المساعد الشخصي الرقمي

مشاهدة النسخة كاملة : الوطن أو القبيلة.. أي الكفتين أرجح

عاشق الجمس
20-01-2012, 01:34 PM
السلام عليكم..

طوال الفترة الماضية والشد والجذب تدور رحاه بين أبناء القبيلة

فطوال هذه الفترة لم نسمع ممن يطبلون للحويلة وللتصويت له ذكر للوطن أو مصلحة الوطن

فهم يعزفون على وتر القبيلة ومخرجات القبيلة وضرورة الإلتزام بهذه المخرجات.. والفريق الآخر يؤكد على ضرورة التصويت للأصلح ممن وضع مصلحة الوطن والشعب نصب عينيه

ومما سبق هل أصبحت مصلحة القبيلة أهم وأولى من الوطن والدفاع عن مصالح ومكتسبات الشعب؟

إذا نجح المستقلون وهذا المتوقع الذين نزلوا من غير تشاورية قبائلهم فأعتقد أننا سنقبل على مرحلة جديدة في البرلمانات القادمة وهذا بالتأكيد شيء ايجابي.. لأن الفرعيات لطالما ظلمت أصحاب الكفاءات والشهادات العليا إلا من رحم ربي,, وأكبر دليل المجلس السابق

أتمنى أن تكون الدائرة الخامسة دائرة أحرار لأنها حاليا تقارن بالدائرة الأولى ولكن الأيام القادمة بإذن الله ستثبت أن لهذه الدائرة موقفها الثابت والراسخ ودعمها للدستور والمدافعين عنه

وأولاً وأخيراً هذا الأمر بأيدي الناخبين ونسبة الوعي عندهم بإذن الله ستثبت ذلك

سلام,,,
سلطان المطيري
20-01-2012, 02:38 PM
والله العظيم...كنت أظلم كبار السن...والشيبان...وأقول إن عقلياتهم وتصويتهم يقوم على فلان ابوه طيب...وفلان مايحلق شاربه...وفلان يصلي بالمسجد...
لكن حصل موقف...وأيقنت ان المشكلة والخلل مو بالشيبان...المشكلة والخلل بالجيل هذا
واحد من الاخوان راح للشايب وقاله ياعمي حنا ولدنا نزل فرعي...وانتم ابخص فينا وأدرى فينا...ونبي فزعتكم
فرد عليه الشايب..وقاله يابوك ولدكم ما سمعنا عنه الا الحين؟؟
ولا ندري عن مواقفه ولا ندري عن فكرة ولا ندري عن توجهه؟؟
كانه فيه خير...نشوف برنامجه وفكرة وطرحه وتبشرون بالخير...
والشايب له بيت يقول :
هاجسي يوم ان تفكيري صفى لي...واستدار الفكر للي يشتهي له
استدار الفكر والقيل استوا لي...وصارت الغايه تبررها الوسيله
شلون شخص عمره 70 سنه...يعرف نظرية ماكيافيلي
ولما قريت بعض اشعار الشيبان...
واحد منهم الله يطول بعمره يقول :
ارجي واراجي واترجى هل الدار...رجوى يهود المانيا وعد بلفور
...................
مع انهم طلعو في جيل..لا انترنت ولا تكنولوجيا...ولا كتاب ولا علم...وافضلهم اللي يعرف يكتب؟؟؟
أما الجيل هذا...مجرد انك مني وفيني..حتى لو انك خبل وردي...ادافع عنك وأكذب...وأشوه سمعة الناس
ولاهي من الدين...ولاهي عادات شيباننا ولاهي مبادئهم...
...................
الخلل بالجيل هذا...لانه جيل يقرأ...لكن مايقرأ الشي اللي يفيده
ويشوف...لكن مايشوف الشي اللي يفيده
ويبحث...لكن عن الشي التافه اللي ماله معنى
جيل يعلْق أماله وطموحاته على القبيلة...ويستغل عقليات الناس بهالمطلح
طيب...
((انا بصوت لفلان لانه من قبيلتي))...((هو مايستحي على وجهه ويمثلني بشكل يشرفني..عشاني من قبيلته))؟؟؟
او القبيلة بس علي انا؟؟
هو ماله شغل؟؟
ليش الخوف هذا؟؟وليش الضعف هذا؟؟وشنو يعني لو واحد مني وفيني طلع خبل؟؟
او ردي؟؟
وليه استميت وادافع عن خبل؟؟؟ولد عمي محترم..احط على راسي وافزع له
ولد عمي ردي...الله يصلح حاله لين يصير رجال...يبشر بالخير
...........
ثانيا اللي نزْل راسه بالتصويت...ماهو محتاج مليون ولا عشره...ولا ابي اتكلم في هالموضوع
اللي محتاج نعرفه...باع بيت ابوه حتى يدخل ياخذ الرشوه وفعلا دخل واخذ رشوه...لانه لقى سلم وظهور يصعد عليها
ويوم انه يوزع الماركات وضاري على العطا...ليه ما عطى ربعه حقهم يوم وصلو بيته؟؟
ربعك مابغو شي منك...طلبو منك تسوي اللي انت قلته...طلعت ترجف قدام المكرفون...وجتك روعه يوم الرياجيل حولك...وقلت الحكومه فاسدة
في ندوة انقاذ وطن...
يوم الحكومه فاسدة...لين وقعت على التعاون معها؟؟؟
وحده من الثنتين...أما انك مهزوز شخصيه وهزوك الرياجيل...او انك فاسد وتقبل تتعاون مع حكومه فاسده
واللي يبي يعطي هالشخص فرصة ثانيه...تذكرو العدوة وش قال بالانتخابات اللي فاتت
حلف قدام الناس...وقال والله لتشوفوني العدوة بالاربعه وتسعين
والمقطع باليوتيوب
وشفنا الفرصه الثانيه وش سوت...أخرت البلد 4 سنوات
........
ولحد يقول القبيلة والقبيلة...أما يجي منها شخص يرفع الراس ويرفع ذكرها
او يجي منها خبل لا يهش ولا ينش
ولاهنت ياراعي الجمس على الموضوع
عاشق الجمس
20-01-2012, 03:00 PM
أرحب يا سلطان وشرفت الموضوع والله

أزيدك من الشعر بيت.. اللي تقصده يصرح بالجرايد أنه ضد السريات ويجب عليها مواجهة الإستجوابات علناً ولكن وقت المواقف بانت معادنهم

والعدوة قال أنا مع الشعبي في تصويتهم ومواقفهم وخذلنا وعرف على روحه وقعد

لاندمت وأشكرك مرة ثانية على وجودك وبالفعل نتمنى من بعض الشباب أن يقتدوا بالشيبان
كويتي
20-01-2012, 04:37 PM
الوطن اكيد
فهيد الهتلاني
20-01-2012, 04:59 PM
الوطن فوق الجميع
(الرائد)
20-01-2012, 05:01 PM
الموضوع نزل بالغلط

ومما سبق هل أصبحت مصلحة القبيلة أهم وأولى من الوطن والدفاع عن مصالح ومكتسبات الشعب؟


الوطن اكيد اهم

بس للعلم ترى المستقلين هم اكثر فساداً
وليس في الدفاع عن المكتسبات والمصالح

واكبر دليل
انظر الى تجمع ساحة القضاء في قضية الميموني
عاشق الجمس
20-01-2012, 05:04 PM
<<< الرائد يشطح عن الموضوع