الشوق يقرب من البارود بزناده

[باري القوس]

السلام عليكم ورحمة الله وبركاته

ركن هادي اتمنى يوازي جمال هذا المنتدى الراقي

..

[باري القوس]

.
.
.


اصبر ويجبر شي ثم ينكسر شي
والحظ .. لامبروك مسعى ولا اقشر
..
الوقت ، ولاّ .... مابقى شي بيّديّ
مالي يكود اسايس الوقت واصبر
..
واللي ذبحني حب ، ويحبني غيّ
باقي واحبه حب .... والله يستر

..

باري القوس

[باري القوس]

٠
٠
٠
٠

عليه وسم الي على ورك عليّا
وانا على عليّا برى الوجد حالي

هذا وذيّا في بعض شي حليّا
حليّا عدوي فيّ ماهو .. يبالي





.

باري القوس

[باري القوس]

.
.
.

يالله عسى تبقى على العز دايم
ياللي على قلبي كريم(ن) معزز

تغيب وابقى فيك يا(هيه) هايم
يوم ان ، عليك القلب بابه مقزز

اجيك ، مالي فيك لاجيت لايم
من لامني بالشلف جنبه يحزز

كني اعاين فيك صاحي ونايم
صورة نقيه ، واضحة ، ماتهزز
.

باري القوس

[باري القوس]

كيبوردية
.
.
.

المثايل فيه ماهي في سواه
والعنا للي يسويها .. سداا

القصيد يجيب عنده منتهاه
وما انتهابه فيه ، من عنده بدا

ازهمه ويقول من غيّاه : هااه
ما اترديت ، ويجافيبي ردا

والله انّه من يلقيني قفاه
ما اتبعه لو مرزقي عنده بدا

لكن انتي ياضبيه يا مهاه
يا ورق ورده على خدك ندا

ان نهيت القلب ، عيّا ماعلاه
وساقني ، واقول ياقلبي فدا



.
.
باري القوس

[باري القوس]

.
.
.

جيته وانا في خاطري تقدير ربي عالمه
يمكن تجي ساعة سعد عقب البطا و اكلمه

لأني قبل عامين نمت وقمت ليني ظالمه
ولا قدرت ادسها .. ولا قدرت اعلمه

فـ الليله اللي حلمها يا كن توي حالمه
حلمت باشواقي كما لوهي الم وتألمه

واخترت عالم مايسبب له حرج في عالمه
عالم مساحاته متاهات و بيوت مظلمه

وابطيت .. لكن فالحشا كلمة قديمه والمه
ساقت فؤادي ، مثلما .. لو متهم بتسلمه

.
.
.
.


باري القوس

[باري القوس]

.
.
.

من لايغبر شاربه مادسمه
قيلت وانا يامتابعين اقولها

المرجله بين الرجال مقسمه
لكن ما كل الرجال اتنولها

هذا يوسمها وهذا توسمه
وهذا يدورها ولاهو حولها

ازوال هدمه هاديه ومرسمه
ماغير منظرها يهم عقولها

وازوال تمثال السطر لمجسمه
العاليات اتحوزها واتطولها

والمجد انا يامتابعين اتوسمه
فاللي على فعل الرسول فعولها
.
.
.
عليه الصلاة والسلام
.
.
.


باري القوس

[باري القوس]

مداعبة للشباب
.
.
.
الشباب التالي اللي .. لانشدته ( كيف حالك )
مارفع عينه عن ( الوتسب ) ويجاوبك / طيب !

طيّب الله (نص فالك) .. خيّب الله (نص فالك)
يا يخيب ( الطيب اللي فيك ) .. ولا طاب خيب

جيل ( حاله حال ).. والعظم يتثنى .. ومتهالك
والعيون ( اربع ) ولا عادت تشوف الا ( قريب )

ان نصحته قال : ياعمي توكل ( انت مالك ) !!
( سيبني ) واسيب ولا .. ( لاتسيب )ولا نسيب

هيه .. جعل اللي يشيل العوشزه ياهيه شالك
لين تبطي وانت عن (وتس ابك) سنين امتغيب


.
.
:)
.
.

باري القوس

[باري القوس]

.
.
.
ادري اني فيك ماني بمتهني
وادري انك حب عابر والسلام

واتسلا عنك بحروفي ..واغني
ولاقدرت اسلاك شوق ولاغرام

الحقيقه/ جعل فيك يخيب ظني
لوّ مرة واحظن انفاسك.. وانام


.
.
.
باري القوس

[باري القوس]

جميل ان تترك الصفحة بيضاء وتمضي

.
.
.

