∫∫ على دروب الغانمين ... في ضيافتنا ∫∫

[الـعـابـر]

السلام عليكم ورحمة الله وبركاته

نرحب بكم أجمل ترحيب ونعود إليكم بعد غياب دام 3 شهور
ضيفنا لهذا الأسبوع ضيف مميز أثبت وجوده وفرض إحترامه على الجميع

من خلال أخلاقه العالية ومشاركاته المميزة التي تصدأ في كل ركن من أركان المنتدى
ضيفكم هو العضو القدير ( على دروب الغانمين ) لليمين در سابقاً

فأهلاً وسهلاً به ضيفاً عزيزاً

وأتركم المجال لكم لطرح أسئلتكم على ضيفكم الكريم

[فرااااج]

لاهنت يالعابر

ونرحب في الاخ على دروب الغانمين

ونبدأ بالاسئله :

1=ماهو سبب تسميتك بهذا اللقب "على دروب الغانمين"

2=عرفنا على جانب من شخصيتك وهواياتك

3=هل تكتب الشعر او متذوق له

4=اشوفك الوحيد اللي تكتب عند نقل الشعر (منقول) لماذا

5=اشوفك تمدح الناس واجد في بعض المواضيع ,,هل هي مجامله او اعجاب بالموضوع

6=وماهو الشاعر المفضل عندك

7=هل انت من المغردين في تويتر

8= هل تخاف من الحيوانات الاليفة مثل القطط (شفت صورك في موضوع الصور وضفت هذا السوال:))




اسئله خفيف ولي عودة باسئلة ثقيلة شوي

[على دروب الغانمين]

تسلم اخي العابر على الاستضافة

وعلى كلامك الطيب احرجتني بطيبك

وعسى اكون ضيف خفيف عليكم

[على دروب الغانمين]

لاهنت يالعابر

ونرحب في الاخ على دروب الغانمين

ياهلا ومرحبا

ونبدأ بالاسئله :

1=ماهو سبب تسميتك بهذا اللقب "على دروب الغانمين"

سبب التسميه:على دروب الغانمين اللي سبقونا من الصحابه والتابيعين واجدادنا
اللي مشوا على درب الحق والدين ,,,وان شاء الله نمشي على دروبهم ماحيينا


2=عرفنا على جانب من شخصيتك وهواياتك

شخصيتي عادية مثل باقي الناس ,,مااشوف اني مميز في شي
هواياتي كثيره ..قراءه التاريخ والشعر وركوب الخيل واقتناء الابل والزراعه

3=هل تكتب الشعر او متذوق له

اكتب الشعر بجميع انواعه,,لكن ماني شاعر مشهور وغير متفرغ له ,,ومتذوق من الدرجه الأولى للشعر


4=اشوفك الوحيد اللي تكتب عند نقل الشعر (منقول) لماذا

اكتب (منقول) لحفظ حقوق الشاعر اللي تعب وكتب قصايده
واذا ماكتبت منقول يعني الابيات لي

5=اشوفك تمدح الناس واجد في بعض المواضيع ,,هل هي مجامله او اعجاب بالموضوع

امدح اللي يستحق المدح حتى لو مااعرفه ,,مثلاً فية ناس استفدت من مواضيعهم في القسم الاسلامي
او في اي قسم غيره ,,لازم اشيد فية ,,واشكره ,,
لانهم لهم فضل علي وعلى غيري في النصح والتذكير والتوضيح ,,
وماهي مجامله ,,لاني ماابي من احد شي ,,واللي كتب الموضوع او الطرح ,
مايبي مني شي الا الدعاء له ,,
وماهي مجامله ,,بالعكس الاشاده بطرح او موضوع شي طيب
مع انه يسبب لي احراج ,,الناس تفكيرهم اني ابي اوصل شي في نفسي
واللي يعرفني على طبيعتي يعرف اني بعيد كل البعد عن المجاملات ,,
اكتب مايرضيني ويرضي من تعب وكتب لنا شي مفيد
(ان شاء الله قصدي واضح ..لاني تعبت اوضح ,,واجعني راسي )

6=وماهو الشاعر المفضل عندك

ماعندي شاعر مفضل ,,عندي شعر مفضل ,,مثلاً شعر الحكم والنصايح والشعر الديني
وشعر الفخر اللي فيه فضايل ,,,
وكما قال النبي صلى الله عليه وسلم قال : الشعر بمنزلة الكلام ، حسنه كحسن الكلام ، وقبيحه كقبيح الكلام .

