. . . . شَامخَه شيخَة عَرب مِتعاليَة حسّاسَة ~

[سـمـآويـه]

اللي ماخاف الله و أنا من ضحاياه
ليته يعرف الحال [ دقه وجلّه ]


أضحك على نفسي إذا قلت أبنساه ,
والنفس لو أملّ منها ما أملّه ,


في زحمة العالم ما أدوّره و ألقاه
أغمض [ عيوني و قلبي يدلّه !


مدري يتباطاني مثل ما أتباطاه !
والا متساوي عنده الوضع كله ؟

[سـمـآويـه]

فرّقوا بينْ سَامي و متسَامي



;)




( مَع إنّي ما احب ذا الفيسْ بَس هو اللي يعبّر عَن ما احسّه ) :p

[سـمـآويـه]

قالت ارجع قلتْ جوعي كيف اطيقه ؟!
قالت اقنع قلت ما ذقتي المجاعة ؟!

( القناعة كنز لا يفنى ) حقيقة
بس فيه اشياء ما فيها قناعة

[سـمـآويـه]

بريطَاني يِسأل شيخْ ، لماذا لا تُصافِح المرأة الرّجال ؟
فَ ردْ عليه الشَّيخْ رداً جميلاً ،
و قَال لَه : هَل عِندكمْ أحد يَستطيعْ السّلامْ على الملكَه في بريطانيَا ؟
قَال : لا
قَالْ : نَحنُ أيضاً في الإسلامْ كِل النّساء | ملكَاتْ ^^




الحِمدلله على نعمَه الإسلامْ (f) http://store1.up-00.com/Mar11/pq145636.gif

[سـمـآويـه]

ان جيت أوضح لك شعوري ترددت
أخاف تفهمني غلط في كلامي

بيني وبينك الف مره تمردت
لكن بلا تصريح يا احلي الأسامي

[سـمـآويـه]

تصدّق إنكْ صرت كل اهتمامي
اكّذب عليك إن قلّتْ لكْ مآ تولّعت

الشوق حآمي ليتِكْ تصير حآمي
من بآردّ احساسِكْ ترآني توجّعت

[سـمـآويـه]

تدري وش احلى موقف لـ الموآليف
سهله وخذها قـآعده منْ محبـّك

لا شفتني غآرق معَك بـ السـوآليف
سكّتني بـ القوّه وقلـّي احبّك

[سـمـآويـه]

واهني اللي خفوقه من حديد
مايضيق خاطره شئ ٍ سهل

وأنا قلبي للأسف ماهو بليد
تجرحه كلمة برءاه من طفل

[سـمـآويـه]

http://www.m5zn.com/uploads/2011/6/25/photo/062511160611z9dkxtps31amt.png




تَعال يَكفي تَرى فَرقاكْ مِرهقني
في ذمّتي يومي أغبَر يومْ ضرّيتِكْ

كِل الحِكايَه كَلامِك كَان يحرقني
و أنا مِن خبَالي أبعَاتِبْ أبكيتِكْ !

وِشْ ذنبي إن كَانْ فِكركْ ما يوافقني
أو إنّك أنعَمْ مِن اللي فيه ظنّيتكْ

و إلا أنتْ مِن كثر ما فَرقَاكْ يخنقني
لو اتّعدى بلادِكْ ما تعدّيتِكْ

لا يَحلقِك شَكْ في حبي و صدّقني
لَو مَنت غَالي عَلي ما كانْ بكّيتِكْ

القَلب بيتِك و لا غيرِك يروّقني
و أنا وصَلت القدوعْ و لا تقهويتِكْ

وشلون تَزهَد بوصلي و أنتْ عَاشقني ؟!
و أنا لَو أنسَى وجودي ما تنَاسيتٍكْ

يَ خويْ مِن كثر ما قِربِك يشوّقني
أضمْ طيفِكْ غَلا و أقُول ضمّيتِكْ

إرحَل معَ فلسفَه حبّي و رافقني
شِف كيفْ حبي جنُونْ و كيفْ علّيتِكْ

مِن كثر ما حبّك ب قَلبي مطوّقني
جمَعتْ كِل الأوادِم فيكْ و أغليتِكْ

و عَرفْتْ ويّاكْ كِل شعورْ يَطرقني
أكرَه عنَادِك و أموتْ ب حِسنْ تَربيتِكْ

و أكرَهكْ مَراتْ لا شِفتِك مضَايقني
و إن جيتْ تِبعِد و صَار الجَد حبّيتِكْ

يَعني ليَا مِن زَعَلتْ أقول فَارقني
و أودّعك و إنْ بَغيتْ تروحْ نَاديتِكْ

هَذا جنوني و هَذا اللي يِفرّقني
و سُوء التّفاهَمْ يجي حتّى بَ أهَل بيتِكْ

بسّكْ دلَع كَافي و عوّد و عَانقني
شِف وش كِثر بينْ صَفحاتي تهجّيتِكْ

و إن جيتلِكْ غَصبْ و اللهفَه تسَابقني
لا تَخذلْ الشّوقْ فيني يومْ أنا جيتِكْ

اسمَع عسَى الله يوفّقك و يوفّقني
و الله لَو ما أحبّك ما تمنّيتِكْ

و إنِ كِنت منّي بكيتْ ب يومْ صدّقني
لو مَا كنت غَالي عَليْ ما كانْ بكّيتِكْ

[سـمـآويـه]

http://www.m5zn.com/uploads/2011/6/25/photo/062511170604vac5aom1lhu9bk3ddk.jpg




بَعضْ البِشَر لو يدورني ما يَلقاني
و بَعضْ البِشَر لو يجاذِب سيرتي جيتَه

فَرشتْ لِك صدري و شِلتِك بوجداني
و إرتحَت في قَلبي المَفروشْ و أذّيتَه !

أراجِع الذّاكره و أكوسِر ألحاني
كَم طاري ما نسيتَه لو تناسيتَه


http://www.safeshare.tv/w/LCOzrsCYop

[سـمـآويـه]

يباريني خياله واستحي منه واصد العين
اداري خاطره واصد عيني عن مشاهيها

وفاه مقيد شوفي وانا وافي ومن وافين
وغلاه يعن روحي لاتلفت صوب داعيها

[سـمـآويـه]

درست فـ الدنيا على يدّ الظروف اربع مـواد
الحب والاصحاب والاقراب والوقت الـردي

الحب يعطي للغريب بلاد لـو ماهي بـلاد
والعاشق اللي ماطغى عقله على القلب يغدي

والصاحب اللي بينك وبينه حصل ملحٍ وزاد
أوفي معه لكـنّ لاتضمنـه وتـروّح فدي

امّا القريب اعطه حقوقه واخذ خط الابتعـاد
خلك بعيد تصير في عينه مثل نجم الجدي

والوقت لاتعطيه وقت يلبّس ايامـك سـواد
عش يومك وخل امس مات وخل بكره يبتدي

والوقت لاتعطيه وقت يلبّس ايامـك سـواد
عش يومك وخل امس مات وخل بكره يبتدي

[سـمـآويـه]

يَ دمع تكفه لا يطوّل صمودك
أتعبت عيني من حياك وتعلّيك

ضيقت صدري وانذبحت بجحودك
حدّر ،، وريّح ضيقةٍ شفتها فيك !

[سـمـآويـه]

يَ كثر ماعذرته لا اربكنّي حلوفه
أحسبنّه حبيب وطيبٍ و احسبنّه

يحسب اني مصدّق حجته في ظروفه
ما استحى لعنبوه مجنب الصدق عنّه

الوكاد افترقنا ماعليه الحسوفه
صاحبي والعيون اللي تبيه اتركنّه

اذكره يوم روّح والهبايب تحوفه
يوم صبّح عيوني بالوداع وبكنّه

[سـمـآويـه]

http://up5.up-images.com/up//uploads/images/images-2f47135b54.gif


تبي الصّراحه تصدّدْ لا تطالعني
أخاف مِن دمعتِك و إلا أنت ما اخافِك !

[سـمـآويـه]

عطيتني فرصه اتعلق باحد غيرك
واليوم حسيت بان فراقنا خيره

ماعاد ابي شرك ولاعاد ابي خيرك
انسى مثل مانسيت وفضّها سيره !

[سـمـآويـه]

http://www5.0zz0.com/thumbs/2011/06/27/00/524781418.jpg




مِن عذرهنْ بناتْ حوّا لا غَارن
لا جَتْ ما يبقى لهِن ربع حيّزْ

في لِبسهنْ لو شاورَنْ و إستخارَنْ
تجي و هي ما شَاورتْ و إتميّز

[سـمـآويـه]

http://farm4.static.flickr.com/3195/2781812004_5f8878f4d6.jpg



صَاحبي كَان الهُمومْ إجتَاحتِكْ
إنثِر الضيقَه عَلي و لا تضيقْ

لا تهمّك راحتي خِذْ راحتِكْ
صَاحبِكْ لا شحّت الرفقَه رفيقْ



http://www5.0zz0.com/2011/06/27/00/624663845.gif

[سـمـآويـه]

http://img102.herosh.com/2011/02/08/109346565.jpg





مِن كِثر ما أجيلكْ و أنا كلّي إحسَاسْ
أشُوفْ كِل النّاسْ قدّامِك دما

ما أقولْ أشوفِك و أتعيمَا عَن النّاسْ
أقُول أشوفْ النّاسْ و أجيلِك عمَا




أحبّك أبي http://www5.0zz0.com/2011/06/27/00/624663845.gif

[سـمـآويـه]

http://farm3.static.flickr.com/2225/2309468271_e60750dc7a.jpg




خلّوه ياخِذ راحتَه ثُم لا قَامْ
قولوا لَه إنّي يَ كِثر ما اودّه

و الله ما حسدَه على حلو الأحلامْ
لكنْ تحتْ خدَّه حَسدت المخدَّه




^^

[سـمـآويـه]

نَبرَه عتابِكْ و خوفِك مَع تعابيرِكْ
صمتِك حَنينِك بقايا ضحككْ المُبكي

أشيَائِك الـ غيرْ و أشيَا تِختصر غيركْ
أحتاجهَا إنْ حَضَنتْ وسادتي أشكي

[سـمـآويـه]

http://www9.0zz0.com/thumbs/2011/06/27/01/351928358.jpg



حَاولتْ أكونْ إنسَانْ مِثل الأوادمْ
و عيّتْ حكومتنَا تخليني إنسَانْ !




