الامطــار تكشف وزير الأشغـــال

[كويتي]

السلام عليكم
بصراحه حبيت اكتب الموضوع بسبب ماشفته اليوم من معانات المواطنين والمقيمين فى شوارع الكويت ومعالى وزير الاشغال قبل تقريبن اسبوعين فى برنامج مع المذيع غالب العصيمى حيث يقول معالى الوزير بان الوزاره عملت خطط طوارى ومعالجة شبكات الامطار وانه اجتمع مع الشركات المختصه على الشبكات وتم رصد ميزانيه لحدوث اى مشكله مثل مشكلة اليوم وهوى الامطار الغزيره وان سيعاقب اى شركة لاتقوم بالعمل بالشكل المطوب وللاسف المشكله لم تعالجها الوزاره من سنة 1997 وللاسف اليوم على الراديو يقول وكيل الوزراه ان كميت الامطار وصلت الى 150 مل متر وعيسى رمضان من الارصاد الجويه يقول ان نسبة الامطار لم تصل الى 22 او 30 مل متر ولا كن اين وزير الاشغال وماذا سيعمل هل يستقيل ام يحيل الشركات الى النيابه من ضمن الشكات شكه كبيره وصاحبها رئيس مجلس الامه !!!!!!!!!!!!!

ا. هل الكويت عاجزه من سنة 1997 على حل مشاكل الامطار ؟
2. هل يوجد عجز فى الميزانيه ؟
3. هل تم اصلاح شبكات امطار العراق وفلسطين وترك الكويت ؟
4.هل هذا الاصلاح الذى تقوله الحكومه او الفساد الذى لاترغب بقطعه ؟
انا حبيت اختصر بعض الكلام لان اكثر الكويتيين اليوم عانوا من مشاكل كثيره واترك الردود لكم .

[الوطن]

اخى
كويتى

اشكر غيرتك على ديرتنا الكويت

لكن لا حياة لمن تناااااااادى

[كويتي]

اي والله لاحياة لمن تنادي

الله لا يهينج يا الهاجريه
وتسلمين على المرور الغالي

تقبلي تحياتي
كويتي

[بنت شيوخ]

من قال لا حياة لمن تنادي
بس الغلطه الوحيده

هي

الرجل الغير مناسب في المكان المناسب >>> عادي امثال شغل تأليف

[السنـــــافية]

اى والله ياكويتى امس معاناه

حالتنا حاله وين مانروح الا غرقه ومطر والطريق مصكر والله ستر

وهالديره اخذ كلاااااااام بس ولا فعل مافىى



يعطيك العااااافيه,,, كويتى

[ابوتركى]

اليوم عاد مسكر جسر الغزالى من الماى

حشا مو قار اسفنجه

مشكور كويتى

[مـحمـد]

بسم الله الرحمن الرحيم

اشكرك على موضوعك اللذي عانا منه الجميع
وانا اعتقد ان وزير الاشغال وزير ناجح ولاتأخذ عليه بكل كبيره وصغيره
فلقد فعل ما لم يفعله وزراء الاشغال السابقين من تجروء على احالة الشركات على النيابه العامه وغيرها من المشاريع العملاقه..الخ ؛ نرجع لموضوعنا المطر اليوم الحمدلله على المنه والعافيه ويقولون المطر يغسل القلوب قبل الشوارع :)
وبخصوص اسألتك نتمنى ان تلقى لها اجابات في الايام القادمه .

[كويتيه]

الله يكون بالعوون انشالله..
يعطيك العافيه كويتي..

[هند]

لا حول ولاقـــوة إلا بالله

كان الله بالعون

لك تقديري ياكويتى

السؤدد

[كويتي]

يعطيـكم العافيه حبايبي وتسلمون على التفاعل مع الموضوع

اخوي العجمي بغيت اعرف شنو سوى وزير الاشغال ؟؟
تبيني اصور لك الاعمال الي قام فيها وزير الاشغال ؟؟
اذى تقدر تمر على شارع البحر من الفنطاس الى الفحيحيل
شوف شركة البوص الي لها اكثر من سنه وهي تشتغل عشان تسوي بس اشاره
عند ابو حليفه والمنقف ؟؟
ولا الطريق السريع الي تبلطه شركة البوص من ثلاث سنين كل اسبوع يشيل
ويرجع يبلط من اول وجديد ؟؟
الكويت من اغنا الدول في العالم وشوارعها تقول شوارع مصــر تقول حافرين
بيــر في الطريق السريع وشوارع ما ادري وزارة الاشغال مسويه اتفاقيه مع
وكالات السيارات عشان تخرب السيارات من الطرق المكسره عشان يمشون شغل
الوكالات ولا شنو ماني فاهم ..