7=هل انت من المغردين في تويتر

نعم


8= هل تخاف من الحيوانات الاليفة مثل القطط (شفت صورك في موضوع الصور وضفت هذا السوال:))

احرجتني بس بوضح لك نقطه :
شي طبيعي لما يطلع لك شي وانت غافل ,,ان تكون لك ردت فعل طبيعيه ..مو مسالة خوف
انا لما طلع لي القطو بسرعه من تحت السيارة ضربته باللي في يدي وللاسف كان اللي في يدي
تلفوني ,,
ردة فعل طبيعيه ,,وانا ماعندي خوف ..ولله الحمد .. من اي حيوان اليف اوغير اليف
(حاولت احذف الصورة ماقدرت ,,انتهى الوقت ,,اول مانزلتها ,,ادري انه راح يجي واحد مثلك وينتقدني )
عاد انت تدور الزلات والمناقيد ..بس اهم شي لايدري (فلان) اللي انت خابر



اسئله خفيف ولي عودة باسئلة ثقيلة شوي

لا والله تكفى فكني من الاسئله الثقيله >>عاد فية اثقل من هذي الاسئله


اخيراً انتيهنا من الاسئله
شرفت يا فراج واسعدني تواجدك واسئلتك الخفيفه
وحياك الله في اي وقت

[●• Ŝђǿǿq •●]

أهَلاً وسَهلاً على دروب الغانمين

مساءَكِ مُعتَقْ بِـ شذى مِن ورد ..
لآشك بـ أنك أثبت وجودكَ بـِ أخلاقك العآليه أولاً ..
وبـِ مشآركآتك التي أثرت المنتدىَ وتشجعيكَ لجميع الأعضآء ثآنياً

http://2.bp.blogspot.com/_31uPANHiHGo/TFGOWsQsUnI/AAAAAAAAANg/43aoCY5g27c/s1600/%D8%A8%D8%AE%D9%88%D8%B13.jpg

تفضل اسألتي :

1_ قرآر ندمت عَ إتخآذه ؟
2_ بلد تفكر بـِ الإستقرآر به بقية حيآتكـَ ؟
3_ مآذا يقلقك بالفترهـً الحآليَه ؟

لك تراتيلُ فرحٍ لاتنقَطـِع http://upload.7bna.com/uploads/ac35918559.gif ..~

[على دروب الغانمين]

أهَلاً وسَهلاً على دروب الغانمين

مساءَكِ مُعتَقْ بِـ شذى مِن ورد ..
لآشك بـ أنك أثبت وجودكَ بـِ أخلاقك العآليه أولاً ..
وبـِ مشآركآتك التي أثرت المنتدىَ وتشجعيكَ لجميع الأعضآء ثآنياً

http://2.bp.blogspot.com/_31upanhihgo/tfgowsqsuni/aaaaaaaaang/43aocy5g27c/s1600/%d8%a8%d8%ae%d9%88%d8%b13.jpg

تفضل اسألتي :

1_ قرآر ندمت عَ إتخآذه ؟
2_ بلد تفكر بـِ الإستقرآر به بقية حيآتكـَ ؟
3_ مآذا يقلقك بالفترهـً الحآليَه ؟

