♥ يـامدور الهين .. ترى الكآيـد أحلى ♥ [الأرشيف]

ضنـاني الشوق

04-09-2011, 12:02 PM

،‘

عـزَّ الله إنَّـي بالمـوده تحمَّلـت=ما احدٍ فزع لي و خفَّف الحِمل عنَّي
حبَّـه ذبحنـي ليتنـي ماتولَّعـت=مِنه العذاب وزايد الشـوق مِنَّـي
لِى قِلت أبسلى رغبتي ماتِمكَّنـت=أنا الَّلذي في حبَّه أبكـي وأغنَّـي
لو أني مِـن أول لِلغرابيـل ثمَّنـت=ماجيت حـد حمـاه ولا طعنَّـي

ضنـاني الشوق

04-09-2011, 12:52 PM

،‘

خذني لبلد مافي شوارعها مطر ..
دام المطر كله حنين ..

خذني لأماكن مزعجة للعابرين !
ما أبغى ىسكون ..

أخاف لحظه : أختلي مع ذاكره
مليانه وجيه وتعب .. !

و أحنّ له ..

و أنا صديق للظلام والمطر ..!

وعشان أحافظ ع الصبر ،
بصلي فرضي وأنام ..

أبكره الليل الطويل .. و أبعشق ( أزعاج النهار المزدحم ).

بس المهم ما أختلي مع ذاكره مليانه بـ وجيه وتعب ..!

و أكتب شعر ، إذا قريته بعد يوم أستنكره !!!

و أستغرب إني قد كتبته

( من كثر ما هو حزين )

يَ هو تعب

اللي يسمونه حنين ..

http://www.bdr130.net/vb/images/smilies/khald/s229.gif

ضنـاني الشوق

04-09-2011, 12:55 PM

،‘

منهو يصالحني عليك ؟!
من يسرقك ..
من بين زعلك و التقيك
من يسرق الخوف اللي ساكنّي و اجيك
من يقنع الماي اللي فيك..
إني عطش ..

وغصون عمري تشتهيك !

ضنـاني الشوق

04-09-2011, 01:03 PM

/’

ياعيد مـآلي مـن ظـرووفـه مــواعيد
وأنـت بطريقـك شـوف ويــنــه وممرّه
مــآآبي يمر العيـد وأقول فِـ العيـــــد
[ هـو يتصل فيني مثـل كـل مــــرّه ]

ضنـاني الشوق

04-09-2011, 01:09 PM

،‘

صباح ابيض من قلوب اليتامى في صباح العيد =صباح اطهر من الضحكة على شفاةٍ طفوليه
صباح الشوق والتلويع والأهات والتنهيد=صباح ( البعد) .. ( والغيره ).. صباح النار والفيّه
لك الله ياغناتي .. لو تجي بالطايله والأيد..!=لأخلي كل صبحٍ عيــد / واجيلك بعيديه

:rolleyes:

ضنـاني الشوق

04-09-2011, 01:24 PM

،‘

يا كثر ما احنّ لكن..... ( بيني وبيني )=أخاف لو قلت احنّ ..../ تقول لي باين !

أسكّت ( إحساسي ) ..اللي دوم يضنيني =خاين ماهو خاين / و خاين ماهو خاين

واشوف عقب البطى صورتْك ف يديني =وأقول زاين واثرْك مْن ... البطى زاين

وتْطيح مع ( دمعتي ) و تعاتبك عيني ,=تقول لا طحت مني كيف بـ ../ أعاين

ضنـاني الشوق

04-09-2011, 02:24 PM

.

http://i47.tinypic.com/2eclr4g.jpg

ياحروفنا الملح.. في شفاهنا الحنضل =كان السكوت أفضل .. ولا الكلام !

ضنـاني الشوق

04-09-2011, 03:50 PM

,

وان كان لي فرحة تكفي لها يوم=ياربي أجلها لـ يوم القيامة

ضنـاني الشوق

04-09-2011, 04:11 PM

http://fatmaeisa2000.tripod.com/4.jpg

الطير شيلوا صورته يااهل البيت=عـيـنـه عـيــون الـلــي عـيـونـي بـلاهــا

ضنـاني الشوق

05-09-2011, 08:33 AM

،‘

كم واحداً صابه من الفكر تشويش=وكم واحداً فكره يدلل ركاده
وكم رامياً يضغط على الزند وينيش=وكم رامياً مادلّ وجهت زناده
الله يصبرنا على لقمة العيش=يالي تدوّر بالرواتب زياده
أحداً من النعمه كروشه منافيش=واحداً رقد ما ذاق مطعوم زاده
إن كنت طايش فانتبه من هل الطيش=وكبّر على ما قيل تحتك وساده
إن جاك محتاجاً فلا تسأله ليش=وان كنت سيد فالمخاليق ساده

ضنـاني الشوق

05-09-2011, 09:20 AM

,

رِحلْ حلميَ فـ مشوُار المدىَ واتكتّفَت دعوُاي=ذِبل رِحم الأمل يوُم جيت أحصِد بسـاتينه
كثرِ ما قلت: للوُادي بـ جيك ولا معيَ له مايَ=وُأنا فلاّحه .. الواقف ما بين أغصـان داعِينه

ضنـاني الشوق

05-09-2011, 09:40 AM

يَ همّ ..

مَآودكِ تِسّآفِر وترتآح ؟
تآخِذ إجآزهَ منْ عَملكَ .. وتريَح !
النآسّ فيَ لندنْ , وبَآريسّ /: سُوآح
وأنته معَيْ ,
فيَ كِل ليلة مطييّح !!

ضنـاني الشوق

05-09-2011, 09:46 AM

،‘

ودّك تغيب ومستحِي !؟
لا تستحِيْ !
هذآ الزمَن لـ " أهل الغيَآب " ..
إهجر رفِيقك ,
إتركَه . .
طول مغِيبك , علَّقه !
أرسِلْ رَسَآيلْ وَآهِيَه . .
و إكتب بَهَآ : عذر الغِيَآب ,

وَ شقّقَه !

ضنـاني الشوق

05-09-2011, 11:02 AM

,

جيت السحاب وما لقيت الحبايب=شكل السما في " غيبتي أمطرَتهم
علمي بهم يوم إنهم " لي " قرايب=وانا " الثمر و ظلالهم و شْجرتهم
و اليوم "مدري هي خذتهم هبايب=و إلا السنين اللي طوتني طوتهم
وجدي عليهم وجد من طاح شايب=ينخي " عْيال ٍ " ما تفيد انخوتْهم

ضنـاني الشوق

05-09-2011, 11:18 AM

http://im11.gulfup.com/2011-09-05/1315210652121.jpg

http://www.5foq.com/vb/images/smilies/CE_DP_Stealer.gif

ضنـاني الشوق

05-09-2011, 11:24 AM

آلنومٍ فينيٌ يشبَه [ هموم صدريٌ ]
لآجيتْ آنومهُم صَحُوْآ ..
وآبلشُونيٌ !
بسْ گيفٍ آنومنيٌ آنآ گيف
..........مَدريٌ !
يصلُح آنآم آن گنتْ فآتِح عيوُنيٌ ؟!

ضنـاني الشوق

05-09-2011, 11:37 AM

.

http://im9.gulfup.com/2011-09-05/1315211674241.jpg

اقْدِر آشٔب الْجِفَآ وَاحَذْفك فِي ضُوَهـ

ضنـاني الشوق

05-09-2011, 12:05 PM

.

صيام القوت ما يشبه صيام الشوق والعبره=نصوم ويذن ( المغرب ) وناكل لين ما نشبع
ولكن صوم من فارق وليفه وانتهى صبره=يصوم سنين | لو خله حلف ما عاد له يرجع
الا ليت الوصل لا جاع راعيّه مسك تمره=ويقبل صاحبه لامن سمعنا .. ضربة المدفع !!

ضنـاني الشوق

05-09-2011, 03:19 PM

‏أوصي الشمس لامرت على ديارك=ماشوفها باكر إلا والخبر معها
ويمر باكر ولاجابت لي أخبارك=ويروح يومي وأنا ماغير أطالعها !

ضنـاني الشوق

05-09-2011, 03:36 PM

،‘

وشلوووَن انآديك يومَ اقفيت مِن عندي ؟!=وانتَ ابخص النآس فيّ ( نفسيِ وعزتهآ )

ضنـاني الشوق

05-09-2011, 03:48 PM

.

خلَّها في عيوني ، وانت خلِّك بعيد
دمعةٍ ما تهمِّك : غيرك أولَى بَها !

ضنـاني الشوق

06-09-2011, 08:40 AM

,

ماقلتلك ؟

لو جيتني مرّه مطر ..

تلقاني بدوٍ تنتظر !!!

يستبشرون .. إن جت مقاديمك تغنّي عن حضورك يمّهم ...

من طهرهم ...

البرق .. في تعربفهم يعني حياة ...

والغيم .. صوته أغنيات ..

من غبت عنهم عايشين بهمّهم ..

تفرّقوا ... صاروا شتات ...

وأنت الوحيد اللّي تجي وتلمهم !!!

وماقلتلك ؟

أشيا ( 3 ) باقيه ماقلتلك ؟

إنّك مثل حزني ... قدر !

وإنّك مثل ليلي ... سهر !

وإنّك ( عُمر ) ؟ http://www.shrqawe.com/vb/images/smilies/thread_hot.gif

والعمر ... مرّه بالعمر !!!

ضنـاني الشوق

06-09-2011, 08:52 AM

،‘

ليه , إذا ... ناحت ... عصافيري .. أسى
.. .. .. .. .. .. في , وجيه ... الريح ... ما , خفتي ... عَلي !

ضنـاني الشوق

06-09-2011, 09:10 AM

غابت عصافير الآماني مع الشمس
.................. ولا بقا لـ / غصون بآآآكر .. آماني
أقول باكر .. بس باكر يصيـر أمس
.................الوقت يمشي .. وأنت حابس مكاني
الشوف / شوف المنتظر دايم اللمس
.................. كـآن العيـون امن المدامع .. تعـاني
والذوق أبستطعم به الجرح .. يا نمس
.............. و السمع مثل اللي نساني ... نسـاني
والصوت .. بين الصرخه وطفلة الهمس
................. عزّيت بـ / آحبال ٍ تقطـّع .. لساني
والشـْم .. هو اللي وفا لي من الخمس
.............. حتى أدري أنك مـْت .. بين المحاني
ومآ دام باقي لك نفس / خاطري عمس
.............. ليتك تموت .. أرحـْم من أنك أنااااني

ضنـاني الشوق

06-09-2011, 11:33 AM

.

