هدووووووء نبي نصور

[كويتي]

السلام عليكم

يعطيكم العافيه وكل عرس انتخابي وانتم بخير ؛)

الكل يعلم ان الكويت بنسبه لنا عروس وكلنا خطابها ،، وكلنا نحبها ولا احد يزود علينا بهذا الشي

دارنا مثل العروس وكلنا خطابها ،، من يبي شمس الشموس من يحب ترابها

ولازم نقــف وقفه كبيره لجلها عشان ديره كلنا نحبها ديره عشنا بخيرها وضمتنا
وتعلمنا وربينا بظلها ،،

تذكرون 2/8 يمكن البعض فيكم كان صغير والبعض ما حظرها والبعض عاشها وحس فيها
ونجرح وعرف شنو معنا ديرتك تروح بيوم وليلة ،،

كثير الى استشهدو بدو حضر شيعه سنه كل طوائف المجتمع والنسيج الكويتي ،،
كنا شعب واحد ايد وحده قلب واحد وحزن واحد وفرحة عودة الوطن وحدة ،،

هذي ديرتنا وهذولة شعبها هذولة اهل (الكويـــت)


ماننسى دمعة الامير الوالد الراحل / جابر الاحمد في اللامم المتحدة ايام الغزو الغاشم
ومانسينا دمعته يوم سجد فور نزوله في ارض مطار الكويت شكر لله سبحانه بعودة الكويت

صحيح الكويت ارجعت والحمد لله سبحانه

لكن بدينا ننصدم باكبر بوقات بتاريخ الكويت

ناقلات النفط

هيئة الاستثمار

المديونيات الصعبه

ومرت الازمه ونزفت الكويت الكثير الكثير ،،

رحل جابر الخير وكلنا حزنا عليه الله يرحمة

وحكمنا صباح الخير الله يطول بعمره

وبدت الازمات مره اخره بس هل مره مع رئيس الحكومة

7 سنوات عجاف مرت بتاريخ الكويت ركود تام لتنمية والتطوير

800 مليون دينار مابين رشاوي وشراء اعلام فاسد وارضاء اطراف
وشراء ذمم ،،

7 سنين و 7 حكومات فاشلة رخوه متخاذلة ،،

7 سنوات والكويت تعاني الامرين وتنزف ومن اردى الى اردى ومن حفره
الى حفره ،،

7 سنين ماراح ينساها اي مواطن كويتي شريف ،،

7 سنين انهانت فيها القبائل واهل الكويت من الاعلام الفاسد المدفوع الاجر ،،

7 سنين تعذيب وقتل موطن كويتي ظلم ومن غير اي سبب ،،

7 سنين ونحن بذل وهوان وعلم بلادنا ينداس في بغداد ونحن نعتذر لهم ،،

7 سنين والذات الألهي يتعرضون له والصحابه ينسبون وام المؤمنين كذالك ،،

7 سنين وفلوسنا تروح على الشوكلاتة السويسرية ،،

7 سنين والاحرار في ساحة الارادة من اعضاء المجلس ومن شباب الاحرار من اهل الكويت ،،

7 سنين رشاوي بيع ذمم فضايح شيكات فساد تخاااااااااذل يفشل ،،،

قدم استقالة وراح وكانه ماسوى شي لهل الكويت !! خلاص ماكن في مواطن مات !!
ماكن في شعب ما اعتذرت له عن الاهانه !!

وللاسف الكثير من مستخرجات كل دوائر الكويت كانو مرتشين وقبيضة ،، حسافة

الكويت لها حق علينا لازم نراضيها ونوريها ان شبابها فيهم خير ويقدرون
يغيرون ويطردون كل قبيض بعها وباع اهلها عشان الفلوس وصخ الدنيا ،،


انا ماطبل حق احد ولا ابيك تصوتون لحد لالالا يعلم الله اني ابيكم تصوتون حق الكويـــــت بس ،،

الكويــت تستاهل ،، وللكويت رجال يدافعون عنها


سامحوني على الأطالة

ولدكم / كويتـــي

[بقايا الأسكيمو]

كويتي ودك تحط صورة الصواغ عشان تكتمل مع بومشعان وبومنصور وبو فهد مع تقديرنا للمرشح المرداس

[ولد^ال معيض]

ماقصرت ياكويتي ليت اللي يصوت للحويله يشوف كلامك ويحسبها صح لكن هذي مساوء التعصب القبلي

[كويتي]

كويتي ودك تحط صورة الصواغ عشان تكتمل مع بومشعان وبومنصور وبو فهد مع تقديرنا للمرشح المرداس

والله ونعم الشارب في الصواغ مواقفه ثابته ويستاهل
وعيال عمي كلهم يستاهلون الخير ،،

وكل الي محتاجينه موقف عز ولا مذله تجرح الخاطر

شكرآ لك طال عمرك على مرورك

[فهيد الهتلاني]

كلام جميل ... مبدع

[كويتي]

ماقصرت ياكويتي ليت اللي يصوت للحويله يشوف كلامك ويحسبها صح لكن هذي مساوء التعصب القبلي

هل الانتخابات راح تكون مفترق طريق وراح يكون صوت الشباب الحر مسموع
وراح تشوفون مستخرجاتكم وراح يعرفون المتخاذلين ان القبائل الحره ماتباع
ولا تشترى ،،

لاهنت يالمعيضي على مرورك

[كويتي]

كلام جميل ... مبدع

الجمال والابداع هو مرورك لاهنت فديتك

[الظبيانيه7]

يعطيك العافيه واتمنى تثبيته لين 2/2 للاستفاده

[ضابط جوي]

موضوووع قمّه على قمًّه

[قندهار]

موضوع رائع اتمنى ان يقرأ بتمعن ويشوف والكويت تستاهل

[راكان السادس عشر]

موضوع جميل جدا

[شموخ شايبها]

عين العقل ... وعساك عالقوه ...


وجعل يرب كلن على قد نيته ربي يعطيه

[كويتي]

اسعدني مروركم كلكم
وعساني ما انحرم منكم كلكم

شكرآ للمرور

[روبن هود]

7سنين انهانت فيها القبائل واهل الكويت من الاعلام الفاسد المدفوع الاجر ،،
ومازالت القبائل تضرب الى اليوم من اشكال الجويهل والطبل والراشد

[كويتي]

شكرآ لك روبن هود على مرورك
وعلى الاضافه ،،


كل الود

[البــــــــــدر]

لافُض فوك قولٌ حقٍ ومفصل....

ومع كل هذا أتمنى أن يكون عام 2012 عام خير ورفاه للكويت وللمسلمين عامة أيضا..
وأن يخرج للمجلسين الأمة والوزراء خيار هذا البلد ومن يضع مصلحة الوطن والمواطنين نصب عينيه لا المصالح الشخصية وأن يأتي مجلس يشرع ويبني ولا يهدم ويتناحر ..

[كويتي]

تسلم اخوي بدر على اضافتك
ومرورك غالي علينا

كل الشكر