لك تراتيلُ فرحٍ لاتنقَطـِع http://upload.7bna.com/uploads/ac35918559.gif ..~

يامرحبا ومساء النور والسرور
تسلمين على كلامك الطيب
وعسى اكون عند حسن ظن الجميع


1_ قرآر ندمت عَ إتخآذه ؟

قرارات كثيره ندمت عليها ,,بس للأسف شخصيه ,,مقدر اذكرها
وانا في اغلب قراراتي متسرع شوي ,,وماافكر في العواقب ,,الا بعد فوات الآوان
بس االحمدلله ,,ربك مسهل كل الامور


2_ بلد تفكر بـِ الإستقرآر به بقية حيآتكـَ ؟
الكويت ديرتي اولاً,,والسعودية احبها واتمنى استقر بعد التقاعد فيها ,,واشتري لي مزرعه خاصة فيني هناك وابني فيها بيت واستقر هناك,,

3_ مآذا يقلقك بالفترهـً الحآليَه ؟

الحمدلله مافية شي يقلقني ,,كل الامور طيبه



لاهنتي على الاسئله الخفيفه

[سحر الغروب]

السلام عليكم ورحمة الله وبركاته
حيّاك الله وبيّاك أخي الكريم على دروب الغانمين

1/ أكثر شي يغضبك ماهو ,,؟
2/ من أقرب شخص لقلبك ,,؟
3/ عندما تتمنى شيئ ولاتستطيع الحصول عليه فما هي ردة فعلك ,,؟

كل الشكر للضيف والمستضيف :) ,,,,

[على دروب الغانمين]

السلام عليكم ورحمة الله وبركاته
وعليكم السلام ورحمة الله وبركاته



حيّاك الله وبيّاك أخي الكريم على دروب الغانمين
الله يحييك اختي الكريمه سحر الغروب




1/ أكثر شي يغضبك ماهو ,,؟
واجد اشياء تغضبني ,,بس اكثر شي لما اثق في شخص,,وهقوتي فيةطيبه,,وانصدم فية بموقف اوكلمه ,,على طول اكرهه,,واخذ موقف منه




2/ من أقرب شخص لقلبك ,,؟

مافية شخص قريب من قلبي ,,كلن غالي بس من بعيد لبعيد




3/ عندما تتمنى شيئ ولاتستطيع الحصول عليه فما هي ردة فعلك ,,؟

الاماني كثيره ..بس اذا ماصارت ولا حصلت على مااتمنى ,,لاحول ولا قوه الا بالله ,,ارضى بالواقع واقول خيره ,,ان شاء الله





كل الشكر للضيف والمستضيف :) ,,,,


وانتي بعد مشكوره ..على الاسئله الخفيفه

[عذبة الصفات]

• آڵسَـِْ♡̨̐ـِْڵٱمَ ؏ـلـِْ♡̨̐ـِْيّيّگمَ ورحمة اللـٍْْ♡̷̴̬̩̃̊ـٍْْھٌٍّ وبركاته

ارحب ضيفنا العزيز وحياك اللـٍْْ♡̷̴̬̩̃̊ـٍْْھٌٍّ
أنـ♡̸̮̮̃ـا ماراح اثقل عليك فـِ♡ـيْ الاسأله
واتمني تكون خفيفه عليك

١- ما مدى توافقك مع هذه العبارة " ان لم تكن ذئباً اكلتك الذئاب " ؟

٢- قلم شاعر تتمنى ان تصل لمستواه من هو ؟

٣- من هو الشاعر المفضل لك ؟

وشكراً اخوي
اتمني اكون مازعجتك بسألتي
واشكر اخوي العابر علـْْْ•̣̣̥·̩̩̩̥•̣̥ـْْْى جهوده المبذوله

[على دروب الغانمين]

