كلك خيانة ......

[ناصر الحويدرة]

بسم الله الرحمن الرحيم



لاجيت ابنسى واتراجع واسامحك ........... صاحن جروحي واشتكن لي طعونك

كلك خيانة قول وشلون ابمنحــك ........... وش موقفك من شخص دايم يخونك

اكبر خطأ لو جيت يمك اصالحك ........... اول تحوّل لاتغــــــــــــــرك الحــونك

اللي تقوله صح لو كنت جارحك .......... ( مير ) انت غارق للاسف في ظنونك

وصفك نسيته بس باقــي ملامحك ......... بنهيك وانهي في النهاية جنونــــــــك

ماتستحق امد كفــي واصافحــــك ......... مثلك غلط عمري وابحيا بدونـــــــــك

لعبت دورك شاهداتٍ مسارحـــــك ......... خدعتني واظهرت خافـــــــــي فنونك

كنت اعتقد قلبي هو ابرز مطامحـك ....... اللي بيبع الناس لاجله يصــــــــــونك

تعبت اسوق الشوق يمك واصارحك ...... اخلصت لك بالحب شوفة عيونـــــك

لكن خسارة صرت غاية مصالحك ......... ياليتني ماجيت لحظـــة بكونـــــــــك

بلامس كنت بنشوة الحب امازحك ......... اخيل برقـــك واتحــــــــرى امزونك

واليوم من صفحة حياتي ابمسحك ......... هديت صرحــــك ثم طاحت اركونــك

ولا ابي عيوني لو تصورت تلمحك ........ اعلنت موتك وانسجـــــن لي كفونك

وان جيت تطلب ترتجيني اسامحك ......... بهديك طعنة من بقايا طعــــــــــونك

[عبد الله العظيمان]

صح لسانك ولسان شاعرها
ولاهنت ع النقل الرائع
تحياتي,,