قصص الكذْابين

[سلطان المطيري]

طبعا الكذب مرض نفسي...
والبعض يعيش الخيال بالكذب...
وراح نتشارك بعض الكذبات الغريبة...
يقال عن أحد الشيْاب...وبينما كان جالس في السطح
وكان قاعد يسمع الرادو...
وإذا بالمذيع يقول : والان سوف تصطدم طيارتين بالجو,ويرجع السبب أن الليت الامامي للطيارتين خربان...
ولكن من حسن الحظ...كان مع صاحبنا تريك((مصباح ضوئي)),تدارك الوضع وأخذ التريك ورفع راسه للسما,وحط التريك بين الطيارتين...
ولحسن الحظ انتبهوا لبعض...ووخروا عن بعض؟؟؟
وفجأة قال المذيع : نشكر ابو فلان((اللي هو صاحبنا)),لانقاذه الموقف ومنع الاصطدام؟؟؟
........
وعن أحد الاشخاص في حرب الخليج...كان راكب جمس حمر
وهو بالطريق وقف عند محطة بانزين...
عبا البانزين ومشى...
يقول : أول ما حطيت القير بالاول,وليا فزت الجمس مهي على خبري؟؟
ويوم حطيته بالثاني,وليا جمسي يرجف؟؟؟ومهي الرجفة اللي على خبري؟؟
ويوم حطيته بالثالث,وليا جمسي يوم أقلع وطار عن الارض؟؟؟
يقول وانا بالسما وانا اخذ فوق تحت...وأعوْد لمحطتي
وليا أنا نازل عليهم من السما...والهنود يضحكون؟؟
ابكم يالربع وش حطيتوا لي؟؟؟قالوا : بابا حطينا بدال بانزين السيارة,بانزين طيارة؟؟؟
........
وعن أحد الاشخاص,وكانت المجموعة تسولف عن البركة في الامور
,يقول : طلعنا للقنص انا والوالد,والوالد يشوف له ارنب
وياخذ السلاح ويرمي الارنب,وليا هي في راسه
يقول : ونروح ناخذ الارنب,وليا وراه ارنب ثاني...والطلقة في راسه؟
((طلعت من راس الارنب الاول...ودخلت في راس الارنب الثاني))
يقول يوم رحنا ناخذ الثاني,وليا وراه ارنب ثالث,والطلقة في راسه؟؟
يقول ويوم اخذنا الثالث,وليا وراه رابع,والطلقة في راسه؟؟؟
يقول وعلى مد البصر...نمشي ونجمع الارانب
والطلقة وحدة,والارانب ثلاث الاف
وهذي والله الطلقة اللي الله مبارك فيها...
قال صاحبة,حنا طلعنا كشته,ونسينا قدر الطبخ,الوكاد قال ابوي للهنود
ما حولنا الا نصنع قدر طبخ,ويتجمعون الهنود ويصنعون قدر للطبخ,
ومن كبر القدر,طقة المطرقة من الهندي للهندي الثاني,ما تنسمع؟؟
وهذي والله القدر اللي فيه بركه,,,
قال صاحبة ابو الارانب : اخص؟؟؟طقة المطرقة من هندي لهندي ما تسمع؟؟؟
وش تتحطون فيه؟؟؟
قال صاحبة : نحط فيها ارانب ابوك اللي بارك الله في طلقته
........
واللي عنده كذبه او موقف مع كذاب...حيْاه يكتب موقفه

[الاصيله]

هههههههههههه


بل

الله يستر علهم


لاهنت

تحيااتي لك

[سلطان المطيري]

لا هنتي ي الاصيلة...شاكر مرورتس

[حزن الصرار]

ياوجهً الله هههههههههههً

الله يكفينااااً ها الكذبانً

يعطيك العافيه سلطان ع الموضوع الطريف

تقبل ودي **

[الله يجملني]

ذي النوعية من البشر ودك لصار دوامك آخر ليل وفاضي ما عندي شي يشغلك تجيب واحد من ذا ( البكاشين )!!! تطقطق عليه لين ينتهي دوامك.



شكراً يا سلطان.

[سلطان المطيري]

الله يعافيتس ي حزن...ولا هنتي على المشاركة

[سلطان المطيري]

العفو ي الله يجملني...هم ملح السوالف وبهاراتها
لكن ما ودك يصير طبع...لا هنت على المرور