• آڵسَـِْ♡̨̐ـِْڵٱمَ ؏ـلـِْ♡̨̐ـِْيّيّگمَ ورحمة اللـٍْْ♡̷̴̬̩̃̊ـٍْْھٌٍّ وبركاته


وعليكم السلام ورحمة الله وبركاته



ارحب ضيفنا العزيز وحياك اللـٍْْ♡̷̴̬̩̃̊ـٍْْھٌٍّ

الله يحييك


أنـ♡̸̮̮̃ـا ماراح اثقل عليك فـِ♡ـيْ الاسأله
واتمني تكون خفيفه عليك

يامرحبا بالاسئله وفيك


1- ما مدى توافقك مع هذه العبارة " ان لم تكن ذئباً اكلتك الذئاب " ؟

المثل هذا اطبقه ,,لاني انقرصت كذا مره ,,والمثل هذا الحين اتوفق معه كثيره ..كنت قبل اخذ كل
شي بحسن نيه ,,بس الحين اي كلمه تجيني حتى ولو مزحه افسرها واخذها من كل النواحي
والجوانب ..لان بعض الناس يقول كلمه وفيها لف ودوارن ,,ان سكت قالوا الكلمه مشت عليه ,,وان رديت وضحت للشخص وللمتواجدين اني (دون عمري) ,,والرد جاهز ..


2- قلم شاعر تتمنى ان تصل لمستواه من هو ؟

الاقلام والشعار كثار ,,ولا في بالي اسم شاعر حالياً ,,وكل شخص له اسلوبه
وانا يعجبني كل مبدع ,,بغض النظر عن الاسماء المعروفه

3- من هو الشاعر المفضل لك ؟

كل شاعر مبدع ..يكتب شعره بعيد عن الاسفاف ,,ولا يوجد شاعر مفضل ..مع احترامي للجميع


وشكراً اخوي
اتمني اكون مازعجتك بسألتي
واشكر اخوي العابر علـْْْ•̣̣̥·̩̩̩̥•̣̥ـْْْى جهوده المبذوله

مشكوره اختي عذبة الصفات
وابد مافيه ازعاج ,,بالعكس اسعدني تواجدك

[%الماسه%]

السلام عليكم ورحمة الله وبركاته
تعجز الكلمات عن وصفه والله
ومهما قلنا فيه بيكون كلامنا غير كافي لوصفه شخصيه مميز واسلوبه جميل ..
الاخ (( علي دروب الغانمين ))
أسأل الله ان يجعلنا من دروب الغانمين ..

تحمل اسألتي :)
1_ سؤالي شنو حكمتك بالحياة .. ؟
2_ شنو الشيء ماتقدر تستغناء عنه ابداً ؟!
3_ عطيني موقف غريب صار لك؟
4_ بيت شعر يحضرك دائما ؟!!
5_ من اقرب شخص لك وترتاح له ؟
وشكر خاص لـاخ العابر
تقبلوا ودي

[الباشا]

اهلاً وسهلاً بالأخ القدير على دروب الغانمين وحياك الله ضيف
في هذا الموضوع ولا انسى شكري وتقديري للأخ ابو فهد على
ما يقوم به في المنتدى وهذا الموضوع واحد منها
سؤالي
تسجيل دخولك 2008م .. عضو قديم لكن اتوقع ان لك اسم
قبل هذا وغيرته اذا كان نعم علمنا وش الأسم الأول ويعلم الله اني ما ذهبت لمشاركاتك
القديمة حتى اشوف لك اسم او لا قبل هذا ؟

السؤال الثاني
ما شاء الله عليك نشيط في المنتدى ومتواجد هل سبق
وان طرح عليك العمل من ضمن الفريق الأداري؟

السؤال الثالث
مرئياتك عن المنتدى ؟

ولك الشكر مقدماً

[فرااااج]

عوده مره ثانيه


1= لو كنت في صحراء ومضطر تتخلا عن واحد من ثلاث اشياء_ الماء _الراحله _خويك(صديقك) اي واحد راح تتخلا عنه ؟

2=ماهو العتب بنظرك_هل هو محبه_او أنتقاد_او تصيد اخطاء؟

3=لو احترت في موضوع بين قلبك وعقلك _ترجح كفة العقل والحكمة_او تنساق وراى رغبات قلبك ؟

4= اذكر ثلاث اشياء تكرها في الشخص _وثلاث اشياء تحبها في الشخص؟

5= الاحظ ان نفسيتك تغلب على اكثر ردودك ؟ اذا كنت رايق يكون الرد رايق _اذا كنت متضايق يظهر في ردودك _هل هذا جانب من شخصيتك !


