محاوره للجميع(اخر حرف وأول حرف)

[ابوتركى]

مانى بجازيك فى صدك وهجرانك

ودعتك الله وتلقى واحد ثانى

[قبلةالعجمان]

يا غايتي ويلك من الله وييييييلاه = روحي بحبك يحسن الله عزاها

[ابو أريج]

الصد والحرمان والذل والهون...والبعد والهجران والصبر شيني
سنين راحت عشت من دون في دون...بين الرجا واليأس عدة سنيني
وانا بوصيكم عساكم تحفظون...وصية الراحل مع الراحليني
لاتدفنوني خافوا الله تكفون...الا بدارن تسكنه نور عيني

[ابوتركى]

ياكيف بعت اللى بروحه يداريك

وانت مريح البال ليلك ويومك

[قبلةالعجمان]

كنت بعيوني وين ما اطالع القاك = حتــــى لو غمضت عينـــي لقيتك

[ابو أريج]

كانك لقيت اللي يحبك ويغليك....أنا لقيت اللي مسح ذكرياتك

[فلاح بن ملبز]

كنت انت .. عندي غير ومقدر اخليك
واموت واحيا ان قلت سم وفديتك

واليوم اشوفك خنت حتى مباديك
صغرت في عيني وانا اللي هويتك

[ابوتركى]

كنتى لى شمعه تنور واقتديك

والحين نورك من حيااتى انطفا

[قبلةالعجمان]

اكذب عليك ان قلت اقدر انساك =حاولت لكن ما بقلبي عزيمه
إن جيت اصور حالتي عقب فرقاك =دمعه حزن بعيون طفله يتيمه

[ابوتركى]

هاك يادنياى عمرى ماريده,,,,,,,اضربينى واقسمينى واجمعى

اما موتة حق او ايدى ياايده,,,,,هيه يارحمة الهى اسرعى

[قبلةالعجمان]

يا مرحبا وألفين يا طاري الود = والا هلا وأهلين يالود كلــه

[ابوتركى]

هاجس النفس هو بلا ابوك وبلاك

من يحب الضمان اللى وراه التزام



لاتسافر وانا فى رجا الله ورجاك
لاتسافر وتلقانى بقايا حطاااام

[قبلةالعجمان]

من أولن لا ضقت جيتك وسجيت = واليـــوم قمت تزود الضيق ضيقه

[ابوتركى]

هذا ابتلى فينى وهذا بلانى,,,,واللى بلى مبلى وباليه مسكين


انا ترجيته وغيره رجانى,,,,,,والمشكله ماينقل القلب حبين

[ابو أريج]

ناديتها والجرح بالقلب غاير...لاترحلين وخافقي منك مجروح
وأقفت ودمعي صار بالعين حاير...في لحظة فيها الأمل أسلم الروح

[السنـــــافية]

حكمة الله لها فالناس شرعة نبى=وكل درب على نهج الشريعه سراج
ياعيون الصبايا هاك كل تعبى=اشربى ماتبينه وان رويتى هجاج

[ابوتركى]

جــــــــــانى يودعنى ودمعه هماليل,,,,,نظرات عينه تقول خل الرحيلى

[قبلةالعجمان]

يا بــــــــوي من قدي وآنـــا لك وفيه = المهره اللي جبتها بنت رجــال

[النــــــــــداوي]

لبيه ياللي في هوانا له الطمح=لبيه ياللي صورته عانقتني
لبيه ياللي في زلته له الدمح=لبيه ياللي بدينهاا أملكتني
الهنوف اليامني لمحتها لمح=سريتها لوعلى موتي حدتني
ياحش قلبي حش جاني على القمح=وهموم صدري ياعرب غربلتني
الموت ماهو طعنة السيف والرمح=الموت عيونك اليامن ناظرتني

[قبلةالعجمان]

يالله إني مستعيذك من دروب الضلال =احمني يالله من كل شيطان رجيم
ذنبي اني صرت طيب وطيبي راس مال = لين صرت اشوف نفسي على الدنيا يتيم

[صخر]

ماعلى لوعات الايام شرهات وعتاب=بس مالي غير صبري ابصبر واحتسب
الزمان اللي يقالبني على ضرسٍ وناب=والهموم اللي تقادح وسط قلبي لهب

[قبلةالعجمان]

باقي على ذكراك لو راحت سنين = ماني بمن ينكر عهد خويه


قبلة العجمان ..:)

[نايف العجمي]

هلا يا سمح المحيا وسهلين ==== يا راس مال اللى يبيك ورصيده

اشتقت لك شوق الشقى للملايين==== اللى حياته كلها عالحديده





نايف العجمى

[الونان]

هلا يا سمح المحيا وسهلين ==== يا راس مال اللى يبيك ورصيده

اشتقت لك شوق الشقى للملايين==== اللى حياته كلها عالحديده





نايف العجمى







هذا أنت يا نايف سواة المحبين = تكتب عذابك في حروف وقصيده

شوري عليك أتكب طرد المقفين = إكرم جنابك لو فراقه فقيده




تحياتي : الونان

[قبلةالعجمان]

هلا بك يا درى نفسي عن الاحزان والأوهام =هلا باللي غلاه بوسط جوفي وسام في راسي

[صخر]

ياليتني لامن بغيت اكره قدرت اكره=ماكان قلبي لجيت اكرهك عيا

[قبلةالعجمان]

الوفا دايم وفا والردي ماله ثبوت = قد خذينا من قديم الليال دروسها

[صخر]

اجمعله سمان الهرج خوفٍ من التقصير=واذا جيت اقوله كل هرجي تهيزلته

[قبلةالعجمان]

هلا باللي يضيع الهم من صوته = هلا يا أعز وأغلى ما خلق ربي

[عيد بن شدقان]

يالله انك لا تببيح الحب والشوق وطمانه =ويالله انك لا تبارك هجر خلن مع خليله
كانهاا والله ميانه لعنبا جد الميانه=عاقبتني بالطعون وبالصدود وبالمليله

[قبلةالعجمان]

هيهات ارجع لهم من بعد ما حصلي =ماني من اللي ينسى جرحه بسهوله


قبلة العجمان

[الونان]

هذا صوت الأذان ومن توحى يصلي = والخير للي يتبع سنة رسوله

[قبلةالعجمان]

هذي دمعه حايره بوسط العيون =ما جفت من يوم غاب غاليها









قبله العجمان :)

[قبلةالعجمان]

آنـــــــا إن حطيت واحدن براسي = اجيب راسه يعني اجيب راسه

[ma0z]

:D
هوى هوى والناس ظالم ومظلوم = واهل القلوب الميته مستريحه
الله خلق فا الناس معطى ومحروم = والذيب لا يمكن يعود ذبيحه

[قبلةالعجمان]

هلا بك يا درى نفسي عن الاحزان والأوهام=هلا باللي غلاه بوسط جوفي وسام في راسي

[ابوتركى]

ياشيخ هذا زمان ن كله انعامى,,, الذيب جايع وشبعانه حصانيهاا

[قبلةالعجمان]

الجوهرة وشلون تمشي على القاع = حسبي على من جابها من بحرها :):)

[ابوتركى]

الغششششششششش ممنوع


اشوف الايام طالت وانت ناسينى.......ياللى غيابك يزيد القلب تجريح

[الودعاني 502]

حي الذي به منقع الطيب حيا
الصاحب اللي فوق عالي المراقيب
الـصاحب اللـي لانخيـته تـهيا
له منزلن عالي ولايلحقه عيب
أدري بك انك من رجال الحميا
ياراعي الطولات وافي المواجيب

حــــ الباء ــــرف

[قبلةالعجمان]

