الازرق بالنقص العددي يتعادل مع البحرين..

[كويتيه]

تعادل المنتخبان البحريني والكويتي في مباراتهما اليوم ضمن الجولة الثانية للمجموعة الثانية في خليجي 17 بهدف لهدف بعد أن كان المنتخب الكويتي متقدما أولا عن طريق محمد جراغ في الدقيقة 15 ثم عادله حسين علي في الدقيقة 45 للبحرين .

شوط المباراة الأول بدأ كويتيا قاد فيه الكويتيون هجماتهم بكل الطرق حتى استطاعوا تحقيق هدف التقدم في الدقيقة 15 عن طريق اللاعب محمد جراغ .
بعد هذا الهدف استيقظ البحرينيون ودخلوا أجواء اللقاء فبادلوا خصمهم الهجمات قبل أن يطرد حكم اللقاء اللاعب الكويتي نواف المطيري في الخمس دقائق الأخيرة ليسيطر البحرينيون كليا على اللعب .
وفي الدقيقة الأخيرة من هذا الشوط وبعد محاولتين بحرينية في غاية الخطورة أخرجهما الحارس والدفاع الكويتي من حلق المرمى لتأتي الثالثة ثابتة في نفس الدقيقة من قدم حسين علي مسجلا هدف التعادل البحريني ومنهيا هذا الشوط بالتعادل الإيجابي بهدف لهدف .

في الشوط الثاني وضح على الكويتيين تأثرهم بالنقص العددي اثر طرد المطيري في الشوط الأول فكان هذا الشوط بحرينيا كليا هاجم فيه البحرينيون بكل شراسة على المرمى الكويتي وبدا على الكويتيين الرضى بهذه النتيجة التي ستعطيهم نقطة واحدة تضاف إلى نقاطهم الثلاث السابقة .
ورغم هذا الضغط البحريني الرهيب إلا أنهم لم يستطيعوا الوصول إلى شباك الكويتي شهاب كنكوني حتى أطلق حكم المباراة الإماراتي عبدالله البناي صافرته معلنا نهاية المباراة بالتعادل الإيجابي بين المتتخبين الشقيقين بهدف لهدف.

بعد هذا التعادل فشل الأزرق الكويتي الذي أصبح رصيده 4 نقاط في الفوز وضمان تأهله عن هذه المجموعة مبكرا كما فعل المنتخب العماني بالأمس رغم انه أصبح أقرب فرق المجموعة للتأهل خصوصا وهو ينتظره لقاء أمام المنتخب اليمني أكثر منتخبات المجموعة تواضعا, بينما واصل الأحمر البحريني الذي أصبح لديه نقطتين من تعادلين مسلسل إهدار الفرص وضياع النقاط ليصعب المهمة عليه من جديد في المباراة الوحيدة الباقية , ولتصبح الجولة الثالثة في هذه المجموعة جولة حاسمة لن يتحدد فيها الباقي من المغادر إلى بلاده حتى يطلق حكمي لقائي الكويت واليمن والسعودية والبحرين صافرتيهما في ختام مباريات هذ المجموع


اللللللللللللللله معاااااااااااااك يا الازرق

[ابو خالد]

الكبيــر كبيـــر يالازرررق

لـولا الحكـم الامـاراتـي الفـاشــل وقــراره الظـالم
لكــان فــاز منتخبنــا وبكــل سهـــوله وبنتيـجة كبيــره ايضـاَ ,,
المنتخب البحريني والمنتخب البحريني ازعجتــونا فيـه !!
تبيـن اليوووم انـه فريــق عــادي جــداَ ومستـواه ضعيـف
ولاعبيـنه مغروريـن وشـايفيـن نفسـهم حسبـالهم انهـم البـرازيـل ولا فرنسـا !؟


غراتســـــــي كويتيــه وبالتوفيــق لمنتخبنـا في مبـاراتـه القـادمــه

[كويتيه]

اي والله الازرق كبير.
ولو ما هالحكم الظالم.اللي مو عارف وين الله قاطه. الله ينتقم منه انشالله ولا اولله كناا صج بنفووز.. و فعلا لاعبين البحرين صراحه مغرورين.. و مع كل فاول ولا كل اشتراك لهم مع اي لاعب كويتي كانواا ياشرون للحكم بانه لازم يعطيهم كرت.. و الحكم الخايس هذا مايقصر.. مالت عليه..
بس الاتحاد الكويتي بيسوون كتاب احتجااج عليه و بيطردونه من الدوره انشالله عشانه مو كفو لقب حكم.. صراحه كان.. ح_____ر تحكييم..
يعطيك العافيه يات بو خالد على المروور..
والله معااك يا الازرق

[تايه الغربه]

الاخت كويتيه

يعطيك آلف عافيه

وكان بودي ان اعلق على كلام الاخ ابو خالد بخصوص حكم اللقاء
ولكني سأفضل عدم التعليق ..

