علمتني يابوي عشق القصيد وبه عزيت نفسي وبك تنومست

[بنت ماتهاب]

السلام عليكم ورحمة الله وبركاته
اسعد الله ايامكم بكل خير ..


مدونتي بأذن الله ستكون لاقرب واجمل شي في حياتي

وهو الشعر

تشربت حبه من الصغر بديت القراءة غصب عني

الوالد الله يرحمه كان من عشاق الشعر وطبعا مايعرف يقرأ

فاصبحت القارى له وكم مرة جاني كف والسبب عدم درايتي ببعض الكلمات

اتهجئها بطريقة غلط وكن اضطر اخلي امي تعلمني بالسر
عشان مايدري ابوي الله يرحمه

ويعلم الله اني عمري مانسى فضله علي

فقراءة الشعر فادتني كثير

وطبعا الشعر اللي كنت اقراءه شعر اباءنا واجدادنا

تعلمت منهم مبادى وقيم للاسف اختفت من زمنا هذا

وكم عشقت حياتهم وتمنيت لو اني عشت في زمنهم

ولكي ارد له الجميل وللشعر ايضا حق
راح احاول بأذن الله تكون مدونتي
شاهد على روعة وجمال واصالة الشعر الشعبي
وطبعا لن اتجاوز عن ماقدمه الشعراء الشباب ممن
لهم اثر على تطور الشعر الشعبي وتقدمه

وارجو ان تروق لكم ذائقتي


تقبلو جميعا ودي وتقديري

[بنت ماتهاب]

وابتدي بسم الله

وبالشاعر الامير الراحل /محمد السديري رحمه الله



إن صار زود المال بيديـن الانـذال
حنّـا مـن المعـروف تنـدا يدينـا

وان كانهم شرهوا على طيب الافعال
حنّـا وردنـا جمامهـا وارتويـنـا

وان فكّروا للجـود يمشـون رحّـال
حنّـا قبـل يمشـون يّمـه خطينـا

يا ما لبسنا للشـرف كـل سربـال
وعلـى البسيطـة للفضيلـة مشينـا

في دوحة العربـلنا مجـد وظـلال
وحنّـا علـى در المكـارم غذينـا

لو نجمع اللي فات منا مـن المـال
إن كـان شيدنـا القصـور وبنينـا

نعطي ولا نتبـع عطانـا بالاقـوال
ونبذل ونسكـت كننـا مـا عطينـا

وان باعوا الشيمـة بدينـار وريـال
حنـا دخلنـا سوقهـا واشتريـنـا

نطلع لها لو هي على روس الاقـذال
لو هو عسير ٍ دربهـا مـا انثنينـا

بافعالنـا نرسـم دروب ٍ للاجـيـال
إلـى نساهـا غيرنـا مـا نسيـنـا.!

[بنت ماتهاب]

يا عز راسي شفت ما خبـث البـال
شـي ٍ يهـوّل شيّـب الجاهليـنـا

شي ٍ من اسبابـه يشيـب بالاطفـال
فطّر خشـوم مهجرعـات الحنينـا

أدير قـالات ٍ عريضـات وطـوال
قـالات خـلـنّ المخـفـىّ يبيـنـا

منهن رزين العقـل بالوقـت يهتـال
بوقـت ٍ عبـوس ٍ فطّـن الغافلينـا

وقت ٍ من اسبابه شكى كـل ريبـال
نصبـر ونسكـت كننـا غايبيـنـا

النـاس بالأيـام راحـل ونّــزال
وتفجعهـم الدنيـا وهـم دالهيـنـا

ما اترك طريق العدل في كل الاحوال
لـو يرحـل المـريـخ للفرقديـنـا.!

[بنت ماتهاب]

واحب الشعراء لقلبي كان الشيخ سعدون العواجي هو شيخ عموم قبيلة ولد سليمان التي هي من أفخاذ قبيلة عنزة الكبيرة
وهذي من اجمل قصائده اللي شكى فيها لابناءه حجاب وعقاب
عن هوانه بعد ماخلوه وراحو لخوالهم

يا راكـبٍ مـن عندنـا فـوق مهـذاب
مامـون قطـاع الفيافـي الـى نويـت

عنـد الفضيلـة عـد يوميـن بحسـاب
أول قراهـم قـول ياضيـف حيـيـت

حرٍ صغيـر وتومـا شـق لـه نـاب
وعقب القرا ودع رجـال لهـم صيـت

وليا ركبتـه ضربـه خـل الاجنـاب
وانحر لنجم الجـدي وإن كـان مديـت

واسلم وسلم لي علـى عقـاب وحجـاب
سلم على مضنون عينـي إلـى الفيـت

بالحال خص عقـاب فكـاك الانشـاب
ينجيك كان انـك عـن الحـق عديـت

قل له ترى شامخ شمخ عقـب ماشـاب
وياعـقـاب والله ذللـونـي وذلـيـت.!

