وداعا،، قد دنا زمن ارتحالي

[زبون كيمو]

السلام عليكم
فمان الله يالربع انا ماشي من المنتدى وراح اعود بعد 4شهور،، ويمكن ادش المنتدى شوي واكمل مواضيعي،
وادعوا لي ان الله يوفقني في دراستي،، تبون الصراحة ،،قضيت معكم اجمل الاوقات في هالمنتدى الرائع جدا جدا جدا جدا جدا جدي

[فيصل بن حجرف]

ماتشووف شر يازبون كيمو

وعزالله ان حنا بنفقدك بس لاتطول علينا
ترى مانقدر نصبر من مواضيعك الحلوه ومن قصصك اللي ماتنمل
ومانقول الا الله يوفقك في دراستك انشالله ونشووفك راجع بالشهاده الكبيره انشالله
ولاتنسى العزيمه عاد
ولك كل التحيه

[ال محفوظ العجمي]

افـــــــا واللــــــــه افـــــــــــا

وش السالفه اخوي ليكون احد مزعلك ..

وانا بقول كلمت حق انت من يوم دخلت هالمنتدى وانا عيني عليـــــــك

واكثــــــر مواضيـــــــعك شيقـــــــــــه وارجو انك تغير رأيك في موضوع ترك

المنتدى..

وانني اشك انه ليس السبب الرئيسي في خروجك من المنتدى هي دراستك فأن

كان هنـــاك شي ضايقــــك في هالمنتـــدى قولي وانا اخوك وانا والاعضــاء

ماراح نقصر معاك ..

ولــــن ارضى بأنك تخـــرج من المنتـــــــــــــــــــــــدى..

اخوكــ / حمـــــــــــد

وان طلعت من المنتدى تدري وش بكتب على موتري (سيارتي) وبنفس هالطريقه
vvvvvvv

vvvvv

vvv

v
(تراني امزح لاتصدق اني بكتب على موتررررري .. خخخخخخخخخخبس ياليت تفكر بالكلام الي قلته لك اول الــرد)

[ســ ح ـــاب]

الغالي
زبون كيمو
بصراحه كدرني
هذا الخبر الذي طرحته لنا
ولم اكن اتمنى ان ياتي يوما
ونجد احد من احببنا في الله
وقد نوى على الرحيل وفراقنا
للامانه لست ممن يستهون الرد على
مواضيع الرحيل والفراق واكثرها يكون
مروري عليها مرور الكرام الا اني احمل لك
الكثير من الاعجاب لما تطرحه لنا من مواضيع
شيقه وردود تتماشي مع المواضيع ولك جهود
مميزه معنا في هذه الشبكه التي نطمح ان نصل
بها الى اعلى مستويات بين مثيلاتها من الشبكات
وذلك لن لكون الا بتكاتفنا جميعا وان كنا
حريصين عليه ولك عذر مجبر على
الاقتناع به وهو مستقبلك
ودراستك هي اولا من
اي شئ اخر فنرجو
منك اخي الفاضل
ان كان هناك
طريق عوده
فلا تتانى
وعد لنا
مسرعا
تمنياتي لك
بالتوفيق
أعطر وأرق
تحياتي

[اليامي]

بسم الله الرحمن الرحيم

السلام عليكم ورحمة الله وبركاته

ايه الاخ العزيز زبون كيمو صراحه انك كدرت خاطري بالكلام ذا وكما قال الخ حمد انت تبي تطلع مو علشان دراستك انت شكلك متظايق من احد او احد مظايقك والله وانا اخوك ان الي يشد انتباهي في المنتدى مع احترامي لجميع الاعضاء هي مواعك الي مدري من وين تجيبه فأرجو انك تراجع نفسك وتشوف الموضوع مره انيه وانا مستعد بالي يرضيك لأن وانا اخوك ما نقدر نستغني عن واحد منا وفينا .


لا تنسى الموضوع الي بنتكلم عنه بكره


تحياتي

الـــيـــامـــــي

[cool]

السلاااام عليكم ورحمة الله وبركاااته


والله مدري وش اقوول لاني ماتوقعت انك تمشي بالسرعه ذي او بتترك المنتدى

بس مثل ماذكرت الدرااااسه وهي اااهم شي لك ومتسقبلك هي واتمنى انك ما

تبطي علينا ولا تقطعنا عن اخبااارك او تطمنى عليك اخي الغاااالي .