الله يعطي كِل ذي حَق حقّه

و يعينْ إخوانَا و أبنائنا الكويتيّونْ بِ حَقْ فقطْ







http://www5.0zz0.com/2011/06/27/00/624663845.gif

[سـمـآويـه]

الرّجال اللي يختلون الحريم
مثلهن رغم اختلاف الشاكله

[سـمـآويـه]

قولوا له ان قلبي من الغيد عايف
و قولوا له اني له على قطع الانفاس

و قولوا له انه صدق والغير زايف
و قولوآ له انه ربح و فرآقه افلاس

و وصّوا عليه ان الضّلوع النحايف
ما عاد فيها صبْر و القلب محتاس

فديته و لبّى طوايف | طوايف
ابيه و امّه و القبيلَه من الساس

اليا زعل ظبي من الرمي خايف
واليا رضى شيخ يهنى بنوماس

والى تبسم من حلاة الشفايف
كنه يتصدق بالتبسم على الناس



^^

[سـمـآويـه]

http://www.m5zn.com/uploads/2010/3/25/photo/gif/6kydzm10294uxl4.gif



تِضحك مَعَ قفّاك ؟! لكنْ ما عليه
إصبر مع الأيّام و يجيكْ دورِك

[سـمـآويـه]

كن الثواني لا غفت عينك تطول !
وآحس كنه صآر لك عام نآيم

حتى آلصبآح آن قمت من نومك يقول
من طوّل آلغيبآت جآب آلغنآيم

[سـمـآويـه]

ما كل زولٍ يعوض بـ زول ،
ولا كل الآزوال مملوحَه

زولٍ جميل و زولٍ هول
وزولٍ يكفيك مِنه منضوحٓه

[سـمـآويـه]

شفتها عقب الغياب اللي حصل
العَنودْ إللي لها قلـبي يميل

يوم مـرت أختفت عني بـ خجل ،
خايفه من شوقها يصبح دليل !

[سـمـآويـه]

عرفت من يذهب همومي إذآ ضقتْ
وعرفت من خوته خوّة سوآلف !

آحدٍ ليا من غآب عن عيني اشتقت
و آحدٍ يزين الجو لا صـآر ذالفْ !

[سـمـآويـه]

قولو لـ أهلها يشيلون المرايه
آخاف لاطالعتها ماتصدّق !!

[سـمـآويـه]

تماديت بأحاسيسي وشوقي
وتماديت برجاي ابقى معاها

وتاليها تمادت في جروحي
وراحت من خلاها في خلاها

[سـمـآويـه]

واليوم ضاقت بي من الجال للجال
فرقاك تقصم ظهر وتحز و تلوع

لوجيت شفت الحال ماسرك الحال
في غيبتك ضايق وحاير ومفجوع

[سـمـآويـه]

تشرين همّي و تستهوينْ غربالي
وعيوني شهودي وصوتي براهيني

يَ حيّ حسّادي و يَ طيب عذّالي !
ان كان هذي وصوف اللي مصافيني

[سـمـآويـه]

‏​‏​​‏​‏​‏​‏​‏​‏​‏​يا زينـها تِصبـحْ علـى صـوت مخـلوق
يسـج بك مـن زحمة النـاس / والوقت

[سـمـآويـه]

مال حبك طب مادامه تفشّى
في عروق اللي ورا العوج النحايف

اعتذر واللي لك إن عذرك يمشّى
ما يدقّـق فـ العذر بين الولايف

[سـمـآويـه]

http://homelessmanspeaks.files.wordpress.com/2009/08/arrow-through-heart-aug-18-2009.jpg



يَ هيه لا تنشد يَ خالد من تحب !
من لايعيش الحب تٍلغى حقـوقـه
الجرح قفّل كل احاسيسه و شب !
نار من فراق الغضي في خفوقه
انا و قلبي و الغلا \ مالنـــا اب
يتمان و صـدور اليتامَ مخنوقـه
احلامنا تضمى ولا نقدر نصب!
واللي بغينا ماروتنا بــروقه
والي يشوف العاطفه مالها رب !؟
يقـول ماكنها من امس محروقه
يَ لايمي حال الهوى ماهو ب صلب
قدر المحبه للأسف طاح سوقه
الشوق ما يرحم و لا فالهوى طب
و اظروفنا يَ جارحه يَ سروقه
خله على مايشتهي دون مايحب
قلب ! ما هو يستحمـل الاعروقه
لاتنشد المجروح وش يعني (الحب) !
يجهـــل مذاقه كٍثر ماكان يذوقه

[سـمـآويـه]

‏​‏​‏​‏​‏​نشوة فرح بانت على مبسم الزين
بين الأمل والعز قامت تدرّج !

البارحه تشكي على بطأ السنين
واليوم ترقص تحتفل بـ التخرج




سبحانه مَسرع الايّام ^^

[سـمـآويـه]

.

طالبك لا تتركيني حتى لو قلت اتركيني
شوفي دمعي لا نويتي ترحلين وصدّقيه و كذّبيني

[سـمـآويـه]

.

طالبك لا تتركيني حتى لو قلت اتركيني
شوفي دمعي لا نويتي ترحلين وصدّقيه

و كذّبيني !

[سـمـآويـه]

رولا دشتي فرحانه لسقوط المعلمينْ

yfrog.com/h3y7xguj

عسَى ماشَر ؟!

[سـمـآويـه]

http://dc08.arabsh.com/i/01543/cnp8ykhfqi3q.jpg



مَا بَه مكانْ ب صاحبِكْ ما جرحتَه
و إنتَ تدوّر جَرحْ مَع طَلعَه الروح !

إجرَح مدامْ الجَرحْ إذا مِنكْ بحتَه
هذا إنْ بقَى بي شَي ما كَان مَجروحْ !

[سـمـآويـه]

http://imagecache.te3p.com/imgcache/cece0ca7d7fcda0d21566283d1b511cb.jpg





يصيبْ ظَن أحيَانْ و أحياناً يخيبْ
و الشّك ما يترِكْ ردي الطّبايِع

و إن ضَاع مِن نِكرانْ خَلق الله الطيبْ
الطيبْ عِندْ الله ما هو ب ضَايِعْ

[سـمـآويـه]

http://www.m5zn.com/uploads/2011/6/28/photo/062811210602xpk924z.jpg



واثقَه مِن زينها شَكل و قبول
كِل ما جا لـ الحلا موضُوع جاتْ

و دايِمْ إليا جتْ تضَايقهُمْ تقول :
صَح أنا أحلى وحدَه بكلْ البنَاتْ ؟

[سـمـآويـه]

احيان ودي اطيح مـن التعب و ازري
وتشيلني عزتي وسلوم جداني

[سـمـآويـه]

بكيتي أشعوري معك يوم ( تبكين )
لاعاد أشوف أدموع عينك سمعتي ؟

خلك قويه يوم عني تروحين
عشان أشوفك شامخه لا رجعتي

[سـمـآويـه]

تقول : ليه الحزن ، والهم ، والضيقه
وأقول .. ما للـزمن في فرحتي منّه

حتى وحلمي بسيط وسهل تحقيقه
أصبح يشابه لـ حلمْ ابليس فالجنه

[سـمـآويـه]

تشبَه مفاهيمْ الخجلْ فيَ خجلهَا
سنيورة الأطباعْ والذوق قصه

إذا حكتْ يتساقطْ احلَى عسلهاَ
كنْ الحكي يعطي عنْ الذوق حصه

[سـمـآويـه]

الله يعوّض ما مضى من سنينك
يَ الغالي اللي طال ( حزنه وخوفه ) !

شوقك مع قمة ( جنونك وعينك )
هذا الذي هالحين أحتاج ( آشوفه )

[سـمـآويـه]

ما ودّي اذكر عيوبه واحسب ذنوبه
حتى لو انّه جرح قلبي ، وبكّاني

جعل الله يسامحه ، ويسمّح دروبه
خلاّني ابيع خِلاّني ، وخَلاّني !

[سـمـآويـه]

حظ الهواء اللي تعيش فيه بس حظاه
لإنه الوحيد اللي قدر يختلي بك

أدرى عليك من إلهواء وإتحاشإه !
واروف بك و اهيمْ بك واعتني / بك !

[سـمـآويـه]

مَع ضوء الابجوره الخافِتْ / و الهوا الباردْ و النقي عكسْ الغبار ب الخارجْ

مِنْ بعدْ عَودَه من رحلَه متعبَه ب سببْ ذاكْ الجوْ لا يسعك قولْ سوا :



مسّاكْ بالخير يَ فراشي
مشتاق بالحيل لنومه

مكيف البيت هيتاشي
يجمد الجسم بهدومه



:p


تصبحونْ على خيرْ و سعادَه ^^

[سـمـآويـه]

محبّتك ما بينْ قوسينْ ( بدعه )
يعني انتفارق يَ بن الاجواد ابرك

شكرا على أتقانك 2000 خدعه
و 2000 شكرا للشعور المفبرك !!




http://www.mobdi3ine.net/uploads/13094595012.gif ^^

[سـمـآويـه]

لا تلمس الجرح وأنت الجرح في عيني
أبيك تنسـى وأ نا مثلك أبنساني

أنت أكثر إنسان حالف ما يخليني
و أنت أول إنسان يوم احتجت خلاني !





http://www.lmssat.com/vb/images/smilies/Roody/q2.gif ^^

[سـمـآويـه]

التّواضع شَر في بعض النواحي
الجبل لو يتواضع من يشيله ؟!

[سـمـآويـه]

الحب لَه قدر و مقَامْ و الشّوق لا رِحم حيَّه
عيني تعذّرها المنامْ تِمسي و تِصبح شقيّه

خليتني جِلد و عظَامْ و ذمّه غرامِك بريَّه
أشكي على نوحْ الحَمام و أجاوبْ الراعبيَّه





http://www.lmssat.com/vb/images/smilies/Roody/q2.gif

[سـمـآويـه]

بقول له كلمَه صريحَه مِن غلاه
كَلمه علا لسَاني تخفّى مِن شَهَر

بقولها و اللي ورا صَدري وراه
و استَسمحَه فيها لو الخَافي ظَهَر

مَشكورْ ما قصّرت يَ مالْ الغناه
مليتْ صَدري حِزنْ و عيوني سَهَر




http://www.safeshare.tv/w/rXRXRumVYK

[سـمـآويـه]

نخافْ نفتح قَلبنا يِنفتِح بَابْ
خص القريّبْ ودنا ما نسبّه

و الله يَ بعضْ المعارفْ فَ الأجنَابْ
اخلصْ مِن قريبْ النّسبْ فَ المحبّه



http://www.lmssat.com/vb/images/smilies/Roody/q2.gif

[سـمـآويـه]

و أحنْ حنّه خلوجٍ فاقَدَه بكرَه
و أهز راسي قَهَر و أقلّب يديني

و أقولْ لَو كَان كِل طيِّبْ على ذِكرَه
سُولفت عنّه إلين أشوفَه ب عيني




http://www.lmssat.com/vb/images/smilies/Roody/q2.gif

[سـمـآويـه]

رضيتْ بِ البعد مثلْ المُجبر المُكره
عَزيز لَو كانتْ ظروفي تعنّيني

لا قِلت أبنسَاه جاني شَي و أفتكرَه
و إن جيتْ أبتلاحقَه ما عادْ يِمديني

[سـمـآويـه]

جيتِك غرورْ و كِبر و مكابر و طيشْ
مشتَاق | متثيقِل و تِسبقني خطايْ

و رجّعتني يَ ناكر الملحْ و العيشْ
مدنّق راسي و يدّي في مخبَايْ

[سـمـآويـه]

ضَميان أنا ف البعدْ و وصَاله مطَر
ما راقْ لي جَرح الهَوى لو راق لَه

الغَالي اللي حدني عَنه القدر
مشتَاق له في ذمّتي مشتاق لَه




http://www.lmssat.com/vb/images/smilies/Roody/q2.gif

[سـمـآويـه]

أجيكْ يِسلم راسكْ وشلونِ ما أجيك ؟
ويّاكْ أنا ب الذّاتْ صَعبْ أتغلّى

و الله مَدري من الغَلا وينْ أودّيك !
تِسوى عيوني و لا بَعد يِمكِنْ أغلى

[سـمـآويـه]

عليك قلبي من ظنا الشّوق خفّاق
أبيك لكن وين دارك و أنا وين !

