متحدي

[ابورامي]

لاني موقف كل شاعر على حده/احد قال وازنا واحد قال موقدي

تراني لما هديت ماعادبه رده/ ولاني بخايف دامي جيت متحدي

[الـعـابـر]

الله يعطيك العافية

في انتظار شعار المحاورة

[العــــديم]

ياسلام

صح لسانك
وبإنتظار الشاعر الآخر

[محمد بن عرار]

لاني موقف كل شاعر على حده/احد قال وازنا واحد قال موقدي

تراني لما هديت ماعادبه رده/ ولاني بخايف دامي جيت متحدي


مشالله مشالله شاعر القوم من قده= ياليته مكملها و ملزمني بحدي .

لا بلّه لمن هديت لا تفشل الهده=لو إن القوي قدامنا راح متردي .

[ابورامي]

انا شارب فنجاله الزين مع عده/من العام الاول توه الباب منلدي

ومن شاف قوله قال ذابايح ن سده/يامفراص شد حزامك وزودالشدي

[AL-M7NK]

متابع

[ابورامي]

مشكور على المتابعه

[محمد بن عرار]

انا شارب فنجاله الزين مع عده/من العام الاول توه الباب منلدي

ومن شاف قوله قال ذابايح ن سده/يامفراص شد حزامك وزودالشدي



نعرفك بطل و العين ماهيب مرمدّه=من العام الأول و أنته تجيب و تودي .

ومن شاف هرجك قال ذا الرجل من جده=يقولون و آقول الزمن ما بحث سدي .

[ابورامي]

حذاري حذاري لاحديفشله فرده/ويقضي زمانه دايمأ مع عدد فردي

يامفراص شوف العلم لايعجبك سرده/فلاكل هرجه دايم تمر وتعدي

[ابورامي]

لاني موقف كل شاعر على حده/احد قال وازنا واحد قال موقدي

تراني لما هديت ماعادبه رده/ ولاني بخايف دامني جيت متحدي

صححت بعض الاخطاء الاملائيه لاكن الاخوه الاعزاء ابسال ليه الواحد مايقدر يعدل مشاركاته
وارجو ان سوالي يلاقي جواب وليس مثل كل مره

[محمد بن عرار]

عذرا على التأخير .. و معوض خير .



تحياتي للجميع.

[ابورامي]

تحياتك وصلت والغايب عذره معه لاهنت وصح لساني ولسانك