وين الشاعر النشيط ,, يقرب وفاله طيب

[الـــــمري]

صبحكم الله بالخير والرضى والعافيه





حولنا احد من الشعار في راسي طاروووق


وطراتها حاضر بحاضر


لعل وعسى الدوام يقزر





انتظر ردكم

[العــــديم]

مرحبا ومسهلا المري

بإنتظار اهل الملعبه

[محمد بن عرار]

السلام عليكم ورحمة الله وبركاته ..


نزل طاروقك يا الأمير وبياتونك الشعار .وعلى ماقلت طراة اللعب حاظر بحاظر ولكن قليل من المحاورات تجي مباشره لإختلاف أوقات الشعار.

والله ولي التوفيق.

[الـــــمري]

العـــــديم ,,, مفراص الحديد



,, ,,



يا مرحبا بكم ملايين ونورتوا المتصفح


وانا اكون متواجد الصبح اثناء وقت الدوام <<< معلومه للشعار : )




,,,,


لاهنتوا على المرور

[(بندر العجمي)]

تفضل يالمري

سلم واستلم وصباحك ورد :)

[الـــــمري]

حياك الله يابندر

سلام تسليمة وفى ,, فيها الوفى مبدأ الكلام=تنصى ضنى يام العريقه صلب جدي : محزمي
واقرب يا نسل (عجيم) والعب , عقب تغيير النظام=العب مدام الراس للجزله : يشوش ويحتمي
....



المري

[(بندر العجمي)]

اصلح ابيوتك الله يعافيك كل بيت له وجهه

[الـــــمري]

تم التغيير الجذري :)



يا بندر


روح جاي طال عمرك

[(بندر العجمي)]

الله يحي ربعنا يامرحباا بوجيه يام
عساك سالم والنشاما كلبيها تسلمي

انكانها ماهي تمام ابشرك صارت تمام
سقها لخط العبدلي ولا لخط السالمي

[الـــــمري]

يا سلام يا سلام



يا جعل تبقى وتحيا ,, يا شاعر مابه كلام=وياهاجسي خطي جزيل القاف ,, من حبر قلمي
يا صاحبي وش حيلة اللي طووول ليله ما ينام؟=طريح غدر ,, والخديعه جات من راس سهمي

[(بندر العجمي)]

طيب طيب

يالله عساك تعيش ويااالبحتري وابوتمام
وانته معلم ياولد مره ولانت معلمي

من لاختمها في حياته ماكسب مسك الختام
وانكان ماعنده فشق عان الفشق في محزمي

[الـــــمري]

في ذمتي ما قد شكيت امن الظروف ولا يضام=حر من خيار العرب , ولروس يام ينتمي
المشكله : ماهيب لحية ,, لا فشق ولا حزام=لا صار خصمك محزمك من تنطح ؟ ومن تحتمي؟

[سلطان ال شريد]

من لاختمها في حياته ماكسب مسك الختام
وانكان ماعنده فشق عان الفشق في محزمي

الله الله كفو يآبندر ...

صصح لسسآإنكم يآعمآلقه ...



متآبع وبشغف :)

[(بندر العجمي)]

انكان تبغوون الكلام اللي ثبت شرق وشام
لاقيل ياربع المررضف قلت اانعم واكررمي

من قبلنا قابيل مع هابيل لو كااانت حرام
واللي قطع فـ لازمك قله يا فدوة لازمي

[أتـع ـبني عناكـ]

صح لسانككم
متابعه
واضم صوتي لاخوي سلطان

[(بندر العجمي)]

سلطان ال شريد

ماعليك زود يالغالي

ومرحبا مسهلا ومرورك تشريف ومتابعتك تسعدنا


اتعبني عناك


مرحبا ومسهلا واشكر مرورك ومتابعتك تشرريف

[محمد بن عرار]

الله الله ...

بيّض الله وجيهكم .

قاف طيّب ,, وشعراء مبدعين .


تقبلوا مروري المتواضع.


تحيّاتي.

[(بندر العجمي)]

ارحب ارحب يامفرص


ووجهك ابيض ومرورك تشريف ومتابعتك تسعدنا


ولاهنت يالوافي