الغششششششششش ممنوع


اشوف الايام طالت وانت ناسينى.......ياللى غيابك يزيد القلب تجريح




هههههههههههههههههههههههههههههههههههههههههه
ههههههههههههههههههههههههههههههههههههههه
ههههههههههههههههههههههههههههههههههه



:):) :):) :):) :):)


السماااح السماااح :)


:):) :):)

[قبلةالعجمان]

حي الذي به منقع الطيب حيا
الصاحب اللي فوق عالي المراقيب
الـصاحب اللـي لانخيـته تـهيا
له منزلن عالي ولايلحقه عيب
أدري بك انك من رجال الحميا
ياراعي الطولات وافي المواجيب

حــــ الباء ــــرف











بصد عنك لأجل اعز نفسي وأتغلى = لعنبو قلبٍ يجبرني عليك






قبلة العجمــــان :)

[ابوتركى]

كرهت كل اللى مضى من حيااتى,,,, حرمان وضيقه وكلها ضنك بالعيش

يومى وامسى بس احاتى واحاتى,,, مليت من دنيا تطفشنى تطفــــــــيش

[عجمي شد بلد]

شان طبع الوقت مع مقادير الايام
وبعض الليالي تبان من عصاريها
وان شان لي من حال عزوتي في يام
ربع لهم فزعات اذا جاك طاريها

[ma0z]

اكتم دموع العين واقول عزاه = اصبر الدمعات لايفضحني
والمشكله لاقلت انا ناوي انساه =اقول لحظه بس يمكن يحني

[ma0z]

اكتم دموع العين واقول عزاه = اصبر الدمعات لا يفضحني
والمشكله لاقلت انا ناوي انساه = اقول لحظه يمكن انه يحني

[السنـــــافية]

ياعمرى الدنيا ماتسوى تنام وخاطرك زعلان=ولابه شى يستاهل يخلى قلبك يعانى
طلبتك كان لى خاطر تبعد عنك الاحزان=فديت عيونك الحلوه تبسم لو على شانى

[مهرةٍ اصيلة]

يكفيـــني حب اللي على إرضــــاه ..غاليــت=أبـــوي ...جعلي فدوتـــن في مـــــواطيـــه

دم الجنــــوب اللــي بعـــــزّه تســــاميـــت=يكــــــرم عن خشـــوم الملاعين طـــاريـــه

خــــذها نصيـــــحه وإنقل العـــــلم لاجيـــــت=يافلان الحثـــاله ماعليهـــــن مشــــــاريـــــه

[السنـــــافية]

هلت دموع العين من كثر مابكيك=والنوم عينى من فراقك جفاها

[مهرةٍ اصيلة]

انا رفعتك للسما وانته ولا شي ٍ يقال=والحين شوف قدرك طاح يوم انا عنك مشيت !!?

بالله فارقني يمين او طس عني بالشمال=ماعاد ودي التفت يمك ولاأسمع لو حكيت !!?

[نايف العجمي]

تعبت من لبيك جدا لين قدك تقول أص

وعوت عينك كل براقن يلوح أيتلها

[مهرةٍ اصيلة]

أسعد الله صباحك وأسعد الله مساك=وقبل ذي وذي جعل عمرك طويل
أطلب اللي توده كيف مايكون جاك=أنت أمر تدلل لاتكاثر قليل

[نايف العجمي]

لا بغيت ارتاح واضرب على الدنيا صليب

لج هاجوس الضمير وتمت اعوى عواه

واليالى شيبتنى قبل وقت المشيب


لا عطيت الوقت وجهى لقانى قفاه

[مهرةٍ اصيلة]

هــمــي وغـمـي واحـدٍ يـوم الاقـيـه=كـنـي عـلـيـل وشـوفـتـه محو قروه
يـاتـل قـلـبـي فـالـهـوى من عروايه=تــل الــرشــا دلــوٍ ثــلاثـيـن عـروه
يـتـلـه الـلـي حـامـي الـقـيض حاديه= يـسـقـي لـه إبـلٍ مـارعـاهـا بـكـروه

[السنـــــافية]

هاك قلبى من يمينى فى يمينك =عالجه من طعنة وسط الحنايا
كل طعناتك تجينى من يدينك=حالفه ماتصرخ جروحى كفايا

[نايف العجمي]

اضحك وانا فى خاطرى جمله هموم ==== مدرى رداه الحظ ولا نصيبى

[المعقب]

امانه ان كانك تعرف الامانه=لاتذكر انه كان لي عشقٍ ارجيه

[مهرةٍ اصيلة]

هويته طفـلٍ صغيـر علمتـه وربيتـه=عشقته لعنبو جـده وسواهـا وربانـي
تمادى في جفاه وصد يحسب إني تناسيته=حقيقه لو هي بإيدي نسيت اللي تناساني
بـلاي المـوت إليـا أقفيـت وخليتـه=حياتي ويش اسميها إذا قفـى وخلانـي

[نايف العجمي]

يمرنى طيفك وفزله ملهوف ====== كنى ضريرن قالو ابشر بطبك

[AL- JOORY]

سامح الله كل خطـوه فى طريق الكبرياء = يوم أقفت عن طريقى وأستبدت وقتلـت

من يأيد ظلمهـا لو هي طغت بالأبرياء = ومن يفسر لى الحقيقه وليه عني إنجلـت ؟



معلش مانتبهت لشروط المحاوره السموحه

[مهرةٍ اصيلة]

تزاحم همومي وسط قلبي وتجتالـي=توارد على قلبي ليا اقفى العصر فله

تلملم علي وأسـج وأهـرج ظلالـي=واكفف دموعي واكثر الناس تفطن له

[نايف العجمي]

هبت هبوب الريح بعطور الاشواق ==== وهبت نسايم عطرها واشغلتنى


كل الحلا والملح والزين رقراق =====لعيونها كل (ن) يقول اعجبتنى


هذا الهوى والعشق للقلب سراق ==== انا اعترف من جد البنت اسرقتنى

[مهرةٍ اصيلة]

يروح مثل مقيط محدن درابه =لاحبل يرقى به ولا صوت مسموع

[نايف العجمي]

على البطا تبقين يا كذبه ابريل ===== تبقين فى طرهة جبينه علامه

[مهرةٍ اصيلة]

هم يروح وهم بــاقي ومـــازال
,,,,,,,,,, والحزن رافقني ونفسي كبيره

محتاره بأمري والبصيره والاحوال
,,,,,,,,,, ومن ضيق حالي ما لقينا بصيره

حتى الفرح ما عاد يطري على البال
,,,,,,,,,, أروح في حيره وأعـــود بحــــيره

[نايف العجمي]

هو يزيد امن اول النظره غرامى ===== او بلاى انتى كذا جميله


يوم انا سلمت طنشتى سلامى ===== او ثقل سمعك وخطوتك ثقيله



المقام اللى ينزل من مقامى ===== فيه غيرى من يجيه ومن يجيله

[مهرةٍ اصيلة]

همي وجروحي والزمن صار وياك
,,,,,,,,,, الوقت ضدي وانت صكيت بابك

لا جيتني تشكي من جروح دنياك
,,,,,,,,,, يفز لك قلب بطيبه وفا بك

خابت هقاوي بالرجا من تمناك
,,,,,,,,,, لا الهم تاركني ولا الحظ جابك

نسيت قلب كل ما تطلبه جاك
,,,,,,,,,, يشيل جروحه فوق جرح سطا بك

[نايف العجمي]

