خطايـاي أخجلتنـي

[على دروب الغانمين]

سجد قلبي على رمل الضلوع وهزه التنهيـد
وانا في جوفي خيام الندم والخوف منصوبة

يارب افهق هلاكي والمنايـا والـدروب بعيـد
مـادام المودمانـي للتـراب تقـوده دروبـه

ياغياث الظوامـي والثمـام وجرهـدي البيـد
أعذني من جهنم والحشر والمـوت وكروبـه

انا مانبيب لامشـرك ولافاسـق ولا عربيـد
انا اللي لاعصى وأخطأ تجهم وأقلقـه ثوبـه

انا عبدك ولد عبدك وجدانـي هـلَ التوحيـد
خطايـاي أخجلتنـي يالله الغفـران والتوبـه

وانا اللي يرتجف مثل ارتجاف الخايف الرعديد
اذا شاف القبور الضيقـات وحـس بذنوبـه

انا الانسان حمال النقايـض والكمـد والكيـد
غريق الطين واللذات مـن راسـه لعرقوبـه

انا عبدك ياربي وانت تفعل ما تشـاء وتريـد
سألتـك يالله بعفـو ٍ عظيـم وهيـن دروبـه



للشاعر \\نايف صقر

[●• Ŝђǿǿq •●]

أميَن ..
أبيآت نآبعه من قلًب خآشع يرجٌو رحمة ربَه ..
تِسلًم يمينكـً ..~

[على دروب الغانمين]

ويمينك سالمه
وتسلمين على المرور المميز ولاهنتي

[ابورامي]

صح لسانك ولسان الشاعر لاهنت

[الـعـابـر]

صح لسانك ولسان شاعرها

[عذبة الصفات]

صَــ√ــحِ لسانك ولاهنت ع الابيات الروعه
تسلم يمناك

[على دروب الغانمين]

ابو رامي والعابر ..وعذبه الصفات

تسلمون على المرور الطيب ولاهنتوا
وصحت ابدانكم
واقدر لكم حضوركم اللي يشرفني