[سـمـآويـه]

قلت عايف ونفسي بالخفا تشتهيك
عزة النفس تدري طيب ماهي ردى

خل عينك تهل دموعها وش عليك
انت خدك ورود ودمع عينك ندى

[سـمـآويـه]

ابتسمْ لكْ وهمي فوجْ يقفاهْ فوجْ
منْ يحبكْ لزومْ يصيرْ مثلكْ هجاجْ

بسْ قلي وانا غلطانْ لكْ ومحجوجْ
وينْ يلقونْ لجروحْ النواعسْ علاجْ

كنْ بينْ الضلوعْ العوجْ صفقاتْ موجْ
يومْ فاضْ الغلا والشوقْ والقلبْ هاجْ

ضيقةْ الصدرْ لو بينْ المحاني تلوجْ
كلْ ضيقةْ لها عندْ الكريمْ انفراجْ

[سـمـآويـه]

ماني أعمى بصيره بس وش عاد أسوي
ما يطيب الجريح إن كان ما ينتداوا

كن حبه على حدب الضلوع امتطوي
كيف أبقوى وأنا بيبان قلبي تهاوا

[سـمـآويـه]

من يقول :


أبذل تجد | ماله لُوا ,
كم بذلت ولا وجدت إلا الجحود !

[سـمـآويـه]

أكبر دليل ان المشَاعر تنبهْ
وآن آلمحبه ما تجب غصب و اذلالْ

شخص قبلْ لا تلتقي به تحبّه
و شخصٍ قبال العينْ ما هَزْ مثقالْ

[سـمـآويـه]

تنـام عينـك و عيني ما بعد نامت
لله على الوقت صرت تنام من بدري

ما كن روحك بحبي يا الغلا هامت
ولاكني اللي اموت برمشك الخدري

[سـمـآويـه]

يَ منتهـى الرقه و يَ منتهـى الذوق
اشتقت قبل آنآم وآصبحت وآشتقت

يَ زينها تصبح على صوت مَخلوقْ
يسج بكْ من زحمة الناس والوقت

[سـمـآويـه]

خذيتني يَ ساحر القـلب بحكاكْ
سحر الغرام اللي معانيهْ ذاتكْ

و بديتْ بي من قبل لا أجيك و أبداكْ
و اخط سيرَه حب في ذكـرياتكْ

و عَشقت صوتكْ ضحكتكْ وجهكْ رضاكْ
و غدت جهاتي ب المحبه جهااتكْ

غصباً عليكْ أستاهلكْ وآتحداكْ !
لآنّي الوحيدْ اللي فهمْ منتهاتكْ !

غرامك اغنآني من الناسْ واغنآكْ
عن كل شخصٍ معجبٍ في صفاتكْ

تعبت أدور شوفـتكْ قبل لا القاكْ
و جيتكْ و روحي قبل لا أجيك جاتكْ

روحي تحبكْ قبل لا أحب لاماكْ
و لاماكْ حببني أكون بحياتكْ

فديت كَبدك يَ هوآ الحب مَ أغلاكْ
ارسـم عَ كَف الحنينْ امنيآتكْ

وينكْ تباطيتكْ و قلبي تباطاكْ
شوقي حيآكْ و شوقْ لا غبت مآتكْ

ضم الضّلوعْ اللي تعبها امحاتآكْ
و حب العيونْ اللي تموت ب غلاتك

اكبـر فخر للآرضْ لادجت بخطاكْ
و اكبرْ فَخر للحب اني غنآتكْ

حَظ الهوا تتنفّسه في حَناياكْ
حَظ العطورْ اللي تلامس عباتكْ

أنا ضمَان العشْق و الماي دجلاك
والنّيل نيلك و الامآني فراتك

ما صرتْ اهيمْ بـ شوقْ و احب لولآكْ
اتحب روحي قبل احبّك و جآتك

ما ودي احبّك عشآن اكسبْ رضآك
ودّي اكونْ أجمَل حَدث في حيآتكْ




http://up.ftahilah.com/up//uploads/f5f285c5d4.mp3

[سـمـآويـه]

ألم ضِرسْ يريدْ الظّهورْ جَلبْ لي صداعْ

ثمَّ شرّفتْ البلاعيمْ و مِن ثمَّ النَّشلَه


،


ذكّرتني حالتي ب بيتْ لـ حامدْ زيدْ ماني ذاكرتَه عَدلْ

بَس فحواهْ أنْ المصَايبْ لا جَتْ تجي مرّه وحده = (

لكنْ ما نقولْ الا الله يعينْ و يشَافي ’،

[سـمـآويـه]

يَ اللي تقول إنك من الوقت ضايق !
لاتحسب الضيقه أبد مالها حل !

إغسل ذنوبك يوم وتكون رايق !
يعني بلاش من الطرب كبر و صل !

[سـمـآويـه]

مِن دخلتي على القاعة بدت تحتفل !
و دارت ارقاب خلق الله وقوف و جلوس !

و ابتدوا يرقصون و ضج فيك الحفل !
يحسبون انك انتي من حلاك العروس !




:p

[سـمـآويـه]

شف بهجة الغايب لا شاف المساكن
يلمس حصى هذي ويلثم ثرى ذيك

واسمع عصافير الفجر لا تحاكن
واشتّم نفحات الزهر من حواليك

الحسن واجد في الخلايق ولكن
شتّتْه ربّي فيهم وجمّعه فيك

[سـمـآويـه]

الجمايل عملةٍ قيد التداول
تنصرف بين السنافي والسنافي

والتنكّر والتجنّي والتطاول
ما يبيع ويشري ابْها غير هافي

وانت وافي بالكشوف وبالجداول
بس لا جت للفعايل منت وافي

وبالمراجل والقوافي لا تحاول
غالبينك بالمراجل والقوافي

[سـمـآويـه]

شوف الوجيه وطيعني لا قلت لك شوف الوجيه
تنبي عن اللي داخل قلوب الرجال وجيهها

[سـمـآويـه]

آنتْ يَ اللي جَامعٍ بـ الملحْ سكَّر
ضعت مابين التناقضْ و التّشابه

[سـمـآويـه]

اسأل علي ما فيه للهجر داعي
وش عذرك من الشوق لا قلت وينك ؟

صوتك يخفف ضيقتي والتياعي
وشلون لا من جات عيني بعينك

[سـمـآويـه]

مع شوفته نشوه وفزه وتخدير
وعيــون خلانٍ تعانق نظرها

[سـمـآويـه]

ضميانْ شوفْ و لا روتني عيوني
اخافْ مـن زودْ الضّما أفقدْ الشّوف

[سـمـآويـه]

في شوفتكْ ويشْ العسل و المربّى
وفي ريحتك وشْ هي ورودْ البساتين

لو با تلبّى فيكْ ويشْ اتلبّى
كلك حلا من وينْ ما الد بالعينْ

[سـمـآويـه]

انا على العھد الاول و انت خابرني
ياللي على البعد اشوفك عازم و جازمْ

الله على الشوق و غيابك يصبرني
عز الله اني صبرت اكثرْ من اللازمْ

[سـمـآويـه]

يشهد علي الله ماخاف من شيْ
لكن اذا شفتكْ تروح الشجاعهْ !

[سـمـآويـه]

مَجدولها لا جَات تقعَد ترفعَه
و إليا نعسَت توسّدت مجدولها

[سـمـآويـه]

انتهيت و مالك بـ صدري حضور
ماني مكثر ( مشاريه / و عتب )


الأدب إنّك تقدر لي شعورْ
و انت يوم قفيت ما عندك أدب !

[سـمـآويـه]

غضت شفايفها من الهم والضيق
جعله تضيق صدور من ضايقوها

ياللي جرحتوا ملح كل المخاليق
اما عطوها الحب والا اتركوها

[سـمـآويـه]

ماني بنادم على أني بْيوم فارقتك
لكنّي نادم على شيّين في بالي

عن كل مرّه بكيتي لي وصدقتك
وعن كل لحظه جلست أنتظرك لحالي




http://store1.up-00.com/Mar11/pq145636.gif

[سـمـآويـه]

أنسى فراقك وأتصل لجل أنتقم
من صمتك اللي ماترك قلبي ب خير

يَ ما أتصلت و لا وصلت آخر رقم
أذكر فراقك وأترك الرقم الأخير

[سـمـآويـه]

إنسَان و أحافِظ على إنسَانتي
إليَا نصَرت العالمْ المنضَامَه


أثور في وَجه الخطا و سلاحي
فصَاحة الشّاعر و نَزف أقلامَه



ما حَز في نفسي و كدّر بَالي
مِثل البدونْ و حالتَه و آلامَه


مُواطِن و لكنْ بليّا مَوطِن !
مُقيمْ لكن ما معَاه إقامَه !


تَرى إنتماء الآدمي للمنشأ
ما هوبْ لـ حروفْ الورَق و أختامَه


يَ بلادي الحرّه و أنا منْ أحرارِكْ
أسهَر غَلاكْ السّرمدي و أنامَه


محدٍ يسَاومني على حبّي لِك
لو كثروا أهل المَال و السّوامَه


أعاتبِك عَتب خليلْ لـ خلّه
مِن منطلَقْ حرصَه و زودْ هيَامَه


كَم واحدٍ مَولودْ فوقْ ترابِك
تحتَه عيَالَه دافنينْ عظَامَه


و كَم واحدٍ ضحّى بعمرَه دونِك
في ساعةٍ كنها قيَام قيَامَه


و عاضَته عضن شهادَه الجنسيّه
شهادَة الواجِب لجل حكّامَه


عيَال مِن ماتوا فداكْ عيَالِكْ
و أولّى مِن الكومبَارسْ و النّهامَه


يَ قبّه المَجلسْ و نَبض الشّارعْ
يخاطبِك شَاعر بجزلْ إلهامَه


و عينَه على الثّلث الشّريفْ الواعي
ما هي بعلى ثلثينِك البصّامَه


وشلونْ يَحيا في بلادْ العزّه
رجلٍ بصدرَه تستضيقْ أنسَامَه ؟


الآدمي مَقرونْ ب أرضٍ فيها
بداية كتَاب العمر و ختامَه


و إليا سَلبتَه إنتماءَه لـ أرضَه
كنّك تنفّذ فيه حِكمْ إعدامَه


يَ مَجلسْ أنصف لي متَى يَ مَجلسْ
تَلعب بشعبِك مِثل لعبْ الدّامَه


أخاطبِك و انا الحَزينْ الضّايِق
مِن مستواكْ المنحدر و إسهَامَه


في زَعزَه روح النّسيج الواحِد
في مُجتمَع مَهزوزْ أصلًا دامَه


نتاجْ سخف و بهرجَه مبنيّه
على التصنّع و الريَا و آثامَه


تَرف مزيّف و إتكال و فوضَى
ثلاثْ مِن خلفَه و مِن قدّامَه


وشلونْ يَقدر مجتمعنَا الشّرقي
يفرضْ رؤاه و يَرفض استسلامَه ؟


و ثلاثة أربَاع الأسر تقريبًا
في دبرَه السوّاق و الخدّامَه !


