يامي مادري بس يامي....ماهو زعـل فيـه ولكـن الحيـره

[رمش الغلا]

يــــــــــــــــــامي

ياحرف ناد الحرف وازهم لنا مي
......................في خاطري بعض الامور الخطيره

ابستشير الغاليـه باللـذي فـي
....................هي تعرف المعنى وهي لي شويره

الغالي اللي كن في خاطره شـي
...................اليوم لي با الذات غيـر تعبيـره

صفيت له بالود واعطيت واعطي
..................طبعي كذا ومن الشقا في غيـره

غيرة تزيل بلاد وتمـوتّ الحـي
..................ممكن ازيل الكون و اشعل سعيره

استغفر الله لو حصلـي اسـوي
...................يعني صهيل خيول جت لك مغيره

كل اللذي من فوقهن نسل الشمريٍ
..................ابوي يا ذيك السيـوف الشطيـره

يامي مادري بس يامـي مـاادري
..................ماهو زعـل فيـه ولكـن الحيـره

وانا جزوعه وكـل شـيٍ ايـأذي
.................لخاطري يجرح خفايـا السريـره

خصٍ كذا لاصرت يا مي ما اخطي
..................وجتني منه زلـه بعينـي كبيـره

هو ما عتبرها شي يعني ولاشـي
.................يشوفها بالعيـن مثـل الشعيـره

وانا لو ازنها تعادل جبـل طـي
................ولولا الغلا ماهمني وش مصيـره

لكن غلاه يعادل الارض واشـوي
.................من حشمته قدرت دولـة وديـره

وياحرف ناد الحرف وازهم لنا مي
...............في خاطري بعض الامور الخطيره






ولكم ودي بالاماني


مهاالجرباء[/frame]

[المنفرد]

صح الله لسااانش

ولاهنتي على ما قدمت يمينش

يوجد خلل فالوزن

[●• Ŝђǿǿq •●]

أبيآت جميله
صح لسآآآآنك ..~

[العــــديم]

صح لسانش وإعتلا شانش
وإن شاء الله [ مي ] تقوم في الواجب :)

كلمات رائعه وقافيه أروع

هناك بعض الشطور في القصيده محتاجه لوزن !


حس شعري رائع ننتظر منه الكثير


دام إبداعش

[رمش الغلا]

صحت ابدانكم جميع لاخلا ولا عدم على مروركم الرائع

ولكم ودي بالاماني

[الـعـابـر]

صح لسانك

[رمش الغلا]

العابر

صح بدنك بلا عدد

وكما اشكر سموك الكريم على تشريفه لمتصفحي الدائم

دمت بود

[شموخ شايبها]

صصح لسااانش ياشاعرتنا وبنتضار جديدش ياشيخه شمر

[سعود بن شالح]

وانا لو ازنها تعادل جبـل طـي
................ولولا الغلا ماهمني وش مصيـره

لكن غلاه يعادل الارض واشـوي
.................من حشمته قدرت دولـة وديـره


ابدعتي اختي شمريه والابيات راقيه
ومثل ماسبقني اخواني هناك بعض الابيات فيها الوزن مختل
لكن القصيده راقيه ومعانيها ساميه
تقبلي مروري وشكري

[الاصيله]

صح لساانج


وعلى شاانج

تحيااتي لج

[رمش الغلا]

منورين الجميع

وصحت ابدانكم جميع

دمتم بخير