الخامسه هجراً .. !! [الأرشيف] - ::. مـنتدى قبيلـة العجمـان .::

سعد بن هندي

23-05-2011, 04:10 AM

صدفه .. بعد ثلاث سنين

والله وعدابك الوقت وكبرتي
قالت انتا يابعد عيني كبرت

قلت ادري / لكن انتي ماشعرتي ؟
كل ماشوفك احس اني صغرت !

لاااء .. وحلويتي زياده .. وصرتي
اجمل امن اللي تخيلت .. وذكرت

قالت شلونك / وقلت بخير.. وانتي ؟
قالت انا بخير .. لكني صبرت

قلت الله يحفظك دامك قدرتي
بس انا حاولت اصبر .. ماقدرت ؟

قالت انا وين .. ؟ قلت اويـن كنتي ؟
قالت اهنيـا .. علي ماناخبرت

قلت عادك تسكنين ابماخبرتي
بس انا للحين مدري وين صرت ؟

،،
سعد بن هندي
،،

سعد بن هندي

05-06-2011, 02:46 PM

ألو ..
شلونك .. ؟

قلت لي وشلونك / وطاح الحطب ؟؟
طاح وانا كنت ماظنه يطيح

الزعل / والياس / وحروف الغضب
والرضا / والحق / والقول الصريح

من لفيت بصوتك وكل ٍ هرب
أصبحو حفنة تراب وصرت ريح !!

ليه لا .. ؟ وانت البعد عنك تعب
الدوا في جيتك .. وانا جريح

لاني اشوفك مثل معدن ذهب
ولاني اشوفك من عيون لشحيح

ولان شوقي مانها عنّك ونضب
صك غيمه غيمه .. ومزنه يسيح

واثمر العود وتساقط لك رطب
وفاح من ماضيك نوار ٍ وشيح

كنّك جود .. وكن احاسيسي عرب
مالفا وجه الفليح الا فليح

اشهد ان ربي عطانيـك و وهب
ايييه في رب أحمد ورب المسيح

غبت صبح الامس والحقتك عتب ؟
ماهي بشكه ولا ظن ٍ قبيح

أكبر احلامي علي عود القصب
كل ماهب الزعل قلت بيطيح !!

طاح عمري في يدينك وستتب
كيف تبغاني ليا غبت استريح

،،
سعد بن هندي
،،

سعد بن هندي

09-06-2011, 06:50 AM

أنت مالك ذنب .. ؟

صحيح مالك ذنب / ولا انت تلام
الذنب / ذنب احلامي وامنياتي ..؟

خلني اعيش اليوم في كذبة العام
لاصار مابه صبح .. بالغد ياتي !!

مع المكاتيب القديمه .. والاقلام
يوم المحبه غصن / والشوق عاتي

مع جيتك يوم الوله ( قلب / واقدام )
ونظراتك الخجله وكثر ألتفاتي

مع عضة شفاك العنب والتبسام
ولاقلت لك أحلف / وقلت وغلاتي

مع كل شيٍ قلته بشوق وهيام
معك معك .. لكن على ذكرياتي

ان كان حبك حلم .. اتركني انام
كم صارت اغلا من حياتي وفاتي ..!!

ماقول يقطع حظي وسود الايام
يقطعك ياظني ويقطع رجاتي

لو مالخيال اللي بعمري والاوهام
كان ( الحزن و الياس ) دمر حياتي ..
،،
سعد بن هندي
،،

سعد بن هندي

15-06-2011, 11:12 AM

http://www14.0zz0.com/2011/06/15/07/495565341.jpg (http://www.0zz0.com)

( لاتطري الحب ) ويضيق المكان الرحيب
ولاتسرق اعجابي بطبعك .. ( ولامواخذه )

أخاف لعشق تفاصيلك واشوفك حبيب
واحط قلبي علي كفي ( ولاتاخذه )

،
،

سعد بن هندي

19-06-2011, 12:04 PM

( لاتحزن ) وهي عدت ايام وتفوت
حنا تعدينا الكثير وبقينا

عشان نحيا بالهوى لازم انموت
لو مانموت فبعضنا ماحيينا[/center]

،
،،
،
،

،

سعد بن هندي

27-06-2011, 02:53 PM

http://www14.0zz0.com/2011/06/27/11/447282013.jpg (http://www.0zz0.com)

( يطل الامس ) باليوم الجديد ويطرق الشباك
ياغافل .. لاتحسب اللي مضا واللي رحل غافل ؟؟

وأنا اللي كل مايطري علي البارحه وياك
يجيني مايجي ( صدر اليتيم ) بطاري الكافل !!