كنت أهوجس فى بويت وسط قلبى مختبي ===== لكن الجفن الحزين اتلف خفوق محتويه


قلت يا بنت الرجال اخت المشاكيل أقربي ===== علمينى وش جري والدمع يا بنت امسحيه


قالت أبشر ما هقيت ان الذى قد صار بى ===== من قرايب بيتولى بالزمن سبعه وجيه


قلت عن درب الردى يا بنت حوى جنبى ====== طاوعينى والسفينه ان قال ما قال اسفينه

[مهرةٍ اصيلة]

همي إيتضاعف إلا منك .. تجافيني=والحزن منك يعكّر واهــــــم إمزاجه

لا صار قربك عن الباقين .. مغنيني=مالي بقرب البــــقيه يالغلا .. حاجه

[نايف العجمي]

هم يلازمنى من الحين للحين ===== حتى بيوت الشعر صارت عسيره

وين السعاده فى حياتى وان وين ==== والخظ الاقشر يتبعنى مسيره

[مهرةٍ اصيلة]

هـذآ وجيتك معـترف وأرجوك عـجـّل بالقرآر
,,,
أنـت الوحـيد اللّي على كل المعالـيق الأمـير


لو تامر بقطع الوريد اللّي نبض بك قلت: صآر
,,,
تنقصني الجرأه معـك ما أقـدر أنطـق مايصير

[نايف العجمي]

رحلت الطرقى وسايلها عديده ====== لا يضيع مشيه ابمش الحمامه

[السنـــــافية]

هلا بك يااصدق شعور دخل قلبى بلا استئذان=هلا بك يالنصيب اللى نثر وجهه على اوقاتى
وفت لك كل احاسيسى ولا بعد الوفا نكران=وسمعى بالوفا يحرس حروف الود بشفاتى

[مهرةٍ اصيلة]

ياللي تغرّك ضحكتي بعض الأوقات=أحيان بعض الضحك معناه موتي
أوقات تلقاني أحاكيك بسكات=يوم الكلام يموت داخل سكوتي
يوم الحناجر تحتضر فيها الآهات=واعجز عن الشكوى ولو طال صوتي

[الخريف]

ياجعل قلبن مايهوجس ويهتم *** يكويه من فوق المعاليق كاوي

وياجعل عين مابكت دمعها دم *** يبطي مرضها مالقاله مداوي

عليك يلي خوتك تبعد الهم *** من يوم فارقتك وكني خلاوي

[مهرةٍ اصيلة]

ياجاهل فتح عيونك..ياويلك لـو تصاغرنـي=غضب،،تهديد،،وإستلمّه..وسمّه اللي تبي سمّه
أنا مليت من ظلمك يا(آدم) وش تصورنـي!!=أذا إني ناقصه بعينك،،وداعي منتهي الحكمـه
تراني ساكته بكيفـي ،، نصيحـه لاتفجرنـي=غضب شيطان ماميز ،،مابين الخال والعمـه
عيوبي طيبتي وقلبي..حنان وشوق يجبرنـي=علي عكسك تجي قاسي وكلن راضي بسلمـه

[نايف العجمي]

مساء الخير


هرج المقفي فى القفي ما هوبعاداتى ====== اقدم النصح والنيه هى النيه


يا مقبلات الليالى للوفاء هاتى ====== مابه خيارات والاقدار حتميه


ما قلت يا سيدى يا سيد ساداتى ====== للي تهندم ولبس شماغ مكويه


لى بصمتن واضحه بأسمى وبأثباتى ====== معجب بشكله وشك أن الملا زيه

[مهرةٍ اصيلة]

مســا الخيــر



هذآ الزّمن فـيه الخـطآ صآر عآدي
............. حـتّى الخـيآنه برّروهآ .. مـيآنه
الغـدرأصـبـح فـي زمـنّـآ ريـآدي
............. والطّـيب مآله فـي زمـنّـآ مـكآنه

[نايف العجمي]

هجس القصيد يتوق لى وانا توق ====== بسم الرحمن فى مبتداها


رعادها رعاد وبروقها بروق ====== لا من حداها الشاعر اللى حداها


كان القصيده بنت عز وغرنوق ====== حليبها حليبها لعنباها

[مهرةٍ اصيلة]

آااااه ياكـــذبه غبيّـــه تضحياتك في جوابــك=أي سوايا؟ أي عطيّه؟ماذكرت إنك عطــيت

لاتظن إني أعاني من شقـــا طاري غيابــــك=كل مافيني عوافــي إبشـــر إني مادريــــــت

[نايف العجمي]

تأكد يا بعد عمرى وجودك بس يكفينى ==== ينسينى عني الوحده صدى صوتك وضحكاتك


انا ما كنت أحسب حساب لايامى ولسنينى ==== ولكن من تفارقنا وانا احسب حساباتك

[مهرةٍ اصيلة]

كان تحسبني حبيبي سواء الأول بأصير=آسف آسف ياحبيبي ماني صاير سواه
حتى لو (أول مكرر) لاوالله مايصيـر=اما الأول وبجداره وتقديـر .. أو بـلاه

[نايف العجمي]

هويت ولا قويت وصال خلى والهوى سلطان ==== ويا غافل لك الله طحت فيها ما دريت ابها





من الجهل احسبن راعى الهوى مثل الكريم معان == واثر راع الهوى ما تهتنى نفسه مطالبها

[مهرةٍ اصيلة]

الحظ لامنّه تـردّى وانـا اخـتك
’’’
ماتنفع الشكوى وكثر الحسايـف


ماينفعك وش كان جدّك ولابـتك
’’’
لاصار حظّك مقفيٍ عنك عايف !!

[نايف العجمي]

فى عيونك نوم او هذا بلاك ====== رمش عينك من كبر عينك فتر

[مهرةٍ اصيلة]

ربي يصبرني على الفرقا مدام الحظ مال=وانت بيجيلك يوم تعرف ليه في بعدك شكيت

[نايف العجمي]

ترى حلا ه الشي لا جاله طرات ====== واللى تجى فى حلها فى حلها

[مهرةٍ اصيلة]

الخيـل والليـل والبيـداااااااء تعرفـنـي=الا انت مدري علاااااامك تجهل اصحاااابك
يرضيـك ان قلـت لـك انـك تشرفنـي=(ابك) انت كل الشرف بس اترك غياااااابك

[نايف العجمي]

كل المواقف تهون لابسط خيار ======= المشكله لا صار صعب اختيارى


عقلى يقول اتخذ فيه قرار ====== وقلبى يقول لا تهور حذارى

[مهرةٍ اصيلة]

يا حبـكم يـا النـاس للقـال والقيـل =والأمـر لـو سهـل يصبـح مهينـي

خلوني أحيـا في الوهـم يا عواذيـل =وش دخلكـم والأمـر بينـه وبينـي

[نايف العجمي]

يا مرحبا حيت اهلا وسهلين ======== يا صاحبن فى خوتك طاب فالى


اشرى غلاك وخوتك بالملاين ======== وابقى فقير وخوتك راس مالى

[مهرةٍ اصيلة]

ياللي تشافالي منين اتشافا=اماشربت دواك والله ماطيب
لاواهني اللي فواده معافا=ماجاه من نار المودة لواهيب
ماجرب بدنياه ليل المجافا=ليل تون بـه القلوب المعاطيب
ولاسهر يذكر زمان المصافا=يوم ان لـه في الحب ربع ومعازيب

[نايف العجمي]

بس الفضل لله ملكى حواسي ===== ماضيع انا بالرأى مثل المفاليس

مثل الجبال العاليات الرواسي ===== أشل حملى فوق متني ولا قيس

ما ألبس انا ثوب تعدى مقاسي ===== ما للطمع عندى رجال وعواسيس

ما ذل نفسي عند نذل وخاسي ====== لو كان ملكه مالى الجيب والكيس

[مهرةٍ اصيلة]

ساقني حظٍ تردّى ثم تعــثـّر عند بابــــك=ليتني ماكنت انا اللّي في ثرى أرضك وطيــت

[نايف العجمي]

تنتقى لي من بيت الشعر ما يقال ====== وانت لو تعلم بحالى وما يؤلمه

[مهرةٍ اصيلة]

هذاك وقت(ن) راح ماهو حواليك , , مهما على شانه بذلت المساعي
ابعد ولا ترجي حناني ولا بيك , , من كل قلبي قلتها بأقتناعي

[نايف العجمي]

يا ما نسينا من الملا احباب واصحاب ====== ولا انت لو ننساك منو بديلك

[السنـــــافية]

كرامتى فينى لها كلمة الشور=سرت بدمى مع حليب الرضاعه
ياصاحبى معذور انا وانت معذور=مايجتمع مغلى ومرخص بضاعه

[مهرةٍ اصيلة]

هموم صدرك .. خلها تحت الأنفاس
اياك تشكي .. لشخص .. يتجاهل الجرح !!