واكتفي بهذي الاسئلة
وجاوب وانت رايق

[قوت القلوب]

❥ ❥ منور الضيافه , والله يعينك على الأسئلة ❥ ❥


:
http://www.nhabepvn.com/wp-content/uploads/2011/11/homemade-cappuccino-mix.jpg
... ماهي اجمل لحظات حياتك؟؟
.. مستحيل انساك)) لمن تقولها ؟؟؟
ما اغلى واجمل هديه اهديت لك / واهديتها لـ أحد ..



العابر : يسلموا على فتح الموضوع من جديد


لاهنت يالامير

[على دروب الغانمين]

السلام عليكم ورحمة الله وبركاته
تعجز الكلمات عن وصفه والله
ومهما قلنا فيه بيكون كلامنا غير كافي لوصفه شخصيه مميز واسلوبه جميل ..
الاخ (( علي دروب الغانمين ))
أسأل الله ان يجعلنا من دروب الغانمين ..

تحمل اسألتي :)
1_ سؤالي شنو حكمتك بالحياة .. ؟
2_ شنو الشيء ماتقدر تستغناء عنه ابداً ؟!
3_ عطيني موقف غريب صار لك؟
4_ بيت شعر يحضرك دائما ؟!!
5_ من اقرب شخص لك وترتاح له ؟
وشكر خاص لـاخ العابر
تقبلوا ودي

وعليكم السلام ورحمة الله وبركاته
مرحبا ومسهلا باختنا الخلوقه \%الماسه%
وتسلمين على كلامك الطيب جعل من جابك الجنه
وانتي ان شاء الله من الغانمين ,,دربك ودرب شيبانك واجدادك الغانمين اللي مشوا طريق الحق والدين
وعساني اكون عند حسن الظن


ويامرحبا بالاسئله ومن كتبها

1_ سؤالي شنو حكمتك بالحياة .. ؟
(الطيب مايضيع عن الاجواد) الصراحه مدري هي حكمه دارجه عن القبائل العربيه في الجزيره..او لا..
بس دايم يقولها جدي الله يرحمه,,وانا على دربه ارددها واطبقها


2_ شنو الشيء ماتقدر تستغناء عنه ابداً ؟!
والله مدري ,,مافي بالي شي الحين ,,او اني مافهمت السؤال بالضبط


3_ عطيني موقف غريب صار لك؟
اعذريني والله ماتذكر موقف غريب حالياً

4_ بيت شعر يحضرك دائما ؟!!
انا خويك في الليالي المعاسير= ولا الرخا كلن يسد بمكاني
البيت للشاعر والفارس \شالح بن هدلان

5_ من اقرب شخص لك وترتاح له ؟
حالياً مافية شخص قريب مني وارتاح له ,,اشوف كل الناس تشابه ,,الا ,,ماندر,,مع احترامي للطيبين


الله يعطيك العافيه ..على الاسئله وعلى مداخلتك الطيبه
كل الاحترام والتقدير لشخصك الطيب ولشخصيتك الفذه

[على دروب الغانمين]

اهلاً وسهلاً بالأخ القدير على دروب الغانمين وحياك الله ضيف
في هذا الموضوع ولا انسى شكري وتقديري للأخ ابو فهد على
ما يقوم به في المنتدى وهذا الموضوع واحد منها
سؤالي
تسجيل دخولك 2008م .. عضو قديم لكن اتوقع ان لك اسم
قبل هذا وغيرته اذا كان نعم علمنا وش الأسم الأول ويعلم الله اني ما ذهبت لمشاركاتك
القديمة حتى اشوف لك اسم او لا قبل هذا ؟

