تعال يالمشرف ؟

[السامر]

الاخ \ شديد الباس

السلام عليكم ورحمة الله وبركاته

يشرفني حظورك واللعب معك في هذا المنتدى العملاق
فشكرا للقائمين عليه والشكر موصلا للاعضاء والزوار الكرام


تفضل يالغالي



تعال يالمشرف ومبروك الاشراف = مبروك الاشراف يا ألباس الشديدي

اللعب معكم ترا يطرب له القاف = عطنا جديدك ونا بكتب جديدي

ا
خوك\ السامر

[محمد أبو زيد]

وعليكم السلام ورحمة الله وبركاته

ارحب يالسامر يشرفني والله اللعب معك

استلم لاهنت



الله يبارك بكم يانسل الاشراف = اقولها وانت لك رايٍ سديدي
ترى الجنيهات لو تعرض لصراف = ميّز ذهبها وعلمك الحديدي

[كويتي]

صح لسانك يا السامر ويستاهل
شديد البأس ,,

لاهنت

كويتي

[محمد أبو زيد]

يامرحبا ياكويتي , تستاهل الخير يالامير ولاهنت على المرور

[السامر]

ارحب ياكويتي والله يحيك ونتشرف بمتابعتك

استلم يا شديد الباس لاهنت



بسألك وابغا الاجابه عدل ونصاف = وابغا الاجابه مع العلم الوكيدي

انته سكنت الوسط ولا بالاطراف = يومك تقول القطين بلا رصيدي

[محمد أبو زيد]

استلم يالسامر



دعواك لو انها في راس مشراف = يدري بها اللي قريّب والبعيدي

انا حكمت البلد بسيوف(ن) ارهاف = لاتشعل النار واللاّهب يزيدي

[كويتيه]

ماشالللللللللله عليكم.. روعه والله

صح لسانك يا السامر
وصح لسانك يا شدييد الباس:)

[هند]

( السامر ، شديد الباس )

صــــح لسانكم

ولاهنتواا



السؤدد

[محمد أبو زيد]

كويتيه


السؤدد


صحت ابدانكم ولاهنتوا على المرور

[حبيب]

ياسلاااااااااااااااااااااااااااام

واصلو وازهلو الصفوف


مبدعين ياشعار

[اطياف الماضي]

صح لسانكم

يعطيكم العافية

>> متابعين :)

[السامر]

ارحبووووو جميعا مليوووووووون ولا يكفون

يامرحبا ياكويتيه

ويامرحبا يالسؤدد

ويامرحبا ياحبيب

ويامرحبا يا اطياف الماضي

هذي الساعة المباركة اللي انتو تتابعوننا فيها

استلم ياشديد الباس لاهنت


عطني دليلك ونا خابرك عرِاف = هل الأوادم حرار(ن) او عبيدي

جاوب وبعده نعرف الجمس والهاف = ترا الخطر كل ساعة بك يزيدي


.......................................

للتوضيح فقط

الجمس ::: نوع من انواع السيارات

الهاف ::: نوع من انواع السيارات

[محمد أبو زيد]

يامرحبا يا اطياف الماضي

استلم يالسامر



فيهم حرار(ن) لهم وقفه ومحراف = وفيهم عبيد(ن) مع البيدا تبيدي

حسبي على الي غرف جمه بمغراف = رسالةٍ ضيّعت ساعي البريدي

[محمد أبو زيد]

ارحب ياحبيب مرورك شرف ونوماس

لاهنت على المرور

[السامر]

قريت ردك مع اذان المغرب ورحت اصلي

ناسف على التاخير ياحظرة الجمهور:D


استلم يالسنافي
حافض على جمتك يارجل لاتخاف = وحاول تصلح ماراح ولا تعيدي


واعرف ترا زلة الرجال بتشاف = ولا الردي لو يصرح مايفيدي

[السامر]

العتب على النظر ونا اخوك ...؟

استلم ياشديد الباس لاهنت


حافض على جمتك يارجل لاتخاف =وحاول تصلح ماراح ولا تعيـدي


واعرف ترا زلة الرجال تنـشـاف =ولا الردي لو يصـرح مايفيـدي

[محمد أبو زيد]

الله يتقبل منك يالسامر

استلم لاهنت



بعض العرب يمكن انه شاف ماعاف = فالمعركه كل جيّد يستجيدي
ماني براضيك وابغى منك محذاف = ماوصلت السالفه حبل الوريدي

[اطياف الماضي]

صح لسانكم :)

[السامر]

الاخت اطياف الماضي لاهنتي على المتابعة


استلم ياشديد البأس لاهنت



لاتعتلي ياولد في راس مشراف = الا بعد ماتعرف اللي تريدي


وليا عرفت العلوم سمان وضعاف = حاول تسيطر على الرجل العنيدي

[محمد أبو زيد]

استلم يالسامر


لاصار لك وقفه وماقف وميقاف = فاعرف ترى منت في دربك وحيدي
فالوقت سبعٍ سمان وسبعٍ اعجاف = لاشك لاريب والمارد مريدي

وصح السانك وبيض الله وجهك ولاهنت يالسامر

[السامر]

تسلم ياشديد الباس

ولاهنت يالغالي

ولاهانو الاخوان المتابعين

تقبل تحياتي

اخوك\ السامر

[سمو الامير]

لاهنتوا لا هنتوا

صح السانك يالسامر وصح السانك ياشديد الباس

عز الله انكم امتعتونا ونطمع في المزيد

[محمد أبو زيد]

ارحب ياسمو الامير , صح ابدنك ولاهنت على المرور