ياسلام الله تقدم ياحبيب لي دقيقه

[محمد أبو زيد]

مساكم الله بالخير جميع

اقرب ياحبيب لاهنت محراف خفيف



ياسلام الله تقدم ياحبيب لي دقيقه = يفني المخلوق غير الخالق الرحمن باقي
الجمال الست في المرباع والدعوى عتيقه = والجمل زومان حمله فوق ظهره مايطاقي

[عـزام]

يا سلالالالالالالالام يا سلالالام

يا شديد الباس وكيف الحال طال عمرك وعلى البركه ختم الشيخه;)

واصلو يا شعار

وانا متابع معكم وفى صف حبيب ضدك يا شديد الباس

[محمد أبو زيد]

مرحبا والله يالولهان , بخير جمل الله حالك والله يبارك فيك لو انها مالحقت الختوم :)

[حبيب]

ارررررررررررررحب ياشديد الباس هلا والله يامشرفنا الغالي


والله يجملنا معك

ارررررررررحب يالولهان اتشرف طال عمرك وين ذا الغيبات


مرحبا بك وانت سيف( ن)يعجب الفارس بريقه= اسبر البراق من عاما وشفي في التلاقي


الجمال الست راحت كل واحد في طريقه =والجمل زومان صدَر عقب ميراده يساقي

[محمد أبو زيد]

تبقاااا ياحبيب


البقا بك والمثل لك حر قافي له طليقه = السناقي عاشت ايامك تعالج بالسناقي
المنافق يذبح اعواله يعشيهم صديقه = والله انه لو يموت اليوم مامات النفاقي

[السامر]

الله الله

صح الله لسنتكم جميعا

شد حيلك ياشديد الباس


:D


انا في صفك وباقول خلوووووووووووووووووووووهاااااااااااااااا

بالتوفيق

للجميع

[حبيب]

مرحبا يالسامر تشرفنا بمتابعتك

استلم ياشديد الباس



الدواء موجود لاكن وصفتة ماهي دقيقة = حطو البنزين والبنزين زود الاحتراقي

العوال اللي على ابوهم يشبون الحريقة = طيرو عقله وجاه الموت من حرب العراقي

[محمد أبو زيد]

ارحب يالسامر حياك الله لي الشرف لاعدمتك

استلم ياحبيب


العوارف ياحبيب تعرف ارموز الحقيقه = وانت عارف والهقاوي فيك لامن صرت هاقي

كل ظامي لاورد هداج تيما بل ريقه = عقّب اللي فك بزبوزه على ذيك السواقي

[حبيب]

ااستلم ياشديد الباس لاهنت


انت قايد للسفينه تسبح ابحورن غريقه=وصاحبك يسبح معك ماهوب ناوي الانفهاقي

ماخسر منهو وردللعد بحبالٍ وثيقه =عقب اللي واردن البير بحبالٍ دقاقي

[محمد أبو زيد]

ابدعت ياحبيب لله درك


صح السانك , كفيت ووفيت واستفدنا منك


بيض الله وجهك ولاهنت

[حبيب]

تشرفت با اللعب معك ياشديد الباس

وبا العكس انا اللي استفيد منك وانت تعتبر مدرسه في القلطه


وتقبل تحياتي

[عيد بن شدقان]

الله الله الله
يا سلام ياسلام
شديد الباس صح السانك
حبيب صح السانك
ابدعتووووووووو

[محمد أبو زيد]

يامرحبا ياذياب , صح ابدنك ولاهنت على المتابعه

[عـزام]

لله دركم كلكم يا اثنين على ذا اللعبه

بصراحه جازتلى لعبتكم ذى وصح السنتكم والله لا يهينكم


تقبلو تحياتى:

اخيكم الولهان

[حبيب]

ذياب لاهنت يا الغالي على المتابعه


الولهان اهم شي انها تجوزلك طال عمر ك ولاهنت على المرور والتعليق

[البدوي]

الله الله

شكلنا بنقلبها المغتره

تسلمون ونبا المزيد