هل توافقين ان يكون زوج المستقبل اصغر منك؟؟؟

[روووووعه]

السلام عليكم ...

سؤااااااااااااااااااالي يقول

هل توافقيـن أن يكون زوج المستقبل ,, أصغـر منكِ !!

اتمنى أسمع الاجابه !!

بالنسبه لي اذا اصغر مني بشهر شهرين مايخااااااااااالف

اما يكون اصغر مني بسنه والا سنتين لا والله معصي اوافق عليــــــــــــــه

تحياتي لكم ....... روووووووووعه;)

[فيصل بن حجرف]

السلام عليكم

ادري السؤال موجه للبنات ولكن عندي تعليق بسيط

انا اعرف واحد متزوج وحده اكبر منه تقريبا بخمس سنين

وفيه ناس سمعت عنهم واكن ماعرفهم معرفه شخصيه متزوجين حريم اكبر منهم بعشرات السنين

وطبعا هذا يكون في حالات خاصه اعتقد الكل يعرفها

ولكم مني كل التحيه

[عزوف]

انا مع رووووووووووووووعه

بصراحه شعور غريب لما الوحده يخطبها واحد اصغر منها بصراحه هالشعور جربته مع انه ماكو فرق الا سنه بس كان مصمم وراضي لكــــــــــــن انا رفضت مو متخيله وضعي كان شعور غريب لما عرفت انه اصغر مني بسنه !!!!!.............. صج مافيها شي والسيده خديجه رضي الله عنها تزوجت الرسول صلى الله عليه وسلم وهي اكبر منه على ما اعتقد ب 20 سنه او اكثر مو متأكده ............. لكن في الايام هذي لو المره اكبر من الرجال بيوم يذلها ويطلع اليوم هذا من جبدها !!!

:D

[cool]

السلااااام عليكم ورحمة الله وبركاااته


اادري ان السؤال موجه للبنااات بس صرااحه تعرفون فيني شوي لقاافه ;)


مثل ماذكر ابو عبد الله فيه نااس متزوجين الزوجه عمرها اكبر من الزوج واعتقد

اذا كان الزوج عمره كبير يعني مومراهق او توه على الزواج مافيها شي وبعد

مثل ماقالت عزوف الروسول صلى الله عليه وسلم تزوج خديجه بنت خويلد رضي

الله عنهااا وهي اكبر منه بكثير وصحيح مانقيس انفسنا بالرسول صلى الله عليه

وسلم بس الزواج ان كان فيه توافق وتناااسب مافيه شي .

مجرد رااي .

كـووول

[سياتل]

لم لا وهل منكن من هي افضل من ام المؤمنين السيده خديجه رضي الله عنها
وكانت تصغر الرسول الكريم بعدت سنوات
وكانت اول من اسلم من البشر.
فالزواج قسمه ونصيب ولا يدري احد وين نصيبه.
تسلمين يا روعه على الموضوع الروعه

[سياتل]

ترى ماشفت ردود الي قبي وتوني انتبه انهم تطرقوا لنفس النقطه الي تكلمت عنها:confused:

[المستشار]

أنا مع أخوي كوووول إذا كان الزواج فيه توافق الفكر والحالة الإجتماعية والعاطفة ، شنو اللي يمنع ،، ثانيا أخواتي إخواني الموضوع هو زواااااااااااج وعشرة وتأسيس أسرة ،، ويعني فرق السن مو عيب ولا يمنع الطرفين من الارتباط. المهم التوافق .

وانا ما عندي مانع آخذ وحدة أكبر مني إذا كانت ذات دين وخلق ،، ونفس الشي إذا أصغر مني .

الرسول صلى الله عليه وسلم قال (من ترضون دينه وخلقه) وليس سنه .

وأكتفي بهذا التعليق قبل ما تطيح علي المرة وتسود عيشتي هههههههه


أخوكم / المستشار

[روووووعه]

يعطيكم العافيــــــــــــــــه على الردود الحلوه..

بالنسبه للسؤااال مووووجه للبنات صح ..... بس نسبه البنات بالمنتدى قليله حيل

يعني ذا مايمنع تبدووون رأيكم بكل صراحه

. على فكره انتووو تقولوون ان العمر ماهو ضروري في نظركم انتم

يالرجااجيل .

لكن بالنسبه للحريم اعتقد انهم ماراح يوافقوووووون على ان زوج المستقبل

يكون اصغر منهاا

تدرون ليش ؟؟ مثل ماقالت عزووووووووووف راح يذلهااااااااا لانها كبيره وهو

صغير..

تحيااتي للجميع ......رووووووعه

[كويتيه]

يعطيج العافيه على الموضوع..
صراه انا بعد ما ارضى اني اتزوج واحد اصغر مني... بس مثل ماقلتي لو اصغر بشهر او شهرين اوكي مو مشكله.. بس بسنيين لا.. ما ارضى صراحه.. لا بعدين لماا نكبر انا اصير عيوزه واهوو شباب لالا مايصيررررررررر مو قبول.. .. لا احلى انه يكون اكبر مني

بعدين انا اعرف بنت تزوجت واحد اهياا اكبر منه بس بشهرين والناس قامت اتحجى .. بعدين لو اكبر منهاا بسنيين جان شصار.. صج اهوو كله قسمه ونصيب .. بس انا ما افضل ابدا اني اتزوج واحد اصغر مني..

[القرشي]

السلام عليكم
بصراحه ومن تجربه تبين ليأنه المرأه ألي أكبر من زوجها أتكن وأفهم وأحسن تعايش من المره ألي من عمر زوجها .

[روووووعه]

تسلم القرشي على المرور والتواصل ....... الله يعطيك العافيه

تحياتي لك رووووعه

[بخـــــــــــوت]

يمال العافيه على المو ضوع الحلو رووعه انا برائي لا مشكله تكون المراءه الاكبر الكبر كبر العقل وليس العمر .

ومها كانت المراءه كبيره يكون الرجاال اهو الاكبر لان الرجال قوامون على النساء والرجاال بعقله وممكن يكون اكبر منها بس شخصيته ضعيفه ؟

يعني العمر ما يقدم ولا يااخر والسلااام وهذا رائيي بصراااحه

والسلااام اختش وبنت عمش بخووت

[روووووعه]

هلاااااااا بخــــــــوت .....

الله يعافيك يالغاليه .. وشاكره لك مرورك وردك الصريح ....<<<< ياصريح انتا;)

تحياتي لك .....روووووووعه

[الجـــــــــادل]

لاهنتي اختي روعه وما اقدر ازيد على الاخواان بشيء ولكن اكرر كلام البعض منهم وهو الزوااج قسمة ونصيب

[روووووعه]

كويتيــــــه ,, اعذريني اوخيتي مانتبهت لردك .. على العموووم يعطيك

العافيـــــه على المروور والرد الحلووو

الجــــــادل,, لاهنتي على الرد تسلمين يالغاليه

تحياتي لكم

رووووووعه