من غيآبك لابس الثوب الرمادي
............ تحت شمس الشوق وأتحرا مطر ..!!

ضنـاني الشوق

06-09-2011, 01:53 PM

.

حيآتهآ | سوُق ومغازل , وَ جوآل !
وَ مَ أظنّها تدري كَم إنسآن حبّت
مٌدرسِة لَ أطفآل / وتربي أجيال
ربّت ..ولكَن ,, عمرهآ [ مَ تربت ]

ضنـاني الشوق

06-09-2011, 01:56 PM

.

لا صرت ماني عند ضيقاتك فراج
قول لمقادير الزمن ويش دوري !

ماني بفاتح باب قلبي للاحراج !
وماحب اكون انسان " ماهو ضروري

ضنـاني الشوق

06-09-2011, 03:49 PM

،‘

مافي سجود ..
الا ( السهو ) ياغآفله بعد السلام
ومافي شبيه لرجعتك الا (( اعتكاف المقبره )) !

لاتزعجيني ..!
وازعجك .. جرحي على وجه التـئآم
وكسري جبر ،، لوهو خطا .. ماودي ارجع
واكسره !

ضنـاني الشوق

07-09-2011, 08:32 AM

.

هَذَا “صبآحيْ” .. لَه سنة مَا تغيّر ‘
كُوبِيْ وَ أنَاا وَجريدة أخبَار , [ الأحبَابّ ] !
وَ ذاكْ “الأمَل” اللّي بـ صدرِيّ صغير
مَاهزّتَه فَرقَى , وَلاحجّة / .. غيَابّ !!

ضنـاني الشوق

07-09-2011, 10:08 AM

.

صوتك بعيد ولا لـ سمعي حيلة..
............صمتك قريب ولا لنبضك طاري

طيَّحت جفني واستحيت آشيله..
.............. ياثقل دمعي لا ذكرت أقداري

ضنـاني الشوق

07-09-2011, 10:28 AM

.

يَـ جفافه :
ليهً ما تضحكْ ضفافهٌ ؟
علّموهـ ` إن آلعطش ( ذبّاح )
و و عروقيَ تخافه http://www.shrqawe.com/vb/images/smilies/thread_hot.gif !

ضنـاني الشوق

07-09-2011, 04:14 PM

.

يا صمت لا تفرض علـى هاجسـي صمـت=عط هاجسـي فرصـة ليـا صـرت جـازم

و عن خوض هرج النقص يا صمت قد ُصمت=والصمـت حكمـة لأغلـب الهـرج هـازم

ضنـاني الشوق

07-09-2011, 04:19 PM

.

هالشطر لـ ابن فطيس يطري وأغنيه
والجرح .. يطري فيه .. وبلا إرآده ..

( مآ هو بكفو الوقت [ جرحك ] يمحّيه )
دامه لـ قلبي... صاير الماء ... وزآدهـ..

ضنـاني الشوق

07-09-2011, 04:29 PM

.

http://im10.gulfup.com/2011-09-07/1315401917731.png

إلى قطَر هـ اليومين ولي عودهـ بإذن الله http://www.5foq.com/vb/smail/rose.gif

ضنـاني الشوق

10-09-2011, 12:16 PM

.

يامهيّضني علـى صـوت الحمـام
ويامعيّشنـي بصمـت المقـبـره!
لاتوادع وانت فـي صـدرك كـلام
دام دمعك يفضـح اللـي تستـره!

ضنـاني الشوق

10-09-2011, 01:20 PM

+

صدة المقفي عن المقبل كليفة
و انت ما قصرت ، في مد الكلافة !

ضنـاني الشوق

10-09-2011, 01:23 PM

،‘

قل للزمن / لا ضآق صدري عوآفي
بكره تزين وينشرح خاطر الوجـد

كان الألم .. في محجر العين غآفي
ترا الأمل ماله وسط خافقـي حـد

ضنـاني الشوق

10-09-2011, 01:26 PM

http://i48.tinypic.com/2870z76.gif

صاحـبي ؛؛
لا مـرك [ الشـوق ] مـرهـ ،
................................................ { مُـر بـي ~ !

’‘

ضنـاني الشوق

10-09-2011, 01:44 PM

.

قلت أكآبر و أعزف لحوني و أغنّـي
......................... لي متى .. روحـي موآردهـآ ضمآيـآ .؟
و قمت أنـآدي للحظـوظ و للتمنّـي
......................... ب/ آلشموخ آللي لطم خـد آلخطآيـآ
و أكتشفت إني جريح آلقلب .. و إني
......................... أستر جروحـي .. و دمعآتـي عرآيـآ

ضنـاني الشوق

10-09-2011, 03:01 PM

’‘

يَا صوت قلبي تعبنا ، نطير ( ونغنّي ) !
ما باقي آي شيء , يستاهل / من آيامي

ما راح آحلم ولا اطمح ، مدام ، أنّي :
كل يوم أحّضر عزا واحد من آحلامي

ضنـاني الشوق

13-09-2011, 10:33 AM

http://im10.gulfup.com/2011-09-13/1315898883281.png

عسى ماجيت في وقتاً لغيري ..!

ضنـاني الشوق

13-09-2011, 01:27 PM

,

ياعزيزي .. قوم نم ْ
كافي فوق الهم ْ
هم ْ
كافي نقطف من حنين !
كافي .. نسرف
بالأنين !!
وكل مافينا سأم ْ
كافي تحرث في خيالي !
وكافي نبحث ..
فـ الليالي ..
عن دوى .. يشفي ألم ْ
خذ تعال ! .. الشوق يندهلك !
تعال !
ولاسألك :
الصبح وافي ؟
قول : لا !
ولاسألك :
الليل جافي ؟
قل : نعم !
وعلّم الدنيا مراسيم .. التعب !
وعلّم العالم شنو..
أصعب صعب !؟
إنتكاس الحب كله .. للعدم !
لملم أشواقك وهات ..
وإلا تدري !
للجهات ...
أنتثر كلك ... شتات ..
ولملم .. إجراحك ..
ونم ْ ..!!

ضنـاني الشوق

13-09-2011, 03:32 PM

.

مَآ ودّي .. أجرح شعُورك ..
.. يُوم تقرآني’ ... !
ضَآيق منْ الوقتّ ... مدرِي .. !!
.. منْ بعَض .. نآسسه

.. [ يَ صبح بكرَا ] ... طلبتكْ
لآ تحرّاني’ ...... !!
قَلبيّ .. لفظْ ..
مع هذَاك ... الجرح ...
.. أنفَآسسّسه ‘

ضنـاني الشوق

14-09-2011, 08:24 AM

’‘

أمشي مع العآلم ولي قلب مسروق
يالله عسى اللي سارقه ... مآيبيعه

http://www.alqanas.com.sa/vb/qnas/abotalal/smile/5.gif

ضنـاني الشوق

14-09-2011, 09:01 AM

،‘

تدري وش أطهر شي ممكن تلاقيه
شخص يدور في حيآتك .. حيآته

http://www.shrqawe.com/vb/images/smilies/thread_hot.gif

ضنـاني الشوق

14-09-2011, 09:42 AM

’‘

كل مآ إنصدمت بِ شخص من أقرب النآس
........................أرفع عيونيْ لَـ السمآ و آتنهّد
و أصير كنّي ألمحه , بـ آخر انفآس
......................ميّت وفا ياللأسف " مآ تشهّد " !

ضنـاني الشوق

14-09-2011, 10:22 AM

‘

إِن طَلب عِينِي رِضَى
قِلت
مَا غِيرَهـ نظير ،
و إِن شرب دمّي غَضَب
قِلت
يِستـَااااهل فَمَـه ،

ضنـاني الشوق

14-09-2011, 12:05 PM

http://im9.gulfup.com/2011-09-14/1315990855181.png

ما تعثرت إرتبآكاً يَـ حصى !
أو جنوحاً لإختصآر الـ ألف ميل
ليسَ ذنبي أن دربي ما استوى
كآنَ ذنبيّ ..[ ثوبّ أحلآمِي طَويل !

ضنـاني الشوق

14-09-2011, 12:50 PM

http://im10.gulfup.com/2011-09-14/1315993744841.jpg

ضنـاني الشوق

14-09-2011, 01:11 PM

،‘

أصغر أهدافي تزول الدوله العبريه
وأكبر آمالي " يغفر الله جميع ذنوبي "

ضنـاني الشوق

14-09-2011, 01:13 PM

http://im10.gulfup.com/2011-09-14/1315994780711.png

كل أرضاً مآبها ضحكتك .. منفى ..!

ضنـاني الشوق

14-09-2011, 04:17 PM

.

أثر :- الجروح القديمه تحفظ العشره =إجروح قلبي .. معي اصدق من احبابي !
يا قلبي إسلم و سلمني .. ولا تشره =ما كل من عاتبك ، يستاهل عتابي
لو موت الاحساس يشرى .. دوَره وإشره =من كثر الاحساس ، شفني محرق اعصابي !

ضنـاني الشوق

17-09-2011, 10:20 AM

،

لو كان ماضينا .. يثير .. إهتمامك
.......... كان استحى وجهك .. على فعل يمناك !

ضنـاني الشوق

18-09-2011, 08:29 AM

..

ما عاد في صدري حكي
..... مخنوق بـ حبال الربو !

قلّي : إلى مين أشتكي!
..... لاصرت لـ أوجاعي [ أبو ]

ضنـاني الشوق

18-09-2011, 09:01 AM

،‘

عآدي بكيت وجفّ دمعي و روّقت
وش لك بطول آلسآلفه و الموآجع !

ضنـاني الشوق

18-09-2011, 09:07 AM

،‘

كلّ عام وأنت بخير يا ( جَرح الأيّام )
دامك وَحيد و باقيٍ لي بـ دَربي . .
أرجُوك لا مِن شفت هالنَّاس ( صِيـَّام )
تكفَى طلبتك صُوم عَن طَعن قَلبي !

ضنـاني الشوق

18-09-2011, 09:12 AM

،

ما فيه داعي ؛ لا تعيد المواضيع
أصبر علَيْ وتشوفني شخص ثااني !
يعني شويّة وقت , وشوي تشجيع
ويصير قلبي مثل قلبك ( أناني ) !