[بنت ماتهاب]

واسلم وسلم لي علـى عقـاب وحجـاب
سلم على مضنون عينـي إلـى الفيـت

بالحال خص عقـاب فكـاك الانشـاب
ينجيك كان انـك عـن الحـق عديـت

قل له ترى شامخ شمخ عقـب ماشـاب
وياعـقـاب والله ذللـونـي وذلـيـت.!


الله يرحمك يبه ويرحمهم جميع

[بنت ماتهاب]

ويكمل شكواه :

وياعقاب حدوني على غير مـا طـاب
وقالوا تودر مـن ورى المـا وتعديـت

من عقب ماني سترهم عنـد الاجنـاب
وليابلتـهـم قـالـة مــا تتـقـيـت

مـادام شامـخ مالـك جـرد الأرقـاب
لوزيـن الفنجـال لــى ماتقهـويـت

ياعقاب حـط بثومـة القلـب مخـلاب
من العام فـي نـوم العـرب ماتهنيـت

الجفـن عـن نـوم المـلا فيـه نتـاب
وعـد الطعـام مـدوس بـه حلاتيـت

عقب المعزة صرت ياعقـاب مرعـاب
والنـاس حييـن وأنـا عقبكـم ميـت

من الضيم ياعقاب السرب عارضي شاب
واذويت مـن كثـر العنـا واستخفيـت

فاتـن ثـلاث سنيـن والنـوم ماطـاب
وشكواي من صدري عبـار وتناهيـت

البيـت مايبنـى بـلا عمـد واطنـاب
متي يجينـا عقـاب يبنـي لنـا البيـت

مالي جـدا إلا عضـة البهـم بالنـاب
وراعيت كثر الحيف بالعين واغضيـت

ارجي بشير الخيـر مـع كـل هبـاب
ومتي يجونا اخوان نمشة على الصيـت

[بنت ماتهاب]

البيـت مايبنـى بـلا عمـد واطنـاب
متي يجينـا عقـاب يبنـي لنـا البيـت


لاحظو روعة التصوير وجزالته

[بنت ماتهاب]

شكاءهم وهم بعاد وبكاءهم بعد قتلهم في غارة

وهذي من اروع قصائده

ياونـة ونيتهـا تـسـع ونــات
مع تسع مع تسعين مع عشر ألوفي

مع كثرهن باقصى الحشا مستكنات
عداد خلـق الله كثيـر الوصوفـي

ونة طريح طاح والخيل عجـلات
كسره حدا الساقين غـاد ٍ سعوفـي

على سيـوف بالملاقـى مهمـات
سيفين أغلى ما غدا مـن سيوفـي

وعلى محوص بالمـوارد قويـات
أسقي بهن لـو القبائـل صفوفـي

احشم بحشمتهن ولو هـن بعيـدات
وأنام لـو ان الضـوارى تحوفـي

خليتني ياعقاب مـا بـه مـروات
عيالك صغار والدهر به جنوفـي

من عقبكم ما نبكي الحي لو مـات
ولاني على الدنيا كثير الحسوفـي

ياطول ما جريت بالصدر ونـات
على فـراق معطريـن السيوفـي

وياعقاب عقبك شفت بالوقت ميلات
واوجست انا من ضيم بقعا حفوفي

مرحوم يا نطّاح وجـه المغيـرات
إن جن كراديس السبايـا صفوفـي

مرحوم يا مشبع سباع ٍ مجيعـات
وعز الله أنـه عقبكـم زاد خوفـي

الخيل تدري بك نهـار المثـارات
ياللي على كل الملا فيـك نوفـي

والخيل تقفي من فعولـك معيفـات
تاطا شخانيب الرضم مـا تشوفـي

[بنت ماتهاب]

ولي عودة بأذن الله

[بنت ماتهاب]

ماخبر به حي بكى حي ياذيب
واليوم انا ببكيك لوكنت حيى.!