[باري القوس]

احيانا / اشعر بأني استطيع مخاطبة الناس شعرا .. في كل معاملاتي معهم
فأشعر به ينساب كما ينساب الحديث العفوي بين عامة الناس

وأحيانا / احتاج ان اخبرها بما اشعر به في شطر بيت واحد .. فيستعصي علي

..


الشعر احساس يترجمه صفاء ذهن شاعر
وأنا ذلك الشاعر الذي قليلا مايكون صافي الذهن

[باري القوس]

انا في الحال الثاني في هذا التوقيت

وأرغب في توضيح أمر ما / وهو أن كتاباتي القليله هنا لم تكتب الا للمشاركه في هذا الركن تحديدا

لكني سأتجه لنسخ مشاركات سابقة لي في زاويه أخرى .. والمشاركة بها هنا .. للتغيير ليس إلا

[باري القوس]

من سابق كتاباتي في زاوية اخرى
.
.
.


,
.
’

حزة وداعي عاطفتك وجنونك ..
حمامة القلب استهاظت وناحت

والدمعة اللي حولت من عيونك . .
مرّت شراييني بدربك . . .
وطاحت

وانا خلايايه , وكلّي . . . يبونك
إليّ بقت . . .
وإليّ مع الدمع ساحت

ياشينها لا قلت بكره لكونك ..
ما اشفتها ..
ويجاوب الكون ....... راحت



باري القوس

.

[باري القوس]

وحرف أخر كسابقة
.
.
.
.


يديه من راحة كفوفه ( بارده ) ..

وانامله ...

وقت الموادع ترتعش


اقول له : فرصة لقانا . . . وارده


و ان ماحصل ...

جرب معي ( طنش تعش )


يقول :
انا طير وجناحي فارده

بينك..

وبين الغصن الأخضر..

والنعش !!



باري القوس

[باري القوس]

.
.
.

الى متى وانا اتحايلك يازين
وانته ولا كنك تشوف وتراني

مدري تغلا وانتظر منك بعدين
ولا انت عايفني ولا انته تباني

ثنتين ، واختر واحده بين ثنتين
اما معي .. ولا مع انسان ثاني


.
.
باري

[باري القوس]

حرف


.
.

انا وجودي يوم انا جيت .. تقدير
للي مضى لي واترضاه .. مده

والحمد لله .. يوم انا شفته بخير
لو كان انا مهديه قربي و.. رده

معزته فاقت .. وانا اشوفها غير
فيها تخالط فـ المعزه .. موده

يصد .. وارمي صدته جمة البير
ما اعدها من سيد الناس صده

.
.
باري

[باري القوس]

ورقة قديمة

.
.

ياسويعات الزمان الّي سباق ازمالها.......
.......سابقات وعقرب العمر يتسارع بالخطا
مزهبي مزهابها لـ دقاقها واجلالها........
.......اتحرى , والبلا بين التحري والبطا
ويش باقي !! جملَّ الله فال زمل وفالها........
.......السطا فيها مخافه والمخافه في سطا
جرتي مع دربها مسحابها منقالها........
.......جعل منقال القدا ماهو لـ مسحاب الخطا


باري

.

[باري القوس]

وأخرى قديمة

لها مناسبتها
.
.
فوق مشراف على غيري عزيز . . . أتفكر في تدابير الملا
والبنادم مايحوز ولا يحيز . . . كان ماعدا بعزمه واعتلا
والهوى اليّ جاله بجوفي وزيز . . . مبتليني غير ماجاني بلا
لو ربطته ثم حكمته بالقفيز . . . مرني مثل الغمامة و انجلا


باري

[باري القوس]

شعور
.
.


( المساحة ضيقه ) . . والنفس ماعادت تطيق
والزمن ماهو زماني ، والعرب . . متغيرين

اوحدو بي . . لا خوي و خوته ، ولا رفيق
لو انا من غانمين . . ومجلسي مع غانمين

ديدن الدنيا توسع للبنادم . . . ثم تضيق
يالسمان من السنين ويا العجاف من السنين

الجمل وان شال ماهو شايل(ن) مالا يليق
شال حمل المكرمين . . وكرموه المكرمين

وانت يالحر القطامي ، حر من راسي طليق
سجها ، عقبك تزين ، او هي عساها ماتزين


باري القوس

[باري القوس]

كانت نهاية الاسبوع جميلة في ربيع مغينية
والعودة للركن الهادي .. بـ كيبوردية خاااااصه
.
.
.