[نايف العجمي]

حط وقتى على صدرى هموم ثقال ===== دارس كل علم وكل شخص افهمه

[مهرةٍ اصيلة]

هو ظلمك الوقت ولاّ ..\..ابتديت به ضغينـه !!
هو حواك الحزن ولاّ..\..غاب فرحـك واختفـا

[السنـــــافية]

احتاج لك دون البشر انت بالذات=احتاج لك حاجة غريق الموانى

[مهرةٍ اصيلة]

يا وجد حالي وجود اللي هقاويه=خانته باغلى رفيق ولا لقى والي
ويا وجـد حالي وجود اللي بناخيه=عن عسر حاله وضيقه دالهٍ سالي

[السنـــــافية]

ياقلبى عمرى وعمرك للاسف نوبه=لاتصرف اللى بقى فى الموقف الخاسر
محبوبك اهله تواصوا به وضحوا به=باعوه بيعة ردى والمشترى تاجر

[مهرةٍ اصيلة]

رح ويتعذرك ياخداااااع مينائي..=ماعاد لك في رصيفه شيءٍ يعنيني..
أخطيت ياما ولكن << أكبر أخطائي >>..=إني حسبتك وطن لو قلت أنا وووويني؟

[ma0z]

ياما وياما قلتي ابعد ابنساك =دايم وانا اسمع بس كافي اذيه
وانا اعرفك ما تبتعد مشيت خطاك = ولولا الحيا لاقول بوسي يديه

[مهرةٍ اصيلة]

هجرتنـي وقفـيـت وشـجـاك مـنـي=ماشـوف لـك شـي تحـطـه دريـعـه

من رحت لحظـات الفـرح ودعنـي=من سبتـك ضاقـت علـي الوسيعـه

[اطياف الماضي]

هذا حظي من على الدنيا وعيت *** كل ما أضوي شمعة بدربي طفت

[السنـــــافية]

تبى على اكتافى تطول الثريا=وتبى على احساب البشر تملك القاع
يامضيع درب السنع مات حيا=ضاعت حياتك بين شارى وبياع

[فلاح بن ملبز]

(عنتر) من الظنخة يقول يحب تقبيل السيـوف؟
لأنهـا تذكَـره بثغر(عبلـه) كبـرق مزونهـا؟

أنـا اقبـل طلقـة الشبـاب الأحمـر فالقنـوف
لأنهـا تذكَرنـي شفاتـك واسـتـدل بلونـهـا

[السنـــــافية]

ابذكرك فى عطرك اللى تعطر=حديث عطرك للمحبين طاعه

[قرقاص]

هيه يا اللي غرك الحسن وأطغاك الجمال=والله أن آموت ما شفت لوصافك شبيه

[السنـــــافية]

هاك عمر ضاع فى رجواك عمره=هاك روح ضيعت لجلك حقوقى
وان كفت والا اترك الشاعر وشعره=وقم معى ندفى على باقى طروقى

[مهرةٍ اصيلة]

يا وجودي كلما غنّت همومي راعبيّه = وجد من ترجي سلامه ولا حصل درب السلامه

والله اني يوم اصدّق بعض خلق الله غبيّه = ما دريت ان بعض خلق الله كذوبٍ في كلامه

دايم اتبع نيتي و القلب في سنّة نبيّه = احسب ان الناس مثلي واثرهم سربة جهامه

[السنـــــافية]

هدفنا فرحة تسوى سنين العمر ماتخفاك=الا ياليل مانحتاج نحكى لك خوافيها

[اطياف الماضي]

ألاياسائلـي بعد السـلا مي *** أنامن نجد وأنفاسـي هواهـا

أنا من ديرة الربع الكرامي *** أنا من ديرةٍ عالي صداهـا

[السنـــــافية]

انصفينى جيت واعلنت انهزامى=باختصار بلا سلام ولاتحيه
لونسيتك لو دقيقه ياغرامى =الدقايق كلها تشره عليه

[نايف العجمي]

هذا الذى سبب عزوفى وصدى ===== عنك وزرع بي كره حبك ورؤياك

ما عاد بالامكان ثني وردى ====== لانها بانت حقيقه خفاياك

خلاص رح يا مال مرواح جدى ===== دور على اللى بالهوى كنه اياك

[مهرةٍ اصيلة]

كل ماتطري على البال يالمحبـوب ضعـت=لين يجمعني على الدرب هاجـوس الشتـات
بسألك..في داخل القلب كم عـرق انتزعـت=وانت وسيوفك بني عـم وجروحـك خـوات

[نايف العجمي]

تكفا يوم الله فى حبك بلاني ===== لا تروح ولا تصدولا تغيب

يا غلاتى لا تغادر هالمحاني ===== من يداوي علتى وانت الطبيب

من يلوم الهاجس اللى لك طوانى ==== وش اقول الا عليه الله حسيب

[مهرةٍ اصيلة]

بالله فارقني يمين او طس عني بالشمال ... ماعاد ودي التفت يمك ولاأسمع لو حكيت ؟!

[نايف العجمي]

تري التغلى بعض الاحيان حقران ===== وتري الجفا يرث جفا ما هقيته

تري التواضع طيب مذهب ورفعان ===== والكبر ينزل بك تحت لو رقيته

[مهرةٍ اصيلة]

هـــذا وأنــا وأقــف على حــد مطاي=ياليتني من قبل حبك كرهتك

صــــــارت عيونــي رحلتـــــــــي وأنت مسراي=والعيــــــن تدمع لا نظرت ولمحتـك

وش جيــــــرتك لامـــن تماديــت ويــاي=والحـــــــزن خيم لا سكــــت وسمعتك

كــانك على خبــــــــري تجـــــاهلت مبداي= فــــــأنا على خبــــــــــرك كريم وعذرتك

[المعقب]

كان الامل في شوفتك يوم فرقاك=الله يجيب موادعك لأجل اشوفك

[نايف العجمي]

كل ما ناديت ردت وقالت يالعشير ====== سم يالبيه وأمر عسي ايامك ملاح

عاقله ما تلبس الجنز والثوب القصير ===== فاهمه بالدين والزين كاسيها وشاح

هذى والله سلوة القلب والحظ الكسير ===== ويا عسي الله يقعد الحظ اللى راح راح

[المعقب]

حبيبتي تحفه من النوع الفريد =لا جيت ابمدحها اخاف اذمها
لان المديح ابها ينقص مايزيد=ولانها خيال وطايش وما همها
متمرده وبعقل هارون الرشيد=وبالزين ما عذرى توقف يمها

[نايف العجمي]

