ياغـلا كـل الغـلا تستاهلينـه

[(جساس)]

ياغـلا كـل الغـلا تستاهلينـه
كيف أفرط في الغلا والغالي أنتي
أشهد أني في غلاك أول رهينـه
واشهدإنك وحدك بقلبي سكنتـي
يمكن أكثر شئ عنـي تعرفينـه
أني أعرف موقفك من حيث كنتي
والصحيح الاكثر اللـي تجهلينـه
ولوعرفتي كامل الموضوع منتي
قـادره كـل الكـلام تصدقينـه
والسبايب يوم بالامـر استنهنتـي
مير قلبي مخلـص الله لا يهينـه
ما حسبها شرط والناتـج تونتـي
قلبي اللـي كـل يـوم تعذبينـه
ماكتفيتي يوم بالغيـر استعنتـي
يكفي إنـك بالمحاسـن تفتنينـه
ويكفي إنك غير قلبي ما فتنتـي
ويكفي إنك ما قدرتي ترحمينـه
ويكفي إنك بالعهد والوعد خنتـي

[الـعـابـر]

صح لسانك ولسان شاعرها

[عيون الطنايا]

صح لسااانك
ولا هنت على الابيات

[الاصيله]

تسلم ع القصيد الجميله


جسااس ابدعت لاهنت

[ابورامي]

جساس كما عهدنا منك جميل وتاتي بالجميلات لاهنت