اسعد الله مساها وارحم الله مساي
المسا اللي مـ غير يداير الهوجسه

الهواجس يمين ومن يسار و وراي
وبوح قلبي سجين ، الكبريا يحبسه

وانتي يا داء حالي في حضورك دواي
وان هجرتي ردايه يا غلا ينكسه

طلتك كنها شمس الصباح لسماي
وغيبتك غيبة السلطان عن مجلسه

ازهمك واحتري واصيح لك ياغلاي
والغلا لو يمينك ياصله ... يلمسه

كان مانتي سمعتي يوم انادي نداي
المساء مع هجوسي ، والصباح عمسه



باري

[باري القوس]

.
.




لو علَيّ الوقت .. وظروفي تعيّي
وانت ، لو عنّي مشاويرك حدنّي

لو انا مالقى ولا حال .. متهيّي
والصواديف ابعدنك .. وابعدنّي

ثق بأنك .. مـ انت لاقي فيك زيّي
فيك اهيم وفيك أسولفـ بك واغنّي

.
.

باري

[باري القوس]

احساس بسيط
كتبته هنا
٧


اقراك بين اسطور واشتاقك اسطور
وانته وانا فـي كل حرف.. انتشابه

احيان ، بالعاني -كذا- انلف واندور
نكسر جدارك يالملل .. .. يالرتابه

واحيان اجي لك حرف وتصير جمهور
واحيان انا الجمهور وانت الكتابه

بالمختصر / ياورد ، يا ماي ، يا نور
يا سيدة ( خنذف ) وعشقة شبابة

والله احبك واعشقك حرف وشعور
واملا فؤادي منك عشق وصبابه


باري

[باري القوس]

بهدوء كان هذا الركن حاضاراً

وبهدوء يستأذن للأغلاق

..

استودعكم الله

[باري القوس]

..


الشعر ناداني وانا ناديته
لو البطا يامبطيه مانساني

كيف انظمه واسكنك في بيته
واعايدك من حاظرة قيفاني

عدتي ياتاج العيد ، ياليته
عيد الضحيّة موعدي فالثاني

باري

[باري القوس]

.


احبها ، وادري .. واداري دون عبرة حبها
وانا عزيز .. ولاعشقت اعشق واتعبها معي

والمشكله ، ماقدر اقرب حولها ، ولاقدرت اكبها
ولا اضحكت لقربها ... ولاقلت ياعين ادمعي





باري

.

[باري القوس]

وحين يشرب كل عرق ويرتوي كله وصال
وقتها ما والله اشقى ويش عـذالي تـقـــــول

..
ذي طراة الحال ياللي ذبت فيك ولا أزاااال
ياربيعي ياشتاي الا انتي ياااا كل الفصـــول

..
( يالجفول ) اللي يجفلها تحراااك الظــــــــــلال
وان تحركتي تحرك لك رزينين العقـــــــول

..
تاخذين من الدلال اللي يكفيــــــــــــك الدلال
وأن تدللتي تجمهر ( كل خلق الله ) فضـول




..

[باري القوس]

انتظر لحظة وصالك .. .. ياهواي
والظروف اقسى من اعدائي علّي
..
سامح الله وقت .. .. ماقدّر وفااي
وليل ، ماطاع الصباح .. وينجلي
..
يا مها .. .. لاغبت فالغيبة عنااي
واسأل ، انتي ليه مانتي تسألي
..
وان حظرت انتي أراضي وسماي
يابعد ناسي وغاليني .. .. وهلي

باري

[باري القوس]

..


طبعي ، و شي كاتمة ، وانتي ، وعسرات الظروف
اربع ، وغير الاربعة ... ماعاد فالدنيا وفا

ان كان مايحفظ قدر ، وان كان ماشيف معروف
نقطة على راس السطر ، واللي مضى يا اربع ( كفا )


باري القوس


..

[باري القوس]

كل عام وأنتم بخير جميعا

كيبوردية خاصة
..