السؤال الثاني
ما شاء الله عليك نشيط في المنتدى ومتواجد هل سبق
وان طرح عليك العمل من ضمن الفريق الأداري؟

السؤال الثالث
مرئياتك عن المنتدى ؟

ولك الشكر مقدماً


يامرحبا بك ومسهلا اخوي الغالي الباشا
وتسلم على كلامك الطيب ..الله يطول عمرك على طاعته
وابو فهد ,,يتساهل كل خير ,,وجهوده واضحه ,,الله يعطيه العافيه

سؤالي
تسجيل دخولك 2008م .. عضو قديم لكن اتوقع ان لك اسم
قبل هذا وغيرته اذا كان نعم علمنا وش الأسم الأول ويعلم الله اني ما ذهبت لمشاركاتك
القديمة حتى اشوف لك اسم او لا قبل هذا ؟

ايه صح كلامك ,,كان لي لقب قديم ,,وغيرته الي (لليمين در)
بس اعتذر لك عن ذكره ,,لاني اعرف من اللي قال لك انشده عن اسمه القديم
وللعلم اللي قالك مشارك في هذا الموضوع وتوه راجع بعد غيبه ..وهذي من دقاته

السؤال الثاني
ما شاء الله عليك نشيط في المنتدى ومتواجد هل سبق
وان طرح عليك العمل من ضمن الفريق الأداري؟

تسلم ,,ومافيه احد عرض علي العمل من ضمن فريق المنتدى من قديم او جديد,,حتى ولو عرض علي ,,والله ياخوك ماني فاضي ,,مع اني اتشرف ان اكون في هذا المنتدى عضو ولا غيره

السؤال الثالث
مرئياتك عن المنتدى ؟
المنتدى ممتاز ورائع وفية الكثير من الفوائد الدينيه والعلمية والادبيه والثقافيه...وغيرها ,,الخ...,,ومتابعينه كثار ..وسبب الركود في هذا الوقت يعاني منه كل المنتديات ..وشي طبيعي
بس المتابعين هذا المنتدى اعلا نسبه من غيره

اسعدني وشرفني مرورك واسئلتك
واسمح لي اذا حصل قصور مني

[على دروب الغانمين]

عوده مره ثانيه


1= لو كنت في صحراء ومضطر تتخلا عن واحد من ثلاث اشياء_ الماء _الراحله _خويك(صديقك) اي واحد راح تتخلا عنه ؟

2=ماهو العتب بنظرك_هل هو محبه_او أنتقاد_او تصيد اخطاء؟

3=لو احترت في موضوع بين قلبك وعقلك _ترجح كفة العقل والحكمة_او تنساق وراى رغبات قلبك ؟

4= اذكر ثلاث اشياء تكرها في الشخص _وثلاث اشياء تحبها في الشخص؟

5= الاحظ ان نفسيتك تغلب على اكثر ردودك ؟ اذا كنت رايق يكون الرد رايق _اذا كنت متضايق يظهر في ردودك _هل هذا جانب من شخصيتك !


واكتفي بهذي الاسئلة
وجاوب وانت رايق

هلاومرحبا بالقصير >>طبعاً القصير يعني (الجار) ,,ماله علاقه بطول القامه او قصرها



1= لو كنت في صحراء ومضطر تتخلا عن واحد من ثلاث اشياء_ الماء _الراحله _خويك(صديقك) اي واحد راح تتخلا عنه ؟
انت تعرفني ,,مااخلي خويي,,
بس اذا كنت في البر وتخيرني بين 3 اشياء ,,على حسب خويي اذا كان الخوي انت ,,اكيد راح اضحي فيك :cool:,,واخذ الماء والراحله:p ,,