الإتّكاليَه دمار الأمّه
يَ مهاجمْ الغربْ و فسَاد إعلامَه


ما يَبني التّاريخ رجل مسَالمْ
يبنيه مِن داسْ الخَطَر بأقدامَه


عِندي قنَاعَه و أعتبرها مَنهجْ
يبصمْ لها عَقل الذّكي و إبهامَه


كل شَي في الدنيا يضر و يَنفَع
على حَسَب طريقَه استخدامَه


حتّى الطّمع ممكن يكونْ إيجابي
تِزدادْ به همّه و ترفَع هامَه


و أكبر دليلْ إنْ الطّمع فـ الجنَّه
يحفّز المسلمْ يصونْ إسلامَه











http://store1.up-00.com/Mar11/pq145636.gif

[سـمـآويـه]

دماث الحلا اللي كل قلب عليها تاه
تخيلت لو فارس عوض شاف صورتها

صرخ شوفوا الابداع فالزين يا ربااه
يا رباه من يقوى على رمح نظرتها




:p









..

[سـمـآويـه]

لآ جاتك ابل الشوق يَ صاحبي وردْ
امنتك اللـه .. لا يطـول ضماها

البُعـد ذآبحنـي وانـا ميـت بردْ
هآت الضلوع اللي وحشني دفآهـآ

[سـمـآويـه]

لايغرك صمتي الواجد عليك وطيبي
والله أني لو تبيها للمنايا صامل !

ان بغيت اسكّت الجهال مثلك ، عيبي
أستخير ان قالو العقال ( جامل جامل ) !

[سـمـآويـه]

عليك عنق ومبسم وطول وعيون
لاشفتهم في عز غربالي اسلا !

اللي اعرفه لا كبرتو : تشينون
وانتي كبرتي صح بس صرتي احلا !

[سـمـآويـه]

مستبسل الشوق والا الود متمكن
عزاي وقت جمع لحظات وديه

ماغيره احب ولاني واحد اركّن
القلب واحد و حبه ماهو شويه

غالي واهدّف على شوفته واسكّن
مثل المطوّع على مرمى السعوديه



خالد المرّي

[سـمـآويـه]

الزّعل نعمَه مِن الله و الجفَا لَه خانَه
..... إزعلي ودّي أشوفِشْ لا قدشْ زعلانَه

يِمكن إنّشْ لا زَعلتي أكتشِف أخطائي
..... و يغَدي لـ رضاشْ لذّه يَ أعز إنسَانَه

أشعبي ركبْ الغَرامْ و حوّلي في صَدري
..... و إعبري جدرانْ حبّي و إدهلي بيبَانَه

و إحكمِي قَصر الغلا في قَلبي المتولّع
..... و آمري و إنهي فديتش دامشْ السّلطَانَه

يَ هَنوفْ العِشق يَ وضح الغلا بعد إذنشْ
..... آذني للصبّح ياخِذ مِن بهاشْ ألوانَه

و إن زَعلتي مالي إلا آجي و أقبّل خَشمشْ
..... و آغدي مِغلِط لو إنّشْ أنتي الغَلطانَه !

حبّش ب قلبي كبيرْ و عادْ قَدرشْ أكبَر
..... كيفْ تَبغين أتحمّل زضعلتشْ يَ فلانَه ؟!

المَحاني مِن كِثر شوقي تبَاكا لجلشْ
..... و الخَفوقْ يذوب مِن دَمعه ضلوعْ وزانَه

و المشَاعر ما لها سيرَه يَ كودْ غيَابشْ
..... و الوريدْ إمن القَهَر يَشكي على شريَانَه

ليه علَقتيني ب حبّش و عقبَه رحتي ؟!
..... و ليه خلّيتي عروقٍ ودّتشْ ضَميانَه ؟!

ويلْ قَلبي كِل ما قِلتي فديتِك ويلَه
..... يِرتمي قَلبي مِن الرّبكَه على ضِلعانَه

جعلهَا في ذمّتشْ ذمّه تراني مَا أقدر
..... أتحمّل شوفَة الضّيقَه ب أعز إنسَانَه

كيفْ يَاتيلي أزعّل قِطعةٍ مِن روحي
..... و أنا أزعّل مِن يزعلها و أقص لسَانَه





http://store1.up-00.com/Mar11/pq145636.gif

[سـمـآويـه]

إذا فلوسي و نفسي وعرضي على الميزان
فلوسي فدا نفسي و نفسي فدا عرضي

و ثوب الردا لو زيّنتْه أنفس الرديان
فلا طوله بطولي و لا عرضه بعرضي





http://store1.up-00.com/Mar11/pq145636.gif

[سـمـآويـه]

قال السديري عقب ماخاطره ضاق
بيتن يخلي ضامي القلب يشقا

ليت ربي ماخلق حب وفراق
والا خلق حبن على غير فرقا

[سـمـآويـه]

فقر المشاعر فيك ليتـه [ فقر دمْ ]
علىّ آلآقلْ ينفعُ معَآه آلتبّـرع !

[سـمـآويـه]

‏​حسبي على الصيف ياهو قاسي وظالم
قفابك لشرق الارض وجا يواسيني

ومن كثر ما اقول ترجع غانم وسالم
كرهت غانم ،، وسالم طاح من عيني




:p

[سـمـآويـه]

ما فيـھ داعي تـكشخين لـ دوامك
أنتي أنـيقـھ حتى لـو بـ البجامه

شوفي دوامك / كل موظّف بزامك
تعطينھ الـدافـع يروح لـ دوامه



:p

[سـمـآويـه]

اللي تغلّا , ليتها ما طـالت ،
على إنكساراتي وخيبة ظنّي !

عنقا ليا هب الشمالي , مالت ،
وصوتي , ليامن هبّ ، صدّت عنّي !!

إن قلت بألقى بنت غيرك قالت ،
أبسـألك ( هو فيه أحلّا منّي ؟ ) !!


^^

[سـمـآويـه]

لا بارك الله بالرفيق اللي ليا منه زعل ،
جاب العلوم اللي فـ بطنه كلبّوها وكبّها !

[سـمـآويـه]

الطيب يمحى العيب عرف ومواثيق
ولا الخطا ماله على الطيب والي

واللي جرحني بين حدب ومعاليق
مأخفي عليك انه الى الحين غالي !

[سـمـآويـه]

كأنك تنآسيتي تقاسيم وجهي
فأنا لك الله ما نسيت الملآٌٌمح !

[سـمـآويـه]

http://www.safeshare.tv/w/VKptGlVezh





لا جيتْ عقبْ البطا و الدّمعَة بعيني
خَلها تطيحْ و حَبيبِك قَد ملا كمَّه

الدّمع سمٌّ تجمّع في شَراييني
يومْ إنْ فَرقَاكْ في قَلبي نثَر سمّه

خَلني على كيفي أبكي لا تواسيني
لَعَل قَلبي يفرّغ شَي مِن همّه

يَخنقني الشّوق و الذّكرى تودّيني
أجي لـ حارتكُم و بيتِك أمر يمّه

و أنطِر دريشَتكْ و دموعي حَواليني
و أقولْ أكيد الهَوى اللي بحارتَه شمَّه

و أنزّل الجَامْ و أطلّع راسي أرديني
أشم هَواكْ اللي بحارَتك تشتمّه

للحبْ نَزعَاتْ يَ أغلى النَّاسْ تذّيني
غيرَة و حيرَة عليكْ الله بَ الذّمَه

وردٍ على سورْ بيتِكْ شَافتَه عيني
يشمّك إن جيتْ و إنت اللي تشتمّه

و عليكْ غيرة فؤادي حيلْ تِشقيني
ما ودّي أغار لَكن غيرتي | مطمّه

غيرَة طِفل ما كمل ثلاثَة سنيني
طبيعي يصيحْ لا مِن وخذَتْ المَمَّه

و إليا وقَفنا بشمسْ و بينِك و بيني
ظَهَر لنا ظِل شِفني برجلي أدمَّه

أتعَب بدنيَايْ و الدّنيا تشقّيني
و أحتاجْ لِك غير محدٍ غيرِك أهمّه

حاجَة يتيمٍ ولَد و ماتوا لَه أبويني
في هدّة المَدرسَة لا أبوه و لا أمّه

كلٍ يزمَّه أبوه و هو مَسكيني
يِزِم شَنطَته بَس ما جاه أحدْ زمَّه

قَلبِك بدنيايْ عَن كِل شَي يَكفيني
و قضلبي خذّه عَن عيُون أهل العَذل ضمّه

و إنْ فَرقتنا الليَالي مَنت نَاسيني
إلا ليَا قيلْ سِلطانْ القبر ضمَّه

مَسموحْ لكنْ أبيك بشي تَطريني
لا جاكْ مَولودْ على إسمي أنا سمَّه

و إن عِشتْ أبلقَاكْ و إنتَه إبتلاقيني
بحمّي الشّوقْ و إنت الشّوقْ هَمْ حمَّه

شحنَاتْ الأشواقْ ب ت أجسَامْ المحبّيني
تَدفع لِكْ العَاشِقْ اللي مِحترِق دمّه

و الأحبَابْ عِند اللقا ياتونْ جسميني
و جسمٍ يصيرونْ و الأرواحْ ملتمّه

جيتْ أبضمّك عجولَه حيلْ رجليني
ماني ب خفيّف و لكنْ بَ الجسم همّه

بفرّغ الشوقْ فيكْ و فرّغَة فيني
يومْ القلوبْ إتّلاَمَسْ سَاعَة الضمَّه

تَعبان و الحبْ مِثل الشّمس بيديني
ضوّه عليهنْ و لاني قَادر ألمَّه

تعَال لمني حبيبي لا تخلّيني
يَ ليتْ دنيَاي تَاقَف عِند هاللمّه


http://store1.up-00.com/Mar11/pq145636.gif

[سـمـآويـه]

طيفِج معي حَاضر بِ كل التعاليلْ
ودّي أصرفَه بَس ما فيه حيلَه

يِقِصْ أثَر شوقي لَو أروحْ لـ النيلْ
و أنا عروقي طيَّبَه مو بخيلَه

و كل ما لفاني و في يديني فناجيلْ
قهويتَه دموعْ العيُونْ العليلَه

غيبي و لجْ منّي أسَامِح و لا أشيلْ
حتّى غيابِج في حاجَة نبيلَه

طِفل الوفا بَ القَلبْ أدلّلـه تَدليلْ
ب صدّتي لا مرّت أيّة كحيلَة

نِصفْ الشّهر جيتي مَع البَدر بالليلْ
و حسيتْ فعيوني حَول يَ الجميلَة

منهو البَدر فيكُم تَعب ناظري حيلْ
إمّا إسبقي بليلة أو أخري بليلة



http://store1.up-00.com/Mar11/pq145636.gif

[سـمـآويـه]

لونَك صبَاح أفِز مَع صيحَة الدّيكْ
و لونَك مسَا شفني على طولْ سَاهركْ

صحيحْ غَايِبْ عنّي و موبْ لاقيكْ
لكنْ عَن عيوني ما غَابتْ نواظركْ

مِن شوقي بعيني أجيبِك و أودّيكْ
و أقولْ يَ ليتَه معك مِن جواهِركْ

على الأقَل خَاتَم تشوفَه بيدّيكْ
كِل ما تعضْ إمنْ التدلّع أظافِركْ

تَدري ب أنّي كِنت ما ودّي أغليكْ ؟
وشلونْ ما تِبكْ الفؤاد و تظافَركْ

جيتَه حَدا الأيّام ناوي أبَرميكْ
و أثريه مِن كيفَه حبيبي ينَاصركْ

ناداكْ شِريَانَه على شَان يَحميكْ
و لقَا وريدي في خَلايَاه حاكركْ

و تذابحوا كلٍ يقولْ أنا أغبّيكْ
.. .. .. .. .. ؟


http://store1.up-00.com/Mar11/pq145636.gif

[سـمـآويـه]

