الزين ماهو من شروط الرجوله

[ادمنتكـ]

قصيدة {الزين ماهو من شروط الرجوله }


قالت ترى منت بحلو قلت رجال
والزين ماهو من شروط الرجوله
الزين يلقى عند لباسة الشـال
والرجل زين ان كان زانت فعوله
قالت علامك تلبس شماغ وعقاال
انت بدوي ؟ قلت بدوي ومن حموله
مالبس بناطيل لها ألوان وأشكال
وامتر الشارع بعرضه وطوله
قالت اجل راعي معاميل ودلال
شرب القهاوي تحسبونه بطوله
كيفي يابنت الحضر دله وفنجال
وحليب خلفه بالمراح معقوله
وحب الكرم والجود وعلوم الأبطال
مغروس فينا من زمان الطفوله
قالت ترا بنت البدو حظها مال
قلت أحذري حذرا تكوني جهولـه
بنت البدو يابنت مضرب للأمثال
فوق الجمال وطاعة الله خجوله { أحم احم }
ماحطه أصباغ ولا حطت ظلال
ولا سيرة بالسوق سير مهبوله
هي مهرة تصعب على كل خيال
وانتي مثلك عسف هن بالسهوله
قالت تغزل بي وشف حبة الخال
ناظر عيوني والرموش الكسوله
قلت العفو ما يجتمع حب وهبال
ولكل ذوق فاسلم اين جوله
قلتي وقلت وكلمة الحق تنقال
الزين ماهو من شروط الرجوله

[على دروب الغانمين]

صح لسانك ولسان الشاعر

[شيخة الطبع الخجول]

لاهنت ابيات جميله صح السان قايلها
وصح منقولك بانتظار القادم .

دمت بسعاده ..

[عذبة الصفات]

صَــ√ــحِ لسانك ولاهنت ع الابيات الروعه
تسلم يمناك ابداااع

[الـعـابـر]

صح لسانك ولسان الشاعر