2=ماهو العتب بنظرك_هل هو محبه_او أنتقاد_او تصيد اخطاء؟

والعتب ..بنظري محاوله لتعديل مسار شخص في الكلام او بالافعال ,,يمكن تفشل المحاوله ويمكن تلقى قبول عنده ,,اذا نفع معه العتب (كان بها) واذا مانفع العتب (الانسحاب افضل لك وله)قبل لاتخسره ويخسرك.
وبيني وبينك\العتب ..بعض المرات ماينفع مع بعض الناس ,,



3=لو احترت في موضوع بين قلبك وعقلك _ترجح كفة العقل والحكمة_او تنساق وراى رغبات قلبك ؟
مادهورنا الا القلب ,,اكيد راح اختار كفه العقل والحكمه

4= اذكر ثلاث اشياء تكرها في الشخص _وثلاث اشياء تحبها في الشخص؟
اكرهه:1-المزح الثقيل 2-والدقات اللي مالها داعي 3- واللي يسكر على سيارتي ويروح ينام:mad:
احب: 1-الصدق 2- الكرم 3- المراجل

5= الاحظ ان نفسيتك تغلب على اكثر ردودك ؟ اذا كنت رايق يكون الرد رايق _اذا كنت متضايق يظهر في ردودك _هل هذا جانب من شخصيتك !
ماينرفزني الا اسئلتك:mad: >>..امزح
والله مدري ,,يمكن بعض المرات يقفل مخي ,,لاني بشر اتأثر في جميع العوامل الخارجية والداخليه
..بس ممكن اسالك ؟ متى صرت دكتور نفسي عشان تحلل شخصيتي ,,من ردودي
طيب انا قاعد ارد عليك الحين وانا اعظ اصابعي شنو معناها !!!!!

مشكور يافراج على الاسئله الخفيــ.......فه ...ورديت عليك بكل روقان
تقبل مني باقة ورد من حديقتكم :p

[على دروب الغانمين]

❥ ❥ منور الضيافه , والله يعينك على الأسئلة ❥ ❥


:
http://www.nhabepvn.com/wp-content/uploads/2011/11/homemade-cappuccino-mix.jpg
... ماهي اجمل لحظات حياتك؟؟
.. مستحيل انساك)) لمن تقولها ؟؟؟
ما اغلى واجمل هديه اهديت لك / واهديتها لـ أحد ..



العابر : يسلموا على فتح الموضوع من جديد


لاهنت يالامير

تسلمين ..والصراحه محتاج كوب كباتشينو ,,ولا فنجال قهوه ..مع شوي حلا ..اعدل فيها مزاجي

الله يعين الجميع



... ماهي اجمل لحظات حياتك؟؟
كل يوم اعيشة بستر وبصحه وعافيه ..وقايم بحقوق ربي وبالحقوق اللي وصاني عليها ربي ورسولنا الكريم صلى الله عليه وسلم,,من صلة الارحام ,,وحب الخير للناس ومساعده المحتاج ,,,الخ

.. مستحيل انساك)) لمن تقولها ؟؟؟
ناس واجد غالين علي ومستحيل انساهم فقدتهم ,,ام بالموت الله يرحمهم ..او بظروف الدنيا ,,يكفي اني اذكرهم بيني وبين نفسي بالخير واتمنى لهم الصحه والعافية والخير من كل قلبي


ما اغلى واجمل هديه اهديت لك / واهديتها لـ أحد ..
اغلا هدية واعتبرها اثمن واجمل هديه ,.من جدتي الله يرحمها ,,لما نادتني وانا صغير وعطتني فلوس كانت مربوطه في شيلتها ,,لاني تفوقت بالدارسه ,,وشريت فيها( قاري )

واغلا واجمل هديه اهديتها لــ.. احد ..والله مااذكر ,,بس اهديت ناس واجد

مشكوره على الاسئله
حي الاسئله الزينه اللي يرتاح لها الواحد

[شخص عادي]