[بنت ماتهاب]

وياذيب يبكونك هل الفطّر الشيـب
ان صادفتهـم مثـل خيـل المحيّـا

ويبكيك من صكّت عليـه اللواليـب
ان صاح بأعلى الصوت ياهل الحميّا

انا اشهد انك بيننـا منقـع الطيـب
والطيـب عسـر ٍ مطلبـه ماتهيّـا


الشيخ شالح بن هدلان

[بنت ماتهاب]

هبـي بريحـه يا هبـوب الشمالـي
كود الجنوب ومطلع الشمس ينصـاه

يـامـا ويـامـا فرقتنـا الليـالـي
وعزي لمن يصفـق شمالـه بيمنـاه


سليمان بن شريم

[بنت ماتهاب]

انــا ويــش اســوي فـــي زمـانــى يـابــن نـمــاس
زمــــــان ٍ مــغــامــر والــثــقـــه فـــيــــه تـخــدعــنــي

يـــحـــاول يـوقـفــنــي عـــلـــى شـــفـــه مــــــن يــــــاس
وعــيـــت دروب ٍ تــاســـع الــنـــاس تـاسـعــنــي

اخذبي على درب الشقاء والعناء مرواس
ولابـــــاقــــــي الا فـــــــــــي الــمـــهـــامـــه يــضــيــعــنـــي

تحـمـلـت مــــن جــــور الـلـيـالـي بــــدون قــيــاس
ولـــو حمـلـهـا مـيــل عــلــى الـمـتــن واوجـعـنــي

وصبرا ّ على الشده شجاعـه وقـوه بـاس
لــــكـــــن الــــضـــــروف الــقــاســيـــه مـاتــطــاوعــنــي

لـيـا اجتمـعـت الثنتـيـن حـاجـه وشـيـمـه راس
وهـــــــــــــــاذي تـــنــــزلــــنــــي وهـــــــاذيــــــــك تــــرفــــعــــنــــي

رفعت النظر والله عطاني نظر واحساس
وهــــــي مـــيـــزه فــــــي كــــــل الاحــــــوال تـنـفـعــنــي

ولـو كـان بـيـن الـصـم والبـكـم لــي مـجـلاس
هـــــــــــذا مـايــكــلــمــنــي والاخـــــــــــر مــايــســمــعــنــي

حـــيـــاه الــتــجـــارب عـلـمـتــنــي وانـــــــا حـــســــاس
وخلـتـنـي اعــــرف نــظــره الـعـيــن وش تـعـنــي

وانـا لـو بـدت لـي حاجـه عنـد بعـض نـاس
اريــــــــــد الـــــكـــــلام وعــــــــــزه الـــنــــفــــس تــمــنــعــنـــي

رشيد الزلامي

[بنت ماتهاب]

ارفع مقامك عن عدوك وتوذيه
ويلحقك من تركك رفيقك ملامي!

حق الرفيق وواجبه لا تخليه
يلزمك مثل الوالدين الحشامى!

اختر عزيز الجار والحق يعطيه
شبل على هرج يقوله يحامى!

مادك به عرق المذله وطاريه
يسبق على فعل الفضيلة شمامى!

ومن قارب الأجرب بالأمراض يعديه
عدواه تسطي باللحم والعظامى!

ودرب السلامة بينات مواريه
ودرب العطب يرث عليك الكلامى!



كلمات الشاعرالامير: محمد بن أحمد السديري

[بنت ماتهاب]

إضرب على الكايد إلى عمسـت ريـاك
لو هذبوك إمـن المصـاوب وضـدوك

مـا يذبحونـك قبـل تدنـي منـايـاك
وإحلم على الجاهل ترى الحلم مبـروك

وقم للضعيف اللي مـن الظيـم ينخـاك
وإدمح خطا جيـران بيتـك إلـى أوذوك

ترى القصير وحرمـة الجـار بحمـاك
عطهـم لـوازم حقهـم لـو تناسـوك

وإحشم خويـك وأكرمـه عنـد ملفـاك
وإلى إعتبرت بسيـرة النـاس كفـوك


\
ابن شريـم

[بنت ماتهاب]