تضحك و شلاَّل الدلع منَّها يسيل
تشرق حلا وانا بـ لحظة غروبي

هذي الجميلة صدق من غير تجميل
يَ ليتها من دون هالناس صوبي



http://store1.up-00.com/Mar11/pq145636.gif ^^

[سـمـآويـه]

تغيبْ و تخلّي المولّع بينْ هجرانْ و لظا
و إنتْ الوَحيدْ اللي مَلَك قَلبَه و عاشْ بعالمَه

غيّرتْ فيه أشيَاء كانَتْ فيه مِن وَقتٍ مضَا
و أطبَاعَه اللي قَبل عِرفِك كلبيها والمَه

يرسملِك البَسمَه و خافي ما بصدرَه ما نضَا
حتّى و لو سيفْ الزّمن جَايِر عليهْ و ثَالمَه

يَدرى عليكْ مِن الزّعل ويموتْ في كَلمَه رضَا
يَشفق عليكْ مِن الهَوى يَ جِعل روحِك سَالمَه

هَذا أنا ؟ نَعَم أنا ، كوكبْ يعيشْ بلا فضَا
حبّك غرامَه فَ الحيَا و خوفْ فقدِكْ آلمَه

تغيبْ و ضلوعي تنَاثَر لِك شضَا شضَا شِضَا
ويلِك مِن الله كَان قَلبي مَا سواتِك ظَالمَه

مشيتْ دَربكْ و الهَوى بَاردْ و بي جَمرَة غضَا
أضمّها بكفي و أغنّي للعيُونْ الحالمَه

يَ حظّني بِك إيه لكن يومْ قَلبي بِك حظا
وشْ هي حيَاتَه دونْ ما تشوفَه و دونْ تسَالمَه

يَ غاويٍ مِغوي عيوني في جمالٍ و في عظَا
بيتٍ ربيت و عِشتْ فيه إستوحشَت سلالمَه

قَاسي و لا تَدري إش حَصَلْ و أهدابْ عَينَيْ إمرضَا
و حَمَد ما عادَه لك حمَد تغيَرت معالمَه

محدٍ سواكْ فـ غيبتَه آحسْ ب إهمالْ و فضَا
و محدٍ سواكْ ب عالمِي و أطمَح أعيشْ بعالمَكْ

صبَرتْ يَ لاهي و صَبري مِن جفَا صوتِكْ قضَا
و احرَقتْ قَلبي و السّببْ كلّه عشَان مكالمَه !

[سـمـآويـه]

الغلا يصعب على راع الغلا تحجيمه
انت ريح اللي بقى من واقعي واحلامي

علم عيونك تشوف ان للمشاعر قيمه
لا تسولف من وراي وتبتسم قدامي

[سـمـآويـه]

مشتاق جداً لوصلك والحقيقة
للشوق لون وطعم واحساس ثاني

اشتاق ( 90 ) مرّه ، بالدقيقة
شف بالدقيقة تعديت الثواني !

[سـمـآويـه]

يِشره عَلي عَقلي و يبكي ضميري
إليا ذكرت إنّي جرحتِك بلا أسبَابْ

تقول ليتْ الجَرحْ مِن شخص غيري
و أقول أنا هذا بلا أبوكْ يَ عقاب




http://store1.up-00.com/Mar11/pq145636.gif

[سـمـآويـه]

قالو لي إن زينش لحاله ، وجيتش
وعز الله إن زينش بـ زينش مكمّل

صدّي ، عشان أقدر أسولف فديتش
الزين ما يرحم و أنا ماااااتحمّل

[سـمـآويـه]

الكِبر في الانسان ذنب وسماجه
من جد اعاملهم على انهم مساكين

الناس ما تبغى من الناس حاجه
غير الجناب الزين والمنطق الزين

[سـمـآويـه]

أجاوب أصعب لـ أسئله لو توالت
و أضرب مثال لما أقوله و أشبّه

بس أعجز آجاوب عليها ، لا قالت :
تكفى وش أكثر شي فيني تحـبّه ؟!

[سـمـآويـه]

على علوم الغلا مانيب متجرّي
قلبي لك لحالك وقلبك لي لحالي

للي حصل بيني وبينك رقم سرّي
مثل ما رقمك رقم سرّي لجوّالي

[سـمـآويـه]

و شلون رحت بلا موادع و لا بنت !
و في غيبتك فجّرت ينبوع عيني

في راسي استفهام للحين ما أيقن
وشْ سبّه غيابك و زفرة أنيني ؟

ودّي مجرّد يوم واحد أكون إنت
و أعرف تفكيرك و نظرتك فيني !

[سـمـآويـه]

ترجع بي الذكرى على ذيك الأيام
و تسري بي فالقمرا مرارة كلامة

و تخنقني العبرة و ازيد التّبسام
و أقول خيرة لو خسرت إهتمامة

[سـمـآويـه]

سلّم على اللي يعتبر عقلة لباس
و يلبس على قدّه لباسٍ يكفّية

من كبّر لباسَة صغر فيه و انحاس
يكتف يديه و تنعثر فيه رجليه

[سـمـآويـه]

لو مابه صبر و عزوم ، شيّبنا
الحزن ماهو على قلوبنا باخل

ليه لامـنـّـا ذكــرنا حـبـايـبنا
نبتسم لو حنّا نبكي من الداخل !

[سـمـآويـه]

أدق رقمك عقبه أضغط على إنهاء
يآمر علي قلبي ، و ينهاه عقلي

لو مابه لبعض القرارات الغاء
دقيت لو أخسر لا دقيت ثقلي

[سـمـآويـه]

لا تحتفل دامك معي والهوى هب
الحب ماهو يوم وتغيب شمسه

مافيه أحد محتاج له عيد للحب
الناس محتاجين للحب نفسه

[سـمـآويـه]

‏​اقبلت يَ شهر العباده و الايمان
والناس في جيّتك : واعي ، و سامج

أحدٍ يـدوّر : فيڳ رحمـه ، و غفرٱن
وأحدٍ ما دوّر فيك غير البرامج !

[سـمـآويـه]

كل خير وله مصب وله منابع
آعمل لـ خير رمضآن من البـدايه

لا تقول اليـوم مدري وش بتابع
قول كم بقرآ ( من القرآن آيه )

[سـمـآويـه]

كيف ما نحزن و ندعي بتعجيل النصر
و الشوارع في حماه دعثـتها قايمه

مات طفل ، و كان بشار جالس في قصر
وقال : هذا طفل يدعم خلايا نايمه !

[سـمـآويـه]

صوم و استشعر وحس بـ هم غيرك
الصيام احساس ، ماهو بس طاعه

لا ذبحك الجوع وقف مع ضميرك
حس بـ اطفال تموت من المجاعه

[سـمـآويـه]

يَ صاحبي خلك من اشواقك صبور !
وكمل صيامك بالخصال الوافيه

وان كانك اشتقت إصبر لـ وقت الفطور
وافطر علي يَ جعل فيني العافيه !

[سـمـآويـه]

ما عاد أبي اطرح ولا عاد آبجْمع
جعله يموت وجعل ياكلني الدود !

من كثر ما نوّدع بعضنا ونرجع
لا راح ما فكر هو شلون بـ يعود !

[سـمـآويـه]

رديتلي ؟ يَ مرحبا بالناسي !
لكن انا لو بـ محلك ما رد

لا تقول انا بارد معك بـ احساسي !
لا والله الا وجهك اللي بارد

[سـمـآويـه]

يَ حالمه ، ما للفرح فيني حدود
وانتي بـ شفاك البسمه اليوسفيّه !

هذا الفرح ! دايم مع شوفك يزود
وان غبتي يتْلاشى شويّه شويّه !

[سـمـآويـه]

قلبي كما بندق تعبّيه الاشواق
و ليا طلق ناره نزل دمعي إمغير !

[سـمـآويـه]

أمره عجيب وجيّته ورد وإجراح
راقي بـ ذوقه رغم حزن أغترابي

دوّر علي ووصّل اعجابه و راح
لا قال ابي قربك ولا قال مابي !

[سـمـآويـه]

تدري متى آحس بـ اقصى حد من ضعفي ؟
لما أكابر و أنا من داخل أحتاجة !

[سـمـآويـه]

تدري وش اللي خذاك ورجعك صوبي
خذاك منّي رداك ورجّعك .. طيبي

طيبي بعين الزمن ماهو من عيوبي
معك انت بالذات كانت طيبتي عيبي

كم شق في ثوبك اللي ساتره ثوبي
قبل اغلب الناس تدري بك وتدري بي

يوم انت محتاج لي ماشفت عذروبي
واليوم عقب الرخا بانت عذاريبي !

[سـمـآويـه]

ترفةٍ تعزل العاشق من ربوعه
خدّها ما يذوب الا على يدها

من عرفها خذت قلبه من ضلوعه
وان بغى ردته ، ، كنّه يجاهدها

دايماً في عيون الغيد متبوعه
مهرةٍ وجّهت والريح تطردها

وان حضنها الهوى من عطشه وجوعه
يضحك شويّها ، ، ويضيق واجدها

توجع اللي تحب وتمسح دموعه
من رهف حسّها والا معاندها

كنّها عن مقال العذر ممنوعه
كل غلطاتها ماهيب تقصدها

[سـمـآويـه]

وشْ فيك لا منّي تأخرّت ما اشتقتْ
ابطي وتبطي لهفتك .. ما تجيني !

[سـمـآويـه]

انكسر قلبي من اسلوبك معاه
يَ خي ما ملّيت و انتَ تجرّحه

اكسر الروتين .. مرّة في الحياة
لاطفه .. واعطف عليه .. وفرّحه

[سـمـآويـه]

يَ قُو ذا الشّعورْ و ي قساااه !




مدري كثيره أشغالهُن ، او تغلوا
أخاف أعاتبهـم ، وهم ما يبوني !

[سـمـآويـه]

لا طاح من عيني رفيق وتضايقت
صديت عنه وكن ما صار , هيّن

لاواهني اللي يتأقلم مع الوقت
ويقدر يمثّل ضحكته ما يبيّن

[سـمـآويـه]

تختصر كل الحكي كلمة تعال
و يختصر الإحساس كلمة وش بقى ؟

و مهما زادت تكنلوجيا الإتصال
عمرها ما توصل إحساس اللقى

[سـمـآويـه]

جعل فيه العآفيه يَ اجمل غلا
من يشوفك ماهو بحاجة فطور

ماني بـ ضامي بدن كلا ولا
والله اني جيت لك ضآمي شعور

[سـمـآويـه]

صيآم آلقوٺ مآيشبه صيآم آلشِوق وآلعبره
نصوم ويآذن (آلمغربّ) ونآگِل لين مآنشبع !

ولگِن صوم من فآرق وليفهّ وآنٺهىّ صبره
يصوم سنين / لو خله حلِف لاغآب مآيرجع !

