عطنا الكادر يا بو أنس .............:)

[# أم أطياب #]

السلام عليكم ورحمة الله وبركاته

.

الكادر الكادر الكادر

بالثلاث

في البدايهـ كنا نطالب بالكادر ككل ولكن بعد التمعن للموضوع

بصراحهـ اقتنعت لوجة نظر الوزير

.

يعني بالذمهـ هل من المعقول أن مدرس الرياضيات و مدرس البدنية زيادتهم وحدة ؟ " للعلم ماهو قصور بمعلمين البدنيهـ بس ضربت مثال "

وهل من المعقول مساواهـ معلم في أحد الأقسام مع زميلهـ بالقسم نفسهـ ولكن أحدهما نشيط ومواظب على العمل والآخر غياب مستمر وأداء متدني

كلنا مع زيادة المعلمين بس الزيادة مو من المعقول أن تكون موحدة والا تكون قمة الظلم

أنا مع المليفي و مع الضوابط لا يمكن أن تكون زيادة متساوية للجميع حتى يتميز المنتج عن المتمارض المهمل..

.

مع احترامي لأساتذتنا وأبلاتنا الباقين :)

ولكن الحق حق

.

ملاحظهـ : لا ضرر في زيادهـ معقول للجميع غير الكادر

.

مع تحيات معلمهـ متميزهـ :)

[العــــديم]

تستاهلون والله

بس الجلسه اليوم خربها الصرعاوي والغانم ..
إن شاء الله يتحقق مطلبكم .. :)

[من العجمان]

بسنا فلوس ياحسين

واحد الف 2 الف :)

تستاهلوووون ولو انها زيادات خياليهـ

بس الله الله في اطفالنا تعبنا واللهـ من تكاليف المدرسين الخصوصيين

اتقوا الله فينا :)

[# أم أطياب #]

شكرا على الكلام الطيب

.

وعيالكم بذمتنا وعشان كذا انا قلت ان الكادر يكون للمتميز يعني اللي انتاجهـ ماش مايطلع له كادر :)

.

[عرق^الغلا]

اتمنى الكادر يوصل للجميع
لانه قصه كادرنا ماهي بالمبالغ اللي مصورينها في الجرايد
يعني بتكون تكميليه لين توصل للمبالغ الموضوعه في الجرايد
لكن بشأن الزياده الغير المتساويه
ماراح يكون فيها انصاف للاداء الوظيفي
وبالاخص اذا كانت رئيسه القسم او الموجهه او المديره غير عادله
وممكن تتعرضين للظلم واللي في مجال التدريس
يعرف نوعيات الادارات اللي ممكن تظلم
ورفع التظلم ماله فايده في مجالنا
وياااااااااااارب نشوف الكادر على بدايه السنه الجديده
ونتمنى من ابو انس يوفي بوعده ويجعل من مهنه التدريس مهنه يتكالب عليها الناس
وشكرااااااااااااا

[محمد بن فراس]

السلام عليكم ورحمة الله وبركاته

للاسف كادركم الحكومه ماتبيه وعطلته كم مره والدليل اخر جلسه غيبة نوابها للاسف !!

وحسب المعلومات اللي اوصلتني ان الحكومه راح تاجله للانعقاد الجاي والله يكون بعونكم

[# أم أطياب #]

عرق الغلا

حياج الله حبيبتي وشكلهـ يختج مامن كادر :o

.

أبو شافي في خير وستين نعمهـ مانبي كادر خلاص :p

[دايم اهذريبكـ]

:rolleyes:

الحذيه من الزياده :)

<< فاهم غلط

[# أم أطياب #]

ههههههه

الله يرزقكـ :d

[سمو^المشاعر]

خل يشيلون عنا المهام اللي مالها شغل بالتدريس قبل مايفكرون بالكادر

يعني مناوبه الصبح وبالفرص / مراقبة اختبار وبعدها تصليح اختبار والله لو مكينه !!/ برامج اذاعيه / احتياطات وهالخرابيط بصراحه ماهي شغل المدرس

باقي الدول المتطوره بالتعليم اكثر منا المدرس فقط للتدريس مو شرطي مرور ومدرس وغيره !!