احدن على ربعه الشجرة مظله ===== واحدن على ربعه سموم ولواهيب

[مهرةٍ اصيلة]

بلاي عـيني ماتميز بين أحجار و عــقـيـق=و بلاي وقت ماتغير لاكن الناس امحقا

لاكن صدق من قال مايطفي الجمر صدر الحريق=ومايروي الماي القراح الا الضمان اللي سقا

[المعقب]

احيانٍ ابكي من الخشيه لحد الشهيق=واحيانٍ اقبل على الاذان ولا اذنه
ماعاد انا اياي يالله لا تخلي عويق=عاقتبه عيون روس مدلبحه وألسنه
كتل هوامش بشريه تنام وتفيق=رديان حتى الردى بالضبط ماتتقنه

[السنـــــافية]

انا عرفتك كلمة كلها خوف=والشمس لاخافت من الليل غابت

[مهرةٍ اصيلة]

تلعب بي الدنيا وانا كنت احسبٍ الحظ قام=الله يعوض خير في جهد اليدين العامله

[السنـــــافية]

هجرتنى من دون ذنب اقترفته=هذا جزا الاخلاص نكران وجحود

[مهرةٍ اصيلة]

دامك كـذا .. يابـو مشاعـر رقيقـه=تشـوف حبـي لـك يطمـن وقـاري
وتـود هـدم العشـق بأيـة طريـقـه=تبغي مسارك يختلـف عـن مسـاري

[السنـــــافية]

ياليتنى عن حب مثلك ترفعت=وياليت قلبى قبل اعرفك دفنته

[مهرةٍ اصيلة]

هانت عليه العشره وأخفى جميلي وأنكره=وأنا احسبنه مايداني شوف نكار الجميل
دعس برجله درب مايدعس وكنه يشبره=وكنه يقرب بيده الجمره من أطراف الفتيل

[السنـــــافية]

لو فرقونا داخلى حب مامات=الحب واحد مايجى حب ثانى
يااجمل اللى مر عمرى من اوقات=يافرحة منى سرقها زمانى

[مهرةٍ اصيلة]

يامرحبا وأهلين وألفين عده=وعداد من يمشي على الخط ويسير

[السنـــــافية]

راحل مع الهوجاس والعمر فانى=بين الخيال وبين صمت الحقيقه
واقول يانفسى دخيلك كفانى=من حب خلف لى جروح عميقه

[مهرةٍ اصيلة]

هذا الزمن خلى الذهب يرخـص ولا لـه بريـق=والحباري تعشـق الطـرد وتحـب اللحـوق

[السنـــــافية]

قل ماتبى ماباقى شى مستور=زولك وشفته فى عيون الجماعه
ان قلت لى مغرور مغرور.. مغرور=لكن تاكد ان غرورى جزاعه

[مهرةٍ اصيلة]

هو كذا التاريخ . من قبل التصوّر والطباعه=ولا عليهم زود .. ذربين المبادي والمعاني

القنوع...؟ أيحاسبه ربي على حسـب القناعه=ويرحم الله المحب .. ويلعن الله الاناني

[السنـــــافية]

ياشين تكسير المشاعر والاشواق=ياشين طبعك يالحظوظ العنيده

[مهرةٍ اصيلة]

هذا ياصاحبي والله اصعب شعور**شعور(الوحده)آه ياكثرمامنه اعاني

[السنـــــافية]

يالغاليه بالله وشلون ترضين=اسامر الاحزان مثل الخلاوى
مدرى نسيت الحب يامترف اللين=ولا على فرقاى هالحين ناوى

[مهرةٍ اصيلة]

يامرثـعٍ فقلـوب ثلـث الخليقـه=أرثعت بي .. من عقب ماحن كناري ؟!
خليتنـي حتـى الحكـي مـا أطيقـه=كني بدون لسـان .. فـي عقـر داري

[السنـــــافية]

شفينا على الياء :)


يامفرج هم له اليوم طلاب=ويامنجى عبد غدت به مصيبه
ويالله ياللى من ترجاك ماخاب=تفرج هموم الغالى ثم لى تجيبه

[عيد بن شدقان]

هذي حياتي بالرجا ودونه الياس=بين الوصال وبين قطع الأمل فيك
مثل الذي ماله به أعلان الافـلاس=محتار ماله في الملا أي تكتيـــك

[مهرةٍ اصيلة]

كيف تسرق خافقي؟ ما اقوى كمينك=صار عندك خافقين اكبر بلايا !!!!!
كيف انا عودت صيدة خافقينك=كيف وآنا لجلك آضد السرايا
كيف بعد الود ما بيني وبينك=صرت انا في دنيتك باقي بقايا

[قرقاص]

أهلاً هلابك يا بعد كل من لي=يغلا من الغالين يروح روحي
يفز لك قلبي ويرحب ويهلي=تطيب في قربك جميع الجروحي

[ma0z]

يا الله توكل ما ابي منك اعذار = الحب واهل الحب منك بريه
حسبي عليك تشب في داخلي نار = وتقول يا محمد تراني ضحيه
الله يشوفك كان ما حولك انظار = وهو الوحيد العالم بكل نيه

[السنـــــافية]

هلا بك مرحبا مليون طلقه وارحب وحياك=تنق اللى تبى منها ولو الهرج مايوفى
تطول السالفه وانسى مجيك واجلس استناك=واصب اخر فناجيل الغلا واودع ضيوفى

[ma0z]

مساء الخير يا السنافيه



يالي تقول انت مشتاق مشتاق = الكذب حبله ما بعد طال وقصر
اتضحت الصوره على كل الاوراق = حسافت الدمعه على وقت العصر
لامن تذكرتك نبض شوق الاعماق = وانته والا همك مصيف في مصر
يا لعنبيك اسمع ترى خاطري ضاق = ارفق على انكان لك سمع وبصر

[مهرةٍ اصيلة]

راسي لوجه الله يخضع ويطمن=في طمنته يرقا بعزه وعفه
للراس حب وحب راسي ما يطحن=ما كل من يونس بشاعب يسفه

[نايف العجمي]

هو حلال اللى تسويه والا حرام ====== طالت السيره وطالت علي ابعادها

[السنـــــافية]

احسب ان مال الجمايل على الدنيا جحود=لين معروفى بذرته بناس وجحوده

[ma0z]

السلام عليكم , مساكم الله با الخير




همي كبير وانت همك جمالك = تبغى العرب تلتفت وتقول يا زينك
غرك هوى بلك وغرك دلالك = فرق السماء والارض بيني وبينك




حـــرف الكـــــااف

[السنـــــافية]

كانه تذكر فانا اللى ماتناسيته=مادام به ليل ياخذنى ويضوينى
وكانه قطعنى فانا عمرى ومديته=والله ماأمدله غير اجمل سنينى

[نايف العجمي]

يا من غدى شوفه مثل حبة الكوع ======= شوفه قريب وحبته مستحيله

[مهرةٍ اصيلة]

هي الناس ابتلت حظي او اني بالحكي كذاب=او اني من كثر مابكي اشوف الناس مسرورة

[نايف العجمي]

هلا به عد ما طيفه فتنى ======= سجدت السهو مراتن عديده

اهوجس به وكنه ضاع منى ====== وانا ادرى سفرته ما هى بعيده

[مهرةٍ اصيلة]

هاليوم ذكرى وداعك وش بتهديني=هاليوم عيد الفراق وحفل نسياني
هاليوم انا بشتعل شمعه وطفيني =هاليوم ابهديك حظا ماتمناني

[نايف العجمي]

يا بنت مصيبه اذا بالحال ما تدرى ====== ورسالة الشوق تو ارسالها جارى


عوت عينى معاشر جفنك الخدرى ===== وأقفيت كنك تصب الحزن بأغوارى

[مهرةٍ اصيلة]

