا تقولون اني ما قلته

[العماني]

يالربع شفيكم على منتخب قطر المنتخب فاز بذراعه:D

[كويتي]

شفتي اشلـــون يا كويتيــه يسوي نفسه معصب ومتضايق
وهو طابخها عدل مع قطــر :)
علينا يا عمـــان علينا ,,؟

لاهنتي مرورج اسعدني

كويتي

[كويتي]

جير الكاس لو تاخذه انت بنفسك وتفكنا من هل كاس كان ابــرك :)

لاهنت مرورك اسعدنــي

كويتي

[كويتي]

العمـــاني اشدعوه ترى السالفه مطبوخه ياخوي والله
نتمنا ان قطر ولا الامارات يصعد مع عمان والله
ولا يصعد الخكري بس الظلم مو حلو يا بعد راسي
وحلات الشــي من غير غش انا الحين اشوف ان البطوله
اخربـــت دامها دش فيها التزريق والحركات الي مالها داعي
وعلى فكره طلعو على الجزيره الرياضيه القطرين طالعين مسيرات
خخخخخخخخ هذوله لو ياخوذن الكاس شنو يصيــر فيهم

على العموم مبروك يا العماني فوز قطر :)

تقبل تحياتي
كويتي

[جيــر]

اخي كويتي تبي الجد قطر مستواها رائع واستحقت الفوز عن جداره وما اعتقد ان العمانيين متساهلين لسبب بسيط ان اي فريق يحاول دائما اخراج صاحب الارض والجمهور تجنبا لملاقاته في الادوار النهائيه لكي تسهل مهمته في الفوز با للقب فليس من مصلحة عمان تأهل قطر مع احترامي ارأيك.

وفي الأخير ارجع واقول الكأس سعوووووووودي

[كويتي]

اخوي الغالي جير رأيك يسعدنـــي
ولكن ياخوي السالفه مفلصه امس
اشكــره ,,

المهم عليهم بالعافيـــه

تقبل تحياتي
كويتي

[تايه الغربه]

اخوي كويتي

تسلم تسلم

والكأس سعـــــــــــــــــــــــــــــــــودي :D:D:D

[العماني]

اخي كويتي تبي الجد قطر مستواها رائع واستحقت الفوز عن جداره وما اعتقد ان العمانيين متساهلين لسبب بسيط ان اي فريق يحاول دائما اخراج صاحب الارض والجمهور تجنبا لملاقاته في الادوار النهائيه لكي تسهل مهمته في الفوز با للقب فليس من مصلحة عمان تأهل قطر مع احترامي ارأيك.

بيض الله وجهك اخوي جير ووينك يا كويتي عشان تسمع:rolleyes:

[كويتي]

تستاهلون يا العماني الكاس مو بس المبارة :)