لغز يدور الاذكياء يحلونه

[alajmiali78]

السلام عليكم
هذا لغز واتمنى انكم تحلونه واحذروا من الرمعات السماويه ;)

يقول :

ويش بنتن يوم جابوها خديعه +++ تخدع اللي ما يميز في حياته

دايمن يشوفها بنتن فضيعه +++ وينكتم معشوقها من يوم جاته

شدوا حيلكم وابشروا بالالغاز الخير واجد وانا انشاء الله بكون معكم بكره واتمنى القى اللغز محلووووووووول لاني ما اهقا انه صعب صراحه .
واللي عنده لغز يا ليت يطرحه لان هوايتي الاغاز واتمنى انه يعجبكم والسلام عليكم واتمنى لكم قضاء اسعد وامتع الاوقات .
اخوكم :
علي العجمي .

[مـحمـد]

السلام عليكم

الاخ علي العجمي حياك الله وشكرا على الاطراء الممتاز

اعتقد ان الحل ( الزقاره )

والاجر على الله :)

[alajmiali78]

الله يحييك اخي ALAJMI واشكرك على المشاركه وبالنسبه لحلك للاسف سماوي .

[فراس]

مرحبا اخوي علي ..

الظاهر الدنيا

قل صح

[alajmiali78]

يا مرحبا يا فراس حياك الله ورمعتك طيبك والله لكن ماهو الحل .

حاول علشان اقولك صح .;)

[فيصل بن حجرف]

اشووف وقفو الشباب عن المحاولات

اخوي علي عطهم مده ان محد عرفه عطنا الجواب

[عادل الشمري]

ماهي سكـرة الموت ؟

[بخـــــــــــوت]

الحبه <<< حبه الكبتاجون اعتقد صححححححححححححححححححححححححححححححححححححححححححححححححح حححححححححححححححححححححححححححححححححححححححححححححححححح حححححححححححححححح

[alajmiali78]

ابشر يا اخي Alajman ماورانا شغل طال وانا الصراحه ما ودي اعلم بالحل اتمنى ان احد من الاخوان او الخوات يحلونه ،

اخي عادل الشمري حياك الله واشكرك على المشاركه واتمنى اشوف مشاركاتك اكثر واكثر وبالنسبه للحل ماهو صحيح .

بخــــــــــــــــــــــــــــــــــــــــــــــــ ـــــــــــــــــــــــــــــــــووووووووووووت
انتي عاد مشكله الصراحه انتى الله يهديش تبين تكلبشينا الظاهر :D حلش غيييييييييييييييييير صحيييييييييييييييييييييييييييح واشكر لش مشاركتش ومرورش حاولي مره ثانيه .
( بس من دوووون لجلجه بلييييييز !! ههههههههههههههههه )

تحياتي للجميع .

[راكان اليامي]

ياعلي عندي رمعه بس اتوقع بتقولي سماويه والى المريخ :D
وهي البنت اللي يحبها زوجها وهي ماتقدره

شكلك راعي كنود ياعلي:D

[alajmiali78]

ارحب يا راكان اولا الكنود والله شاركت مره ولقط واحدن صوتي وانا ما عرفته لي ذلحين ولا عاد تنسمت فيه ابببببد .

وبالنسبه لحلك غير صحيح بعدين يا جماعه والله اني اخترت لكم السهل والجزل في نفس الوقت ما توقعت انه بيعقدكم كذا فكروا عدل وتحلونه وتراه جماد ولا تدرون اشتروه مني بلغز والكلام للجميع .

[خيال البل]

مساكم الله بالخير
حل اللغز لي ما خاب ظني الكوره

[alajmiali78]

مرحبا بك يا خيال ومساك الله بالنور وحلك غير صحيح طال عمرك .

[بخـــــــــــوت]

خلاص هونت ماراح احله هذا وانا متحمسه للحل :( طيب :(

[alajmiali78]

ماعليه يا بخوت ههههههههههههههههههههههههه :) حاولي وما يندرى يمكن تحلينه ليه لا بس احذري من الكبسات :p
تحياتي لش وللاخوان .

[الشامرى]

العجمى 78
مساك الله بالخير،،،،
حل لغزك مهوب الصوره او المرايه

[alajmiali78]

يا مسا الورد يا الشامري

مرحبا بك وللاسف الحل غييييير صحيح

[جيــر]

سلام عليكم ..

يجوز تكو ن الدراهم ....

[alajmiali78]

يامرحبا ياعبدالله حياالله اللي فك البيت الاول روح بالله حاول تفك الثاني ;)

اشكرك على مشاركتك ومرورك وللاسف حلك غير صحيح .