ياخلي ؟؟ اللي كنت خلي .. مـن اللـي=خلاك تجرحني .. وتتـرك مجالـي ؟!
بصـرك .. إذا أنـت إتغلـى .. فقلـي=عشان أقول .. إن قلبـي الحيـن خالـي

[نايف العجمي]

يغتنم بى مرادى قبل وقت الغروب ====== يدرى انى مع الضيقه ما أحب البلاد

يدرى انى الى نويت حل الوجوب ======= الوعر فى طريق الجيب مثل الحماد

لا تذكرت لي دار(ن) تضم أمحبوب ====== ويش ابي بالفياض اللى غزاها الجراد

[مهرةٍ اصيلة]

دام قـلبي ماحـشـمته لا ولا لِه مقدريّـه
......................... مايـشرّفنـي أحـبّك .. لو تَـحقّق أٌمنـياتي

[نايف العجمي]

يقطع ظروف كلها هم واوهام ====== ما من وراها الا التعب والكلوفه

ما كن حنا الا على موعد(ن) هام ==== يجى على الميعاد يقضي شفوفه

حتى صفت حالى على جلد وعظام ===== واصبحت مثل اللى بحال مروفه

[مهرةٍ اصيلة]

هنآ يبي يكتشف إنّه قبـل .. غـآدي=نفس اللّي كآنوا معه هم نفسهم ضـدّه
يآكثرهم يـوم جـوّه غآيـم وهـآدي=لـلمنفعه رفّعـوا شآنـه ومـن قـدّه
دآيم على مجلسه .. سردآد مـردآدي= يآمر وينهـي .. وذآ جيبـه وذآ ودّه
بس الزّمن ينقلب .. من غير ميعآدي=تكتيك لعب الزّمن .. هجمآت مرتـدّه

[أشهب الـلال]

هذي النهايه ابعدي واخلي الدار===== هفي مهف مقيط جعله طريقش


هههههههههه

[نايف العجمي]

هذا خطأ والحطا يستوجب اعلاجه ====== يجب علينا قطع عرقه وشريانه

يا ناس بالناس ناس نار وهاجه ======= مغير تاكل وطول الوقت جوعانه

الناس ما عاد يملا عيونها حاجه ======= وابطونها بازرق الدينار مليانه

[مهرةٍ اصيلة]

هم ٍ يفارقني وهم ٍ يزورني=وهم ٍ يزايمني وهم ٍ ازايمه

أسلي فؤادي بالهموم وغايتي=إلى مرقب قلبي يحبه ورايمه

[نايف العجمي]

هذي سوات الوقت يانفس لا تحيرى ====== تري الادمي مهما دله لازم يعانى

[مهرةٍ اصيلة]

ياصاحبي قال المثل أما حبا ولاّ برك"="وانا على كيفي بقول اما برك ولاّ حبا
ودي بتخفيف المواجع كل ما القلب اذكرك"="الشوق خلاّ روضة الخفّاق يازين شهبا

[السنـــــافية]

ابتعد والنفس نفس الحر طابت=عالمى مافيه لأمثالك وجود

[الهتلاني العجمي]

دامنــي حـــي عــطـنــي وش بــقــا نــحــتــريــه
مـــابـــي دمـــوعـك .. اللي عـــقــب مـــوتـي تــهــلا
مـــابـــقـــا بالــعـــمــر مـــقـــدار مـــاراح فـــيــه
كـــل مــــازل يــــوم...يـــوم بــالــعـــمـــر ولـــي

[مهرةٍ اصيلة]

ياضايق الصدر بالله وسع الخاطر=دنياك يازين ماتستاهل الضيقه
الله على مايفرج كربتك قادر= والله له الحكم في دبرة مخاليقه

[السنـــــافية]

همى سواحل والحزن كاسر امواج=تتماوج الضحكه وتموت بعناده

[مهرةٍ اصيلة]

هذا اول الدرب او هذا الطــريق اولك=جيت آتوقّا عذابات المدى..واهتديك

شوقـي مسافـة وهمساتـك مـدار وفلك=ان ماظميتك غلى ياعلني ماارتويك

[السنـــــافية]

كل حى من زمانه مانجا=شاف عز وشاف هم وشاف ويل

[مهرةٍ اصيلة]

لاواهني اللي فواده معافا=ماجاه من نار المودة لواهيب
ماجرب بدنياه ليل المجافا=ليل تون به القلوب المعاطيب
لاتترك اللي عااااااااف غيرك عياافا=والله مالي غير وصلك مطاليب

[السنـــــافية]

بين الوعود الممحله والامانى=اعيش واحلم باللقا لو دقيقه
راحل مع الهوجاس والعمر فانى=بين الخيال وبين صمت الحقيقه

[مهرةٍ اصيلة]

هو مصدر الهامي ونبـع التعابيـر=وهو القصيد العذب واجزل شطوره
وحبيت زوله مثل حـب المغاتيـر=عودن يحب الذود بصدق شعـوره
يفرح اليامن شاف عشب النواويـر=وقول السنه هـذي تربـع بكـوره
يعني احبه حب مـن دون تزويـر=حبـن قديمـن ويتجـدد صـدوره

الأبيات للعضو المميز " ذيــاب "

[السنـــــافية]

هب الشقا تبعثرت كل الاوراق=مات الرجا سالت دموع القصيده
حاولت ادارى صرخة وسط الاعماق=لاشك صفعات الليالى شديده

[مهرةٍ اصيلة]

هو راس مالي والعـرب مـا يدركـون=اني على بـاب الممـات و مـا حكيـت

ياقـو قلبـي يـوم قفـن الضـعـون=اللـي علـى ذاك المـوادع مـا بكيـت

ويا صبر صبـري والعـواذل يحسبـون=اني دلهـت مـن الهـوى والا سليـت

[السنـــــافية]

تناظر وش كبر همى ولكنى ابشتاله=عزيز ومرقبى عالى شجاع لاطرى الطارى
اذا غيرى شكى الكايد ذكرت العود وعياله=ذكرت انى من عياله مردد مانى بعارى

[مهرةٍ اصيلة]

ياما من اجلك سهرت اراقـب القمـرا=والصّبح يصبح عليّ ولاطفـت نـاري
عندي أمل فيك يـا هـاليـوم يابكـرى=إنّك تحس بـعـذاب القلـب وتـداري

[عيد بن شدقان]

يابنت انا مليت من كبت الاشواق=قدلي ثلام اشهور للشوق كابت
لا صار هذا الحظ به بعد وافراق=خلاص انا بنساش والنفس طابت
ذياب

[مهرةٍ اصيلة]

تويق .. ويـق اللـي بيسـرق رفيقـه=على صدر رجلن على الحزن ظـاري
أربّهـا ؟! تـآآآكـل فــواد يعيـقـه=البعد .. واللي يجيـب للبعـد طـاري
دامك كـذا .. يابـو مشاعـر رقيقـه=تشـوف حبـي لـك يطمـن وقـاري
لحوووول !!! ؟؟ لكن دام هذي الحقيقه=إسر وأنا بجمع دموعـي .. وسـاري

مشاري المري

[عيد بن شدقان]

يام العيون الناعسات الكحيله=يافاتنه يا آيتن بالجمالي
فديت زولش لا لفا كل ليله =لبيش يا لبيش يام الدلالي
ذياب

[مهرةٍ اصيلة]

يا قلب دامك " مت " من كثر الإهمال
وش عاد لك في تالي العمر داعـي
وقت ٍ قضيته بين لوعات ووصـال
اليـوم تجنـي ضيقتـه بانصياعـي
كم قلت لك لا تاخذك حلـو الآمـال
مجنون ما تسمع حديـث انتفاعـي

[عيد بن شدقان]

يمنعني القلب من هجرش ونسيانش=لا قلت ابنساش صار القلب بوجعني
لامن لقيتش وطاحت عيني بعيانش=انسى همومن تعومسني وتزعجعني
ذياب

[نايف العجمي]

يا مرحبا بالجرح والله يحييه ===== لا صار من يمناك والجرح توه

بعض الجروح لا صابت القلب تنهييه ====وبعض الجروح تزيد القلب قوه

[السنـــــافية]

هذاك بس اللى مكانه مكانى=قدره رفيع وعزتى تنحى له
القلب يهديه الوفا والحنانى=لانه اصيل عاشق له اصيله

[مهرةٍ اصيلة]

هذا شعور انسان حبك ويهواك =هذا شعور انسان قلبه صفالك ..