آلا ليٺ آلوصل ، لاجآع رآعيه مسّگِ : ٺمره
ويقبل صآحبه لامن سمعنآ ضربة آلمدفع !

[سـمـآويـه]

طاش السهم ياللي تقولون ما طاش !
في مجتمع دينه علامة فلاحه

على انتقاده للحى صابه خراش
و استخدم الاعلام للحرب ساحه

[سـمـآويـه]

,




لو واحد و عشرينك اليوم نادتك
قولي لها اللي دايما لك اقوله

كل ما كبرتي عام تكبر طفولتك
كل المراحل في حياتك طفوله





http://store1.up-00.com/Mar11/pq145636.gif

[سـمـآويـه]

لا إنتهى العَصر و بدا الليلْ و ظلامَه
و الهدو خيّم على روسْ المبَاني

ياردْ الهاجِسْ على الحُوفْ و مقامَه
بينْ مِطلاعْ النّفسْ لينْ المحاني

آتزاحَم و آخر آمالي غمَامَه
شِفتْ ماها صَبْ لكنْ ما سقَاني

لدّت الدنيَا قَبل يومْ القيَامَه
ما تسَاوي لوعتي و ألا حنَاني

صَاحبي و إن جَاكْ مِن قَليي ملامَه
تعجبِك و ألا تحمّلها عشَاني

صَاحبي و الجَرحْ لو تُوجِع سهَامَه
أشكرِك و أثنيلِك أنواعْ التّهاني

كَم رفيقٍ مِن هيَامي في غرامَه
قلتْ ليتْ الهَم قَبلْ يجيهْ جاني

من غصونْ الجَرحْ غنّتلي حمَامَه
تسجَع بصوتْ العَذابْ و ما كفَاني

أعرِف الإنسَانْ مِن مَنطِق كلامَه
و أدرِسْ الكِلمَه قَبل تَاتي لسَاني

كُل شِي إلا المعزّه و الكرامَة
من رخصهَا يَرتخِصْ و العمر فَاني

و إن حكَا فيني مِن الغيرَة هلامَه
جعل ربّي يبيحْ منّه لا قفاني

كل شَخصْ أقدّره و أعرف مقامَه
دامْ لَه في خافقي بَحر و مواني

و الله إن يضبقى غَلاه و إحترامَه
دامني لا غِبتْ يَحفظ لي مقَامي

الهنا و العافية راس السلامة
و ما يثمّنها سوا قلبٍ يعاني

آخر الدّنيا قَبر و أمتار خَامَه
و الحِزِن سَاعاتْ و الفرحَه ثواني

و دام ربي حَط أجر لـ الأبتسَامَه
و الله لـ أضحَكْ و لو عيّا زماني !

[سـمـآويـه]

آتدارك طواري البعد وانوي وآسير
وآتحاشى غيابك بس مالي جدا

والله انها مصيبه .. والتجافي خطير
ضاعت آمالي عمري كلبيها سدا

ليه ما توحي ..اللي طول ليله سهير
صاح لك وين دارك ما سمعت الندا ؟؟

رد قلبي .. ما دامك ما بغيته خشير
وانت ربي يحفظك والجروح شهدا

والله اني قوي وعاد عزمي بخير
يا حظوظي الليالي امنعيني الردا

كل ما قلت توي عاد عمرك صغير
غافلتني الليالي لين عمري غدا

بعض الاحيان آهوجس ليتني بس طير
ودي اطير من وقتي لأبعد مدا

من حفظني حفظته والغلا مستجير
ومن بغى يذل قلبي والله انه بدى ـآ

[سـمـآويـه]

جَلستي معك غنيمَة و إلى سرت اعتدال
أنفهق من جرّه خطاك ما عدّيتها

خذت منك المعرفَة و القناعَة و العدال
و كل كِلمة منك قدوَة ليا وصّيتها

ي يبَه يَ حاكم الطيب ي ريف الجزال
آتقاوى بس مدّتك ما قاويتها

يوم اعد إسمك ورا إسمي على عيون الرّجال
آتنومس كل ما رحت و إليا جيتها

جعلني ما آذوق حزنك على طول الليالْ
جعل يومي قَبل يومِكْ يَ ربي ليتها

شوفتك طيّب و مرتاح تسوا راس مالْ
جعل هالدّنيا فدا ضحكتك لا ريتها

الكَلام يعانق الصّمت و إذا به مثال
كلمة من قاصي الود ما كنيتها

يَ يبَه ما أوفيك حقّك و حقّك ما يطال
حتّى لو دنّقت لرجليكْ و حبّيتها







http://store1.up-00.com/Mar11/pq145636.gif

[سـمـآويـه]

راح عَشر و جات عَشر و عشر باقي
عوض اللي فات في ذا اللي بقى

القلوب بذور بس تريد ساقي
و الصلاة النهر بس إخذ إصدقى

أصدقاء تفخر بهم في من تلاقي
ما يحدونك عى درب الشقى

جعل ما تحسب بهذا الشّهر شاقي
و جعلنا في شهر الإعتاق اعتقى

[سـمـآويـه]

الا يَ وجودي وجد من فاجأه ديّان
برغم اعتزال الناس من كثرة اديونه

بعد ما فضى جيبه وكفه وحاله شان
تناسوه ربعه كنهّم ما يعرفونه

تناسوا مواقيفه ولا كن شيٍ كان
على غير ما ترضى الكرامه يحدونه

وهو كان منقع طيب منهل وفا واحسان
فلا شك عّوان الزمان ايتحدونه

رفع كفه الخالي الي الخالق الرحمان
عقب ما تصافوا كلهم ظلم من دونه

سريع الفرج كافل برزقه جميع انسان
قبل طلبته واعطاه ما خيّب اضنونه

على اللي سلب عقلي بسلهامة الاعيان
على العهد لو تبعد نحاياه ما اخونه

الى جيت باادله من خياله بعض الاحيان
يذكرّني القمري على الغصن بلحونه

يذكرّني القد المخصّر و هو مليان
تعزّال رسلانٍ على الضو مركونه

يتيم الوصوف وليّن العود غصن البان
جميل المحيا والحجاجين مقرونه

الى اوما بليل امجدله من على الامتان
تخيّلت كن الليل ممساه بمتونه

والى طاح واسترسل وبانت لي الاوجان
تخيّلت نور الصبح وان الشفق دونه

لها بنّة العطّار واحكاية المرجان
مع اللول والرمّان كن البررد لونه

معا ذا و لولا الميز باقول بنت افـلان
على شان مثلي لا عشقها تعذرونه

[سـمـآويـه]

بعض الغلا يِنزع مثل نَزع الأرواح
ما كل من تأمن ، يحَفْظ الأمانه

من راح ، قلت الله معه وين ما راح
لكنّ ، لا يرجع يدوِّر مكانه..!

[سـمـآويـه]

يَ آللي تجونه و آنـآ مقدر أجيه
قولوا لـه قلبي من الشـوق ضـآوي

[سـمـآويـه]

لا تعودني على قربك كثيييـر
ثم تتركـني على جال الظما

[سـمـآويـه]

حنّا ستر درعا وغظـّات الأبدان

[ طفل سوري ]


http://m.youtube.com/#/watch?desktop_uri=http%3A%2F%2Fwww.youtube.com%2Fw atch%3Fv%3D6hvkStpyLhk%26sns%3Dem&sns=em&v=6hvkStpyLhk&gl=US



الله ينصرهم 

[سـمـآويـه]

تدرين ليه بكل ليلة أنا آنام ؟
عشان أشوفك بس فالحلم وأقنع

شوفتك صعبة بس يازين الاحلام
لا ابوك يمنعني ولا دين يمنع

[سـمـآويـه]

مبروك فوز القادسيه و عادي ، هذا محلّه ي مدوّر محلّه
القادسيّه غير كل النوادي ، اغليه و احبه محبّه من الله

[سـمـآويـه]

يضيق صدري بس مدري يالرفيق
يضيق ضيقه جد أو هي بالعبط ؟

الزبدة إنّي كلما حسيت ضيق
أجرّ لي بيتين من شعر النبط

واقول ليتك يَ قصيدي لي صديق
مادام حظي في الخلايق ما ضبط

الناس ما تعتق وانا حزني عتيق
حتى على دمعي أجدْني منغبط

لقيت من هذا العمر ما لا أطيق
طـَـموح لكنّي من الحظ انحبط

أنام ما ودّي من احلامي أفيق
وافيق ماودّي عن النوم ارتبط

عزاّه يَ من كنت في قاعك غريق
أصبحت في شطّك ومقدارك هبط

الحين انا عاشق و لا عندي عشيق
عشوائي الإحساس واعيش بعبط







محمّد الشّهري

[سـمـآويـه]

‏​فيگ شَي مالقيته في الخلايق
حس طاغي مع مشاعرك الرَقيِقه

وگل ما شفتك وآنَآ بَ الحيل ضايق
تَنفتح نَفّسي عَلى أوَل دَقيقه

[سـمـآويـه]

هذا أنا ذا الحين و إلا من أوّل
ما أداني أشوف الصّور القديمَة

الوَقت عندَه سحر دايِم يحوّل
أحلى التّفاصيل القديمَة أليمة !

[سـمـآويـه]

معجب بشعب الشام من صبح لـ اللّيل
يمشي .. وهو أعزل ، على كبر غلّه !!

يموت ، أطفال ونساء ورياجيل
ويرددون : [ الموت ولا المذله ] !

[سـمـآويـه]

يـوم شعبه بيـن مقتـول وجريح
كيف يحمل اسم بشار الاسد

امحق بشاره و يَ جعله يطيح
مثل طيحة كل من جار و فسد

[سـمـآويـه]

غطّت ثلوجك طبوعك و إختفى جمرك
ما عادك اللي ليا من غبت يدعيني

أفكر أختبرك و آخاف لا أختبرك !
آخاف باقي غلاك يطيح من عيني

[سـمـآويـه]

ما خافوا الموت ب يخافون من رعبك ؟
شعبٍ يموت ب شرف ما هو من الذلّة

و إن فكّك الوَقت يَ بشَار من شعبِك
ما تتركك قدرَه الله من حِساب الله

[سـمـآويـه]

يَ رب يَ رب البشَر يَ كافي
صدرونا من سوريا منزعجَه

اليُوم طاحْ معمّر القذافي
إكرم علينا في سقوطْ النّعجَه

[سـمـآويـه]

كل صبح .. وهمّ فرقاك يتجدّد
وكل ليله ، وآنا فـ التفكير غارق

ولـ أجل أخفّف صدمة الفرقى أردّد
فــ النهايه ، بنتفارق .. بنتفارق

[سـمـآويـه]

العيد غالي عشان مواجه الغالي
يَ اللي ضلوعي على لقياك مرتعده

اليوم و العام لا تسأل عن احوالي
مشتاق لك شوق لا قبله و لا بعده

[سـمـآويـه]

مَا صَار منّي خطا غير العطَا و التَّضحيَة ما صَا ا ا رْ !

[سـمـآويـه]

صَارلي سَااعَة أحمّل صور و فيديو

و لين وصَلت آخر شَي عَلى برااادْ كذا

طلعت من الرّكن !

أحررر الأشيَاء ذي و ربّي :@ | تمسّون على خير = (

[سـمـآويـه]

أموت لك / أموت منك / أموت معك / أموت فيك
ضع خط .. تحت الموته اللي تعجبك وأموتها !!