[مـحمـد]

طفح الكيل الزبى

ماحد عرفه الاجابه عندك :)

[alajmiali78]

شفت شلون والظاهر محد راح يعرفه بعد لكن بالنسبه للي يطرح اللغز ترى يستانس كذا :D
وعلى فكره حلوه (طفح الكيل)على غرار (بلغ السيل )
هذي ههههههههه:D
تحياتي لك .

[مـحمـد]

اوكى ياعلي انا عندي حله

انا اشتريه منك بلغز

وانشوف :)

اللغز هو .. :

أسئلـك عـن بنـت فـوق ســن الثمانـيـن.يشوفهـا العاشـق فــي غـايـة صبـاهـا
وعيالـهـا بـيــن الـبـشـر بالـمـلايـن.لــو عمـرهـا عشـريـن مـحـداً بغـاهـا
وقـت الـزفـاف يـرافـق البـنـت بنتـيـن.قدامـهـا وحـــده ووحـــده ورآهـــا

مع تحياتى العجمي ALAJMI

[alajmiali78]

مساك الله بالخير يا ALAJMI

عز الله ان لغزك حلو وانا عندي رمعه واشوفها صحيحه والعلم عند الله وش تقول طال عمرك في :

السياره ولوحاتها الاماميه والخلفيه ؟؟؟

واذا ماهو الحل اللي عندك تراه راكب على اللغز 100%100.

[كويتيه]

خوش الغاز.. بس مو عارفه الحل.. :o

[alajmiali78]

يا مرحبا يا كويتيه ومشكوره على المرور وبالنسبه للغز اذا انحل راح تفهمينه عدل .
( ولا اظن ان احد بيحله الصراحه وللمره الثانيه يا جماعه اشتروه بلغز بنفس طريقته واذا ما حليته اعلمكم بحله )
تحياتي لكم .

[alajmiali78]

وينك يا ALAJMI ؟؟؟؟؟؟؟

لا شاركت ولا حليت لغز ولا رديت على حلي للغزك اتمنى انك ترد علي باسرع وقت .

وتحياتي لك وللاخوان

[مـحمـد]

هلا براعي اللغز

السموحه على التأخير ..

حلك صحيح هي السياره :)

وش انسوى الجود من الموجود

يالله عطنا الحل بس :)

[alajmiali78]

ALAJMI
اللغز لو حله عسير (ن) ومخفي ... اجهد بحله لين تظهر خفاته

عاش من شافك يا اخوي انا كنت متاكد من حلي الصراحه لاني بالالغاز ما يمغط ظهره عندي اللغز وانت تبي حل لغزي انا اقول ابشر بس انا شرطت عليكم اني اذا ما حليت لغز وعجزت عنه اعلمكم بحل لغزي بعد ما تعطوني حل اللغز واتمنى ان الالغاز تكون نفس اللغزين المطروحه من حيث النظم والفكره الحلوه وننتظر الغازكم ( لاني الصراحه اييست من حلولكم ):p
تحياتي للجميع .

[™ عبد الله ™]

مسيك بالقــــود يا علي

مهيب الشيشه او ما جاورها ؟ :D

[alajmiali78]

فتى البزابيز اسمك يردني لايام الله لا يعيدها ذاك الحين يوم حنا نلغف الاسرى العراقيين انكانها البزابيز اللي انا ابغى .
وحلك سمااااااااااااااااااااااااااوي .

[™ عبد الله ™]

نايس نايس

يعني اسمي ذكّرك بشيء من عبق الماضي :D

اجل تلغفون الاسرى العراقيين؟ !!
ياخي وين جمعية الرفق بالحيوان منكم :p

تايب نريوس لموضوعنا ،، الحين ترى لغزك فيه نوع من الغموض يعني البيت الاول والشطر الثاني من البيت الثاني كلهم بنفس المعنى يعني ( بحبحنا اشوي ) :D
هو شيء(ن) ما زين يا زقاره يا شيشه يا حشيش يا قيرو يا قات :rolleyes:

[alajmiali78]

يا اخوي والله لا زقاره ولا شيشه ولا دنقر دقس :p !!!!!!!!!!

قلتلك حلـــــــك سماوي .
يعني غلط انسى وحاول مره اخرى ;)

[alajmiali78]

افا وين الربع اهل الالغاز يا حيف عليكم والله لو اني داري كان تحديتكم وحطيت على اللغز جائزه هذا وهو بسيط بعد !!! :confused:

كان ودي والله انكم حليتوه علشان اعطيكم غيره لكن نقول لعل وعسي تجيه رمعه من غير رامع ( وشلون مدري ) !! وينحل .

