اول موضوع لي اتمنى يعجبكم قصيده لابن ريحان

[alajmiali78]

اهداء واتمنى يعجبكم قصيده للشاعر على بن جابر بن ريحان المري :

عيني بشوفة لطيف الروح ملحوضه .... بسباب قلبن على شوفه يحرضها

من يوم صارت على فرقاه مفروضه ..... كلشن على هلت الدمعه يهيضها

في غيبة اللي كما الياقوت ملفوضه... اعد الايام والساعات حافضها

كني سجين وصدر بالحكم معروضه ... قضيته بالقصاص الشرع يفرضها

دنياه ماعاد تسوى جانح بعوضه ..... ومن الهواجيس عينه ما يغمضها

الصاحب اللي مهوب يمشي على الموضه ..يازين شقرن على متنه ينقضها

من دونه اللي معه دعواي مرفوضه .. ولا شافله غلطتن مني يلاحضها

كنه معدي ضمايا القيض من حوضه ... اللي الا ساقها يكثر تعرضها

اروح والروح بين ايديه مقبوضه ... وقربه شفاها وبعدي عنه يمرضها

ماله عوض لا بغيت ادور العوضه ... وبعض المخاسير ما كلشن يعوضها

قلوبنا في الهوى ماهيب محظوضه ... احسن لها الموت من دنيا تغايضها

وسلامتكم واسمحولنا على القصور .
اخوكم : على العجمي

[الغريب]

اول شي انا احب ان اهنيكم على المنتدى الجميل وارجو ان تقبلوني عضو معكم

والف شكر على القصيدة لشاعر علي بن جابر... الاخ العجمي احب اضيف قصيدة اخرى لشاعر نفسة

يقول

عطوني جوازي قبل اسافر بدون اثبات==من قبل لا طى حقل الالغام ماريتة

يمين من الخفجي وشرقي الحماطيات==على الجمس من كان يتحدى تحديتة

انا لا ركبت الجمس حتى انور السادات ==معاد انشد من البية وانا على سيتة

[فيصل بن حجرف]

السلام عليكم
لاهنت اخوي العجمي على القصيده الجزله
وصح لسان الشاعر علي بن جابر

كما احب اني ارحب في اخوي الغريب واقوله هذي الساعه المباركه اللي تشارك معانا
والمنتدى منتداك

[ســ ح ـــاب]

صح لسانك
ولسان قايلها
ننتظر المزيد
اعطر التحايا

[cool]

السلاااام عليكم ورحمة الله وبركاااته

اروح والروح بين ايديه مقبوضه
وقربه شفاها وبعدي عنه يمرضها

ماله عوض لا بغيت ادور العوضه
وبعض المخاسير ما كلشن يعوضها

تسلم على العجمي ولا هنت الغااالي وصح لساااان الشاااعر على بن جابر المري

وان شاء الله يستمر تواااصلك معنا وبقصاااائد ومشاااركاات ااااكثر .


مرحباااا بك الغريب في منتداااك وحيااااك الله وتسلم على الاضاافه والله يعطيك

العااافيه .


كـووول

[alajmiali78]

حياكم الله ومرحبا ومسهلا واشكركم على مروركم واتمنى منكم ان ذا التواصل يدوووووم على الخير والمحبه انشاء الله .

اخي الغريب يا مرحبا والله ومسهلا والله يحييك في منتداك ولا انت بغريب طال عمرك انت بين اخوانك وربعك وتسعدنا مشاركاتك وصح الله لسانك ولسان ابو جابر والقصيده اللي انت ذكرت ترى عاد لها تكمله على ما اضن وبنشده عنها لاجا انشاء الله واتمنى نشوف مشاركات لك وحياك الله ومن يقرى .
واحب اهديك والاخوان ذالبيتين لنفس الشاعر وطبعا مثلها مثل كل ما يقول ابو جابر ما تخلى من المعانى الجزله الوافيه ولها تكمله بعد لكن والله ما تحضرني الحين .

يقول :
يامل قلبن للمحبين ميلاف .... ولو كان يخفي حبهم ما تخفى

ياليت دستور الهوى حكمه انصاف ... من شان نشرب من قراحن مصفى

يوم ابعدوا قلب العنا شاف ما عاف .... على الطلاق اني بغيت اتوفى
وسلامتكم .