على العموم الله يعطيكم العافيه ومروركم اسعدني

تقبل تحياتي
كويتي

[بن جمعه]

أخي العزيز ليس لاحد أن ينكر ما قامت به الحكومه من تعديل في الطرقات وغيره
فالكويت اليوم ليست كما كانت عليه منذ عام 1997 فالحق يقال
ولا نكن نحن من الاشخاص الدام الاعتراض والتذمر على كل المور
حيث انه لنا الحق جميعاً أن نرفض ما حدث ونحتج عليه ولكن مع هذا لا يحق لنا ان ننسى جهود وزير الاشغال من حيث التطور الملحوظ على البلاد وعلى المطار تحديداً


رغم أن هذا الموضوع لا يمسسني بشيء حيث اني لا انتمي الى نفس البلد المعنيه ولكن الحق يقال
* * * * * * * * * * * * * * * * * *
ولكم مني جزيل الشكر

[كويتي]

اخوي الغالي بن جمعه لاهنت ومرورك اسعدني وتعقيبــك
جميله ومافيه اي مشكله بس ياخوي شوفت عينك ,,
الكويت اغنى دوله في العالم ويوم نزل مطر اغرقت الديره
ولو يبــون كان خلوها من احسن الدول في العالم

لاهنت يا الغالي

كويتي

[الماضي الحاضر]

طــــــــــــــــــــــــــــــــــــــــــــــــ ماطاش ــــــــــــــــــــــــــــــــــــــاش
ههههههههههههههههههههههههههههههههه
ههههههههههههههههههههههههههههههههه

والله صار فيلم في الكويت بعد المطر،، لكن مطرةٍ طيبه وحلوه،،، الله يجيب الفقع

[الشامخه]

مرحبا أخوي الكويتي أولا أشكرك على الموضوع الي فعلا جه بوقته.... مشكله الأمطار الظاهر مالها حل عندنا .... وما ينظرون للموضوع بجديه...... مع العلم أنه ناس قاعده تتأثر من ناحيه الماديه سياييرهم أتغرق غير أشياء ثانيه بعد.....ومثل ما ذكرت أنت الشارع الي عند الفنطاس بامتداد ابو حليفه صارلهم أكثر من سنه وأهما يحاولون يصلحونه!!!..... المشكله مشكله أهمال؟ ولا مافيه مهندسين قد المسئوليه ؟ولا مشكله الوزير ابنفسه؟!؟

الدول الي بالخارج يبنون ناطحات سحاب في أشهر معدوده

وأحنا شوارع بسيطه مشكلتها ما حليناها صارلنا سنين !!!

ولك تحياتي

[سمو الامير]

الله يعينكم وعندنا وعندكم خير

بس عندي ملاحظه على وزارة الاشغال الكويتيه لاني سمعت انها توظف كثير من الشباب وما عليه الا يجي يوقع يوم واحد في الاسبوع عن الاسبوع كله فكيف تبيهم يحلون مشكله وهم يخلقون اخرى وتعلم ياعزيزي مالذي سيترتب على هذا العمل من اهمال وهدر للاموال والطاقات


وسامحوني اذا تدخلت بما لا يعنيني وهذا كله من حب الكويت واهله

[كويتي]

الماضي الحــاظر لاهنت على المرورك الي اسعدنـــي

تقبل تحياتي
كويتي

[كويتي]

عجميه ولي الفخر لاهنتي على المرور وعلى التعقيب الي اسعدني
والموضوع يا اختي الغاليــه صار ماهو مسألت شوارع اغرقت
المشكله صارت داخل بيوت العالم الي اخرقت سراديبهم وبيتهم
منو راح يتحمل هذي الخساير العالم بروحهم عليهم ديون تكسر
الظهر وبعدين الوزير نايم وماهمه شي لهط في هل فلوس ولا يدري
وتقولين شارع المنقف الى الفنطاس انتي روحي طقي فره في هذى
الشارع وشوفي شنو يصير في سيارتج هذى وهم مصلحينه كل حفره
تقول بيــر ماي حافرينه في الشارع البوص طايح بوق والوزير نايم

لاهنتي على المرور يا غاليـــه

تقبلي تحياتي
كويتي

[كويتي]

سمو الاميــر تسلم على هذى المرور
ولاهنت على حبك لهذى الوطن :)

تقبل تحياتي
كويتي