نوابنا...ونوابهم

[سلطان المطيري]

نوابهم ونوابنا...
نائبهم يحط برنامج انتخابي...وينزل يمثل حزب ويبدي بالمناظرات حتى يوصل للمجلس
وطبعا 24 ساعه انت في تواصل معه وفي تواصل بمناظراته
أما نائبنا
تبدي حياته على نحو الاتي
مستفيد من غير فايدة : الوووو السلام عليكم يابو فلان
لا مستفيد ولا فاكينه شرهم : هلا يا مرحبا
الاول : شلونك شلون العيال((يلف ويدور يعني فاقدك))
الثاني : ماعليهم بخير ماش خلاف
الاول : اخبار علوم شي((ن)) جديد((كذاب يدري عن كل شي ويدري ان عليك قرض))
الثاني : ابد بخير ننشد عنكم((عشر سنوات ما سمع صوته...خابره بالثنويه))
الاول : طيب يابو فلان ولدنا نازل الانتخابات يبي يمثلكم ويدافع عن حقوقكم نبي فزعتك
الثاني : الله يوفقه للي يحبه ويرضاله...انا مقاطع الانتخابات
الاول : انا طالبك انه يمثلك ويدافع عن حقوقك!!!
الثاني : لا ابدن يكفيني شوفته
الاول : داخل عليك مايطلع الصوت لغيرة
الثاني : فكني من شرك
الاول : طيب لازم نشوفك...سير تقهو
الثاني : تم
بعدها بساعه يدق التلفون...طبعا الساعه يعني عشان يمديك تنسى الاول((تمويه))
الاول : السلااااام عليكم
الثاني : ياهلاااااا بهالصوت يا مرحبا
الاول : شلونك عساكم بخير بشرني عنك وشلون العيال وشلون من يعز عليك((تبي تقنعني ان عيالي واللي يعزون علي...يهمونك أكثر مني؟؟؟))
الثاني : والله ما نشكي باس
الاول : توني مع ابو فلان((اول واحد دق))والله ينشد عنك ويذكرك بالخير((يعني صوت لولدهم..تراه يحبك وتراه حبوب))
الثاني : اي عزالله
الاول : وترا ولدهم نازل ((وهو يدري ان الاول كلمك بهالموضوع...بس كذاب ويسوي نفسه مايدري...ويعني تراني والله مدري ان ابو فلان كلمك ولا ادري انك قلت له انك مقاطع الانتخابات))
الثاني : اي عزالله كلمني وقالي
الاول : الرياجيل بياخذونها علينا...وانا طالبك تقول تم
الثاني : تم
الاول : مايطلع الصوت لغيرة
الثاني : أبشر((بسبب كلمة طالبك...وبسبب كلمة تم..يفصل سلك العقل والمبادئ من دماغه...ويركب سلك التناحه اللي ماتركبه الا بوقت الانتخابات))
وتمر السنين...وتدور الايام...وابو فلان يصير بيته قصر...وسيارات وعقارات واملاك
وانت تدربي راسك..تسدد قروضك
ولد ابو فلان يدرس برا...وولدك موظف ويداوم يومين بيوم
ولد ابو فلان رصيدة ملايين...وولدك بدايته حياته ماخذ قرض ونص حياته قرض واخر حياته قرض
وبعدها تدور الايام...ويتناقش ولدك مع ولد ابو فلان...ويرد عليه ولد ابو فلان بكل رعونه...وش شهادتك؟؟
واتحداك تقوله : شهادتي مراجل وحميه طلعتك وطلعت ابوك
واللي يرفع الضغط...لما يكلمك بالقانون والدستور
يارجل حنا كنا نضبطك بالمعاملات ونضبط ابوك بالانتخابات...ماشفنا هالقانون ولا ذكرنا الدستور نفس ماتذكره انت؟
يارجل بداية حياتك المليونيه...جتك من فوق القانون...الحين تكلمني بالدستور والقانون؟؟
وطبعا
هذا بحال اذا نجح...
اذا ما نجح...
يقعد يبكي؟؟؟
أما تمثلني وتدافع عني...او تبكي؟؟؟
طيب تعال الله لا يهينك مثلني عند البنك؟؟؟
البنك يطلبني قرض...تعال ومثلني عنده
لازم تدافع عني؟؟او تبكي وتسبني وتهددني؟؟
طيب اجلس في بيتك ودافع عني
ياسيدي....اذا كانت هذي المراجل...رحم الله حالنا

[حكاية الم]

عز الله انك صادق
وسالفة الدموع صارت مع الحبيب
واذا كانت هذي مراجلهم ما نبيها عوووع
المراجل بالمواقف مو بالكلاام

يعطيك العافيه سلطان

[بن فريح الشقراني]

والله شئ عجيب ننعتهم بابشع الصفات ونحط اللي فيهم واللي مافيهم ومن ثم نطبل لهم .والله

تروكم صجيتونا بها الانتخابات ومن ترون انهم حماة الدستور اي دستور يامعود والبلد مليانه

جرائم وفساد اخلاقي لم يضعها الدستور في الحسبان لم اسمع يوما واحدا من هؤلاء المرتزقة

دافع عن شعيرة من شعائر الله الا ماندر وفي زاوية مظلمة والمايكات مقفله حتى لاتزعج الغير

صدقوني ان بقي الحال كما ولم يكن هناك اتعاظ من الشوط الاول فالثاني قادم فالله يمهل

ولا يهمل وسوف نرى من يدعون الوطنية ويعزفون نشازا على وترها هم اول يقط اسفل

دشداشته بفمه ويترجل عن مطاياه الواحده تلو الاخرى وماتشوف الا غباره

[سلطان المطيري]

لا هنت على المرور يا حكايه الم...ولا هنت على المرور يا بن فريح

[عاشق الجمس]

بالصميم في ذمتي

لاهنت يا سلطان المطيري

[سلطان المطيري]

ولا انت يا راعي الجمس

[مطيري وخواله العجمان]

لاهنت ياسلطان

على الطرح

ولاكن الفرق كبيررررررر بيننا وبينهم

[سلطان المطيري]

حياك الله يا مطيري وخوالك عجمان...ولا هنت على المرور