يا علي وين اللي رعينا بهـم هيـت
حال اللحد مـن دونهـم والظلامـي

البارحة يـا شمعـة الربـع ونيـت
ونة صويب ومكْسِـرِه بالعظامـي

أوما الشجر وانا بعد مثلـه أوميـت
أوماي صقّـار ٍ لطيـره وحامـي

طير ٍ ليا جا الصيد يشبع هل البيـت
جته هبوب ٍ مـع جـراد ٍ تهامـي

عز الله اني تو , يـا علـي ذلّيـت
تبيّنَت وانـا علـى النـاس كامـي

وعز الله اني مع شفا البيـر هفّيـت
هفّة قفـي ٍ مـن عجـوز المقامـي

واليوم من باقـي حياتـي تبرّيـت
عقب الشيـوخ معدليـن الجهامـي

ويا علي عفت الحي من كثر ما ريت
وجرّيـت للونـات والقلـب دامـي

وعذّبت قلبي فـي كثيـر التناهيـت
والعين عيّـت مـن بلاهـا تنامـي

راح عقاب الصيرمي شايع الصيت
يا علي من عقبه تراعـد عظامـي.!



الشيخ سعدون العواجي

[بنت ماتهاب]

اسمحولي اشارك بمقتطفات راقتــ لي ..


الليل طويل ومايحلى السهر الا بمناجاة القصيد..


قسيت بَالبعْد ، يَ الْغَايِبْ و قَلْبكْ حَنُون
ليتِكْ ضميت الْوَصِلْ ، وآجيك كلِّي نَهَرْ

لا اتْلُومنِي لاَ شَعَرْت بْ انْهِيَار وْ جنُون
دامِكْ شَريت الغِيَاب ، وْ بعْتِني للسَّهَرْ

[بنت ماتهاب]

اجمع اجمع ياخفوقـي مابقالـك مـن زهـاب
والتحـف صمتـك وولّـم كبريائـك للرحيـل

[بنت ماتهاب]

والله مدري ليه ضايق ومخنوق ؟
وأحس به نبرة بكا... في كلامي

ياعين كانه دمع هلّيه ولـ فـوق
ماودي أشعر بـ إنكساري أمامي ,

[بنت ماتهاب]

يا قو قلبي يوم قفَنَ الضعون
............إللي على ذاك الموادع ما بكيت

و يا صبر صبري و العواذل يحسبون
............إني دلهت من الهوى ولا سليت

أسكت ، عساهم من سكاتي يسكتون
.....و أنا عن إللي في ضميري ما أنتهيت

و أدور الفرحة معَ اللي يسهرون
....و إن ذكروني خذت فنجال ،، و سريت

[بنت ماتهاب]

الصبر :
شيخ ٍ كبير / ودمعته حرّه
ما [ طاحت ]الا بعد ما : ( ماتت احلامي ) !
لو إن :-
لـ الحب درب ولـ الرجاء جرّه
( يمديني ) .. بخير , و [ أيامي هي : أيامي ]

[بنت ماتهاب]

سولفت لك .. عن هذاك الغصن بعد الغروب
وشلون لا ظلم علية الليل.. طاح ودنا

وسولفت لك .. عن مكان .. الشوق وسط الدروب
وشلون لامن ضحك سنة .. غشاه العنا

وسولفت لك .. كيف أحب ألفين مرة .. وأتوب
وفي وقت واحد .. تحس اللي بنيتة فنا !

وأحساس قلبي شمال .. وكل خطوة جنوب
والليا .. تكلمت ،، قلت الله حبيبي لنا

لكن نسيت أعترفلك .. وأعترافي يا دووب!!
إني أنا ... أكثر الأيام ، ماني أنا !!

[بنت ماتهاب]

أحس فيني كلام وداخل الصدر سـور
كن الختام البدايه والبدايـه ختـام ّ!

أليا متى والشعور العذب ماهو شعور
أليا متى والكلام يشيل هم الكـلام ؟

البارحه ضقت من تغريد بعض الطيور
البارحه , ملت عيوني دموع الغـرام

والمشكله لو عرفت المنكتب بالسطور
ماكان للحب في صدري وعيني مقام .,

[بنت ماتهاب]

يا قلب , دام إنّا بالأوجاع خشـرى
لا تزيد نبضاتك ترى خاطري عمس

متوتر , و طبع الهواجيس قشـرى
أنا استضيف الليل والا ازبن الشمس

حنا بلا شوق وبلا عشق و اسـرى
واليوم ما اعتقنا و بكرى خوي امس

لا تنتظر بشرى , والامـآل تشـرى
وضّأح ترثي حآله الوضح والدمس

لا تبتئس { إن مع العسر يسـرى }
الفجر يبصـم للدياجيـر بالخمـس

[بنت ماتهاب]