عموما شرح وافي لأحداث اللقاء
تفضلتي به اختي كويتيه
تسلمين

[كويتيه]

يعطيك العافيه اخوي تايه على المروور.
اما بخصووص كلام اخوي بو خالدز. صراحه انا اايد كلامه.. المنتخب البحريني ماكان بذاك الخطوره.. اللي تصورناهاا.. و لو ما نطرد مناا واحد و تميناا نلعب هجوم جان اولله غلبناهم..

[ابو محمد]

الكويت ضمن التأهل بنسبه 99.9% والمنافسه على بطاقه التأهل الثانيه بتكون بين سعوديه والبحريـن واشكر الاخت كويتيه على الموضوع

[كويتيه]

هلا اولله اخو بن عجيم..
شوف احناا مانبي نتفائل جذي وايد.. و نستهزء باليمن. مثل ماسواا البحرين وتعادلواا جدامهم.. نبي نقول الله كريم.. والله معانا انشالله.. و انشالله ازرقناا ماراح يقصر

تسلم على المروور الكريم
لك مني كل التحيه

[وادى حبونا]

المنتخب الكويتى لايملك مهاجمين
المنتخب الكويتى يلعب مدافع طوال الشوط الثانى
المنتخب الكويتى اتوقع بان يكون طرف فى المباراة النهائيه
المنتخب الكويتى يتأهل للدور الثانى
المنتخب الكويتى ومشجعيه لهم منى التحيه و التبريك على القتاليه و الروح العاليه
المنتخب الكويتى وجماهيره فى منتديات شبكة العجمان
ابو خالد
الكويتيه
كويتى
بن عجيم

مبروك الاربع نقاط للازرق

اخوكم وادى حبونا

[كويتيه]

المنتخب الكويتى لايملك مهاجمين... امبله يملك.. من افضل مهاجمين الخليج... ولا بشار وبدر و فرج .. و فوقهم فهد الفهد وين راحواا:) الخليج:)

المنتخب الكويتى يلعب مدافع طوال الشوط الثانى.. عشانه خسران لاعب و مايبي يخسر مباراه..

المنتخب الكويتى اتوقع بان يكون طرف فى المباراة النهائيه.. و انا مثلك..

المنتخب الكويتى يتأهل للدور الثانى.. امين انشالله

المنتخب الكويتى ومشجعيه لهم منى التحيه و التبريك على القتاليه و الروح العاليه ... الله يبارك بعمرك..

المنتخب الكويتى وجماهيره فى منتديات شبكة العجمان
ابو خالد
الكويتيه
كويتى
بن عجيم

مبروك الاربع نقاط للازرق

اخوكم وادى حبونا

و انا اقول..

المنتخب السعودي وجماهيره فى منتديات شبكة العجمان

تايه الغربه
وادي حبوناا
سمو الامير
حبييب
اطياف الماضي
روعه



الف مبروك على ال 3 نقاط:)

[ابو خالد]

يــا زيـنـكم

ايــه كــذا الـروح الريـاضيـه ولا بــلاش ;)

[عاشقة^الفرس]

الكاس كويتي

خخخخخخخخخخخخخخخخخخخخخخخخخخخخخ

بس والله اليوم الحكم ظلمنا حيل حيل حيل

وبالتوفيق يا منتخبنا بالمباراة الجايه

[كويتيه]

بوخالد..
افا عليك هذي كوره ماتفرقناا:) صج ياخذناا الحماس شوي ويمكن نعصب ونقول شغلات بس تاكد انه من ورا قلوبناا:)

بس شنسوي كل واحد يحب فريقه:)

[كويتيه]

عاشقه...

اي اولله الله ياخذه هالحكم خرب المباراه... و كسر ميادييف لواعيبناا الله يسكر راسه..

[وادى حبونا]

المباراة الجايه راح تكون فى وقت واحد

وراح تكون مهمه لفريق السعودى اكثر من الكويتى واعتقد ان المنتخب الكويتى انشاء الله تاهل للدور الثانى

بس الملاحضه على الجمهور الكويتى


انهم بخيلين شويه وين المفطحات والعزومه حقة التأهل
واقدم لكم دعوه انشاء الله لمشاهدة المباراة معنا وتناول طعام العشاء اذا تاهل المنتخب السعودى من الجمهور السعودى وهذى خدمه للجمهور السعودى



وادى حبونا

[تايه الغربه]

الله الله عليك يا كويتيه

تسلمين والله يا الغاليه


ابو خالد ..

تسلم يا الغالي


وادي حبــــــــــــــونا

يخليك ربي
وجعلك ذخر


عشوووووقه

من اعماق قلبي اتمنى التوفيق للمنتخب الكويتي

[عاشقة^الفرس]

تسلم والله يا تايه

وعسى الله يوفقنا

[كويتي]

كويتي يرفع احلى واجمل التهاني لأصحاب السمو والسعادة
مشجعيــن المنتخب الازرق على تأهله الى النصف النهائي
من دورة الخليـــج 17 ويهنيهم على الروح القتاليـــه الي
كان عليها الازرق ,, بعد الطرد الظلم لنواف المطيــــــري
والتحكيــــــــــم الخايــــــــس من الحكم الخـــايس ,,
وهذي شي مو جديــــــــــــد على المنتخب طول عمره مظلوم
من التحكيـــــــــــــم والظاهر الحكام الاماراتين مايحبون
الازرق والكل يذكر ابو جسيم وسالفته القديمه مع الزرق
لكن نقـــــــــــول الله كـــريم ,, والكــأس ازرق بأذن الله

