الا يا زمان ساد فيه الجفا والبين

[علي الحبابي]

الا يازمانٍ ساد فيه الجفا والبين = مابين الرجال اللي عريبه مجانيها

نشوف القطيعه والقرابه ماهم صافين = وكثر التفرق والعرب وش حصل فيها

وفي كل ديره يوجد اثنين متعادين = وهذا يولعها وهذا يصاليها

غشتك الملامه يا مقصر معا الادنين = تجنب رضاها والبعيدين ترضيها

من يقفي من المقبل ويطرد ورا المقفين = يروح العمر كله يبيها ويخطيها

واليا صار ما قدرت ربعك وهم حيين = ما ينفعك لمن راحت الصبح تبكيها

لا قفت ندمت وقمت تذرف دموع العين = لو ان الندم والدمع ماهوب محييها

ومصيرك تحط بحفرةٍ ما تجي مترين = وسيرتك تبقى والمخاليق ترويها

وصدوف الليالي مابها يمكن وبعدين = وسنين العمر ماهي على كيف راعيها

يدور الفلك والخلق عن دورته غافين = تشوف الآمل قدام والموت قافيها
الشاعر خليل بن هدلان

[الـعـابـر]

صح لسانك ولسان شاعرها

[●• Ŝђǿǿq •●]

تِسلم يميَنكـ ..~

[ابو سالم الدويخ]

ومصيرك**تحط**بحفرةٍ**ما**تجـي**متريـن وسـيـرتـك**تـبـقـى**والمـخـالـيـق**تـرويـهــا
وصدوف**الليالي**مابهـا**يمكـن**وبعديـن وسنين**العمر**ماهي**على**كيف**راعيهـا
يدور**الفلـك**والخلـق**عـن**دورتـه**غافيـن تـشـوف**الآمــل**قــدام**والـمـوت**قافـيـهـا

عز الله انه صادق من قالها

صح لسانك و لسان شاعرها

ولا هنت ع الطرح المميز

تحياتي،،

[العــــديم]

واليا صار ما قدرت ربعـك وهـم حييـن
مـا ينفعـك لمـن راحـت الصـبـح تبكيـهـا


صح لسآن إبن هدلآن
ولآهنت ع النقل

[*ابوخالد*]

صح السانك والسان شاعرها