ضنـاني الشوق

18-09-2011, 09:57 AM

http://imagecache.te3p.com/imgcache/1c2535b7afac97d0b5ad4554b446595f.jpg

النقَص مو بـ أجسآم , النقص بـ عقول
.......................صلَوا إذآ ترَجون خير وسلامه
بمعنى حديث المصطفى (محمد) يقول:
.......................اللي يصَلي مآيشوف الندآمه
شوفوا الرجل هذآ ولَو كآن مشلَول
..................صلَى الصَلاة ويمكن الَليل قآمه !
اللي تشوفونه ماهو ناقص رجوول
..................رجووله .. أعماله بـ يوم القيآمه !

ضنـاني الشوق

18-09-2011, 11:20 AM

.

يآرب ..... يآرب الأمَآني والأحلآم
ساعدني انسى النآس لآمن " نستني "

ضنـاني الشوق

18-09-2011, 02:50 PM

،‘

المشاعر خطاوي والمواصــل دروب
.....................والمعــــاذير بلســـــــم والمعاتب غلا
تندثر في عتـــــاب العــاشقين الذنوب
.................وينكسر في شفاة الشــــــــامتين البلا
صادق الحب ما يجدي معــاه الهروب
...............وعن صحيح المشآعر كيف قلبك سلآ
علَمتك المشـــــاعر كيف تقــدر تذوب
................وعلمتني الحراوي قــــــــدر كلمة هلا

ضنـاني الشوق

21-09-2011, 10:29 AM

.

لاتلعنين الحظ يابنت لامااال
..................الله هو اللي للمخاليق كافل
ياكم رفله حظهاا عند رجاال
................ويااكم ظفره حظهاا عند سافل

ضنـاني الشوق

21-09-2011, 10:50 AM

http://im13.gulfup.com/2011-09-21/1316591250501.png

يـاقـآيـد آلـريـم ذكرآك ..
.............ماغيَبت عن خآطري ساعه ..

ضنـاني الشوق

21-09-2011, 11:04 AM

.

خلها فالقلب وانسى لاتـفكـر =دام شي راح لاتحسب حسابــــه
لو هقـــــــيت بيوم أن بالك تعكـر =هي كذا الدنيا ماهي دايـم طلابه
بس لاتنسى بعد هـــــــــــذي تذكر =مايطيق الجرح من ذاق الإصابه
مثل صدمات الرفيق إليا تــــــــنكر =خابت الهقوى وخاب اللي هقى به
البخيل اللي قفل بابه وسكــر =ماأظن أن الكريم يطق بابه ..!!
ومن جهل فرق المؤنث.. والمذكر=لاتحرى منه مضمون الإجـــــــابه
ومن يسوا به جميل ولاتشـــكر =مايعرف المرجله حضرة جنابه
وأنـت ياللي جامعً بالملح سكر =ضعت مابين التــــناقض والتـــشابه
لانظرتك قلت نور الصبح بَكَــرْ =كيف جاء ؟؟ مدري لكن الله جابهـ
المـــــهم أبيك تنسى لا تفكــر =دام شي راح لاتحسب حسابه

ضنـاني الشوق

25-09-2011, 09:12 AM

.

كنت ضآمي وكآن كآسك لي عنآ
آرتشفته ... من كثر مآ آنا آبيك

آلف موعد ... مآت بيدينك وآنــا
آلف شرهه تسكن بـ صدري عليك..!

ضنـاني الشوق

26-09-2011, 01:10 PM

.

لي صِدفة احلى من الفين ميعاد
ولي موعدٍ احلى من الفين صدفه
وبالناس لى انصاف واقران واضداد
وكلٍ يفسرني ..[ على قدر عرَفه ]

ضنـاني الشوق

26-09-2011, 01:20 PM

،‘

شفني بـعـد فرقآك ... آسقي خيـآلك
عسآهـ ينبت وصل وأهزم بـك غـيآب..!

ضنـاني الشوق

27-09-2011, 09:56 AM

.

ماهقيت الظن من صوبك يخيب
كل مآشفتك تصدد ... قلت آفااا
آلـعـرب كلن صفآ عندهـ حبيب
إلا آنا ... عندي حبيب مآصفاا

ضنـاني الشوق

27-09-2011, 10:19 AM

http://im17.gulfup.com/2011-09-27/1317107835491.jpg

ﻓ̲̉رﻗ̣ۅۆﻧـﺂإ - ۅﻗﺂﻟ̲ۆۅ ...
............› ﻣ̲̉ﺂ̥ﺟﻣ̲ﻋھم ¸ ﻧﺼﺼ̲̉ﯾب ..!

ضنـاني الشوق

27-09-2011, 10:33 AM

.

اليا جرحوك اللي بليا ضماير=عاملهم باخلاق لوهم بلا اخلاق
الشمس لو تزعل على اهل الستاير=ماكل يوم تداعب الناس باشراق

ضنـاني الشوق

27-09-2011, 01:06 PM

.

دعني مع الأحلام بالله دعني
عن واقعي فضّلت دنيا خيالي
أشوف بُعدي عن وجودي نفعني
على الأقل ارتاح يا صاح بالي

ضنـاني الشوق

27-09-2011, 04:17 PM

،‘

الورد ’ لو عاش طول إلعمر بأحضانِك
........................ ماجف غصنه / ولاذبلت مراهيفه ..
وشلُون يذبل , وهُو يأخذ من ألوانك !
..................... وشلون ب يموت ’ وأنفاسِك سواليفه ..

ضنـاني الشوق

28-09-2011, 09:37 AM

.

شريت لدمعة المنديل .. عـيـن
وكسر في راحة الخدين شوك

تصدق صـرت أعشـّم كل شين
لإن الزيـن.. ما قصّـر يـاخــوك !

ضنـاني الشوق

28-09-2011, 09:39 AM

,

إن متَ .. قولي : الحظ في آخره مآل
بس آذكري .. مامال حظك وانا حي !

ضنـاني الشوق

28-09-2011, 10:00 AM

http://im11.gulfup.com/2011-09-28/1317193032961.jpg

ياجار كانك طعتني برقع الطيـر =طيرك وحش واقلوبنا مستميتـه
لولاي رجلٍ من رجال بهم خيـر =ماصد واغض النظر من بخيتـه
ياجار طيرك كل ماعرّض اعصير =مدري علامـه يلتفـت مادعيتـه
يمر كنّه شـارد الصيـد لاذيـر =لابوه لابو حـي حيّـه، وميتـه

ضنـاني الشوق

28-09-2011, 03:47 PM

.

لقَيآك فرصه عظيمه خانت المستحيل
................ أحيت بي الشعر وانهت سيرة الانتظار
قضيت الأكثر من ايامي ... بليَا خليل
.................حتى اصبح العمر بالعزله يقاس ويدار
ماودي اعود طرقي .. دون درب وسبيل
.................... وانحدَ باكر لهجران العرب والديَار

ضنـاني الشوق

01-10-2011, 09:46 AM

.

يرتّل الشبّاك ..\ انشودة الصبح
وتمرّني اشيااء .. بيني وبيني !!

ياصاحبي دام القلوب امتلت قُبح
لا تلومني .. لا حدّرت دمعتيني !!

القافله تمشي .. وماهزها نبح
( المشكله .. لا خوّنت بي يديني)

ضنـاني الشوق

01-10-2011, 10:01 AM

http://im18.gulfup.com/2011-10-01/1317452451871.jpg

ياطير خذهن هالسبوق وعوافي
إطلق جناحك بدَل الضيم بالغيم

وش يرجعك للوح لو منت وافي
هذا الوفا سجن الوجيه المحاشيم

مثلك ترا ياطير مازلت صافي
عزاي صبري بالليالي المقاديم

عن يمة الفزعات ماقلت كافي
أشوف عيلات الأصاحيب وأجيم

أضويت وسراج الرديين طافي
وأصبحت يومن الليالي مجاهيم

ضنـاني الشوق

01-10-2011, 11:49 AM

.

عقب الظمآ ماجاز لي مورد الما

يجف ريقي .. ماشربت الحثاريب

ضنـاني الشوق

01-10-2011, 02:39 PM

،‘

( عميآء ) وتستآحش ليآ مرهآ زول
ورغم الغنآه تعيش عيشة مسآكين

مآيهمهآ ( آلألمآس وآلدر واللول )
ومآيهمهآ ( جآه وجنآب وملآيين )

ومآيهمهآ / المعقول والغير معقول
أهم حآجه عندهآ ( تمتع العين ) .!

تسألني ! الدنيا لها لون ؟ وأقول :
الدنيا سودآء .. مثل مآنتي تشوفين

http://www.qanof.com/vb/images/z/HaP59627.gif

ضنـاني الشوق

01-10-2011, 03:45 PM

.

وآلله آن قد لـي وآنـآ مآنيـب طيّـب
..................مـن هجيـر آلبـعـد لآحقـنـي محـآقـه
يدوي آلهآجوس في رآسي وآغيّب
..................كـــــن مـآحــولــي إربــــــوع ولآ رفـــآقـــه
وآلله آن آطــيــح وآخــــرّف وآشــيّــب
...................مآنسـيـت فـــرآق مـــن يـوجــع فـرآقــه

ضنـاني الشوق

02-10-2011, 11:34 AM

.

كل الوجيه أقنِعه .. إلا وجه أُمي ..!

ضنـاني الشوق

02-10-2011, 11:36 AM

,

بلقآك صدفة عآبره .. وآتعداك
وأقول يشبه وآحدٍ " كآن غآلي "

ضنـاني الشوق

02-10-2011, 04:12 PM

.

عـرضــتــهــم لــلــريـــح .. ونـــاظــــرت بـــرفــــوق=راحــــوا مــــع ريـــــاح الـهــجــر .. و الـهـبـايــب
وان شفتهم عقب البطا .. داخل الموق ؟؟=بــاصـــد صـــــدة عــايـــف الـــبـــال .. طـــايـــب
مــــــا كــنــهـــم كـــانــــوا يـــســــاوون .. مــخــلـــوق=مـثــل الـذنــوب الــيــا غــــزت قــلــب .. تــايــب

ضنـاني الشوق

03-10-2011, 02:29 PM

.

وجه الغياب اللي كسـى مفرق الشمس
.......................كبـَّر على عـــوج الضلوع ونحرهآ..!

ضنـاني الشوق

03-10-2011, 02:51 PM

.