السلام عليكم ورحمة الله وبركاته

حبيت ارحب بالضيف والمستضيف

بدون اسئله


الله يعطيكم العافيه

[على دروب الغانمين]

السلام عليكم ورحمة الله وبركاته

حبيت ارحب بالضيف والمستضيف

بدون اسئله


الله يعطيكم العافيه


وعليكم السلام ورحمة الله وبركاته

الله يسلمك ويطول عمرك على الطاعه

ولاهنت على المرور

[خالد آل سعيد]

السلام عليكم ورحمة الله وبركاته

اشكركم على الموضوع الراقي

وسؤالي هو : هل الزمن تغير ام نحن تغيرنا ؟

[وآثقة الخُطى]

السلام عليكم
*هل أنت مع مفهوم الإنتقام حتى لو كان الحق معك ؟؟؟
*حدث أو شي تعتبر انه غير حياتك بالشهور الأخيره ؟؟؟ وهل غيره للأحسن ولا الأسوأ لاسمح الله ؟
*متى أخر مره نزلت دموعك ولماذا ؟؟؟؟

أشكرك أخوي

[على دروب الغانمين]

السلام عليكم ورحمة الله وبركاته

اشكركم على الموضوع الراقي

وسؤالي هو : هل الزمن تغير ام نحن تغيرنا ؟

وعليكم السلام ورحمة الله وبركاته
مرحبا ومسهلا

وسؤالي هو : هل الزمن تغير ام نحن تغيرنا ؟

جوابي هو : والله مدري يااخوك ,,بس اعتقد ان الزمن ماتغير ,الناس والنفوس اللي تغيرت
الناس تجري ورى الماده وضيعت المبادي والقيم
وابتعدت عن الدين في امور الدنيا ,,وضاعت عن البعض القيم والمبادي وضاع الوفا والصدق .....الخ
هذا من وجهة نظري,,والله تعالى اعلم
ولازال الخير واهل الخير موجودين

ولاهنت على سؤالك طال عمرك

[الباشا]

السلام عليكم ورحمة الله وبركاته

حبيت اوضح لك اخوي على دروب الغانمين
ما فيه احد قالي انشدة وش اسمه الأول
ولا تظلم احد مبين عليك شاك في احد

[على دروب الغانمين]

السلام عليكم
*هل أنت مع مفهوم الإنتقام حتى لو كان الحق معك ؟؟؟
*حدث أو شي تعتبر انه غير حياتك بالشهور الأخيره ؟؟؟ وهل غيره للأحسن ولا الأسوأ لاسمح الله ؟
*متى أخر مره نزلت دموعك ولماذا ؟؟؟؟

أشكرك أخوي





وعليكم السلام ورحمة الله وبركاته
مرحبا ومسهلا

*هل أنت مع مفهوم الإنتقام حتى لو كان الحق معك ؟؟؟
لا,,مع ان لي الحق في الانتقام ولــ اي شخص حق الرد اذا حس انه مظلوم ,,او اخذ حقه ,,او اعتداء احد عليه بالقول او بالفعل ,,
و عند الله مايضيع الحق
والله اللي يحاسب الناس على افعالهم واقوالهم ,,وانا مؤكل أمري لله عز وجل في كل اموري





*حدث أو شي تعتبر انه غير حياتك بالشهور الأخيره ؟؟؟ وهل غيره للأحسن ولا الأسوأ لاسمح الله ؟


ايه ,,حصلت امور كثيره غيرت حياتي في الشهور الاخيره ..بدون ذكرها,,وان شاء الله للاحسن وللافضل .


*متى أخر مره نزلت دموعك ولماذا ؟؟؟؟


اليوم,,,واعتذر عن ذكر السبب ,,


لاهنتي على الاسئله والمرور الطيب

[الـعـابـر]

كل الشكر والتقدير لضيفنا العزيز على وجوده معنا طوال الاسبوع
ونشكر كل من شارك في الموضوع
ونلتقي معكم غداً وضيف جديد