[سـمـآويـه]

جيتك و خليت الملامه من الكل
من غيري وغيرك عن الشوق داري !

ترى انكساري معك ما يعتبر ذل
لولاي احبّك ما تشوف انكساري

[سـمـآويـه]

ما كنت اعرف اكره ولا اداني اكره
اليوم لا والله ، كاره و نادم !

عرفت من قلبك و كذبَه و مكرَه
ليه الاوادم يكرهون الاوادم

[سـمـآويـه]

جميع غلطاتي من الاحساس
واللي يعاتبني يعاتبني

ماهوب شرط اعجب جميع الناس
انا ما كلّ الناس تعجبني

[سـمـآويـه]

كل انسان له من الاماني ما لا يعد ولا يحصى
ولكن حين يمرض فلا تكن له امنية سوى امنية
الشفاء فقط اللهم اشفي جميع مرضى المسلمين



ناصر مناحي | أوافقَه (f) ^^

[سـمـآويـه]

المريض يدوّر اصحابه المرضى
لا يجي قدام عيني و يشغلني

ان زعل من كلمة الحق لا يرضى
وان رضى لا عاد اشوفه مقابلني

[سـمـآويـه]

ماهوب يردعني من البعد رادع
الاّ ، الم ما يشرح و ما يدوّن

في كلّ مره .. لا نويت الموادع
تبكي وأنا مقفي وأعوّد وأهوّن !

[سـمـآويـه]

أذكر إنّي كنت زعلان و أبيك
وقتها كان الحكي شُوق و عتَاب

لا يَ ويلي منك يِ ويلي عليك
لا ذكرتك و إنت في حضن الغياب

[سـمـآويـه]

صرتي قصيدة حزن من غير قاف و وزن
تفائلي ، وإتركي الماضي ما دامه مضى

الحزن يكبر تحت تأثير جوّ الحزن
تناسي اللي حصل وإبتسمي بسمة رضى

[سـمـآويـه]

يَ أرق من شعر و أعذب من حكي طفله
يا أغلى من أحب و أغرب من يجافيني

جيتي مثل بيت شعرٍ جا على غفله
و رحتي مثل دمعتٍ ما شَاورت عيني

[سـمـآويـه]

ينصر على البعثي هل التوحيد
اللي نصر في ( ليبيا ) الثوّار

يارب .. جيب العيد قبل العيد
في .. معمّر القذافي و بشّار !!

[سـمـآويـه]

الحين صرت تحس فيني وتحتاج
تحتاج لي ما هوب كثر احتياجي !

لا تنحرج ما فيه داعي للاحراج
إحراجك لحاله يعكر مزاجي !

[سـمـآويـه]

حيرة نظر ضيعة أمل وحشة طريق
ألم صبر سجّت وله ضيقة صدر

الستّ هذي تشعل بقلبي حريق
من يوم ما قفّت بك رْياح القدر

[سـمـآويـه]

ماني بـ متمنّن ي طهر الطفوله
معْ إنك بنكران طيبي تفنّن

يطيح من عين الكرم والرجوله
اللّي إذا أعطى عطيّه تمنّن

[سـمـآويـه]

أنا مداوي الناس و أبحث عن دوى
أنا صديق الكل و أبحث عن صديق

تدري متى الانسان يشعر بالخوي
لا ناظَر السّطحيّة بنظرة عميق

[سـمـآويـه]

تَرفَة و بِنت الفَخَر و الطّيب و العفّة
أحلامها في قيُود المنهَج الطّاهر

من صغرها اتحب دايم تلبس اللفّه
يهمّها سترها ما همّها الظّاهر

[سـمـآويـه]

قلتلك ما أشيلْ في عيني و أأمّن
كود ، مِن يستاهل إنّه يأتمنها

صَاحبي ما طحت من عيني تطمّن
مَنت في عيني عشَان تطيح مِنها

[سـمـآويـه]

‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​‏​ ‏​‏​‏​‏​يطعنك شخصٍ ما توقّعتْ يطعَنك
و يسعفكْ شخصٍ ما طَرالكْ على البالْ !

[سـمـآويـه]

وينك تعَبت ادوّرك و اتحّراك
والعمر ما يسعف و أنا ما أتحمّل

حطتني اللوعه علي جال فرقاكْ
مابين اشوفك و أفقدك و أتأمّل

[سـمـآويـه]

انفاسك العذبه على صدري عطر
وش لون اجل لو فالغلا زايدتني

تدري شنو احلى من حلى عيد الفطر
صوتك صباح العيد لا عايدتني




^^

[سـمـآويـه]

كل عام وانتي تقهرين الصبايا
وكل عام وانتي بالحكاوي هدفهم

الله يعين قلوبهم ي غلايا !
بالعيد فستانك بيلعن [ جدفهم ]



: p

[سـمـآويـه]

​‏تستاحش النفس و الدنيا لها تالي
و يخشع لك اللي بـ عطفك ما أنكسر ظنه

ي رب أنا في رجاك وأربع آمالي
رضاك و السّتر و الغفران والجنه

[سـمـآويـه]

لو تدري ، بنار الوله في ضلوعي
ما كان هـذا حالي ، اليوم وياك

[سـمـآويـه]

تأثير فرقاك بيّن داخل اعماقي
ضلوعي العوج من فرقاك صاحت لك

مادام تحرج ظروفك كثرة اشواقي
آسف على كل دمعة شوق طاحت لك

[سـمـآويـه]

طبع الحقيقه دايم تكون بشعه !
وماني على فرقاك ي زين نادم

وش عاد لو طاحت من العين دمعه ؟
طاحت من عيون الاوادم اوادم

[سـمـآويـه]

نكسر عناد الخفوق ونجبر الخاطر
كله لعين المهاة الجادل الطرقا

اخاف لااغلط عليها غلطة الشاطر
تلقابها عذر وتعزم على الفرقا

[سـمـآويـه]

للعيد في شوفتك طعم / وشكل ثاني
يسكب حلآ فرحتـه في قلب مضنونك

ان كان ربي عطاني عمر .. واحياني
والله ما آعيدّ .. الين اشاهـد عيونـك

[سـمـآويـه]

ذكراه واقع تعبت اشوفها ذكرى
احس حتى الجفا منّه مهو لايق

ليته جرحني وجعل الجرح مايبرى
ولا رحل منجرح منّي ومتضايق

[سـمـآويـه]

بنت موضه علمت جيلها اللوك
ماتلبس آلا ماركه وشي راهي

لاجت محفل اشرو يمها آوك
عشره على عشره وبرستيج زآهي

[سـمـآويـه]

جفيتني فجأه وأنا كنت شاريك !
وخيبت هقواتي كذا دون سِبّه

ما أذكر إني مزعلك لجل أراضيك
الظآهر " الهجرآن " دلوك دربه

إذا كذا الموضوع ربي يهنيك
الدنيا هذي تآخذ اللي نحبه

ودعتك الله يابعد روح مغليك
قلبي نهر جاري وتعرف مصبه

ماعاد صوتي الصبح والله يصحيك
حاول تقوم الصبح على " المُنبه "

[سـمـآويـه]

آحسن لي أنام و أكتم الشوق و أغيب
ماني بناقص ي خفوقي فضايح !

[سـمـآويـه]

سوّت رجيم و اكلها من الحلا خالي
تَشرب سوائل و تاكل وَجبَه صحيّه

ما تَدري الله خلقها ريقها حَالي
كلما ابلعت ريقها سعرَه حراريّه

[سـمـآويـه]

أضحكّها أبكّيها أزعّلها بدون أسبَاب !
بدُون أسباب أزعّلها عشان أرجع و أراضيها

أسهّرها أنوّمها أصحّيها برضا و عتابْ
أطمّنها بغلآ و أرجع أجنّنها و أبكّيها

أدلّعها أولّعها أقابلها ببرُود أعصاب
إذا ضاقَت أجي طاير عليها لجل أسلّيها

اعللها أخوّفها أقُول الجن عند الباب
وٌأذا خافَت أنوّمها على صدري و أغطّيها





لـ إختي :p

[سـمـآويـه]

جتني تبارك لي على جيّة العيد
ما تدري ان العيد يشفق عليها

الصّبح يتنفس قصيد و أناشيد
و الغيم كل هــمّه يلامـس يديها

من دون لا تكشخ ولا تحط وتزيد
كل الوصـوف الفـارقـه تحتويها

شيخة دلع كيكة حلا فارعة جيد
لا من حكت كل الحروف اتغزيها

الفاخرة نبض الحيا قبلة الغيد
في شعرها ليل الشتا يرتديها

إمدلّعه في عـز قـرم صناديد
أيّاة حاجة لا بغتها تـجيـها ,

ميعادها يـسوى جـميع الـمواعيد
إليا أقبلت واحساسها يعتريها ,

في ثـغرها كــن السـوالف تغـاريد
وفي صمتها كن الذهب يكتسيها

فـي كل ليلَة أدعي الرب وأعـيد
الله يحفظها و يستر عليها

[سـمـآويـه]

تبًا لحزني وتباً للمفارق !
وتباً لكل شيْ يجعلني مقيّد

رغم ان الدمع له بالعين بارق
بس والله لكسر الحاجز واعيّد

[سـمـآويـه]

صباحك اجمل من صباح الخير
في مبسمك ي مورق آمالي

عز الله ان العيد هذا غير
اللي بدا بمعايد الغالي



^^

[سـمـآويـه]

مو عيب هذا اللي تسويه مو عيب ؟
تسرق قلوب بـ نظرتك يَ حرامي !




:p

[سـمـآويـه]

العيد عَام ألفين و إحدا عشَر غير
بقضيه مَع شخصٍ عشقتَه و أحبَّه

اللي مِن إظلالَه على قلبَه أغير
و لا قِلت تِعشقني حَلف لي بربّه

[سـمـآويـه]

أدري منَالِك صَعب يَ درّه الخلقْ
و أدري بِك لـ غيري و أشوفِك تحبَّه

لكنْ ذا قَلبي و ذي غصَّة الحَلقْ
ما أقدَر على كبّك و لا أقدَر أكبَّه

دربِك زَلق رجلي و أنا مَا أعرف الزّلقْ
طبعْ الثّقل ويّاكْ شِفني أذبّه

لا شِفتِك معدّي وراكْ أنطلقْ طَلق
و إن قِلت خير أقولْ عفوًا مشبّه

و أنا عليكْ أمُوتْ و أستَاهل الفَلقْ
مريضْ يبغَى طِب ما هو بطبَّه

محسوبِك اللي طاحْ مَع وجهه الطّلقْ
سلبتَه إحساسَه و شوفَه و لبّه

عَن غيرك مِن النّاسْ لي خافقٍ غَلقْ
يبطي و لا غيرِك حبيبي يطبَّه

و لو يَملك الإنسَانْ قدرَه على الخلقْ
خَلقت لي إنسَان مِثلك أحبَّه

[سـمـآويـه]

كِل حَرف و كِل كلمَة و كِل جملة
لا نطقت بها غدًا منّك سكارى

إنت لو حطّيت لِك صورَه بـ عملَة
ما بقَى شخصٍ كريم و لا فقارى




http://store1.up-00.com/Mar11/pq145636.gif

[سـمـآويـه]

ي صباح الخير ي فجرٍ هلاله باسم
ممكن تطهّر خفوقي من جروح الماضي ؟

آنا رسمه باكيه ، ما حس فيها الراسم
كان يرسمها و هو يضحك عشانه فاضي

[سـمـآويـه]

تصد من جدّك و كنّك تمازحني
و كبدي على شوفتك من حرّها فاحت

بكره بتبكي نـدم و تقول سامحنـي
و تحن لـ أيّامنا اللي ب الوصل راحت

أنا أشهد إنّك بعد ما قمت تجرحني
منت بكفو دمعتـي ، لكنّها طاحت !