سجلوه وانشدوا ربعكم ترى ما فيها شي .....:p

تحياتي لكم جميعا .

[alajmiali78]

انا والله من زمان ما دخلت المنتدى واذا دخلت امره على الماشي لقل الوقت عندي وانشغالي وبصراحه لقيت الغاااااز واااااااجد ما دريت عنها الا اليوم فقلت برفع اللغز ولو انه قدييييم من يوم انحط في المنتدى لكن اعيده للربع الجداد عساهم يحلونه .

وتحياتي لكم .

[العساس]

السلام عليكم الاخ علي العجمي عز الله انه لغز دسم :D

وحله شبكة الطير:D:D

ارب حلي صح نفداك:D:D:D

[alajmiali78]

وعليك السلام يا العساس و عزالله رمعتك طييييبه لكن الحل ماهوب صحيح .

[مـحمـد]

الحمدلله على السلامه ياعلي العجمي مرحبا ومسهلا :))

بس علمنا بالحل اللغز له فتره ..

[خميس سحمي]

السلام عليكم ويعطيك العافيه

واقرب شي له المكياج

[alajmiali78]

وعليك السلام يا خميس والحل غير صحيح .

[خميس سحمي]

والله حيرتني طيب ماهي بنت السبيت

[alajmiali78]

مالك لوا يا خميس حاول مره اخرى .

[قطاع الخرايم]

والله الضاهر انها السيارة 000

[خميس سحمي]

طيب يالخوي وشرايك بالفلوس المزوره

[خميس سحمي]

ونبي منك طلب يالامير اي واحد من الربع قرب للحل قولنا هو قريب ولابعيد

ولاهنت وهاك الرمعه الثانيه(بطاقة شوت)

[alajmiali78]

السلام عليكم ورحمة الله
اخواني اعضاء ومشرفين وادارة منتدى العجمان صبحكم الله بالخير جميع والله يتقبل طاعتكم ويباركلكم باول وتالي الشهر ويبلغكم رمضان ولو انها متأخره شوي لكن الظروف تحدني ما اشارك باستمرار في المنتدى والربع ما يقصرون ماشاء الله اشوف فيه تطور واضح وجميل ولو اني من شهرين تقريبا ما حصلت لي فرصه ادخل المنتدى لكن الجهود المبذوله واضحه بفضل جهود الاخوان الله يعطيهم العافيه واتمنى لهم المزيد من التقدم والاستمرار للنهضه بمنتدى العجمان .

الاخوان قطاع الخرايم وخميس بن سحمي اسمحلولي على التاخير بالرد وحياكم الله ورمعاتكم غير صحيحه حاولوا مره ثانيه وتحياتي لكم .

[فلاح بن مبخوت]

بسم الله الرحمن الرحيم


ويش بنتن يوم جابوها خديعه +++ تخدع اللي ما يميز في حياته

دايمن يشوفها بنتن فضيعه +++ وينكتم معشوقها من يوم جاته



انا اظن انها كمامة الاكسجين

والله اعلم

اخوك

فلاح بن مبخوت

[فلاح بن مبخوت]

ويش بنتن يوم جابوها خديعه +++ تخدع اللي ما يميز في حياته

دايمن يشوفها بنتن فضيعه +++ وينكتم معشوقها من يوم جاته



او تدري شلون

انا اقول الحل هو

مصاصه الاطفال
فالطفل يعتقد بان بها حليب وهي خدعه ليس بها حليب

وتخدع الطفل اللي لا يميز في حياته

والطفل يبكي عليها دائماً فيراها اهم شيء (بنت فضيعه)

وعندما توضع في فم الطفل ماهي الا لحظات وينام الطفل (ينكتم من يوم جاته)
او يسكت من البكاء

هذا والله اعلم

اخوك

فلاح بن مبخوت

[alajmiali78]

تقريبا حليته يا فلاح وهو طال عمرك مهوب المصاصه الحل هو ( اللهايه او القرقوشه ) صح السانك عز الله انك جبت الفكره وانا اعتبر حلك صحيح .

تحياتي لك .

[خميس سحمي]

لاهنت يافلاح بن مبخوت على حل اللغز الجزل من اخونا

[فلاح بن مبخوت]

بسم الله الرحمن الرحيم

اخي خميس والله لايهينك بعد على محاولاتك

والشكر الجزيل لأخي علي العجمي على هذا اللغز الجزل