،،
سعد بن هندي
،،

سعد بن هندي

30-06-2011, 10:54 AM

http://www14.0zz0.com/2011/06/30/07/262793961.jpg (http://www.0zz0.com)
وعاد أنفاسك بصدري // وقلبي ماهو بصدري ؟
تركته عندك ويجتك .. وخليته وانا ناسي

ابي من ( خطا وافي ) عشان ان جيتك بعذري
تصدقني لقلت اني ابيك اكثر من ( انفاسي )

،،
سعد بن هندي
،،

سعد بن هندي

06-07-2011, 01:46 AM

من الارشيف جداً

( اغلا الفرص ) دايم تسير علي غفله
من لاتحرالها .. هي اتحراله

تاتيه كنها علي درب الحيا .. طفله
ان فــــز خافت واذا صد .. اتمشاله

والرزق باب ٍ كبير وللصبر قفله
والجهد مفتاحه وكل ٍ علي فاله

اسعى ولا ادري أنا ولـ ويش اوقف له
آقف ولا ادري انا ولـ ويش بسعاله ؟؟

ان جيت اقول الزمان اغبر ويوسف له
يردني عن كلامي ضحكة اطفاله

وان جيت ابمدح صباه / وصبحه / ونفله
يردني عن كلامي غبنة ابطاله

حتي رفيقي .. فلاني قايل اعرف له
الوقت خاين / ويومياً علي حاله

اللي ضمنته .. ولادري كيف اوصف له
لكن بحاول اعسف القول واحتاله

من لاتعرف علي رخوم وعلي سفله
ماهو بعارف زحول الوقت وارجاله

،،
سعد بن هندي
،،

سعد بن هندي

09-07-2011, 03:22 AM

لازالت هادئه .. أول ساعات العام الجديد من عمري
ولا زلت اترقب .. عن شيءٍ لا اعرفه مع بداية كل عام !
ربما كنت ابحث عن كل قديم ٍ من جديد ؟
،،،

اشعر بحزن .. لفراق الـ23
بل اشعر بحزن في كل عام ٍ جديد
لانني أؤمن .. ان كل عيد ميلاد هو اشاره للأقتراب من النهايه
ولذلك كانت اعمار اهل الجنة لاتتحرك لان الزياده معكوسه بالعمر
فهي حتما ً الذهاب الى النقصان
،،،

كل عام وانت بخير..
سمعتها كثيراً ولازلت اتمنى ان اراها في كل عام
،،،

كل عام و احبابي بخير

سعد بن هندي

12-07-2011, 10:10 PM

http://www12.0zz0.com/2011/07/12/19/300912458.jpg (http://www.0zz0.com)

خذو من اشعاري ( وخلوني )
احساسهم ماكان لحساسي

وعشان باكر لو يمروني
حطيت ( صوتي ) وسط كراسي

ابعتذر عن خيبة ظنوني
( وعفويتي ) في بوح هوجاسي

والليله ( ابغمض عيوني )
وألم شعري واكتم انفاسي

،
،
،،
سعد بن هندي
،،

سعد بن هندي

14-07-2011, 05:06 PM

الخطا ماهو خطاك ولا خطاي=والرجا ( أخر حلول ) المرتجي

بس أنا والله .. ما أعّرف رجاي=ان رضيت ( امدح ) وإذا ضقت ( اهجي )

كان ماجابك ضميرك من غلاي=الله يرحم والدينك لاتجي

،،
سعد بن هندي
،،

سعد بن هندي

16-07-2011, 10:21 PM

لم اعلم بنشرها الا اليوم ..
شكراً لـ جريدة القبس الكويتيه ,
رغم الخطأ بأسمي يكفيني وصول صوتي من غير خطأ

http://www.alqabas.com.kw/Article.aspx?id=716391

،
،

سعد بن هندي

22-07-2011, 04:17 PM

http://www9.0zz0.com/2011/07/22/13/980252242.jpg (http://www.0zz0.com)

بجلــس وببقا علي ( نفس الظنــون )
......................... هو متى بـيحن لي ذاك الوعد ؟

صرت ( قد جروحي ) وصارت تمـون
......................... الزعـــل ماعاد يـّـزعلني أبــــــد !

اللي انا فيـــه .. مــدري وش يكــون ؟؟
........................ ( هالحزن ) ماهو يذكرني بحــد !!

،،
سعد بن هندي
،،

سعد بن هندي

27-07-2011, 02:29 PM

.
.

كل مازاد الحنين .. وجيت جنبك
................................. رحت وأنا أموت بك / والشوق حي

تدري بسيرة حياتي ويش ذنبـك ؟
................................. ذنبك انك جيت ( ماسويت شي !! )

،،
سعد بن هندي
،،

سعد بن هندي

02-10-2011, 04:23 PM

.
.

ومن قلت صيريلي فتاة أحلامي ..
مع الاسف صارت فتات أحلامي .. !!

.،.
سعد بن هندي
.،.

سعد بن هندي

16-10-2011, 04:58 PM

ثياب الاعرابي..

وإستاحشت غرفتي مني وانا منها
بقيت انا اللي اعاتب واسمع اعتابي ..!!

