لاتقولون كلام وسخ ...!!!

[(جساس)]

لاتقولون كلام وسخ ...!!!



لاتقولون كلام وسخ قدام العيال الصغار او البنوتات

عجيبه من عجائب العالم المفروض أن تضاف للأهرامات ..وبرج (يبزا)..وباقي العجائب هي طريقه تربيه

الناس عندنا

لأطفالهم .......

الأم ..حبيبي الكذب حرام ..واللي يكذب الله يحطه بالنار ويصير صديق إبليس ...!!!

يدق التليفون ..

الولد..ماما هذي خاله نوره تبيك .

الأم.تأشر للولد قل لها (ماما نايمه)


البنت تصيح ماما شوفي نواف يقول لي ياحماره

الأم.. نواف ..ياكلب ياحمار لاتقول لأختك كلام وسخ ..والله لأعاقبك !!

توسع الأم صدرها بأنها تشغل أغاني وتخلي العيال يرقصون وإذا ودتهم تستعرض فيهم وهم حافظين

الأغاني ويرقصون عند الناس وإذا اكبروا ..وصار الولد .يرقم والبنت تدور على قصص الحب ..وما يحافظون

على الصلاة ونفسيتهم شينه ..قالت وراهم والله إني ماقصرت معهم بشي

وإذا الأم صارت تختلف مع زوجها قدام الأطفال وتطول لسانها عليه وممكن تسوى شي ماوافق عليه

كبروا عيالهم مايسمعون لأبوهم كلمه..قالت هي والابو وش صار لعيالنا والله ماكنا نبهذل أهلنا..


الأم تمدح الرسول وتقول للولد خليك مثله ..يدرس حديث ويعرف إن الرسول قاله ..لكن أمه وأبوه

يخالفونه ..


الأطفال قدام (سبيس توون) 24 ساعة وعند المسلسلات وتبيه يقتدى بالرسول والصحابة ؟!

وتبي تكون أخلاقه حلوه ..وهو مايعرف عنهم إلا اللي يدرسه ..وهو قدوته( بـــات مان و سبيدر مان و

أبطال الديجتال )..وتابعوا هالمسلسلات الكرتونية وشوفوا ..

أولآ...ولا بنت متسترة .

ثانياً..أشكال عجيبه شعر أخضر وموف ولبس يجيب المرض وشم واللي تبون..

ثالثاً..قصص الحب والمسخرة..والله مره شفت مشهد في

بات مان على قناة Arl teenz ..شلت القناة كله ..بس وين الأمهات واللي يتابعون وش يتفرجون عليه

الأطفال ..كونان من أشهر أفلام الكرتون وكل جرائمه تعتمد على مبدأ الانتقام


تتساهل الأمهات في مشاهدة الأطفال للمسلسلات والفديو كليبات بعذر إنه مايفهم لكن في الحقيقه

الطفل ذاكرته تصويرية ...تسجل الحدث ومجرد مايكبر ترجع له هالصوره ..ويفهم...ونقول ليش سلوكيات

أطفالنا كذا..

بصراحة الحديث عن هذا الموضوع يطول ولو نتكلم ليوم الدين ماخلصنا...اتمنئ أكون وصلت

الفكرة ..وتستفيد منها الأمهات وكل شي (يمدي)..والبنوتات والشباب اللي مثلنا يستفيدون مستقبلا..

[لا تقارني بغيري]

إيه والله كلامك صح إميه باأميه
يعطيك العافيه

[سـحـآيب]

.



.



فعلاً مشاهد تتكرر في اغلب البيوت عسى الله يرحمنا برحمته ..

لاهنت ع الموضوع القيّم ،، يعطيك العافيه ..



/

[سلطان المطيري]

((
البنت تصيح ماما شوفي نواف يقول لي ياحماره

الأم.. نواف ..ياكلب ياحمار لاتقول لأختك كلام وسخ ..والله لأعاقبك !!))
ههههههههههه...مبدع ي جساس
من تأثيرات الافلام الكرتونية على الاطفال((شعر البطل اخضر او بنفسجي او برتقالي او وردي...والبطل له ملامح انثويه...ودايما له صدر نفس البنت؟؟؟!!!....وجسمه مخصر؟؟))
وصرنا نشوف بعض الاولاد الصغار...بهالملامح بالضبط..؟؟
الله يستر عليهم...وهذا مخطط لرجل دين يهودي...اسمه مردخاي فرومار...شي جميل الانسان يعرف واقعه...حتى يعرف وشلون يتعايش معاه...
لا هنت ي مبدع على كل حال

[سلطان المطيري]

ونسيت أقول شي من باب الامانه...
الحكومات العربية جميعها من دون استثناء....هم موظفين عند الغرب... لتطبيق هذا الانحلال الاخلاقي...والمقسوم سرقة اموال الشعب...ودعم الغرب في اموال العرب
بشرط...حماية الغرب لهم ولكراسيهم...
((دايما نسمع عن ساقط منهم يتوفى وهو يملك أما 100 مليار او 300 مليار,وهو ما يعادل ميزانية دولة اوربية لعشر سنوات,وهذا ثمن خدمتة للغرب))

[العــــديم]

الله يصلح الحال

لاهنت ع الموضوع

[الاصيله]

الله يرحم الحاالناا

كلامك صحيح جساس


لاهنت وكل الشكر لك