الي يعرف اسعار المعيشة في أمريكا ... ارجو المشاركه

[البــــــــــاحث]

السلام عليكم ورحمة الله وبركاته

مساكم \\\ وصبحكم الله بالخير

ياشباب الي يعرف اسعار المعيشه في الولايات المتحده الأمريكيه

ولاية ( فلوريدا ) وبالتحديد ( ميامي )


أبي الأسعار من ناحية المعيشة بشكل عام يعني السكن السلع الأجارات مثل السيارات والبيوت والشقق والفنادق وراح أقعد هناك مايقارب سنة أو أكثر وأتمنى الأستفادة منكم

لاتبخلون علينا بالمعلومات وجزاكم الله خير


ملاحظة : الي مسافر قبل سنة 2008 لايعطيني الأسعار ويوهقني لأن قبل سنة 2008 صار الأنهيار العالمي للأقتصاد والحين الأسعار تختلف بشكل كبير

[حزن الصرار]

موفق خير

ان ششاللهً يفيدونكً اخوانيً الاعضاء

[شيوم العجمي]

ياليتني مادشيت :(

انا صارلي فترة راجعه من فلوريداااا (( ميامي ))

بالنسبه للمعيشة والاجاااار

علي حسب شقه او فندق ...

لكن انا عن نفسي
كنت بشقه ٣ غرف سكن طبعا وسعر الاجار مايقارب الف ونص شهريا بالكويت وطبعا توقيع عقد
وكل شهر تاكس فوق المبلغ ١٠٠ دينار كويتي

واذا صارلك سبع شعور يلغون تاكس السكن علي حسب ...

فلوريدا بالتحديد غاليه عن باقي ولايات امريكا

الشارع تاكس :)

المجمعات جميله وحلوة وروووعه
والاسعار جيده بالنسبة لي :)

سوووقراس
افنتورااا
دولفين
ديدلاند
انترناشينول مول

واااااي شخباااااري ههههههههه

انا افضل (( افنتورااا موووول ))

الافضل انك تاجر لك سياره اذا بتقعد سنه ...

الانترنت والمكالمااات افضل بكثييييير من الكويت

كل شي عليه تاكس (( يعني اذا انت شريت شغله ٢٠٠ دولار )) عادي اذا احسابك صار ٢٥٠ دولار

مايعرفوون يسوقون كلش هناك :)
مافي لا مطبات ولا رصيف :)
عادي لما تبطل أشاره من كل الجهات يطلعونلك


الجو حلو وخاصه ميامي بييييج

كلها طبيعه وبحر
بس حط في بالك الشمس ماتغرب الا س ٨ بليل في توقيت الكويت

النهار طويل حيل هناك

المجمعات تسكر الساعه ٨ بليل بالضبط

ماعدا المطاعم س ١١ او ١٢ حدهم

العطله السبت والأحد :( زحمممممه

الاسعار الاغذيه في الجمعيه ويل قريييين او ببلكس او ويل دقسي
اغلى من الكويت


السوق عاااادي مااشوفه غالي ...

اكثر سكانهاااا كوبين من كوبا ...


الرحله جداً طويله راح توصل مطار نييورك بعد رحله ١٤ ساعه من الكويت بعدها تركب طياره ثانيه
توديك ميامي ٣ ساعات ....

الله يعينك :)


انا انصحك تشتري سياره لانه ابوي سواااا جذي
وللعلم تفول السياره بانزين مايقارب ٢٠ دينار في الكويت

فرق صح :)

لكن اذا ماكنت شاطر في الانقليزي وفاهم علي الجهاز اللي بسياره فانصحك لا ....
استعن بالسايق افضل لانك راح اتضيع ...


وهم لا سامح الله اذا مرضت او صار فيك شي
راح تتعب معاهم وايد ولازم يكون عندك ((تأمين ))

انا مره تعبت وايد ونقلوني للامرجنسي (( الحوادث ))
وتعبوني وايد وايد وايد خصوصا انك مو بديرتهم



دير بالك من الفيزاااا والتذاااكر اول ماتوصل بالسلامه يسالك جم بتقعد وليش
فهم يحطون لك اربع شهور ثلاثه فدقق
ودقق علي التذااااكر


واي شي ثاني او سؤال أنا موجوده
وعارفه شبر شبر المكان


بس ممكن توضحلي بالضبط لاااهنت نوع السفر سياحه ... علاج ...