طيبه

شكرا عالموضوع

[نهار المتلقم]

طيب انا عندي استفسار ..

انا طالب بالتربيه الاساسيه واخر سنه خريج

لكن تخصصي لو اتوظف بالتربيه مالي كادر مع العلم ان كل اللي يتخرجون من التربيه الاساسيه لهــم كادر التدريس

وحنا يا التخصص علوم المكتبات ونظم المعلومات مظلومين بهالشي

لان ندرس مثل المواد اللي ياخذونها باقي التخصصات سواء بدنيه او عربي او اسلاميه إلخ...

موادنا وحده اللهم تختلف بس المواد التخصص

وشهاده جامعيه وحالتنا حاله والمعاش في التربيه 680 دينار ^_^




وهل دراستنا اتقارن مع البدنيه اللي يستلمون كادر ... احذف الكوره وبس وحنا دراسه اغلبها على الكمبيوتر الحين وبرامج وغيرها قســم بالله ظلم :(


وحبيت ازيــد انا كنت في المقررات الثانويه ودرسني مدرس عجمي الله يذكره بالخير ماده علوم المكتبات ونظم المعلومات والحين هو دكتــور ماشاءلله عليه بس كانت ماااده مهمه وحلوه للطلبـه وفيها فايده كثــيره ....

ولا بعــد الحين بقدم على التربيه اكمل ماجستير ومعدلي جيدجدا مرتفع وهذا ( بفضل الله ) يردون علي بكل برود احنا نقبل كل سنــه شخصين يدرسون على حسابنا ههههههههه

والدول الخليج الثانيه ترسل طلبتها بالهبل لطلب العلم


طبعا وجها نــظر والله المستعااان

[العــــديم]

ألف مبروك إقرار الكادر .. :)
وتستاهلون كل خير

[العــــديم]

لن نوافق على مشروع قانون 'كادر المعلمين'

http://www.alaan.cc/newsimages/6_16_201142040PM_1244413451.jpg



بين وزير التربية والتعليم العالي أحمد المليفي أن قرار كادر المعلمين خرج من المجلس وهذه العملية الديمقراطية ونتيجة التصويت الذي حصل في الجلسة ، موضحاً أن الحكومة ستتعامل مع هذا القانون وفق ما تراه ووفقاً لأدواتها الدستورية وما أتاحه لها الدستور .

وزاد المليفي أن هذا الأمر سيعرض على مجلس الوزراء لكن الحكومة أبدت وجهة نظرها بعدم الموافقة على مشروع القانون كما أقره المجلس، معتقداً أن ما تم تقديمه من قبل الحكومة يحقق أهداف أكبر من المشروع الذي قدم في المجلس وتم إقراره مع احترامنا لهم فالكل يسعى لتحقيق المصلحة العامة .

المليفي مو راضي بالكادر :)

[سمو^المشاعر]

بصراحه مافهمت شي من كلام المليفي

اللي فهم يفهمني :(

[# أم أطياب #]

:mad:

حسبي الله على المشعوذات الثلاث

خربوا علينا الكادر

[بَـالحيـْل ذَبـاإحـه]

8

هههههههههههههههههههههههههه
مآعليجَ يَ وخيتجَ الخيـرر قدآم ~ بأدن الله ~
:)

[# أم أطياب #]

8

ان شاء الله حبيبتي

[فهيد الهتلاني]

مبروك على الكادر في دور الأنعقاد القادم وهالله هالله بالعشا الزين أن أقروه :p

[فهيد الهتلاني]

أهالي الدائرة الأولى والثانية والثالثة .. حاسبوا الثلاثي " المرح " لا تخلونهم .

[عبـق أجدادي]

.








الحكومة أدخلت نفسها بفوضى ودوامة
من أخطئت وأقرت أول كادر وظيفي




كان أجدر بالحكومة عمل مسح شامل لكل الوظائف
ودراستها دراسة تامة ومن ثمَ إقرار زيادة لجميع الوظائف
تبعاً لطبيعة العمل وحجم التسرب الوظيفي




المعلمين يستاهلون ويضطرون أحياناً للدفع من جيوبهم
لكن المنطق يقول مدرسة الرياضيات أو الكيمياء حرام زيادتها
تكون مثل مدرسة البدنية أو الرسم !!