( إصفرت ) ألوانها بغبارها كنها
لبست من العنكبوت ( ثياب الاعرابي )

يطول بوحي عليها واستمع ونها
يطلع من اخشاب كرسيي ودولابي

مالومها لو رمتني للشقا لانها
ماشافت اللي اشوفه من ورا بابي

( قبلت رفض ) الكثير ورحت من ظنها
عشان ما اطيح منه واخسر اعجابي

ماطحت من ( جنة الفردوس ) لاكنها
هي اللي طاحت من عيوني واهدابي ..!!

ياكبر كل امنياتي من صغر سنها
ماكنها الا أنا في قاصر ثيابي

اقسا عليها فبعض احيان واحنها
لاني تعبت اخذ ايديها من غيابي

والعبره اللي تمر الزور وامنها
ماحطها الا الزمان ( بصفوة اصحابي )

( ماعاد لي نفس ) تقبل مني اعنها
من يتكرم علي ويبذل اسبابي ..؟

كل الليال الجديده بعتذرعنها ؟
لان الوجيه الجدد .. ماتشبه احبابي !!،،

.,.
سعد بن هندي
.,.

سعد بن هندي

26-10-2011, 05:20 AM

.

http://www9.0zz0.com/2011/10/26/02/821715364.jpg (http://www.0zz0.com)

امتلا هالمكان .. بكل شيٍ ( جميل )
ودي ابقا هنا .. أليييين مدري متى .. ؟

عاد لاجبتني مابين حظن وجديل
( مّعك ) ليت الليالي كل ابوها شتا

.،.
سعد بن هندي
.،.

سعد بن هندي

06-11-2011, 12:30 AM

،

كنت اكره الجمعه / لان عقبه السبت
مايفرق الايام غير ( المواعيد )

مريت في صدر الزمان وتأكدت
ان انتظار العيد ( أحلا من العيد )

كل عام والدنيا بخير

.،.
سعد بن هندي
.,.
.

سعد بن هندي

23-12-2011, 03:37 PM

.

http://twitter.com/#!/Saad_BnHindi

حسابي فـ التويتر
متابعتكم .. هي متابعتي

,

سعد بن هندي

01-01-2012, 11:50 PM

.

( سامحني ) البارح تعمدت أزعلّك ؟
لـ أن الزعل وياك .. له شكل ثاني

أيه .. أضحك وخل السنين اتأملّك
كل شي فيك أحلا من ( الاولاني !! )

.

سعد بن هندي

19-01-2012, 02:26 PM

.

( والله وكبرتي )
شكراً لمن اعطاني من وقته بهذا التصميم

http://www.youtube.com/watch?v=momuYn2UMQo&feature=related

.

سعد بن هندي

31-01-2012, 12:51 AM

( ياكويتنا ) لاميّل الدخان
شومي لعين ارجالك .. وغيري

اليوم هذا كلنا ( مطران )
وانتي مطيريه بعد صيري

والله لو ما ربعي ( العجمان )
لاغير اسمي واكتب امطيري

.

سعد بن هندي

13-02-2012, 03:03 AM

http://www8.0zz0.com/2012/02/13/01/764155351.jpg (http://www.0zz0.com)

ليت الولّه .. من قبل لايكمل الحول
يردلي ( بعضي ) من اللي خذوني ..

مع كل صبح أرفع يدي فووق وأٌقول :
يارب قل لـ أحلامي اليوم ( كوني .. !! )

.

سعد بن هندي

04-03-2012, 01:28 AM

.

http://www8.0zz0.com/2012/03/03/23/156463006.png (http://www.0zz0.com)

( أذبحيني ) أيووه بهذي الطريقه ..
سلهمي .. عضي على شفاتك وبل

أنتي احلا الحين .. من قبل دقيقه
وكل دقيقه .. أنتي ( أحلا من قبل )

.

سعد بن هندي

24-03-2012, 01:31 PM

.

( أعتقد ) أني سأحط رحالي هنا
بعد ماتوقفت ساعة ( الخامسه هجراً ) في منتدى تفاصيل
وتأكلت جدران ( منـ .. ـفـاي ) في منتدى المرقاب

شاعر , مرقابي , تفاصيلي , عجمي
يحق لي السفر .. مادامت ناقتي الشعريه لها اربع ,
اسير بها اينما اشاء وتسير هي اينما شائت ( كيفنا )

شكراً للمرقاب , وشكراً اكبر لتفاصيل
وشكراً لـ منتدى العجمان لازال مفتوح

.

سعد بن هندي

23-04-2012, 01:54 PM

.

سيدة الترفات / والدنيا خدم
تحت أمرك .. أشري بالخارطه

علمي أهل الفقر وأهل النعم
الرفاعه .. وانتي المتباسطه

كل حاجه لجلك تصير وتتم
أنتي لحالك جمالك ( واسطه )

.

سعد بن هندي

16-07-2012, 02:29 AM

http://www5.0zz0.com/2012/07/15/23/200375528.jpg (http://www.0zz0.com)

من عمر .. وأنا شمسي الشمعه
صار الرجا ( ثلاثة أرباعي )

( الحب ) كله ضحكه ودمعه
وأِشياء واجد مالها داعي .. !!

.