ياهيه التفت لي واسمع دعـاي لـك ياهيـه
ترى عـادك بتشبـع مـن البعـد وتواجـه

دعيتك بصـوتٍ ياصلـك ليـه ماتوحيـه؟!!
وأنا أسمع ضلوعك من صدى الصوت لجاجه

عليـك الفـؤاد خلاجـه مصمِّـخٍ راعـيـه
خف الله في راعيـه ماتسمـع خلاجـه ؟!!

[بنت ماتهاب]

صبحكم الله بالخير..

واجمل صباحاتي مع شالح بن هدلان الله يرحمه
وقصيدته المشهورة في اخوه الفديع

لا وَاخوٍ لي عقب فرقاه بـَاضِيعْ
كنّي بما يجري على العمر داري

أخوي يا سِتر البِـنيّ المفاريع
ومطلِق لسان الىّ باهلها تماري

ماقط يوم شد بين الفراريع
ياكود بين الكِمِي و المِشَاري

ليته عصاني مرّةٍ قال ما اطيع
كود اني اصبر يوم تجري الجواري

أنا أشهد انّه لي سريع المنافيع
عَبْدٍ مليك لي و لا ني بشاري

تشهد علية مناتلات المصاريع
واعداه من كفة تَشُوْف العزازي

يمناه تنثر من دماهم قراطيع
وعُوْقَ العديم اللي بدمه يثاري

جداعْ سَفْرِينَ الوجيه المداريع
مخَــلّي الخيل منهم عواري

القلب ماينسى بعيد المناويع
ليث على صيد المشاهير ضاري

[بنت ماتهاب]

أخوي يا سِتر البِـنيّ المفاريع

لاحظو جمال المعاني وسمو الاخلاق
الله يرحمهم ويرحم زمانهم الطيب

[بنت ماتهاب]

أمس الضحي عديت روس الطويلاتْ
وهيضت في راس الحَجَا ما طرا لِي

وتسابقت دمــوع عيني غزيرات
وصفقت بالكف اليمين الشمالي

وجريت من خافي المعاليق ونات
والقلب من بين الصناديق جَالي

واخــوي يم قَارَة خَفَا فَاتْ
من عاد عقبة بيستر خَمَالي؟!

ليته كِفاني سُوّ بقعا ولاَ مــات
وانا كفيته سُو قبرٍ هَيـــالي

وليته مع الحييّن راعي الجمالات
وانا فداً له من غِبُون الليالي

واخوي ياللي يوم الاخوان فلات
من خَلْقِتِه ما قال ذالك وذا لي

تبكيه هجن تالي الليل عجلات
ترقب وعدها يوم غاب الهلالي

وتبكي على شوفه بِنيّ عفيفاتْ
من عقب فقده حر من الدّلاَلِ

عَوْق العَدِيم إن جاء نهار المثيرات
والخيل من حسه يجيهن جفالِ

قصيدته في الفديع بعد موته

[بنت ماتهاب]

ياونتي ونة كسير الجبارةْ
إلى وقف ما احتال وليا قعد ونّ

عليك يا شباب ضوّ المنارةْ
عليك ترفـــات الصبايا ينوحنْ

من عقب عبيد قلنا ودَاره
لاَ باكي عقبه ولا َ قايل منْ

تبكيك صفرٍ البسوها غَيَارهْ
تبكيك يوم ان السبايا يِعَـنّنْ

وتبكيك وضحٍ ربّعت بالزبارهْ
اليا قِزن من خــايع ما يردنْ

الخيل عقب عبيد ما به مناره
وش عاد لو راحن وش عاد لو جن

يا شيخ ما تامر عليهم بغاره
كود الجروح اللي على القلب يبرنّ

يقطع صِبِيّ ما ينادي بثاره
إلى أقبلن ذولي وذُوليك قـفـــنْ

ياهل الرمك كل يعسف مهاره
والمنع ما نطريه لاهُم ولاَ جــن

[بنت ماتهاب]

