من قصائد الشيخ راكان...........

[المجازف]

من قصائد الشيخ راكان
وهو في السفينه وهو ذاهب الىالاسروعن طعام السفينه
عقب المعـــــــزه صار كنا دروايــــــــش
الكل منا خبزتـــــــــــه في يمينــــــــه
لاعاد لا قـــــــهوه ولاعاد بـــــه عيـــش
ولاعــاد بــه فطحة خـــــروف ســــمينه



****وله ايضـــــــــــــا مخاطبا حارسه الضابط التركي حمزه
حمزه مشينا من ديـــــــار المحبيـــــــن
الله يرجـــعنا علــــيهم سلــــــــومي
مشو بنا الـــــعسكــــر لدار الســـلاطين
فــي مركــب جزواةتـــــرك ورومــي
عشرين لــــيل يمة الـــــغرب مــقفـــين
ماحن نــــشوف الاالســـماوالنــــجومي
من الخــــداعه واحتيـــــال الملاعـــين
هيـــــهات لوانــــي عرف العلـــــومي

*****وهاذي الابيات منشدا وطنه
يافــــاطري خبــي طـــــوارف طمــــيه
الـــى زمـــى لك لون خـــشم الحصــــاني
خبــــي خبــــيب الذيــــب في جرهــديه
لي طــــالع الزيـــلان واللــــيل دانـــــــي
تذكــــــر المشــــــحون ديــــران حيـــــه
مســـــوحبــــــال اكــوارهن بالمثـــــاني
نبــــــغي نــــدور طفــــله عســـــوجــيه
ريـــحة نســــــمها كــــالزبـــاد العمـــاني



اتمنى ان اكون وفقت في اختيار هاذي الابيات
اخوكم المجازف

[ســ ح ـــاب]

المجازف
شكرا لك
وصح لسانك
ولسان الشاعر
راكان بن حثلين
اعطر تحياتي

[فيصل بن حجرف]

لاهنت يالمجازف وبيض الله وجهك

وصح لسان الشيخ راكان بن حثلين

[الخويطري]

ياسلأم ياسلأم


لأهنت مليون يالمجازف على القصيد الطيب لـ راكان بن حثلين


وسلمت وسلمت يمناك , ووننتظر مشاركتك دائما

وتقبل تحياتي

الخويطري

[المجازف]

مرحبا ومسهلا اخواني
ولاهنتو على مروركم وتنويركم للموضوع
وانتضروو كل جديد
اخوكم المجازف

[ابن مخيدش]

صح لسانك واختيارك يالمجااازف ولاهنت الغالي ولكن عندي قصيدة المرحوم راكان وحافظها من زمان واعشق قصائد راكان بكل ماتحمله الكلمه والقصيده فيها شوي تعديل من غير قصور فيك الغالي ولاتاخذ بخاطرك علي وياليت كل واحد يجيب اللي يسمعه من دون تجريح

يابكرتي خمي طوارف طميه=اليا اشمخرت مثل خشم الحصاني
خمي طميه والديار العذيه=وتنحري برزان زين المباني
سلام اخو نوره لزوم ٍ عليه=قبل الحبيب وقبل قاصي وداني
ان ماقضيت اللازم اللي عليه=اللازم اللي ماقضاه الهداني
اشره على الطيب ويشره عليه=هو ليه ياخذ عشقتي ماتناني
خري وانا راكان زبن الونيه=مايشرب القفوات كود الهداني
اما قعد راكان بالمهمهيه=ولا لفا يصهل صهيل الحصاني

وسلامتكم هذي اللي حفظتها...
طبعا اخو نوره هو الامير محمد الرشيد (المهاد) كان حاكم حائل..
اشره على الطيب يقصد الشيخ سلطان الدويش عندما اخذ زوجته الشقحاء عندما كان عند الاتراااك...
واكرر شكري للمجازف في نقل قصائد الامير راكان رحمه الله

[مري كووول]

عـقـب المـعـزه صــار كـنـا دروايـــش
الـكــل مـنــا خـبـزتـه فـــي يمـيـنـه
لاعــاد لا قـهـوه ولاعــاد بـــه عـيــش
ولاعــاد بــه فطـحـة خــروف سمـيـنـه


من المستغرب ان راكان يقول ابيات مثل هاذي

وهو كان من ابرز شيوخ يام واشجعهم ويشهد له التاريخ

ولكن حروبه معا بن سعود ومعا اغلب القبايل اثرت ولم تؤثر بما فيه من شجاعه ودهاء


تقبل مروري يالمجازف

[ابن مخيدش]

ياليل سلملي على الشيخ راكان=سلم على زيزوم يام واميره

هذا ابن رشيد يخاطب ابن حثلين....

من باب برزان الى باب نجران=ماهو انا يالضيغمي انت اميره

رد ابن حثلين على ابن رشيد

[محمد العتيبي]

صح لسان ابو فلاح
والله يرحمه

وتسلم ايدك على النقل

[المري قطر]

لاهنت مجازف ودمت مبدع