ياوش بقى بعطيك مني ولا جاك =ماباقي الا روحي احيا بها لك ..

[السنـــــافية]

كل مامديت لوصالك يمينى=رحت تتجاهل يمينى مع يسارى
حتى صرت اشوف جرحك فى يدينى=فى يدينى لجور صداتك موارى

[مهرةٍ اصيلة]

يا عين هلّـي صافـى الدمـع هلّيـه=واليا انتهـى صافيـه هاتـى سريبـه

يا عين شوفـي زرع خـلك وراعيـه=شوفـي معاويـده وشـوفـي قليبـه

لا مرنـي بالـدرب ما قـدر احاكيـه=مصيبـةٍ يـاكبـرهـا مـن مصيبـه

اللي يبينــا عيّـت النفــس تبغيـه=واللي نبـي عيّـا البخـت لا يجيبـه

[السنـــــافية]

هلا باللى احبه كثر تعذيبه=وكثر ماهو يغيب وكثر ترحابى
هلا باللى يصيب العطر بالريبه=يقول العطر انا زايل ويبقى بى

[مهرةٍ اصيلة]

يشهــد الله ان الوفا فيك هو سر الهوى=ويـــاماكثر قلــــوب محبتهــــا سراااب
دايم المشتــاق ولو كان يشرب ماارتوى=اسال الي جرب الحب ويعطيـــك الجواب

[السنـــــافية]

باترجل فيك واكتب بك قصيده=فى معانيها انتهت كل القصايد
يوم شفتك ليت عمرى لى واعيد=ياحنان ضايع ماهوب عايد

[مهرةٍ اصيلة]

دعس برجله درب مايدعس وكنه يشبره=وكنه يقرب بيده الجمره من أطراف الفتيل
صار أسمي يولد بقلبه نار من دون سعره=وانا أحشم أسمه حشمه البدوان لأشناب الدخيل
لين أصبحت كلماته أن عدت حدود الحنجره=تورث وسط صدري حراره جوف جمرات المليل
مبطي الى مني دعيته وقف بعز شعره=واليوم لامني نخيته صد صدات الهبيل

[السنـــــافية]

لى صاحب يرجى وانا مثله ارجى=الله لايقطع رجا كل راجى

[مهرةٍ اصيلة]

يامسـافر للجفـا والوصل يبكي عليك= وين عهدك بالوفا للخفوق اللي يبيـك

[^تسـوااهن^]

كن اول الخطوة اللي سمتها تحتريك
وكن اول النظرة اللي ضمتها في رضاااك
واليوم عفت الدروب اللي نست تحتويك
تعال لم الجرووح اللي لبسهاا جفااك

[مهرةٍ اصيلة]

كـم واحـد قبلـك تـغـلا وخـلـي=يتبع ثـري .. حتـى محتـه الرمالـي
أببتعـد .. وآآسـج شـي حصـل لـي=دبل علـي كبـدي .. وشتـت خيالـي

[^تسـوااهن^]

يقولون الشعر وصل القم والصفحة الطرقى
وانا اقول الشعر قدح الخيال ونار صواانة
حبيبي والبحر سور التراب ودفتر الغرقى
لو اني ماا كتبتك لامني ملحة ومرجاانة

[السنـــــافية]

هو ليه صدر الشمالى واسع مايطال=من ان باقى صدور الناس ياضوقها
صحيح ماكل بال يشيل ضيقات بال=ولاكل نفس تعرف الصبر ويشوقها
لاشك لاضاق صدرك خل دربك شمال=اطلق سراح الهموم اللى بصندوقها

[نايف العجمي]

انتي الغربه وأنا الناي الحزين ===== تاه فكره بين شكي واليقين

صرت ما اميز شمالي واليمين ===== انتظر عطفك ولطفك والحنين

[مهرةٍ اصيلة]

ناديت وجاوبني صدى الصوت لبّيه=وإهتز مـن لبيـه قلبـي وناديـت

[نايف العجمي]

تعال وعالج جروح الحزين وكل شي راح ====== تعال وجدد أمالك ترى الايام سراقه

[مهرةٍ اصيلة]

هاجس النفس هو بلا ابوك وبلاك
من يحب الضمان اللى وراه التزام

[نايف العجمي]

من غلاتك قمت اغني (يا لا لا ) ====== ينجلى همى وحزنى ينجلى

وان كان فى حبك مشقه وابتلا ====== سعد حظي يوم انا بك مبتلي

[مهرةٍ اصيلة]

يا وبا العشاق ياجرح القلوب المشترك"="ياكثر قتلاك ومصاويبك دبا..دبا..دبا

[نايف العجمي]

البقى براسك بعد كل ما حصل لى ===== جعل فيه العا فيه لو تظلمينى

جاد غيثك بالجفى لى وأ ستهلى ====== والوفى درب ومداهيله بعينى

[مهرةٍ اصيلة]

يالله ياللي خلقـت النـار و الجنّـه=يا مالك الملك يا رحمـن يـا والـي
تلطف بحالي و تحييني علـى السنّـه=يا من إلا من ذكرته ينشـرح بالـي

[عيد بن شدقان]

ياروح البي انتا شو كتير مهضوم=تضرب حياتي وانتا تكرم عيونك
مافيا اتحمل فرائك ولا يوم=مشتاء اشوفك وانكوي في طعونك
مابدي العيشه مشانك ولا النوم=ومابدي هالندنيا وربي بدونك
ولبا عيونك كان ذالحكي مفهوم=وابقى على حبك وقلبي زبونك
ذياب

[نايف العجمي]

يا عيونى لو مجرد تحلمين ====== يوم اشوفه والله انى مستريح

قولى انه جاى لو هو بعد حين ===== خلى الدمعه من الفرحه تسيح

[مهرةٍ اصيلة]

حزين أي والله أن قلبي حزين وخاطري مكسور=لو أضحك وآتظاهر بالسعـادة يـا بحـر جـده

[نايف العجمي]

هرج الفتى فيما مضى نقص بالعقل ===== ومن قال جدى كان ماله مكانه

[مهرةٍ اصيلة]

هني من طال ليله بلا شوق وعنا =ونام مرتاح الخواطر ملي الجفوون

[نايف العجمي]

ناسن تجى وتروح ما هزت الروح ===== وناسن تروح وتأخذ القلب معها

[عيد بن شدقان]

ناديت بسمش يومني كنت سارح=وكنت اتذكر حكيش اللي تقولين

[مهرةٍ اصيلة]

نسيت قلب كل ما تطلبه جاك
,,,,,,,,,, يشيل جروحه فوق جرح سطا بك


خابت هقاوي بالرجا من تمناك
,,,,,,,,,, لا الهم تاركني ولا الحظ جابك

[نايف العجمي]