ضيف الله اشرب ما شربنا مرارهْ
اصبر وكنّك شالــحٍ يوم حَزّنْ

راح الفديع اللي علينا خســـاره
واخذ قضاه عبيد حامي ثقلهنْ

يمنى رَمَتْ به ما تجيها الجباره
اللي رمت بعبيد في معتلجهنْ

من نسل ابوي وضاري للشطاره
يصيب رمحه يوم الارماح يخطِن

وعبيد خِللّي طايحٍ بالمغـــاره
عليه عكفان المخالب يحومن

وعادتنا بالصيد ناخذ خياره
ثلاثة الجذعان غصبن بلا مَنّ

يا قاطع الحسنى ترى العلم شاره
لابد دورات الليالي يدورنْ

حريبِنا كنّه رقيد الخـــباره
خطرٍ عليه اليا توقظ من الجن

ماني بقصادٍ بليا نمــــارَه
أجدع نطيحي بالسهل وإن تلاقن

من حل دار الناس حلوا دياره
لابدّ ما تســكن دياره ويغبَنْ

ومن شق ستر الناس شقوا ستاره
ومن ضحك بالثرمان يضحك بلا سنْ

وان كان ضيف الله يعسف مهاره
فمهارنا من عصر نوح يطيعــن

تِدنَا لِصِبيانٍ ســُواةِ النمــاره
شهبٍ لماضين الفَعَايل يـعَـنّنْ


شالح بن هدلان

[بنت ماتهاب]

أنا لِيَا كثرت لَشَاوير مـا شِيْرْ
وحلفت ماتي بارزٍ ما دعاني

وانا صديقه في ليالي المعـاسير
والا الـرخا كل يِسِد بمكــانِـي

وشُوري لِيا هَجّت تُوالي المظاهير
شلفـــَا عليها رايب الدمّ قــَاني

شلفاً معــوّدها لجدع المشاهير
يوم السّبايا كنّها الدّيدَحــــاني

ماني بخبلٍ ما يعرف المعابير
قدني على قطع الفرَج مِـرجعاني

إن سندُوا حدرت يم الـجُوافير
وان حـدّروا سنّدت لــمريغاني

ناخذ بخيران المريبخ مسايير
ما دبّر المولى على العبد كـاني

شالح بن هدلان

[بنت ماتهاب]

أنا لِيَا كثرت لَشَاوير مـا شِيْرْ
وحلفت ماتي بارزٍ ما دعاني

وانا صديقه في ليالي المعـاسير
والا الـرخا كل يِسِد بمكــانِـي

اكيد كلكم سمعتو بالابيات ذي
انا اعتبرها من اجمل الابيات ودايم ارددها

[بنت ماتهاب]

إن كان تنشد يالهويدي عن الطيرْ
الطير والله يالهويدي غــَـدَ لِي .!

[بنت ماتهاب]

الي عطاك لسـان معطينـي لسـان
واقدر احطّك بيـن ضرسـي ونابـي

لكنّ .. أسكت ، وآتجاهل ، على شان
مافتح لـرديـان المخاليـق بابـي!

[بنت ماتهاب]

اضرب طريق الخير واسلك مسيره
ولا تلتفت للناس عوجــاه واقداه



ولو طال عمرك عـارف وش مصيره

ازبن ولي العرش واتعب على رضاه





وأد الفروض الأوله والأخيرة

واضف لهن مخافة الله ورجواه

.
.



محمد بن عقيل السويلمي

[بنت ماتهاب]

الحب ما ينفع معـه فزعـه ولا واو معطـوف
الحب لو زالت جبال الارض ذكـره لا يـزال

يرقا على رجم الغرام ويخدمه نبض الحـروف
اشوي من نسج الغلا واشوي من نسـج الخيـال

وش عاد لو غنيت طاروقك وصفيت الصفـوف
صفٍ يبا ياقف معي وصفٍ اليا من رحت شال

للشااعر محمد مريبد العازمي

[بنت ماتهاب]