آلــعــآم يــغـــري خـفــوقــي نـسـنـســة نُـــــودك=وآلــيــوم وســــم آلـجـفــآ يـآحـضـرتــك بــكّـــر
ضآمي غرآمك وآنآ وآقف على حدودك=مآفيـه دآعــي عـلـى رشــف آلـغـلآ آذكــر
مــع آلسـلآمـه وسـلّـم لـــي عـلــى وعـــودك=ولآ تـنـزعــج لآ لـقــيــت آلـهــآتــف مـســكّــر

ضنـاني الشوق

03-10-2011, 03:08 PM

.

ليا جتك عوجا في طريقك ف خلك سمح
............................ترفع وروس إعداك فلقا ومنكويه

تعلم من الايام .. واكتب عليها وامح
........................ بني نبح ماتفعل فعايل بني عويه

ضنـاني الشوق

03-10-2011, 03:28 PM

.

وان لاق لك فالبشر ياصاحبي لايـق
...................لاتحسبني ب..آهلّ الدمع واعيده

مانيب متحسـف ، ولانيـب متضايـق
................ ياجعـل ربــي يهـنـي سعـيـد بسعـيـده .!

:rolleyes:

ضنـاني الشوق

04-10-2011, 09:07 AM

.

دوامها بِ الصيف ذوّب كحلها
...................تنفض عبايتها من الحر والشمس
تحتَر ويفُوح العِطر من عرقها
..................مكَتوب بين عيونها ، يُمنع اللّمس !

ضنـاني الشوق

04-10-2011, 09:40 AM

،‘

تستآحش النفس والدنيآ لها تآلي
.................. ويخشع لك اللي بعطفك مَ إنكسر ظنّه
يآرب أنا في رجآك , وآربع آمآلي
................. رضضآك, والستر , والغفررآن , والجنّه

http://www.forum.al-jro7.com/images/smilies/2000%20(25).gif http://www.forum.al-jro7.com/images/smilies/2000%20(25).gif

ضنـاني الشوق

04-10-2011, 10:51 AM

.

من يعطي لــ/ شمس الحقيقه مقفّاه
يعيش طول العمر .. ماله ملامح !

ضنـاني الشوق

04-10-2011, 03:47 PM

يا باذر الرّيش .. وعدك يبّس جناحي !
........................تالي عصافيري مْن الجوع مذبوحة

خذني من الجد جد .. أرجوك ، ومزاحي
.................. بعض اكسجين لـ صدر من يخنقه بوحه

ما للبحر بـ الزّبَد .. افهم يـَ ملاّحي !
................... الغالي الصّعب .. ماهو موج و ملوحة

ضنـاني الشوق

05-10-2011, 09:26 AM

http://sabq.org/sabq/misc/get?op=GET_NEWS_IMAGE&name=news60126712.jpg&width=512&height=320

ياوطنا ياوطنا عمت عين الحسود
......................ماتهزك لازوابع ولا غدر عملا
ياوطنا لاتزعزع وحنا لك جنود
....................البلا نصب فوقه مقابيس البلا
غطرفي يابنت وأرمي علينا بالورود
.................. وإرقدي بأمان رب السماوات العلا
أمرحي بآمانا عن ملطمة الخدود
...................يوم جيش الرافدين إبتلانا وإبتلا
ياكلاب المجزره يامسحبة الجلود
.................الخلا عن دارنا والخلا مير الخلا

ضنـاني الشوق

05-10-2011, 11:11 AM

http://im13.gulfup.com/2011-10-05/1317802102171.jpg

امــن الوطن ماهو على مذهب ايـران
امـن الوطن محفوظ بـأسم الشريـعه

قولو لـ نجـاد ان بغـاها فـ طـهـران
والله مايبقى على الارض شـيـعه

ضنـاني الشوق

05-10-2011, 11:43 AM

،‘

عليها الملام ولا عليها السلام أبدنّ
يديناً تبي قصرة يدينا .. ولا طالت

ضنـاني الشوق

05-10-2011, 04:05 PM

http://www.almlf.com/get-3-2011-almlf_com_vjjno0fv.jpg

http://www.almlf.com/get-3-2011-almlf_com_k0mq0ip3.jpg

http://www.almlf.com/get-3-2011-almlf_com_420tst6y.jpg

ضنـاني الشوق

08-10-2011, 10:10 AM

.

يقولون آلعرب مآهي تضيق إلآ على آلمعتآز !
ولكـن في آلحقيقـه مآتضيق إلآ علـى آلخمـه

رضيت بـكل مآ ربي قسم لي وآلنفوس إعزآز
ولـو دحـدر بي آلحظ آلـردي مـآ أفآرق آلقمه

ضنـاني الشوق

08-10-2011, 10:15 AM

.

فرصه على كف الليالـي و فاتـت
و العمر مقفي و الليالـي مدابيـر

و لا صارت احلام المقابيل (ماتت)
الله يعوّض من يعضّ الندم خيـر !

ضنـاني الشوق

08-10-2011, 03:38 PM

،‘

يا صآحبي لاتلوم الحظ فـ أحلآمي
أحلآمي أكبر من أن حظي يحققها !

ضنـاني الشوق

09-10-2011, 09:22 AM

انــتــي مــثــل أحلامي المسـتـحـيـلـه=صدّقتـهـا .. لـــو إنّـهــا مـــا تـصــدق
بـالـرغــم مـــــن إنّ الـمـسـافــه طـويــلــه=مـــا بيـنـنـا , لـكــن عـجـزنـا نـتـفـرّق !
جيتـي جميلـه وإنْ رحلتـي جميلـة =و الحلم ( يحلى أكثر ) .. إذا ما تحقّق !

ضنـاني الشوق

09-10-2011, 04:02 PM

.

آحن لك أكثر من الموت .. للسآجد
................واشتآق لك كثر مـ أسجد واحتري موتي

ضنـاني الشوق

10-10-2011, 08:54 AM

،‘

لا تـطق الـ صـدْر وَ ضلــوعك ( رِديـْـه ) .!

ضنـاني الشوق

12-10-2011, 08:26 AM

.

من لا نشد عن ضيعته في شبابه
لابد يبكي ضيعة العمــر لآ شآب

ضنـاني الشوق

12-10-2011, 12:39 PM

.

مثل مآ برقعوا طير الهداد الحرّ والشاهين
انا برقعت قلبي .. والمحبّـة سجن راعيها

ضنـاني الشوق

15-10-2011, 11:28 AM

.

ماني بمعطيك قلبي ثم تجفاني
................ولانيب معطيك روحي وانت قاهرها
القلب قلبي انا ماهولحد ثاني
.................والروح روحي وانا ماودي أخسرها
والفرق مابينك أنت وبين عدواني
...............هم يظهرون الخناجر وانت تسترها

ضنـاني الشوق

16-10-2011, 03:15 PM

.

طلبت (الله) ينسيني ملامح وجهكِ .. بِـ ثاني
وكل وجهٍ لفى عقبكِ ؟ تفاصيله /- تفاصيلكِ !

ضنـاني الشوق

16-10-2011, 03:20 PM

،‘

قال: أعتذرلك قلت: مايلحقك لوم ..!!
.................صد القدر , / ولا مشآأإعرك وفـت
لا تعتذرلي , منت بـ العذر ملزوم
................. نظرتك عن صدق المعاذير كفـت !

ضنـاني الشوق

16-10-2011, 03:28 PM

.

وإن طال .. بال الليل .. قل للسواليف
بوح السهر من ضيقة الصدر عايف .. !

ضنـاني الشوق

16-10-2011, 03:29 PM

.

اللي ترك في " داخلي " صوته و غاب
وينه " يحرر " صرخة " الصمت " فيني
على الوطن محسوب من ضمن الاغراب
مجهول , في " كل " الشوارع , حنيني
وينه ؟! تعبت " احط " لـ غيابه اسباب
ما اشوف غير " الخوف " بينه و بيني

ضنـاني الشوق

16-10-2011, 04:08 PM

.

انا الفـقير اللـي ( ملك ) حلم ، واشعار
....................وانا الكسير .. اللي ملآ وجهه ، الضحك

كنـت اتـمنى ، ، تجمع احلامنا ( دار )
....................ولا ينكسر قلبي .. ، ولا الوقت يجرحك

واليوم : ، تبعدني عن عيونك .. ديـار
....................وتحاول ، اتـكابر ،، وهـ / الدمع يفضحك

ضنـاني الشوق

17-10-2011, 09:34 AM

.

الـآ يَ رَبّ "غفرانكـ" إذا جِينَـاكـ فِي المِيـعَآد
عَرآيَا .. مَ علينَا إلاّ الذنوبْ وقِلّة الحِيلَهْ

ضنـاني الشوق

17-10-2011, 12:29 PM

.

مَ يطلّع الروح وإلا القلب عن طوُرة
إلا لا مرّيت صوبـي وأنت مو صوبـي

أبسألك ليـه عاف الغصن ، عصفوره
وأبسألك ويـن طآرُوا بك وطآرُوا بـي

خنقتنـي شعـر / والأقـلآم ، مكسُورة
ﻻ شفت ظلمك معآي أستصغر ذنوبـي

حزينْ ، وليا اسألونـي قلت : مستورة
للحين أحبكّ / وكـل النـاس يدرُوبـي

ضنـاني الشوق

17-10-2011, 03:36 PM

،‘

الله يرحم ابوي الشاعر الشادي
اللي قصيده يسولف للفضا عنّه

اليا طرت لي ملامح وجهه الهادي
اقول جعل الملامح ذيك للجنّه}

ضنـاني الشوق

19-10-2011, 09:14 AM

.

كنا بـ هالدنيا بيـاض
ولنا قلوب ٍ طامعه
:
انا رحلت من الرياض
وانتي تركتي الجامعه

ضنـاني الشوق

19-10-2011, 09:17 AM

.

منهو رحل لايحرك داخلك سـاكن
والعين تبقى ولو طاحو غواليهـا

صح ننجرح من اعز احبابنا لكـن
لازم نعيش الحياه بكل مافيهـا

ضنـاني الشوق

19-10-2011, 09:44 AM

.

مع فارق التشبيه مع شاسع الفـرق
..................دمـــع الـخـشـوع ولا دمــــوع الـمـآســي
يطيح دمعك مع نغم (كوكب الشرق)
................ويطيـح دمـعـي لاسمـعـت (العفـآسـي)

ضنـاني الشوق

30-10-2011, 09:11 AM

.

