بكرة تسوى عند صاحبها بالملايين واسمها ( عجيمة او العجمية ) نسبة الى قبيلته

[ابن العجمان]

خبر عاجل ومهم لاهل الابل



السلام عليكم ورحمة الله وبركاتة

يدور بين اهل الابل بكرة مزيونة جداً ولزياده حب صاحبها لها اطلق عليها اسم منشق من قبيلته وهو من قبيلة العجمان وقد حاول بعض من تجار الابل شراءها منه ولاكن رفض .. ويرشح البعض بان هذه البكرة مرشح لها الفوز في مزاينة ام ارقيبة هذا العام .


مميزات البكرة

1- البكرة عفراء
2- عمر البكرة سنة
3- يوجد عليها رقبة جردى
4- لها قوائم ممتازة
5- رأسها الراس الفاخر والمميز عند البدو


علماً ان بعض من الناس الذي شاف هذه البكرة يقال انها تشبه لحد ما الكايدة وناس شافوها قالو انها من افضل انواع او السلاله النادره في الابل ... وقد رجح لها الفوز وبدون منازع في ام رقيبة على حد ماسمعت وقد سئل صاحب هذه البكرة انه متردد في دخول المسابقة لصغر سن البكرة ....


وسلامتكم ...........

[راكان اليامي]

الله يعطي راعيها خيرها ويكفيه شرها

لاهنت ياابن العجمان على

[عيد بن شدقان]

الله يرزقه ويوفقه






لاهنت
يابن العجمان

[فيصل بن حجرف]

السلام عليكم
ابن العجمان لاهنت على المشاركة الجميلة
بس ماقلت لنا منهو راعيها؟

[ابوحمد الشامري]

لا هنت يا ابن العجمان وعطنا نتيجة التصويت ولا تهون

[ابن العجمان]

اخوي Alajman .. الف مشكور على المشاركة والبكرة صاحبها يقال اسمه سلطان عبدالله العجمي .. والبكرة لها غلاوه عند راعيها بشكل لايتصور ... يا اخوان على فكرة يوجد لهذه البكرة اخت لها ويطلق عليها اسم القصوى نسبه الى ناقة الرسول صلى الله عليه وسلم ..
والبكره العجمية او عجيمة يقال انه على لسان صاحبها لو دفع له مليون او اكثر احتمال لن يفرط في هذه البكرة على حد قول صاحبها ..

اشكر الجميع على المشاركة والمداخله يا ابناء العمومة ..


اخوكم ................. ابن العجمان

[فيصل بن حجرف]

السلام عليكم
مشكور اخي العزيز على التوضيح

بس سلطان عبدالله ابن؟ يعني الاسم صاير مبهم شوي

[عجمي موت]

الف مشكور اخوي البكرة انا شفتها تهول العقل والله انا عندي تسوى الملايين كلاه .........

زين وكل شي فيها زين وزيادة عليها انها اسمها العجمية
وفعلن اسم راعيها سلطان العجمي .......

وينها وين الكايده يرجال وش جاب لجاب هذي اسمها العجمية يرجال وانا كنت في الجنادرية سمعت ناس يتكلمون عنها ..... وسمعت ان اختها حواره توها راميتها امها عطوها 180.000 مائه وثمانون الف ريال وعيى صاحبها يبيع يرجاجيل البكره والله لو تشوفونها تهول العقل وفيه جمال ودك ماتفارقها ...........


مشكورياً ياخوان ..

[الشجون]

سلام الله عليكم جميعن .....

الله يعطيه خيرها ويكفيه شرها....


بس بغيت طلب اذا ماعليك امر اخوي اذا عندك صوره لها تحطها شوقتنا بصراحه....

لاهنت

[عجمي موت]

السلام عليكم يا ابناء العمومة ..

اهلين اخواني جميعاً ... واهلين با اخوي الشجون .. انا اسف تأخرت في احظار صورة لهذه البكرة وانشاء الله في المستقبل القريب ابحاول انشاء الله اني اجيب صورتها واعرضها في شبكة العجمان الحبيبة .....

تحياتي للجميع ....

[عجمي ولي الفخر]

الله يرزق راعيهااا ويوفقه لكل خير انشالله

لاهنت اخوي/ابن العجمان ... على هالموضوووع

ويعطيك الف عافيه

[قرم العجمان]

السلام عليكم ورحمة الله وبركاته
ترى شوقتونا يا جماعه على شوفتها
الله لا يهينكم استعجلو على الصوره

ولا هنت يابن العجمان على طرح الموضوع