الفزعــه ياأهل الفزعات

[عجمي الوادي]

السلام عليكم ورحمة الله وبركاته


اسعد الله مسائكم اخواني واخواتي


كما هو معلوم لديكم ان موعد تسجيل انتخابات المجلس البلدي في هجرة مليجه في 2-11-1425 الى 22-11-1425 وقد ترشح الى هذه الانتخابات ثلاثه من بني عمكم ويطلبون منكم الفزعــه ياهل الفزعــات

وفضلت عدم ذكر اسمائهم وذلك لانه لن يقدم او يأخر في هذه الفزعــه


وللمعلوميــه انا لست واحد من المترشحيــن لهذه الانتخابات ولكن مادفعني لكتابة هذه المشاركه هي( الحميــه)

وانتظر وينتظرون وقفتكم المعتاده



لك اطيب الامنيات

[ابو خالد]

الله يـوفقـهم ان شــاء الله

لاهنـــت يا عجمـي الـوادي

كفيــت ووفيــت يالسنـافي

[السليماني55]

الله يعطيك العافيه يا عجمي الوادي و بالنسبه للمرشحين هم اربعه وليس ثلاثه كما ذكرت وهم فراج الوطيب الشامري و عبدالله سعد جابر الشامري و عبيد كميخ اللزيزي و مناحي عبيد الناجعي وكلهم فيهم الخير والبركه بس ياليت يتفاهمون بينهم لأن الهداهده عددهم غير قليل اذا اتفقو بينهم بعدين لا تنسون القبائل الأخرى مثل الزعوب في الحسي والعوازم في عتيق تكفون يالربع لا ياخذون القوم كراسينا في ديرتنا والله يوفق الجميع

[عجمي الوادي]

ولاانت يابو خالد


شاكرلك المرور الكريم


لك من الود اصدقــه

[عجمي الوادي]

لاهنـــت اخوي السليماني



بالنسبه للاخ عبدالله سعد جابر الشامري فقد انسحب من الترشيح للانتخابات لكي يعطي الفرصه لابناء عمومته

المترشحين لهذه الانتخابات .


لك اطيب الامنيات

[تايه الغربه]

عجمي الوادي

ابشر والله با الفزعه

ابشر بسته من اعوال . (( صبيان وعيل )) اللي انا امون عليهم وانا وياهم
في مدينة الاحساء

وابشر ان نجيكم ونصوت لأحد مرشحيكم في مليجه
بس من تبغونا انصوت له با الزبط من المرشحين ؟؟

وابشرو حاضرين ما طلبتو شي يا السلاطيــــــــــــــــــن


(( انتم العين وحنا لها حاجب ** وانتم الذخر في ساعة الريبه ))

[عجمي الوادي]

تايه الغربه

ماهو غريب عليكم ياهل الفزعات


وبالنسبه للترشيح لا يهم من هو المهم مايضيع الكرسي للقبائل الاخرى


شاكرلك المرور والحميــه


لك من الود اصدقــه

[الناجعي]

لا هنتو والله يوفق الجميع بس تكفون يالربع الفزعه ترى الصرار محسومه للعجمان انشالله بس الطق في مليجه

[ركاس]

لاهنت اخوي عجمي الواااااااادي


ماقصرت يالسنافي


والفزعــه ياهل الفزعــات

[فيصل بن حجرف]

السلام عليكم
ياليت اخي الكريم تعطونا تفصيل عن المناطق الانتخابية يعني باقي الهجر خل كلها تابعة لمنطقة واحدة او انها وزعوها وهل فيه غير الثلاثه اللي ذكرتهم نازلين في الوادي؟

[السليماني55]

الى اخوي العجمان رئيس مجلس الااداره الله يعطيكم العافيه على الجهود اللي تبذلوانها و بالنسبه للتفاصيل عن المناطق الأنتخابيه فهي كالآتي== مليجه ويتبعها الكهفه ونطاع والحسي والمالحه و عتيق وينجح فيها ثلاثه بالأنتخاب و ثُلاثه بالتزكيه اما الصرار فيتبعها الزغين و غنوى والصحاف وثاج والقليب وينجح منها اثنين وا أثنين بالتزكيه اما الونان و حنيذ والعيينه ومغطي فيتبعن النعيريه و تةابعها ووفرصة النجاح فيها محدوده هذي المعلومات اللي عندي وارجو من اللي عنده معلومات اكثر يباشرنا فيها اول باول مع تحياتي الحاره لعزوتي وعصابة راسي

[فيصل بن حجرف]

لاهنت اخي العزيز السليماني على المعلومات
ولكن ماذا عن باقي هجر الوادي؟ جودة وعريعرة ومتاع وام العراد وام ربيعة

[الحاشي]

ابشر بالسعد لو اسري من نجران ذلحين

[عبدالمانع]

الله يجزاهم خير و يطرح فيهم البركة .. والله الله في بعضكم