عندي بعثة لدراسة الماجستير في لندن اروح ولا ماراوح

[بنت السنام]

السلام عليكم
عندي بعثة لدراسة الماجستير وانتم تعرفون صعوبة الحصول على ابتعاث دراسات عليا من التطبيقي بس انا متردده اخوي راح يروح معاي واحتمال الوالده واختي بس احس راح اشتتهم بنفس الوقت هذي فرصه ماتكرر انتم شرايكم

[علي الرطام]

وعليكم السلام ورحمة الله وبركاته

روحي ليش لا ؟!
وهذي فرصه ولا تضيعينها !!

والله يوفقش

[بنت السنام]

^^^^
مشكور بس ماتلاحظ انها صعبة للبنت

[العنفوان]

اختي مافي شي صعب وانتي رايحه تدرسين والي فهمته منكـِ انه اخوكـِ او امكـِ

معكـ لا تضيعين مستقبلكـِ لسبب ماله اي معني

[الغـــــزال]

وين الصعوبه واخوش و امش معش
الا بيض الله وجيهم اللي رحبوا بالفكره

الاهم استعيني ب الله و استخيري
وان شاء الله تتسهل امورش

وفالش التوفيق

[الاصيله]

الفرصه تجي في العمر مره وحده

وهذي فرصتج ومثل ماقلتي صعب الحصوول عليهاا

استخيري وعساا ان يكون في الامر خيره لج


توكيل ع الله

وبالتوفيق لج يارب

[عَشّــاقْ آلصلَــفْ !]

أهلين اختي
أنا أشوف من وجهة نظري أن الأخو كافي
لأني حالياً في بريطانيا أنا وأختي ندرس بمدينة جنوب لندن
وأختي كانت تبيني أنا وأخوي الثاني فـ حسيت كذا أن شخص واحد يكفي
خصوصاً أن أمش أكيد راح تعاني من السفر
أي إستفسار أنا حاضر أختي


..

[شافي الوايلي]

وعليكم السلام ورحمة الله وبركاته
الأخت العزيزة من وجهة نظر شخصية ومن واقع تجارب وليست تجربة بالنسبة لما سئلت عنه أنا أري أنك أنت أكثر شخص يمكن له أن يحدد أن يروح أو لا.
بعض النقاط للفائدة بإتخاذ القرار:-
1. تحديد الدافع والهدف من قبول البعثة (إجتماعي - مادي - شخصي - ترقية - تمشية -تحدي - الخ).
2. هل هناك طرق أخري متاحة لمواصلة الدراسة (انتساب - مراسلة - تقييم).
3. تقييمك لقدراتك وهل تتناسب مع ما سوف تواجهين من مصاعب (غربة - غلاء معيشة - اختلاف ثقافة - عوامل اسرية - اللغة - الخ).
4. نظام الدراسة بالجامعة التي سوف تذهبين إليها (فصلي بحيث مواد تدرس وبنهاية الفصل اختبار وأنت ودرجتك بالاختبار أو مواد تدرس وبنهاية الفصل تعمل بحث وتقييم بناء عليه أو رسالة من البداية للنهاية).
5. هل يوجد مبتعثيين غيرك بنفس الجامعة اللي اخترتي ونفس التخصص يمكن الاستفادة من تجربتهم.
6. اللي بيروح معك هدفه من الروحة وش فلة وناسة أو محافظة عليك والتخفيف عنك.
7. الجامعات تختلف عن بعضها والدكاترة كذلك فيه جامعات سهلة ودكاترتها طيبين وفيه جامعات صعبة وشديدة وفي النهاية الشهادة يتم التعامل معها بشكل واحد دون النظر للجامعة.
8. الذكي من يستفيد من تجارب الأخرين بتجنب أخطائهم توفير للوقت والجهد.
9. كل من ابتعث كان هدفه الأول النجاح والتميز لكن البعض لم يحالفه الحظ وعاد دون الحصول علي شئ.
10. بالنهاية أهم شئ هو التوفيق من رب العالمين ودعاء الوالدين ورضاهم عنك.

أتمني لك التوفيق فيما تختارين.

[فديت القلب]

نصيحة من اخت لاخت

رووووووووووووووووووووووووووووووووووووووووووووووووو ووووووووووووووووحي وتوكلي على الله لا تترددين كلش

[رمش فارس]

............ابد روحي بالتوفيق وكان تبين لج مخاويه ابشري ........ >>>>>>>> تدور السفر

[معاذير]

*


لآ والله رُوحي ‘


و موفقه ،

[ابو يعلى]

اولا استخيري ربك

وبما ان اخوك معاك انا اقول توكلي على الله
هذي فرصة
ترا اكثر البنات ما يحصلون احد يروح معاهم
وانتي ما شاء الله اخوك معاك



والله يكتب لك الخير والتوفيق يارب

[لا تقارني بغيري]

نصيحه مني منج لاتروحين ماله داعي هالدراسه

[راكان السادس عشر]

وحده درست برا ماراح اتزوجها

فكري

غربه ومشاكل وفلوس وهموم للاهل