باااك

لـ الديره والركن

ضنـاني الشوق

30-10-2011, 09:12 AM

http://up.wyana.net/uploads/_wyana_12860666311.jpg

من بياض الحلم جيت امسح سوادي
ودي اني احضن احلامي واطير
:
يستهيض الحزن من ريشة عبادي
كان غنى ( المهم ترجع بخير )

ضنـاني الشوق

30-10-2011, 09:27 AM

::

تقصـر حروفـي دون بعـض التعابـيـر
..................... وتصير لو حاولـت مـن غيـر عنـوان
واكبر دليل انه يجـي الحـرف تقصيـر
........................اسـبـوع ماعـبـرت عــن فـقـد سلـطـان
ياالله عسى الجنه سكن راعي الخير
..................... اللي ملا الدنيا وهـو عايـش احسـان
تبكـي عليـه النـاس والارض والطـيـر
....................... بـدمـوع تشـبـه بـالألـم دمــع سـلـمـان

ضنـاني الشوق

30-10-2011, 01:55 PM

.

الــمــجــد و الاحـــســـاس بـالـحــريــه
....................... اصـبــح مـصـيــر الــثــوره اللـيـبـيـه !
والـبـوصـلــه تـشــيــر بـــــان الــقـــادم
.....................راس (النعامه ) قبل (ناب الحيه )!
يـعـنــي بـــــدون مـجـامـلــه يــاســـاده
...................... (الشرق الاوسط ) قالب الطاقيـه !
مــاعــاد نــعـــرف ذيــلـــه ولا راســـــه
...................... (الـداخـلـيـه ) تـنــهــب( الـمـالـيــه )!
وانـــــا ســـعـــودي يـفـتــخــر بـــبـــلاده
..................... امـــن ورخـــاء واحكـامـنـا شـرعـيـه!
كــــلٍ يــــردد مــــن ضـمـيــرٍ صــافـــي
.....................سـلامـة( العـاهـل ) هــي الحـريـه !
مـاعـاد نبـغـى غـيــر شـوفــه سـالــم
....................يعـرض بسيـف العرضـه النجـديـه !

ضنـاني الشوق

30-10-2011, 02:07 PM

،‘

يامعتني في ثوبك وسمعتك ماش
.......................ثوب ٍ نظيف وداخل الثوب جثه

عزالله اللي سمعته كنها الشاش
.....................مرتاح لو يلبس له ( ثياب رثه ) !

ضنـاني الشوق

30-10-2011, 02:23 PM

.

http://www.mergab.com/up/uploads/13150351841.jpg

ضنـاني الشوق

31-10-2011, 08:52 AM

.

علمني الوقت ما آشره على الغالي
.................... ولا آتشره على العالم آذا ( صـدت )
آن جابه الحب ولا يابري حآلي
...................عمر المشآريه ( لا جآبت ولا ودت )

ضنـاني الشوق

31-10-2011, 09:03 AM

.

ياصاحبي في ظروفنا .. مالنا : يد
....................لابد .. ما تآقف بـ / يوم .. المسيره

الأمر : ما يستحمل الأخذ , والرد
...................لكن ( عسى ما تكره النفس خيره ) !

يوم إني أمهّد لك .. البعد / والصد
.....................لأني .. أعرف إن النهايه .. مريره

ضنـاني الشوق

31-10-2011, 09:27 AM

شطحه ..

http://www.mergab.com/up/uploads/13080287771.jpg

ضنـاني الشوق

31-10-2011, 01:17 PM

::

ربي أرحم من تبع هدىّ ( الرسول )
وأربط الظالم بـ [ حبلٍ من مسْد ] !

كلنا .. من شدة ( الغيره ) ..! نقول
يسقط .. :- معمر و بشار اللأسد !

ضنـاني الشوق

31-10-2011, 01:20 PM

.

ماعاد .. تغريني معاك .. ( المواعيد )
من يوم صار ( الشك ) .. بينك وبيني

خلاص أنا .. ماني بـ [ محتاج ] للعيد
كلمتك هاذي : - جابت العيد فيني .. !

ضنـاني الشوق

31-10-2011, 01:43 PM

.

أزرع على ( قلبي ) من الحب ، واغرس
........................ قلبي خضر من كثر ماحب ، ( حصه ) !!

مأواطن [ التأخير ] يوم اني ( أدرس )
........................ عشان مايقولون ..! [ فاتتك حصه ] !؟

http://www.tfasel.com/vb/images/smilies/biggrin23.gif

ضنـاني الشوق

31-10-2011, 02:35 PM

.

مرهـ معي / وأمرآر في دبرة الغير
....................جرحك برآ وآنا جروحي مقيمه
ان غبت .. ماجت من سموك معآذير
..................وان جيتني .. قلت النوآيا سليمه
أمآ تخاويني على الشر والخير
................ولآ السلامه منك .. رآس الغنيمه

ضنـاني الشوق

31-10-2011, 03:57 PM

‏َ!̴ ,♥
-̴-̴-̴-̴--̴-̴-

اي والله أضنآني على شوفه الشوق
......................... وآنا فقير ورآس مالي مشآعر

__̲_̲_̲_̶̲_̶̲̲_̶̲̲_̶̲̲_̶̲̲_̶̲̲_̶̲̲_̶̲̲_̶̲̲_̲_̲_̲ _ ✽̶

ضنـاني الشوق

05-11-2011, 06:52 PM

.

والله مايوصف كلامي .. وجودي =الله .. ياليت الشعر ينقل الوجد
أنا عقب فرقاك "طالب سعودي" =مسجون فـ أمريكا ويبكي على نجد

ضنـاني الشوق

05-11-2011, 06:57 PM

::

قالوا : ان العيد , جمعـات وفلـوس !! =قلت : بـ اصول الادب والقافيه
والله ان العيد يوم اني ابوس= راس أمي .. وهي بخير وعافيه

ضنـاني الشوق

12-11-2011, 07:37 AM

.

ما انت ب مثل الاعياد يا عيد الأضحى ،
.........................خص السنة هذي ب وجهك تجاعيد .. !

ل الحزن ما ودي عن الفرحة .. أنحا ،
..........................حسب الشريعة ، و إحترام التقاليد .. !

أنام و أصحى و أرجع انام و أصحى ،
.......................ما أبغى أحس ب غيبته في ضحى العيد !

ضنـاني الشوق

12-11-2011, 08:23 AM

::

يالاجودي بعض السوالف فضيحه ,
أعلمّك ... لكن [ ما تنتعلّم ] . ,

إن كان لك قلب ٍ يضّم النصيحه ,
خلك على شكلك كذا .. لا تكلّم !

ضنـاني الشوق

12-11-2011, 09:42 AM

‏َ!̴ ,

صارحيني .. وأحيي اللي من سنين
................ خافقه : - له كم .. ماجاه الحيا !

ليه ماقلتي ( أحبك ) ؟ . تستحين ؟
................ الحيا في هالوضع ، ( قِلة حيا ) !

ضنـاني الشوق

13-11-2011, 10:34 AM

.

شاعرك [ ياركني ] عن الشوق ماتاب
يشتاق لك .. فـ ( الثانيه والدقيقه ) ..!

غاب .. وغيابه عنك ، له عدة أسباب
ربو .. ولحميه . وكحه .. وضيقه .!

ضنـاني الشوق

13-11-2011, 10:49 AM

.

عايدني ( بدمعـه ) ونظـرات مقهـور
وعايدتـه ( بفرقـا ) .. وماعـاد عيـده

ما يّجبر الخاطر اذا صـار مكسـور
جبر الخواطر غير جبر القصيـده !

ضنـاني الشوق

13-11-2011, 12:16 PM

::

ليه ماكنتي على قد ( الحنين )
................... كيف طاح .. ( الحلم ) , وانتي واقفه
حاسبي قلبي على ظلم السنين !
....................... بنصرك وآقف معك .. ( واخالفه )
واجرحيني بالعتب .. لا تسكتين
..................... اجرحيني .. وادري انك آسفه ..!!

ضنـاني الشوق

13-11-2011, 03:10 PM

.

أنا ما أعرف برب ولا أعرف تيت ,
هذا نظام : ( اللي مضيّع : نظامه ) !

إن كان جيت .. أقول ياربعنا : جيت
وإن كان رحت أقول : مع السلامه !

ضنـاني الشوق

14-11-2011, 07:48 AM

,’

ياصاحـبـي ملـيـت اخــاف المـواعـيـد
.....................مدري وش اللي عن حياتي ربطنـي
مانـي بحاجـة ثــوب وشـمـاغ للعـيـد
.................... ان كان عندك قلب للعيد .. عطني

ضنـاني الشوق

14-11-2011, 08:12 AM

.

من أول ازعل واعاتب يوم تجفاني
................. اجيك مشتاق .. واقفي منك متعكّر
واليوم والله ولو تقفي وتنساني
................مالي ومال المرض والضغط والسكر

ضنـاني الشوق

14-11-2011, 01:07 PM

.

الحب [ كائن حي ] .. بين ( الطرفين ).!
( الهجر ) قبره ، ( والمعاناه ) لحده ..!

ودام المحبه من ( طرف ) ي أريش العين
صعبه تصفق فـ ( الهوى ) بِـ يد وحده ..!

ضنـاني الشوق

14-11-2011, 02:22 PM

.

كل شي .. مبطي فاقده مرني . اليوم
وشكرت ( ربي ) من عطاه وحمدته

أحس وأصلي مع الناس .. وأصوم
حتى ( عدوي ) ..لا نجح ماحسدته

ماني ( نبي ) الله من الذنب معصوم
اذا حصل مني ( خطاء ) ماقصدته

باقي جواب لغربتي ( شبه معدوم )
واخاف .. أموت بغربتي ماوجدته

ياطول ليل الصيف لا صرت مهموم
وياقصر ليل البرد لامن رقدته ..!

عمري وصل عشرين ماقلت محروم
إلا بعد مامات ( إبوي ) وفقدته ..!

ضنـاني الشوق

15-11-2011, 08:12 AM

::

أنا يتيمك [ وصل وإحسآس وشعور ]
أكفلني ! وأنوى اجري لـ أحد والدينك |

ضنـاني الشوق

15-11-2011, 08:14 AM

*

النـآس لـ الناس | هذا كان من مبطي
هـ الحين من يخدم العالم .. وسايطها

ماعاد ندري من الصايب | من المخطي
ومصالح الناس .. راحت في خرايطها

ضنـاني الشوق

15-11-2011, 02:32 PM

.