كن بشفاها كلام يقول شف النار حيه ===== وان بغيت الثلج شف الثلج فى ذيك الثنايا

عيديها قلت بعلى الصوت وينش يا بنيه ===== كن حرف الشين مكتوبن على كل الزوايا

يوم قلت الها الحذيه قالت ابشر بالعطيه ==== قلت جوزى من عنادك قالت قالت كلى لك عطايا

[مهرةٍ اصيلة]

الا يالمقفي هف جعلك مهف مقيط

ولا تحسب ان فراقك اليوم مشقيني

[نايف العجمي]

يا الهجوس اللى نويتى تشدين الرحال ===== وين قولى وين والشعر فى صدرى مقيم

والله انى كل ما ضقت ذبيت الطوال ======= ما تسمع فى عبادى ولا عبد الكريم

والقصيد احيان يا تيك من وحى الخيال ====== بس انا صادق وصادق ووالله العظيم

[مهرةٍ اصيلة]

مـدري نـسـيـت الـوصل والا تـنـاسـيـت=وبـعـد الـمـحبـه صـرت كـنـك مـعـادي
والا مـن الـعـذال فـيـنـي أسـتـشـكيـت= يـمـكـن مـلـو قـلـبك عـلـّـيـه سـوادي
بـذِكرِك كـانـك عـلـّيـه تـعـالـيــت=يـومـنـك صـوبـي كن حـاديـك حـادي

[نايف العجمي]

يا مل قلب(ن)بين ود وبين هات ====== والعين من كثر السهر ياملها

لا جيت ابنسى واعتبر ما فات مات ===== استرجع افكار الحزن وحتلها

وابكى على الفرقا ولكن فى سكات ===== ما هوشرط ان الدموع اهلها

[مهرةٍ اصيلة]

انا ماشعرت اني مع الناس قبل القاك .. ولاذقت للدنيا طعم قبــــــــــــل تلقاني
ترى اللي يسليني عن مشاهدك ذكراك .. انا مستحيل انساك اخاف انت تنساني

[نايف العجمي]

يا ما تمنيتك وياما تمناك ====== قلبى وسودالليل يا ما تحاتيك

انت بالنسبه لى كنز واملاك ===== وانا مجرد فلس بالنسبه ايليك

اغليك وعزك ويا كثر ما اهواك ===== اهواك واعزك وياكثر ما اغليك

[مهرةٍ اصيلة]

كل شي ٍ في عيوني باهته لمعت بريقه =مااشوفه مااشوفه دام عيني ماتريده
من همومي صار فمي يطعم ّ المره بريقه =وكل جرح ٍ وسط صدري خابر ٍ جرحي يعيده

[^تسـوااهن^]

هي سيدة كل عذرا .. واهلهاا اجوااد
وتشفق على الشعر معنى الشعر ماا تجهلة
وانا املك إحساس مرهف مااني بجمااد
بالله يااعــــــــاذلي لا تــكــثر الاسئــــــلة

[عيد بن شدقان]

هبت هبوب الود في قلب مشتاق=وردته صوب العلاقه القديمه
يومي انا وياه في وصل وعناق=ويوم العلاقه ذيك كانت سليمه
ذياب

[^تسـوااهن^]

هاليل بالذاات مايرضيني اسكاتي&&صمت المواجع يجاملني ويسلبني
ودي رياح الزعل تقرا قناعتي&& وارتاح من هالدروب الي تشبعني
ببيع صبري واقول احلى حكاياتي&& مليت كذب السنين الي معذبني

[^تسـوااهن^]

هاليل بالذاات مايرضيني اسكاتي&&صمت المواجع يجاملني ويسلبني
ودي رياح الزعل تقرا قناعتي&& وارتاح من هالدروب الي تشبعني
ببيع صبري واقول احلى حكاياتي&& مليت كذب السنين الي معذبني

[السنـــــافية]

يانوف باسمج صرت البى وانا اطوف=وكلن يلبى للولى فى طوافه

[مهرةٍ اصيلة]

هلا باللي تمنيته سـنين وشافته عيني =انا شفتك حقيقه حلم هوجاس وسهرواحلام

كثير اجمل من اللي شفت وتخيلت بسنيني = كثير احلى من الواقع كثير اجمل من الالهام

[قبلةالعجمان]

من عقب ماني مشغله قلوب حلوين = اليوم قشران البشر تتصل بي

:):):)

[مهرةٍ اصيلة]

يفداك من يكرب عليه الحبالـي=من قِل دبرة في رجى هالسلاطين
ما يدري إن الطيّبة راس مالـي=ولا الرديّة في نفوس الملاعيـن

[قبلةالعجمان]

ناس تجي وتروح والبال مرتاح = وناس اليا غابت تزايد همومي

[عيد بن شدقان]

نتعب على الصعبات والفعل كايد=والصعب فعيوني اجيبه بمهلي
مادام اسمي ذياب فيني عوايد=كل شي ابيه ايكون بيصير سهلي

[مهرةٍ اصيلة]

يا وجودي كلما غنّت همومي راعبيّه = وجد من ترجي سلامه ولا حصل درب السلامه

والله اني يوم اصدّق بعض خلق الله غبيّه = ما دريت ان بعض خلق الله كذوبٍ في كلامه

دايم اتبع نيتي و القلب في سنّة نبيّه = احسب ان الناس مثلي واثرهم سربة جهامه

[قبلةالعجمان]

هذا جزا اللي يحبك من سنين =خنت حبه .. وجرحت قلبه


(( قبلــة العجمــــــان ))

[مهرةٍ اصيلة]

هلا ومية هـلا .. يـا رحـب وميـة رحـب=الرحب تنقل رحب .. والهلا تنقـل هـلا111
لين تاصل لغايه مناك يـا أغلـى مـن نحـب=إن سلا قلبك من الحب .. والا مـا سـلا11
شوفتك عنـدي بساتيـن وأطـلال وسحـب=وحشتك واذا ابتعد عنك .. يادا111فع البلا11

[السنـــــافية]

الغالى اللى نسيت ارضاى وارضيته=ليلة رحل ماترك لى من يعزينى
هوحس فينى اخذت اللوم واعطيته=نوم الليالى وانا ماغمضت عينى

[مهرةٍ اصيلة]

يحسب آنى عايشـــــــاً فى رجاوييـه؟؟؟=رجــــــآى بأللى كؤن الغيث وآنشــــأه


لا شــك لاسمعت آنا أسـمه وطاريــــهِ =يحـــُزْ فى نفســــــــــى وقتاً قضينــــاه

[عيد بن شدقان]

هنتيت نفسي على فرقاك وغيابك= ماني على طردت المقفيني معتادي
من صد جعله مهف امقيط والدابك=ومن راح والله ترا فرقاه شي عاديذياب

[قبلةالعجمان]

ياغارس سيف العذاب بوريدي = أبشرك قلبي على الجرح معتاد

[عيد بن شدقان]

دور على غيـري وبلكيـك تلقـى=تلقى على ذوقك وانا اشوف لي ذوق
الحر يجـزع ثـم اللحـوم يرقـى=يدرج بحومه فوق هام السحب فوق

[السنـــــافية]

قسوة اهل ظلم البداوه وعادات=ووقت يعاندنا وحظ انانى
لوفرقونا داخلى حب مامات=الحب واحد مايجى حب ثانى

[قبلةالعجمان]

ياللي زعلت ازعل ولاني مراضيك = اشرب كدر ماي البحر كانه ارضاك

[نايف العجمي]

يا صاحبى كلن يولم جوازه ===== ترى رفيقك خاطره حيل تعبان

اسرع ترى يم بيروت غاره ====== ودى ترافقنى على خط لبنان