وأبارك الى اخواني السعودين على الفوز و3 نقــــــــــــــاط
ومايصح غير الصحيح والنهائي كويتي سعودي ,,

الـــــــــــف مبــــــــــروك

تقبـــــــــلو تحيـــــاتي
كويتي

[مفرق المعاشير]

اول شي
اشكرش اختي على الموضوع ويعطيش الف عافيه

وثانين

اقول اليوم حنه فزنه ماتعدلنه

مطرود منه واحد وتعدلنه

الحمدالله

بعدين حبيت اعقب على كلام اخوي وادى حبونا
المنتخب الكويتى يلعب مدافع طوال الشوط الثانى
ياخوي الكويت مطرود منه واحد لازم تصكر مكانه ودافع لنه ماتقدر تعاجم ودفاعه مفتوح او وسطه مفتوح

بعدين على فكره شفتو الحكم الي حكم المباره تر مطرود من تحكيم مباريات الدوري الاماراتي
يعني حكم فاشل في دوري دولته شلون يحطونه في مبارة بدورة الخليج يناس والله ميصير

بس على فكره اليوم البحرين تبارينه12 لاعب

الحكم الاعب 12


وسلملم

[كويتيه]

وادي حبوناا..

مافي توصيل منازل حق العشاا:D

الله يوفق الجميع.. و محد يعلم الغيب ومحد يدري شنو بيصير يوم اليمعه..

لك مني كل التحيه

[كويتيه]

تايه:)..

حاضرين للطيبيين.. ماقلناا الا الصج والي في قلوبناا..

[كويتيه]

كويتي..
اي اولله تحكيم خايس.. من حكم مايعرف ولا داري عن امور التحكيم شي.. الله ينتقم منه.. طرد افضل لاعب عندنا جنه متعمد..
الله ينصرناا انشالله..


تسلم على مروورك:)

[كويتيه]

مفرق المعاشير...
كلامك كله على عيني وراسي وصحييح 100%... اكيد بنلعب دفاع دام انه ناقصين لاعب كله من هالكم الله لا يوفقه.ز
وانا بعد سمعت انه مطروود من التحكيم في الامارات.. بس شكو يايبينه مادري.. حكم مهزووز و مايعرف وين الله قاطه ربي يقطه بنار جهنم انشالله..

وعلاى قولتك الف مبروك هذا يعتبر فوز مو تعادل...
و منهاا للافضل انشالله

لك مني كل التحيه

[بندر]

مبروك للازرق الفوز وعقبال الكاس
والازرق بدع امس وضرب اجمل فنون الفداء والذود عن العرين الازرق رغم ان الحكم امس(ح--ار) ورغم الطرد

[أم ثامر]

أعتبر أسلوب الدفاع الواضح للمنتخب الكويتي في الشوط الثاني ذكاء وعدم طمع من
المدرب الكويتي ساعده على ضمان الانتقال للمرحلة الثانية ...الله معاك ياالأزرق...

تسلمين كويتية على المتابعة الواضحة لأخبار الأزرق ...

[سمو الامير]

كويتيه

يعطيك العافيه على الموضوع

ومشكوره على التهنئه بمناسبة فوز الاخضر وعجبتني الروح الرياضيه للاخوان وحنا اكيد اخوان والمفروض نبعد عن التعصب الزايد اكيد كل واحد يفرح بفوز فريقه لكن لازم نخليها فرحه بدون تعصب


ابو خالد
هذا كان رايي في الفريق البحريني قبل البطوله واثبت قدام الكويت انه فريق ينقصه الكثير ومن الواضح غرور لا عبيه بعد الموجه الاعلاميه التي صاحبت ادائهم الجيد في خليجي 16 بالكويت

كلمه اخيره:اتمنى يكون النهائي بين السعوديه والكويت
ويعطيكم الف عافيه

[كويتيه]

راعيهاا..
اي والللللللللله لو ما الحكم اللي عفس مجريات اللعب ولا اولله الازرق كان ماسك اللعب عدل و خسبق المنتخب البحريني اول شوط.. بس الله عليه انشالله..

تسلم على مروورك

[كويتيه]

ام ثامر..
اكيييييييد اسلوب وتكتيك ذكي من مدربناا الرائع محد ابراهيم.. الله يوفقه انشالله
و افاا عليج اكيد بنتابع ازرقناا:)

هذا الازرق لي لعب.. لعبه يعادل الذهب:)

[كويتيه]

سمو الامير..
افا علييييييييييك الكويت والسعوديه طول عمرهم خوان وماتفرقهم كره:)..

اما عن المنتخب البحريني فعلا كان مغروور جداااااااااااااااااااااااااااااااااااااااااااا.. لابعد الحدوود.. بس الله مايطق بعصى..