جانا الشتاء / والمفارق ماهو بوقته
ياحر صدري على قربك ويا بردك

لو يرجف العمر في فرقاك - صدقته
لا تترك البرد ( ياخذ راحته ) بعدك

ضنـاني الشوق

15-11-2011, 02:40 PM

,'

أحسب إنّك شيّ .. وَ أثرك شيّ ثاني
ليتنِي ما كنتَ أظنّك .. وَ أحسب إنّك
و إلا أنَا مهـمَا تغيّر بي ... " زمانِي "
عند ظنّك ، عند ظنّك ، عند ظنّك http://www.alqanas.com.sa/vb/robben/smile/017.gif

ضنـاني الشوق

16-11-2011, 08:52 AM

.

‏البرد قاسي و ذكرى حبنا أقسى
....... و مع قسوة الذكريات الليل يا طولة

كسرت صوت يناديني يقول إنسى
...... و لي رغبة في سما النسيان مشلولة

ضنـاني الشوق

16-11-2011, 11:09 AM

::

لكٌ عـيونيٌ مطـرح وٌرمشيٌ غطـآٌكٌ
........................ آبـركٌ آلسآعـآت .. ي آبـركٌ مٌـن لفـآ ..!!

لآتخـآف آلبرد وٌضلــوٌعيٌ غضـآكٌ
.......................... آحطــب آقرب ضلـع وٌآبشـر بـ آلدفــآ ..!!

ضنـاني الشوق

16-11-2011, 02:42 PM

،

لكٌ عـيونيٌ مطـرح وٌرمشيٌ غطـآٌكٌ
..............................آبـركٌ آلسآعـآت .. ي آبـركٌ مٌـن لفـآ ..!!

لآتخـآف آلبرد وٌضلــوٌعيٌ غضـآكٌ
..............................آحطــب آقرب ضلـع وٌآبشـر بـ آلدفــآ ..!!

http://www10.0zz0.com/2011/11/15/22/899033294.gif (http://www.0zz0.com) | . .

:rolleyes:

توارد عفووي

والحقوق محفوظه لمن سبق ;)

ضنـاني الشوق

16-11-2011, 02:43 PM

.

‏لآ تنبش .. إجروح فرقآنآ .. على الفآضي
.................... اللي / حصل بيننآ .. يآ صآحبي .. خلَّه !
هذآ الفرآق وحصل .. لآ تنبش المآضي !
.................... في / دآخلي جرح .. مآ يعلم به .. إلآ الله

ضنـاني الشوق

16-11-2011, 03:05 PM

http://im13.gulfup.com/2011-11-16/1321448613591.jpg

:D

ضنـاني الشوق

19-11-2011, 08:10 AM

‏
اثر الفرح كافـر وفالمـده بخيـل=واثـر الليالـي لاتقفّـت تقـفّـت
مليت من كثـر التعـب يارياجيـل=لا البرد يذبحنـي ولا النـار دفّـت
كلمة ( فرح ) عندي مثل كذبة ابريل=قطرة آمل لاوصلـت الارض جفّـت
والضحكة اللي تجلي الهـم فالليـل=لابان نص الخيط الابيـض توفّـت
ولاجيت ابشرب من غسول الفناجيل=قامت رقآب اهل القهـاوي تلفّـت

ضنـاني الشوق

19-11-2011, 10:43 AM

.

‏ياكثر شرهاتك ولو مـا معـك حـق
................تخطـي ويدمـح جـرح زلتـك شوقـي
لو كل زلّه منك في حقي .. بحق
..................والله لتـبـطـي مـــا تـوفّــي حـقـوقــي

ضنـاني الشوق

20-11-2011, 01:36 PM

.

يآ آلله إنك [ تبسط آلرزق ] لـ عيون "آلفقير"
يآ / آلله إنك مآ تحـدّه علـى بـآب " آغنيـآء "

ضنـاني الشوق

21-11-2011, 07:46 AM

http://im19.gulfup.com/2011-11-20/132185427331.png

نصفي كويتي ونصفي الثاني سعودي
....................واللي يبي يقول عني مزدوج كيفه
يوم العراقي حشد جيشه على حدودي
.....................قام اخو نوره تعزوا ثم رفع سيفه

ضنـاني الشوق

21-11-2011, 08:07 AM

.

دآم حَرفي ”ص آ ر” فِ وصَفك خَجول
مَـا آظن الآرض .. شآلت لك ” شَبيه “

ضنـاني الشوق

21-11-2011, 08:15 AM

.

http://im11.gulfup.com/2011-11-20/1321855966441.jpg

:cool:

ضنـاني الشوق

21-11-2011, 11:29 AM

(١)
احترقت مدرسة خاصة في مكان ما في هذا العالم .
ما الذي حدث ؟
- امتدت نارها إلى كافة الجهات ، وتحوّل الخبر إلى قضية رأي عام شعبي .
- قُدم مالك المدرسة للمحاكمة .
- قدّم مسؤول التعليم استقالته .
- تم دفع آلاف الدولارات تعويضات لأهالي الضحايا ، مصحوبة بعشرات الخطابات المتأسفة والمعتذرة لما حدث والتي تعد بمحاسبة كل من له علاقة بهذه الكارثة ، ومعالجة كافة الأسباب التي أدت لهذا الأمر .
(٢)
احترقت مدرسة خاصة في مكان ما في هذا العالم .
ما الذي حدث ؟
لم ينقل التلفزيون الرسمي الخبر .. كان مشغولاً ببرنامج « طبخة اليوم « ..
وإعلان : ( إنتا مو إنتا وإنتا جيعان ) .
سيُمنح مالك المدرسة تصريح جديد لافتتاح مدرسة خاصة جديدة .
لم يعتذر مسؤول، ولم يقدم أي أحد استقالته .
أحد الكُتاب سيقول : لا تكبرون الموضوع !
أحد المشايخ سيقول : قضاء وقدر !
أحد رجال الأعمال سيستغل الوضع : محتاجين زيادة الدعم « عشان الطفايات « !!
أحد أولياء الأمور سيقول ... لا ، لم ولن يقول أي شيء .. كان يبكي على الرصيف .
(٣)
احترقت مدرسة في مكان ما ..
كم من الأشياء التي احترقت قبلها ؟
غابت أدوات الأمن والسلامة ..
كم من الأشياء التي غابت قبل أن تغيب « طفاية الحريق « ؟
لا بد من معالجة الخلل .. أي خلل تقصد ؟ .. فكل خلل كبير هو ابن خلل أكبر ..
وكم ( لا بد ) نحتاج لكي تبدأ المعالجة ؟!
سوف ... سوف ماذا؟ .. وكم ( سوف ) قيلت قبل هذه الـ ( سوف ) الأخيرة ؟!
احترقت مُعلمة .. لا ورب الكعبة .. بل : احترق التعليم .
(٤)
احترقت مدرسة في مكان ما ..
احترق قلب في صدر ما ..
احترقت النزاهة ، والقانون ، في مكان ما ..
فإذا لم تنتهِ حتى الآن محاكمات الفاسدين الذين يقفون وراء غرق جدة ووفاة العشرات فيها ..فهل نتوقع الانتهاء من سلامة المدارس قريبا ؟!

الكاتب
محمد الرطيان

ضنـاني الشوق

22-11-2011, 09:36 AM

http://six6bands.files.wordpress.com/2011/09/twitter_follow_us.png

ذوقك يحدد ' قيمة ' الاشياء
لجل كذا .. تابعتك و جيتك
ذايقتك الأجمل بلا استثناء
رتوّت .. وانا اتابع رتاويتك

;)

ضنـاني الشوق

22-11-2011, 09:58 AM

http://im12.gulfup.com/2011-11-22/1321948643721.jpg

واللـه ان ( الجو ) ذا كنـه يقول
لاتــداوم / لاتــداوم / لاتــداوم
وقامت الفكره على بالي تجوُل
وقمت اقاومها ولاكـن ما تقاوم

:D

ضنـاني الشوق

22-11-2011, 02:25 PM

.

الطقس له شغل ف الاحساس
....................هالشي أنا مجربه .. والله
ف الغيم أسامح جميع الناس
................وف العج .. ادور على الزله

ضنـاني الشوق

23-11-2011, 02:13 PM

.

يانجد لا تشكيـن مـن بعـد سلمـان
......................لـيـا مـتــى يـصـيـر أمـيــرك لـحـالـك
كل الحدود تموت في طير حوران
....................شرقـك وغربـك والجنـوب وشمالـك
أضفا عليها كموم بشتـه كحيـلان
.....................يـوم فقـدت سلطانهـا قـال أنــا لــك

ضنـاني الشوق

23-11-2011, 02:59 PM

.

الاصل من نجد واللهجه كويتيه

لا قالت "امبيه" دورني ماتلقاني

ضنـاني الشوق

27-11-2011, 08:07 AM

عام مضى يا اعمارنا وابتدا عام
..................... انا اشهد ان ايامنا قامت تطير
لا ماتحسفنا على ماضي الايام
...................مير السنة هذي عساها سنة خير

ضنـاني الشوق

27-11-2011, 08:21 AM

.

في داخلي بوح ماينقال يامحمد
....................مدري متى اعتقه مدري متى اقوله
اشب فـ الذكريات النار وترمد
.................. وامد عمري على حلمي وماطوله ..!!

ضنـاني الشوق

27-11-2011, 08:38 AM

.

قد قلت لك .. ( بكره ) زمانك يردّك
ودآر الزمان الشين فيني ، وجيتك !

ضنـاني الشوق

27-11-2011, 03:12 PM

.

ردو سلام اهل القلوب المواليف
على الوليف اللي نشد عن وليفه

ردوه لعذوق النخيل المهانيف
وعلى القصور اللي بوادي حنيفه

ضنـاني الشوق

28-11-2011, 08:03 AM

.

اللي يدور لـ الدفا يشري سمر
........................ويشب نار وينثبر في جآلها
ويقلط على الدله ومقدآع التمر
...................ويخلي آحضان العرب في حآلها

:p

ضنـاني الشوق

28-11-2011, 01:13 PM

.

وين العزا .. ماعاد في العمر مرباع
......................الجذع يابس واخضر الغصن مقطوع
وسود الليالي جرحها بين الاضلاع
...................ما يندمل في عام .. في شهر فـ اسبوع

ضنـاني الشوق

29-11-2011, 02:33 PM

.

