أملي الجنة
25-10-2011, 04:48 PM
قصيدة في رثاء وآلدنـآ الغآلي / الأمير سلطان بن عبدالعزيز - رحمه الله -
..
يبغي لي أستوعب الموقف و افكر به
عز الله انها ضربتنا .. موتتك ضربه ..!
ان كان روحك سفرها صوب مولاها
فـ الحزن مولى يسافر بي و اسافر به
ابو اليتاما و ابو الخايف و ابو المعسف
ابو الذي كل ما حطوه يأشر به ..
ابو العطا ابو السخا و الود و الرحمه
ابو الرهيف الصقيل الحد و الحربه
الله يجبر عزانا فيك يالغالي
لو ان ما فيه غير الله نتجر به
لو شفت يا سيدي المرحوم ما شفنا
الموقف اللي المشاعر فيه مضطربه
ما شفت اخوك الملك ينظر لـ جثمانك
يبكي و ينهت عليك بدون تشعر به
الله وش كثر بكتنا يَ ابو متعب
اصبع يدك و انت عالعكاز تأشر به
ادري فقدت السند و العضد و الساعد
يا بعد سلطان عن عينك و يا قربه
ياليت ربي خذا روحي بدل عنه
وخلاه لـ اخوه يفرح به و يتبشر به
وش لون نقوى فراقك و انت جامعنا
جمعٍ يبشر به و جمع يخبر به
موادعك حي غير موادعك ميت
هذيك فرقى لكنّ الثانيه كربه
البخل ياما وطت رجلك على راسه
و الخوف يا كثر ما قلبك معزر به
مواجع الوقت اكبرها و ادهاها
اذا خذت منك شئ كنت تفخر به ..
للشاعر / علي بن حمري [/size]
..
يبغي لي أستوعب الموقف و افكر به
عز الله انها ضربتنا .. موتتك ضربه ..!
ان كان روحك سفرها صوب مولاها
فـ الحزن مولى يسافر بي و اسافر به
ابو اليتاما و ابو الخايف و ابو المعسف
ابو الذي كل ما حطوه يأشر به ..
ابو العطا ابو السخا و الود و الرحمه
ابو الرهيف الصقيل الحد و الحربه
الله يجبر عزانا فيك يالغالي
لو ان ما فيه غير الله نتجر به
لو شفت يا سيدي المرحوم ما شفنا
الموقف اللي المشاعر فيه مضطربه
ما شفت اخوك الملك ينظر لـ جثمانك
يبكي و ينهت عليك بدون تشعر به
الله وش كثر بكتنا يَ ابو متعب
اصبع يدك و انت عالعكاز تأشر به
ادري فقدت السند و العضد و الساعد
يا بعد سلطان عن عينك و يا قربه
ياليت ربي خذا روحي بدل عنه
وخلاه لـ اخوه يفرح به و يتبشر به
وش لون نقوى فراقك و انت جامعنا
جمعٍ يبشر به و جمع يخبر به
موادعك حي غير موادعك ميت
هذيك فرقى لكنّ الثانيه كربه
البخل ياما وطت رجلك على راسه
و الخوف يا كثر ما قلبك معزر به
مواجع الوقت اكبرها و ادهاها
اذا خذت منك شئ كنت تفخر به ..
للشاعر / علي بن حمري [/size]