الفؤاد .. اللي يشيل المقدريّة
ماتعب ياكود من صد المجافي

صاحبي وشفيك مثقلها عليّه
وانت طاب عفاك ضاري بالعوافي

انت سبع اسنين وانته هسويّه
(يوم) بيّن ليّ .. وعشرة ما تشافي

باري

[باري القوس]

جولة قصيرة في دهاليز الـ نت ..
وجدت إحدى قصائدي من خلالها ..
والتي كتبتها قبل خمسة أعوام ..
ناقلها جزاه الله خير وسامحه، ذكر أنها من روائع بدر بن عبدالمحسن

أضعها بين أيديكم لأنفظ عنها غبار الرف..
وأقول بفخر انها إحدى روائع..
باري القوس
٧
٧

جـيـتـك وأشـيــل مـــن الـغــلا والمـقـدريّـه مــعــذرة
يـا سـيّـد الأحـسـاس والـسـادات , يـاعـذب اللـمـا
أنصر شعوري عندمـا يضحـك شعـورك وأنصـره
وأعـــز لـــي نـفــسٍ عظـيـمـة فـــي مـعــزة أعـظـمـا
مامـن خطـاء , بـس الغـرام الّـي أنـامـه واسـهـره
أخشـى عليـه مـن المـلاء , واعانقـه نـجـم السـمـا
حـلـفـت لـــه بالله , يـــا جـــور الــزمــن مـايـقـهـره
وانّـــي لـأكـحّــل عـيــن حـسّــاد الأوادم بـالـعـمـى
ثم أضحكي لي يارياض القلـب يامجـرى أنهـره
يامسقـيـه فــيّ العطـاشـا , يـــا مـبــددت الـظـمـا
دامـك هـنـا فـالجـانـب الأيـسـر ولا أنـتـي أيـسـره
فـأنتي حمـا , مـن دونهـا كلّـي أنـا حامـي حمـا
وأنتـي غـلا فـي داخلـي وأذهـل كيـانـي منـظـره
زمـا , زمــا , فــي منـزلـه عــن كــل غاليـنـي زمــا
شفته ربى مابين ( تاجيّ ) المعلق و ( أبهره )
نــمــا , نــمـــا , و ادللـه تـدلــيــل والـــــد لـالـنــمــا
لــو اكتـبـه صــاح القـلـم ينـخـى عــروق المحـبـره
لـو ارسمـه , مـاعـاش بـعـده مــن بهـاتـه مرسـمـا
ماينحـصـر فــي كلمتـيـن مزخـرفـه ثـــم أحـصــره
لطـالـمـا حــرفــي هــفــا عــــن هـامـتــه !! لـطـالـمـا
والّــي كتـبـتـه , لـــو قـريـتـه , ماكتـبـتـه بـخـتـره
لــكــن شــعــوري بـابـعــد كــــل الـحـكــي تـكـلـمـا
وان كـان قصّـر يـاغـلا ( فالعـفـو عـنـد المـقـدره )
أدمـح قصـور الحـرف يـا سِيـد المـلاء ( تكـرمـا )

تحيتي لكم

[باري القوس]

تسجيل حضور

حلوة نبا كن الشهد في نباها
اتوه مع منطوقها اللي تقوله

احبها ، و اقولها .. و اتباها
اللي خذت فالقلب دور البطوله

من يومها غضة وفـ أول صباها
واللي تقوله من غلاها تطوله

باري

[باري القوس]

تسجيل حضور

يا قلب ، من يومك كبير
ناديت .. حـيّا لـ السماح

عصفورك الأبيض .. يطير
بالود ، والطيبة .. جناح

باري

[باري القوس]

همـ سه

الحرس من دون باب السور من كل اتجاه
والعرب فحزامها البارود .. وعيوني تشوف

حلحلو حبل الحياة .. و عقدو حبل النجاة
مانت يازيد معروف ، ولانت ياعمر معروف

يالله انك لاتخيب مرتجي يالله .. رجاه
وتجعل الجهد مخلوف ومن فقدناه مخلوف

باري

[باري القوس]

حرف

الهنوف اللي هنا متربعة يا (صاحبي)
التغلي ، والدلع ، والغنج ، كله (دلها)

لو اغيب شوي عنها ، الشوق فز و (صاح بي)
حتى لو غمض عيونه ، لا زهمني .. (دلها)

باري

[باري القوس]

..
.



ليه ..!
انا اللي يدمح الزلات .. وانت اتزل .. ليه !

انت حاقر مدتي يمناي ، يوم ...
تردها !!



ماعليه ..
انسى .. وابنسى .. وان ذكرتك ..
ماعليه ..

تنحقر يمنى تعيد المد ...
واللي مدها



باري

[باري القوس]

ياحرف .. سلم لي عليك .. وعليها
واكتب على بيض الورق .. ما تهيا

اكتب وانا خابرك .. منها .. واليها
وانت اتخبرني .. ممتليها .. شهيا

ياحرف ... وانت الشاهقة معتليها
هيا لها ياحرف .. بالشوق .. هيا

باري