آلشوق مُلحد وبرد آلوقت نصرآني
................والحب جآير ملك .. قلبي ولا خلى
وحتى آلوفاء آعلن إسلامه علشآني
...............وآلمشكله آعلن آسلامه .. ولا صلى !

ضنـاني الشوق

03-12-2011, 08:33 AM

.

أحبك طفل أعمى قاضب ثوبك يخاف يضيـع
....................وأحبك شايب ٍ قـرب يمـوت بغيبـة عيالـه

وأحبك نظرة عيون ٍ غزتها حسّـرة التوديـع
....................وأحبك وردة ٍ ماتت ولا جـا اللـي بتهدالـه

وأحبك منظر الثلج إن بدا فوق السفوح يميـع
.....................كأنـه دمعـة الحـر السنافـي بيـن عذّالـه

وأحبك.. غيم عيّا لأمر نفخات الهبوب يطيـع
..................حلف مايعطي إلا نجد نـزف الحـب وظلالـه

وأحبك ريح تنثرني قصايـص مالهـا تجميـع
....................وأحبك شي في نفس العطـر ليديـك ماقالـه

وأحبك صرخة ٍ فيها سوالف رحلـة التلويـع
....................وأحبك عاشق ٍ ماتـت حبيبـة عمـره قبالـه

وأحبك سر مايخفـى ولايمكـن بيـوم يشيـع
..................وأحبك شمع كله ذاب مايدري مـن أضوالـه

وأحبك مجلس أجواد ٍ مشرع بابهـم تشريـع
...................والى جامن هجدهم قبـل يقعـد جـاه فنجالـه

وأحبك غبنـة ام ٍ عقدهـا ياللأسـف مابيـع
................ولدها صابه اللي خذ قبل حول السنـه خالـه

وأحبك طفلة ٍ تحبي على صدري وأخاف تضيع
...............وأحبك شايب ٍ ضمّ وكسر ضلع أصغر عيالـه

ضنـاني الشوق

03-12-2011, 09:43 AM

.

ياصاحبي : جرحي من الوقت دامي
......................ولا قتلني .. غير كثرة تهاونك
آسف على ازعاجك بـ.. كثر اهتمامي
....................يشكرك قلب ٍمونس ٍ طعنته منك
أبيك تحفظ في غيابي .. مقامي
...............وتبيحني لا اقفيت في اقفايتي عنك !

ضنـاني الشوق

03-12-2011, 12:04 PM

.

ان كان ودّك .. تصبح انسان ناجح
نـجـاح غـيــرك .. لاتـعـدّه فـشل لـك !

ضنـاني الشوق

03-12-2011, 03:00 PM

كان حبيبها قبيح الوجه ...
لكنها كانت مهووووسه به لدرجةً جعلته يرى نفسه جميلاً

فـ خانها مع أُخرى .. !!!!

ضنـاني الشوق

03-12-2011, 03:10 PM

.

جاء بعد غيبه يبرر لي ودآعه
................ابتسمت وقلت ياخلي : مووفق
تجربه من عشتها عندي قنآعه
.................إيد وحده بالمحبه .. ماتصفق

ضنـاني الشوق

04-12-2011, 09:32 AM

::

(أبتـعدتي)...وأبتـدى...ليل ٍ طويـل
................الطواري...صـدق...(مـلعـونة ثوى)

(الجفا)...متحضن الرمش...الـظـليل
................والخفوق...اللـي تـعـلق بي...قـوى

كنت أظنه...بالهقاوي...(مـستحيل)
...............والأكـيـد أنـه...على الفرقا...ضوى

ضنـاني الشوق

04-12-2011, 09:40 AM

http://profile.ak.fbcdn.net/hprofile-ak-snc4/276909_258162117556883_1723533537_n.jpg

‏‏‏‏‏‏‏(بلاك بيري) وش بقا وش خلا
الناس ( باستخداماته ) مغشوشه

ما بين وكز (ويمقن اي يمقن لا)
ضاعت ثقافات العرب بالطوشه

:D

ضنـاني الشوق

06-12-2011, 07:40 AM

.

لآ تقول آبغى وفآء وآبغى حنينْ
.................( آلهـوى ) كلّـه دروبِ عآآتمـهْ
(لآ طلبت آللّه) عليك بِـ/ حآجتينْ
................آطلب آلجنّه / وحسن آلخآتمهْ

ضنـاني الشوق

06-12-2011, 09:18 AM

::

جآكَ عمريّ وشْ ورىٌ عمريُ تبــي !
خآف ربـكَـ .. مآملـىَ عيـنكّ عمـرْ !!

ضنـاني الشوق

06-12-2011, 10:17 AM

,،

قفى وهو من حسرة النفس مصدووم
...................قفى , .. ويومه راح / كان يتّلفَت !
فـي نظرته زحمـة أحاسيس وهموم
.....................كنه يقول ( إن السعاده توفـت ! )

ضنـاني الشوق

07-12-2011, 08:17 AM

.

صبـآٍحَ آلبُردِ فٌيُ خيمُمُمُهً
. . . . . .. .. وٌ وٌقدتهـآٍ جرٌوٌوٌم آلرممُـــــث
وٌعليهـآٍ ُمٍـــنُ مٌعآمٌيـــلٍ
. . . . . .. .. آلسٌسًنآإُفٌــــــيٌ مٌآٍ يجمملهـــآٍ ,,

http://vb.tgareed.com/images/smilies/55.gif

ضنـاني الشوق

07-12-2011, 11:31 AM

.

اللي معاه ريـال بيساوي ريـال
............ ياصاحبي هذا زمنا زمن : قرش ..!

حتى لو أنت معّرب الجد والخال
........... ان مامعك في ذمتي تنكرش كرش ..!

ضنـاني الشوق

07-12-2011, 02:39 PM

::

قلوب تشبه لون / صافي جبينك
................. وقلوب تشبه لـون / ظلمة نواعسكّ ..!!

صنفتها مابين .... زينك وزينك
.................اصلاً لان الزيـن ... بالحيل حايسكّ ..!!

ضنـاني الشوق

07-12-2011, 03:23 PM

http://up.arab-x.com/Nov11/BcQ64619.jpg

ياصعب وصل اللي عيونك تخيله
...................كنـه سـرابٍ ينتحــــي كــل مــا طــــرد
لا تـعـتــذر بــ أقــدار وقــــتٍ بـخـيـلــه
.................. إحســــاس خلك فـ القواميـــس ما ورد

ضنـاني الشوق

10-12-2011, 07:44 AM

::

غابت سماء زرقا .. وشمس وهبايب
ولا بقى لي غير .. ليل وبعض هَـمّ !

يسألني العالـم .. عـن إنسـان غايـب
وعجزت من حزني عليـه .. آتكلـم !

ضنـاني الشوق

10-12-2011, 10:08 AM

.

ما للبيوت العامـره طعْـم يـا حمـود
.................إذا خلَت في يـوم مـن حـسّ شايـب

بيبانهـا طرْمـا وجدرانـهـا سُــود
..................ويصفـق نوافذهـا .. قـويّ الهبـايـب

ضنـاني الشوق

10-12-2011, 11:45 AM

.

( الدين ) و ( العـرف ) و ( الشيبان ) و ( الــعــفــه )
................................. ( أربع تحد الرجل عن معظم أفعاله )

و ( النهد ) و ( الردف ) و ( الخدين ) و ( الشفه )
.................................. ( أربع تحد الرجل يجني على حاله )

ضنـاني الشوق

10-12-2011, 12:09 PM

.

بغيت آحطك بـ ركنيّ بس خآيف عليك
مآ آبي تشوفك عيونٍ فيه . . متطفله !

يآ غآية آلروح مآلك في حيآتي شريك
آلركن لو يزعجك .. ( وآلله ) لآ آقفله

ضنـاني الشوق

10-12-2011, 12:28 PM

.

البنت هذي .. تتابعـني .. و اتابعـها
من غير ما تلتفت لـ أحساسي البادي

اقـرى مواضيـعها .. و افهم دوافـعها
وارتاح لآ شفتها في [ ركني الهادي ]

http://www.htoof.com/vb/images/smilies/22.gif

ضنـاني الشوق

10-12-2011, 02:15 PM

.

تدع ـي علي بـ عذآب آلنـآر
.................... قلت آنتي آليوم منجـنه

قــآلت شســوي ع ـليك آغآر
............... حـتى من آلـح ـور فــ آلج ـنه

ضنـاني الشوق

11-12-2011, 08:19 AM

.

يـآ فآتنه كلّ إلبني ( بدوّ و حضر )
..............يـآ سآلبه شوف إلبشر و عقولهـآ !
يـآ مجرمه ، يـآ طآغيه ، يـآ أم إلخصر
.................يـآ حآقره كلّ إلبنيّ من حولهـآ !
( شـيله ، عبآيه مآركه ، برقع صقر )
.............لبّـآ إلملآبس » لآرجهـآ و سمولهـآ !

ضنـاني الشوق

11-12-2011, 10:32 AM

،,

خبيرة التجميل لوّ إنها ( جويل )
لا يمكن تضيف لجمالك ولاشيء

يمكن تصوّر معك يا فتنة الجيل
وتقول : أجمل بنت صورتها ذي

ضنـاني الشوق

11-12-2011, 10:47 AM

http://up.ta7a.com/t7/nUM18209.jpg

ماني بـ والله يمّكم .. واتركووني
..............اشرب من الشآهي وآغني على الضّو

لاريـال مدريدي .. ولا برشلوني
.................أنا بـ جو .. وبآقي الناس في جو !

ضنـاني الشوق

11-12-2011, 03:03 PM

.

أتسوّل الوصل ../ من كف الغياب الشحيح
و يمد لي ملء كفّينه [ عذاب / و .. جفا ]

ضنـاني الشوق

12-12-2011, 10:45 AM

.

لا تحتري " دمعه" تواسيك لأجلك
................لاتحتري عطف الأوآدم / تجاهك
إسحب بساط الحزن من تحت رجلك
................وإرفع مقام علاقتك مع [ إلهك ]

ضنـاني الشوق

12-12-2011, 01:51 PM

.