اطيب تحياتي
شيوم

[العــــديم]

^
مآشآء الله شيوم
معلومات وآفيه وكآفيه عن ميآمي

لآهنتي ع التعآون والإستجآبه للسؤآل

[مشاعل العجمي]

هلا اخوي

انا عايشه في امريكا بس في ولايه مختلفه

باالنسبه لفلوريدا تعتبر غاليه نوعا ما ولكن هناك ولايات اغلي منها

[البــــــــــاحث]

مشكورين جميعا على المشاركه

ومشكوره شيوم على النشره الطيبه

بس ابشرج ماشفتها الا اليوم يعني بعد شهرين هههههه

وكلامج كله عدل في عدل

بس مو باقي الا جم شغله ماذكرتيها

كوكو وورك + ويندكسي + بوبلكس + جزيرة المشاهير + بيت فيرزاتجي على البيتش + مارشال + روز + ماجيك كند + سامز + ويلمارت + جزيرة اوهايو

وعلي فكره فيهم عيب شرعي الساعه 8 ونص الشوارع فاضيه ومانسمع الا صوت صرصور الليل والسكاره وبالويكند ماتشم الا ريحة الشوي تقول زلمات والشوارع ازدحام كأنك بالدائر الرابع حزه دوامات بالكويت



بس ماطولنا فيها ورحنا اولاندو وبعدين هوليود وانشالله وانشالله راح اوافيكم بتقرير الرحله مع صور للرحله

وشكلنا ماراح نرجع الديره لأن كل مانفكر بالطياره وال 14 ساعه نمدد اسبوعين

لا كوبيين ويتكلمون اسباني مو داشه مخي هالشغله
واللغه الاسبانيه هي الرئيسيه شلون مادري

شنسوي تعلمنا اسباني غصب

اولا يعني هاي

قراسيا يعني شكرا

سينتو يعني 6

نويبي يعني 9

تريسو يعني 3

سنيوريتا تقال للبنت

سنيوره تقال للعجوز

سنيور تقال للرجل

بس هذا الي عرفناه

وفي شغله حلوه السياره اذا بروح ولايه ثانيه اسلمها بمكتب السيارات بالمطار واوصل الولايه الثانيه واستلم سياره ثانيه هناك من نفس الشركه ونفس شكل السياره الي سلمتها ولو تبي تغيرها مافي اي مشكله


المهم ماطول عليكم
اعتقد الحين قاعدين تصلون الجمعه تقبل الله منكم
انا بنام الحين عشان ألحق على صلاة الجمعه انشالله بعد 8 ساعات من الحين

تصبحون على خير
وترقبو تقرير الرحله الممتع وتمنياتنا لكم بالتوفيق

[شيوم العجمي]

الحمدالله على السلامه

شخبااااري ببلكس ويندكسي :) >>>> تراها سوووبر ماركت يعني جمعيه هههههههههههه

مدينة اورنالدوا رحت لها تقريبا الطريج اربع ساعات بينها وبين ميامي:)


معظم اللي ذكرتهم رحت لهم
:((( حتى ميامي هيلث اقصد الجامعه بعد دشيت لها شبر شبر

حتى العناية المركزة بمستشفى جاكسون بعد كنت فيها لاني تعبت :)))


شخبااااااري
اي كلش حدهههههههم للساعه ٨ ونص
الشمس ماتغيب الا هل الوقت:(


أنا كنت احب اروح كله افنتوراا مول :)
اكثر مكان كنت ارتاح فيه+ امسك التلفون وأدق على الكويت



والله لا يعودهااااا من سفرة حتى ولو كانت دراسه


تري كانوا كله ينادوني سينيوريتاااا)

وسوووو بيروي :)


اسباني لانه سكان ميامي مؤ الامريكان الاصلين

الامريكان تلقاهم في نييورك

ماتشوف شر وترجعون بالسلامه
لا لا مانبي الصووووور :) يكفي الذاكرة


وأي استفساااار أنا حاضر

[شيوم العجمي]

^
مآشآء الله شيوم
معلومات وآفيه وكآفيه عن ميآمي

لآهنتي ع التعآون والإستجآبه للسؤآل



شكرًا يالعديم

وحاضر في المساعده