الله يوفقك في دراااستك ويحقق لك منااااك ومطااالبك ان شاء الله .


كـووول :(

[شيخ ال شامر]

السلام عليكم

وييييييييييييييين يا زبون كيمو . ترى حتى لو كنت تدرس تقدر تدخل المنتدى وتمتعنا بتواجدك وانا اخيك . وان كان احد مكدر خاطرك علمني عليه بس ومالك الا اللي يبرد كبدك هههههه.
اقول : خل الكلام اللي ماله سنع واستمر جعلني ما ابكيك ترى وجودك ينعش الموجودين ويرسم الضحكة على شفاههم. والانترنت ذا الايام في كل ديرة سواء كنت مسافر او عند اهلك.
والله يديم التواصل والمحبة ..............

تحيـــــــــــــــــــــــــاتي

اخيك

شيخ ال شامر

[سعود العجمي]

زبون كيمو
تصدق بالله انك ضيقت خلقي بهالكلام.وليش بتروح؟عسى ما شر؟ ااذا دراستك السبب بسيطه.تقدر تدرس وتدخل النت من وقت الى وقت,يعني موهوب ضروري كل يوم ولكن كل يومين ثلاثه مو مشكله. اما انك تروح اربعة اشهر . حرام عليك والله.
بعد ما تعودنا عليك وصرنا متابعين لكتاباتك.
والله ما عاد اعرف ويش اقول.
عموما, الله يوفقك من كل احاسيسي
اخوك\ سعود

[النايفه]

لالالالالالالالالالالالالا يا زبون كيمو مالك حق تترك المنتدى...:(:(!!!!!!!!!!!

بليييز فكر بالموضووع وانشاء الله انك ماراح تنقطع اربع شهوور كامله ومثل ماقال اخووي سعود اذا كانت السالفه سالفه دراسه فمافي مشكله تقدر تدخل من وقت لوقت مو شرط كل يووم اهم شي انك ما تغيب وتحرمنا من مواضيعك الرائعه...:)


تحياتي,,,

[عزوف]

يعز علينا فراقك :( لكن دراستك اهم
موفق خير يا زبون كيمو وابدى ماعليك وانا اختك دراستك :)

انشالله ترجع لنا وتبشرنا بالنتايج الحلوه واحنا والمنتدى بالانتظار

اختك
ع
ز
و
ف

[Ajmi]

وعليكم السلام ورحمة الله وبركاته

مساك الله بالخير يا زبون كيمووووووو

دام الموضوع فيه دراسة فعذرك معك ولا نقدر نقول شيء

الدراسة هي المستقبل
واذا ضاعت ضاع المستقبل

المنتدى وجميع من في المنتدى
راح يكونون في انتظارك إنشاء الله
ونبيك ترجع لنا وانت رافع روسنا
وجايب معك الشهاده ومفرحنا

ودعوتنا لك بالنجاح والتوفيق
في أختبار الدنيا واختبار الآخره <-

[admin]

الله يوفقك في دراستك يا زبون كيمو فعلا انت من الاعضاء اللي في فتره بسيطه يقدر يكسب محبة كثير من الاعضاء وعسى الله يوفقك وبإنتظار عودتك لنا

اتمنى من الاخوان يعرفون ان انقطاع زبون كيمو بسبب الدراسه وهذا ما ذكرة وماهو بسبب شي ثاني

[مـحمـد]

ماتشوف شر انشالله

وانشالله نشوفك عن قريب والله يوفقك في دراستك

[عبدالله المعيضي]

خل عنك الكلام اللي ماله طعم الا المصاخه!! اذا انت بتروح والثاني بيروح....بكره المنتدى يصفر من الوحشه...:mad: انت خيالك خصب وافكارك جنونيه مواكبه للاحداث المحيطه، ان رحت عادني بواجهك وبطب في بطنك على حين غره!!...........وقد اعذر من انذر؟؟