انا هنا حصري لهم .. صدقوني
................ لو انهم ماهم هنا ما تكلمت
اللي مسآويهم غلا مع عيوني
.............مشاعري قدامهم تعشق الصمت

ضنـاني الشوق

12-12-2011, 02:31 PM

http://up.arab-x.com/Nov11/iyk92876.jpg

تعطيني ايدينها وتقول لي : إمسك
....................... شف كيف جسمي لاعاد تقول دبدوبة
وإن قلت عادي أبوس تقول:مع نفسك
....................... وإن قلت بزعل عليك تقول لي:توووبة

ضنـاني الشوق

13-12-2011, 08:06 AM

::

سبحآن من مآ بيني وبينه وسيط
أرفع له ايديني .. وأقول اللي أبي

ضنـاني الشوق

13-12-2011, 11:06 AM

http://up.arab-x.com/Nov11/Ee466755.png

أن كآن آبلهم بهم تآرد على آلجمّه
...................و محدٍ ليا شافهم يقدر يحدحدها
حنآ [ هملنا ] لو آلعدوآن ملتمه
.............. آوسومها.. اللي على آلجمّه تورّدهآ

ضنـاني الشوق

13-12-2011, 03:08 PM

.

دايم الانسان , تنحا به ظروفه
بس يقهرها ، ولا تحني وقوفه
لا تعذّر بالظروف وبالمشاغل
اللي بقلبه صلاته ماتطوفه ♥

ضنـاني الشوق

14-12-2011, 08:22 AM

.

شكراً من الاعماق و( الشكر واجب )
لـ الشرهه اللي .. بين نفسي وبيني !
حطيت لك جفني عن الناس( حاجب )
وفضحت عمرك .. يوم فارقت عيني !

ضنـاني الشوق

17-12-2011, 08:25 AM

.

لاحد ينشد عيوني ويش محزنها ؟
اليوم بالذات ... اخلاقي تجاريه
الفارع اللي بوسط القلب مسكنها
ودعتها , وكل حيً راح في حيه

ضنـاني الشوق

17-12-2011, 08:38 AM

لا تكن من هؤلاء الذين يهدون الأثرياء الهدايا الثمينة ..

ويعطون الفقراء ملابسهم المستعملة ..!

ضنـاني الشوق

17-12-2011, 11:57 AM

,’

اصمت عن الجاهل اللي خانه لسانه
الصمت نور الحكي في عتمة الجاهل

وارقى على المجد لين تحط لك خانه
الاسم والصيت , ما ينجآب بـ السـآهل

ضنـاني الشوق

18-12-2011, 10:10 AM

.

وسحايبٍ فوق الشفق كنها قروح=على جبينٍ ما شكى كثر ما طاح
لاذت عصافير المسا في ذرا الدوح=وتنفس سراج الوهن بين الألواح
حبيبتي ضاق الفضى وين باروح=وان رحت ظلم النفس للنفس ما راح
مجروح ماهو هم لو قلت مجروح=يالله عسى ما اصير في قلبك جراح
تبسمي برقٍ على ثغرك يلوح=بشد له مدام في العمر مـرواح
غزيت وجه الصبح من غير مصلوح=وانكفت دون الشمس هقوات ورماح

ضنـاني الشوق

19-12-2011, 07:43 AM

يابلاك بيري لعنبوك انت حآيس
................حست الطبوع ووضعنا طاش ماطاش
اول مسابقنا , لصدر المجالس
...................والحين نتسابق على قرب الافياش

ضنـاني الشوق

19-12-2011, 01:55 PM

.

إن كان عآيرني على قِلة الطيب
عيبٍ علي أعطيه .. من لآيجلّه

شطراً حفظته مآيشوبه عذّاريب
الطيب بعض أحيان يصبح مذلّه

ضنـاني الشوق

19-12-2011, 02:07 PM

::

لا تفكر في إرضاء الجميع ..
لأنه عمل مستحيل لم ينجح فيه حتى الأنبياء !

ضنـاني الشوق

20-12-2011, 08:14 AM

.

لاتـرخـي خـطـام السـخـا والمعـاريـف
.....................وتــغـــرّك الـعــربــان وأنــــــت مـتـعــافــي
باكر ليـا ضاقـت عليـك المحاريـف
.....................بـانــت مـواقـيـف الــــردي والـسـنـافـي
تـــــردى بـــــك قـــــرابٍ عـــــزازٍ مـوالــيــف
...................ويظـهـر مــن الـقـوم البعـيـديـن وافـــي

ضنـاني الشوق

20-12-2011, 02:08 PM

http://forum.ro7ee.com/r7e/image_134679825_27402.jpg

كل القوافي ،، تعـَترض وتْنـآشـد ..!
.....................يا ليتكم في ( زينها ) ،، " غنيتــوَ "
إن اجتمع (عبدالمجيد) و (راشد ) .!
.......................قولوا لهــم سووَ لها .. " دويْتـَو"

ضنـاني الشوق

24-12-2011, 07:57 AM

.

في عصر ، فن العآريآت ، وطقوسه
.................جمآلك تخبيه ، سود .. العبآيآت .!
يـ ؛ حظ من حطك فـ بيته .. عروسه
...............لآنك جمعتي طيب روح وشرف وذآت

ضنـاني الشوق

24-12-2011, 09:14 AM

http://up.arab-x.com/Dec11/FWN10665.png

الله يسآمحك ... [ يآكيبورد آيفوني ]
.............يآكثر ما أكتب وأطلع فـ الحكي مخطي
مدري حروفك صغآر وتتعب عيوني
..................ولا الطفآقه مع رآعيك من مبطي

ضنـاني الشوق

24-12-2011, 03:05 PM

,،

آودعك ؟ ..
ليت الهوى لحظة ( ودآع ) !
إلى مضت ، ننسى الالم والحسافة

آفآرقك ؟ ..
ليت السفر ( يمّ وشرآع ) !
وبعد الفرآق ، إللي نحبه نعافه

لاصآر مافي البعد رآحة لملتآع !
بالله وش نفع التعب والكلآفة ؟!
من الجفآ والصد يكفيني اذرآع
لا جف نهر الحب ، مآتت ضفآفه
إملي يدك رمل وترى هذي ( القآع )
ومدي النظر تدرين وش هي المسآفه

ضنـاني الشوق

25-12-2011, 02:07 PM

.

يامن يجازي الظما , لو ماتت شياهي
ويشق صدر السحابه .. لين تسقيني
ليت الكلام , الكلام وصوتي الواهي
يحيي هشيم السوالف .. بينك وبيني

ضنـاني الشوق

25-12-2011, 02:11 PM

::

كل يوم أشوف لك فـ الهرج حاله
مرةٍ ( ترّكــد ) ومرات ( إتلقّـف )

أنت كنك جاري إرسـال الرساله
جـيـت أوقـفـهـا .. وعيّـت لا توقّـف

ضنـاني الشوق

26-12-2011, 08:37 AM

.

بـاقــي ثـوانــي .. تلـمـلـم فـيـهـن أشـتـاتــك
وأرمـيـك لـلريـح تستـافـي بـعـض ديـنــي

ضنـاني الشوق

26-12-2011, 02:51 PM

http://up.arab-x.com/Dec11/gtO03788.jpg

http://up.arab-x.com/Dec11/VVg03819.jpg

ضنـاني الشوق

27-12-2011, 07:51 AM

,،

اشكرك .. قلي كيف ؟ يا صوت السديس
.......................اسعدتني .. بتلاوة .. الذكر الحكيم
شتت هم ٍ وسط خفّاقي .. [ حبيس ]
.....................اذا خشعت.. ودمعتي ( دمعة يتيم )

ضنـاني الشوق

27-12-2011, 08:12 AM

.

هذا الفراق اللي ماظنيته يصير
.............ماهوب في يدينك ولا في يديني
لاتقّدمين مع الدموع المعاذير
............دموعك اصدق عذر يانور عيني

ضنـاني الشوق

28-12-2011, 07:44 AM

::

ياليت فيه لْـ عورة النفس جلبـاب
تستر عيوبك عن عيونٍ : تعزّك

لاصار صدرك للوِجَع فاتح الباب
وأتـفـه أحاديث البشر [ تستفزّك ]

ضنـاني الشوق

28-12-2011, 03:14 PM

http://www3.0zz0.com/2011/12/28/13/270812602.jpg

ضنـاني الشوق

31-12-2011, 08:45 AM

,،

لو أستر ضلوع الهوى بـ المعاطف
واضح على رجفة يديني : غيابك !

ضنـاني الشوق

31-12-2011, 03:19 PM

.

أحدٍ يعيش ... و همه يحصلّ القوت
..................و احدٍ ضلوعه ... لــ الاماني درايـش
كم من غني من ضيقته وده يموت
................و كم من فقير .. و طايع الله و عايش

ضنـاني الشوق

01-01-2012, 12:14 PM

.

http://im18.gulfup.com/2011-12-15/1323984152381.jpg

ضنـاني الشوق

01-01-2012, 02:39 PM

.

آن كان تسمع صوت آلآحزآن قلّي
.............آبيك تسمع من شقَى آلروح ونـّه

آلحزن رافق خافقي مثـل ظلـّي
............وآلناس......كـل قلوبهـا مرجهنـّه

♥ ..

ضنـاني الشوق

02-01-2012, 12:02 PM

.

يآخفوقي .. ودّع الحزن وتمّن
طيبك أكبر من ضجيج الألسنه
من عرفتك وأنت في هذا الزمن
تنكسر لحظآت .. وتكآبر سنه

ضنـاني الشوق

02-01-2012, 12:18 PM

,،

مدري وش آقول عن حزنك وأنا جنبك
ومدري وش آقول عن عذرك قبل تبدأ

ومدري وش آقول عن صدك وأنا آحبك
هـي [ مـسألة وقـت ] ولا [ مسألة مبدأ ]

ضنـاني الشوق

03-01-2012, 08:10 AM

.

أشوف في وقتي غدا الذيب منّذم
..................ولا الثعل مآخوذ رايه وشوره
صار الردي [ يآمر وينقاله تم ]
...............ولا السنآفي ضايع اليوم دوره

ضنـاني الشوق

04-01-2012, 12:16 PM

http://www.mobdi3ine.net/up/13243389692.png

ياللي تبي الاهداف بالطول والعرض
..............انسى طموحك لاوصلت الدعيع
ينقذ ويتصدى وهو أسـطورة الأرض
...............وقدام بابه .. لازم أنك تضيـــــّــــع

,،

يـ الدعيع .... ماتنسينا السنين
أسمك اللي صال فالدنيا وجال

فاقدينك [ ياعميد اللاعبين ]
ومنتخبنا فاقدك قبل الهلال ♥