.

[علي الرطام]

الله يعينكم ويوفكم على اقرار الكادر

[# أم أطياب #]

فهيد أقروه الحمد لله

وبأثر رجعي بعد

.

[# أم أطياب #]

عبق ومن يسمع هالكلام

الله كريم والله ان احنا نحط بهالمدارس نص معاشاتنا

مرحبا بعبق حياك الله

[# أم أطياب #]

ابن الرطام الله يجزاك خير

[مقبل العرجاني]

الله يسمع منك

[# أم أطياب #]

وغصبن عليك يالمليفي خذينا الكادر

خل البونص ينفعك

[فيصل بن حجرف]

نبارك لاخواننا واخواتنا المعلمين والمعلمات
ويستاهلون الكادر
بس هالله هالله في بزرانا

[# أم أطياب #]

الله يبارك فيك

تسلم يابو عبدالله

حنا شادين حيلنا مع عيالكم بس هم يخلون منهم الغياب وهم بخير

شكرا لك

[الــنــايــفــة]

والله الزيادة هذي ما تيجي ربع التعب اللي نتعبه وكله على حساب صحتنا وعيالنا وبيوتنا ..
يعني معقولة نكرف بالدوام من الساعة 7:30 لغاية الساعة 2 وناخذ شغلنا بالبيت ولا ندري عن عيالنا ..؟؟
هذا غير الصرف اللي نصرفه على المدرسة من جيبونا ..
ويقولون عندكم ميزانية القسم ... ليش ميزانية القسم تكفي شنو ولا شنو ,..؟؟
اذا الادارة تاخذ من الميزانية ما بين 50 - 70 دينار وتقولك هذي عشان الاحبار والاوراق حق الاختبار ..
وتعال اانت يالمعلم جهز وسائلك وشغلك من جيبك الخاص ..؟؟
وفوق هذا تعال يالقسم الفلاني نبيك تسوي لنا المدخل وتجهزه لانه يعتبر واجة المدرسة ..
وقطو من جيبوكم ...
انا ما قلت الكلام هذا من فراغ ...وكل هذا عشان التميز ..!!
قلنا لكم التدريس كل ماله في الحضيض ..

[# أم أطياب #]

صادقه حبيبتي

وانا اشوف حيل علقوا على الكادر اللي يحسبونه كنز

والله يعينا ان شاءالله

[الاصيله]

قول الحمدالله والشكر لله
والف مبرووك لاخواننا واخواتنا

المعلمين والمعلمات
الكادر ويستااهلوون كل خير
والله يحفظ لنا الكويت من كل شر يارب
خيرهاا مغطييناا

[# أم أطياب #]

الله يبارك فيج

حياج الله

[المنفرد]

الموووضوع قوي

فالحقيقه الكوااادر زينه وشينه نفس الوقت

انا موظف مدني عادي بس مكاني في الواجهه مع المراجعين ومرات اتعب معاهم ومرات يتعطل الجهاااز اخلص معاملاتهم بخط يد

ولا عندي كاااادر ورااتب ضعيف

واخواننا العسكر والتربيه كل مازادو راتبهم عشره فلوووس

التجااار ترفع السلع

والمنضر مابينهم

الموظف المدني اللي ماعنده كاااادر

انا والله اتمنى للك يمشيله كااادر

بس ليت الحكومه تحتكر من التجاار السعر

لان انا من النااس اللي انضرووو

[المنفرد]

والله يكتب اللي فيه الخير

[# أم أطياب #]

والله ان كلامك صح

للأسف هذا اللي صاير

اروح السوق هاليومين انصدمت من الارتفاع في الاسعار خابره قبل وقت الاعياد والمناسبات

الحين قالوا موظف بترول ومعلمة خلوا يندون

طيب واللي مثل حالتك شيسوون بالله

الله يعين وياليت يخفون هالتجار علينا

حياك الله وماتتعسر الا تفرج ان شاء الله

[[ بلآ خطيه ]]

ب التوفيق / وتستآهلونه :)

[المنفرد]

اظاااهر البلد بيقلبووون عساااكر على هالرواتب والغلا المعيشي

ههههههههههههههههههههههه