[سـمـآويـه]

و الله إني عليك من المشاع شفوق
خآيف أزعلك لا من قلت لك ي هلا

ممتلي منك حب و ممتلي منك شوق
جعلني من مقآبل خششتك ما خلا

عـجزت أدور لـي أمل في ظروفك
لين أقتنعت إنـه مثل حبّه الكوع

[سـمـآويـه]

دامك انت الي بعيني ما صغرت
أبغى منك حاجةٍ لا تردني

ودي أوصفلك شعوري و لا قدرت
حبني تكفى عشاني حبني

[سـمـآويـه]

ي مهاجره ليه الوصال ؟! اهجريني
الوقت غيّر فيك حتى مباديك

ي كثر ما كنتي كبيره بعيني
قبل الحيا يغسل يدينه من يديك

[سـمـآويـه]

دنيـا الفرح تفتح لي الباب لا جيت
عطني يدينك ندخل و نَقفل الباب

[سـمـآويـه]

محشش يقوٓل ː يآخي آذآ دخلت آلمجلس في العيد
و تبي تسلم على آلرجآل ودك تسوي تحديد الكل وٓترتآح





:p

[سـمـآويـه]

ماني على بعض المخاليق مَلزوم
و لاني على بعض المخاليقْ لازم

[سـمـآويـه]

مَا ورى عوجْ الضّلوعْ إلا محلَّكْ http://store1.up-00.com/Mar11/pq145636.gif

[سـمـآويـه]

حلوه ولكن عيبها تجـرح القلب
مثل الطبيب اللّي يدآويك فـ إبره

[سـمـآويـه]

اشوف ذا الوقت مقطوع اتصالك !
كانك تبين المفارق ( فارقيني )

[سـمـآويـه]

مسؤول عمّا أقُول لكن لستُ مسؤولَه عمّا تَفهَم ^^

[سـمـآويـه]

اليا متى و انت القطاعه بـ دمّك
من طولها كأن مكتوب [ يُتبع ] !

( اربع ) شهور تغيب ولا يهمّك
وبالساعة دموعي تهل ( اربع اربع ) !

[سـمـآويـه]

يَ الله على كلمَاتَه ،


http://www.youtube.com/watch?v=IZM0xE3tEmg


ضَاقت صدور أهل الصّدور الرّحيبَه (f)

[سـمـآويـه]

**







شسالفَه أخي الصغير كل ما لعب المنتخب وقّف مع اللي ضدّه  !

و لمّا حطت كوريا قول قام يرقصْ !!

لا تدري عنه الادارَة العامّة للجنسيّه و وثائق السّفَر بس :p

[سـمـآويـه]

تصبح على خير يا روحي وريحاني
والصبح بعيونك الخدرات صبّحني

مع فكة الريق دوّرني وتلقاني
و إن قلت كيف أنت قلت الشوق ذابحني ،

[سـمـآويـه]

يَعننّي أعرفْ لـ الدّلع و الاتكيتْ
يَ شين مِنها الهَرجْ يُوم تحكي بَه

تقُول تُؤبرني و أنا أقُول يَ ليتْ
أقبركْ و أركِز فوقْ قَبرِك نصيبَه




:p

[سـمـآويـه]

تعبت احبك ، حس هاليوم تكفى
تعبت اسولف للأماكن وادوّرك

تعبت اشوفك ياسرابٍ ليا اقفى
تبعته ، واسأل وش اللي يوخرك ?!

[سـمـآويـه]

الشوق سلّم عليك وضاع معروفه
تلحّف الهجر .. والفرقا توسّدها !

جفيتني والغلا بعيوني تشوفه
تخبرك نظراتها .. قدّام تنشدها

الشّك لا يعتريك ويبلغ شفوفه
والحبّ نعمه تدوم لمن تحمّدها

اللي يقدر ظروفك قدّر ظروفه
علاقتي معك قدها بالوفاء قدها !

[سـمـآويـه]

[color="royalblue"][font=simplified arabic]







حذف

[سـمـآويـه]

أحتاج لك و أستحي لا أقول محتاجك
الله من عبرة المحتاج ما اقربها

أخاف لا اضايقك واسبب إحراجك
و لا ترى عادتي لا ضقت أخربها

[سـمـآويـه]

ي رب تجعلني أضمّه دقيقه
عشان أقضّي كل عمري سعاده

المترف الأخّاذ , من حلو ريقه !
عادي لو إنّه يآكل الخبز ساده !

[سـمـآويـه]

تدري وش اللي يجعل العشق ذباح !
بنت تحبك بـ ارتياح واثاره

وتدري وش اللي يجبر البنت ترتاح ؟
بسمة رجل ممزوجه بـ طهاره

[سـمـآويـه]

ما عاد باقي للصواديف تلميح
صابر واشوف الوضع من دون في دون

لا شفت بعض الناس من عيني تطيح
ودي اقول لـ بعضهُم .. لا تطيحون !

[سـمـآويـه]

أحيان ما تشتاق و أحيان تشتاق
خذيت احاسيسي فقط لـ احتياجك

على كثر ماكنت جاهل فـ الاشواق
بديت احس انك تحب بـ مزاجك !

[سـمـآويـه]

قلبي و مادونه وكل اللي ورآه
ملكك لحالك ي عيون أمي وأبي

تغليه تقفي تأخذه تلعن ثوآه
أنت وضميرك سو فيه اللي تبي !

[سـمـآويـه]

من نظرتك هاذي يراودني الشّوق
وعيونك إمن الشوق تطوي المسافات

لو العيون الحلوه إتبّاع فـ السّوق
يمدي البني خذو عيونك عدسات




البني = البنات ^^

[سـمـآويـه]

ظلم الغريب اهون ولا ظلم الاقراب
لن الظليمة من قريبك مصيبه

وعيب القريب أصعب من عيوب الأغراب
لن القربب يعيبك اللي يعيبه

[سـمـآويـه]

ودي عَلى قربك وشوفة عيونك
و ي الله عسَى ودك بـ شوفة عيونيُ ؟!


آنـآ عيوني (أزعجونيُ يبـونك)
و عسَى عيونك مزعجينك، يبونيُ

[سـمـآويـه]

صَاحبي حتّى إنت ما عاد تِستاهل حنَانْ
إنت بعثَرت المشَاوير و إنت تلمّها

البكَا في مِثل هـ الحَال نوعْ مِن الهوانْ
و المهونَه كِل رجال حِر يذمّها



http://www.safeshare.tv/w/sjJwXwRpbX

[سـمـآويـه]

أبوك لو تقْدر تبكّيه بكّه
عوضٓه عن دمع الشّقا دمعة إعجآب

[سـمـآويـه]

يَ مخاشر النسوان في لبسة التاج
يَ معاصر الموضة و يَ بنت ابوها

يَ شيفتن تبعث على النفس الازعاج
تمايمك ي ليت مازينوها !

[سـمـآويـه]

كان ودك عن حياتك ، ألتهي
( إبشر بعزّك ، وفرقاك إبركه ) !

[سـمـآويـه]

كل شي في عمري فقدته تساهيل
ما اندم على حاجه لو إني ابيها

حتى اللي كنت بجد محتاجها حيل
راحت ، ، وقلت الله يستر عليها

[سـمـآويـه]

سولف علي لاصرت اجي وقت وآروح
حــرام تقتل لهفتي .. في ( عتابك )

[سـمـآويـه]

الضبي لولا عيونه وجه عنز
ذي حقيقه ماختلف فيها اثنين

وانتي في روعة جمالك فيه لغز
برقعك لو نرفعه وش تطلعين !



:p

[سـمـآويـه]

من كثر منتي في عيوني عزيزة
قمت أتحمل جرح غيرك عشانك

ما صار لك فترة بعمري وجيزة
لكن لقيت أجمل شعور بحنانك !




floweeer

[سـمـآويـه]

اذا انصدمت بشخص كمّل حياتك
لا تلتفت واخذ الامور بـ ترويّ

و تأكد ان اللي ما حبّك لذاتك
لا يمكن يحبك كثر ما تسويّ

[سـمـآويـه]

إن ما جمعت وجيه ما أفرّق وجيه
و من لا بنيتَه ما سعيت بـ خرابَه

[سـمـآويـه]

ماكنت انا كاذب ولا كنتي
لـ الحالم اللي مفتقد حلمه

أنا وقفت أعاتبك و إنتي
رحتي ولا قلتي ولا كلمه !

[سـمـآويـه]

[ نقش السواره ]

قصيده لـ أبله مع الاحتفاظ بحق بتغيير الاسامي !



ي نوره بالله اسمعي لا تصدين
ي بنت حر ن مركزه بالصداره

شي جرالي قسم القلب قسمين
وابلا ملامه افهمي للعباره

باول دوام المدرسه يوم الاثنين
معلمه في وجه باب الاداره

وقفت باللجنه على سادس اثنين
مثل المجند ينتظر للاشاره

هذي تنادي وهذي ابله انا وين
زحمه وتو اليوم باول نهاره

اصوت لبنتين وبيدي بنتين
نوره مضاوي عايشه مي يارا

وسمعت صوت رجع الوقت لسنين
صوت الذي اسمه بنقش السواره

اختي عن اذنج ناقل البنت هالحين
تفضلي الأوراق و الاستماره

عجزت لا اجاوب ولا ارمش العين
طول سكوتي وهو طال انتظاره

حسيت كن الدم مثل البراكين
شريان قلبي وصل حد انفجاره

ورفعت راسي وصارت العين بالعين
ولمحت في عينه سواة الشراره

هو هو والا واهمه ي مسلمين
زوله ورفعة حاجبه مع سماره

لا ما تغير فيه ي كود شيين
حف الشنب والشيب زاد بوقاره

اتلا علاقتنا ثلاثه وتسعين
باول حلاة العمر قبل انكساره

الشاهد الله ماحصل بيننا شين
ولا يخدش احساس بنت وعذارا

نعم الحبيب اللي الطيب والزين
ونعم الرفيق اللي حفظ حق جاره

ي وجه ابوي الوجه مرحب وسهلين
لا ي بعد روح ومعاليق ساره

ودي المه وودي اصيح بس وين
مثل الكسير اللي نشب وسط غاره

مايستطيع المشي من دون رجلين
وحوله جنودتشتهر بالشطاره

ي للاسف هالحين صرنا غريبين
حكم القدر واصدر علينا قراره

الهم والغربال والفقد والبين
وانا اسيره تنتظر للزياره

ويلي علي لاماك ويلاهري حسين
ي من يجمعنا واسوق البشاره

ساره وسكت له لحظة كنها سنين
و اقفا واشوفه يوم شب الزقاره !







~

[سـمـآويـه]

الحين لو صابتني شوڪه تأزمت
وشلون لاصبّوا رصاص فـ أذاني !

عرفت ليه بوضعي هذا تأقلمت
وليه .. اتڪدر لو سمعت الأغآني