أنا ربتني الدنيا على جزل العطا والجود
ونفسي للوفا والطيب وفعل الخير جزامه

وأعارض منهج الهابط وأوافق للصعود صعود
وأسيّر نفسي بعقلي مدام النفس هدامه

ولا تثّر بي البسمة ولا كحل العيون السود
ولا يقوى على قلبي صغير الحسد وأجسامه

أردّ الجود بأمثاله وأقابل بالجحود جحود
وترى لا خير في رجلٍ يوطّي للردى هامه

وعندي مع أهل العِليا مواثيق وثلاث عهود
أوفي له مطاليبه وأودّه وأرفع أعلامه

أعايش مركب الدنيا على متن القدر مولود
أبعرف هو صحيح إنّ القدر بالناس دوّامه ؟

ومن وين الزمن مقبل وإلى وين الليال تقود
ومن في هالزمن يقدر يوجّه خطوة أقدامه

ومن له بالزمن غاية ومن عنده هدف منشود
ومن منّا قدر يعرف خفايا مقبل أيامه ؟

عرفت إنّ الشقا باقي ، عرفت إنّ الحسد موجود
عرفت إنّ القدر يفرض علينا بأسوأ أحكامه

لقينا بالعرب حاسد وشفنا بالعرب محسود
وبه ناسٍ لنا ضامت ، وبه بالناس منظامه

للشاعر: حــــــــــــــــامـــــــــد زيــــــــــــــد

[بنت ماتهاب]

طبعي كذا لا ماتغيره الايام لوكان ذا بعض البشر مايبونه
طبعن ورثته من عظيمين الاشيام رغم المصاعب ماتزلزل حصونه



ولو طالت الشدة تحت روس الاقدام ما أرضى لنفسي بالخطا والمهونه
واليا تباهو بالمراجل والاحجام وزني بميزان الوفا يعرفونه


رمز على روس المعالي والاعلام وصلت شي اهل العزم مايجونه
اقفي عن اللي بالخيانه له وسام مثل السحاب ليا تقافت مزونه


اسعى لتحقيق الاماني والاحلام واللي يحب المجد تسعى ضعونه

كرامتي تبقى وتبقى كالاهرام مثل الامل ماعيش لحظة بدونه


ارفع مقامي عن سواليف الاقزام اللي كلام الظالمة ينقلونه
اقوالها كذب وخيانات وآثام وله سمعتن ياشينها يذكرونه



اللي سواياها تنافي للاسلام تبقى على مر الزمان مغبونه
اللي تخون اهل المواجيب الاكرام ناس منازيل العلا ينزلونه



تكاتفوا ضدي عديمين الاقيام بالغدر راحوا ضامري يصفقونه
هوت برمح الغدر وسكاكين الاجرام لازال ينزف ضامري من طعونه



مابيننا كشف الحسابات قدام اما خذيت الحق او ياخذونه
طلبت من انزل تبارك والانعام اللي هل التوحيد بيته يجونه



سلط على من خانني حمر الاجثام تبا لها والانبياء يلعنونه
خلاص يادرب المتاعب والالام خلاص ياهم السنين وشجونه



بكره الحقايق تكتسح زيف الاوهام والمختفي بعيونهم يكشفونه
تجارب تبقى مثل خط الاقلام اليا طرى له طاري يبرحونه



حلفت ماارجعلك على مر الاعوام لين الجسم وسط اللحد يدفنونه
عيب ن على اللي يحلف أديان واقسام وعهده ليا طال الزمن ما يصونه

الشـاعر احمد حمدان الشمـري

[بنت ماتهاب]

مساءكم الله بالخير
ومساء الشعر والقصيد..

[بنت ماتهاب]

أمير ! لو ماشفتني لابـس ٍ بشّـت ** والبشـت مانـزّل ورفّـع مقـامـي

عبدالعزيز العواجي..

[بنت ماتهاب]

بسألك كيف نتقابل دامنا ليل ونهار
لو تقابلنا تموت الناس وتقوم القيامه

كيف واحنا بالتناقض قلب ثلج وقلب نار
قلب ماعنده هيام وقلب ميت من هيامه

اي ابيات غير مذيله باسم شاعرها
بيكون لعدم معرفتي به مع اعتذاري للشاعر

[بنت ماتهاب]

لو ان قيـدي في يديني كسـرته
.. ميـر البـلا قيـد الغـرام الـتوى بي .!

[بنت ماتهاب]

مرحوم ياقلبٍ قضى طاوي الشوق $ عسى المطر يسقيك ويبل الارمــاق

قضيت ب هالدنيا طريدٍ وملــــــحـــوق $ تركض ورا اللاهي وساقٍ لحا ســاق

من شوقك الطاغي طواك الهوى طروق $ تترقب العذال بعيون سراق

سالت على خدك دموع لها بروق $ بانت بجفون العين مكنون الاشـــــــواق

عطيتهم حبك وجازوك بعقــــــــوق $ ماحلا لوا سهرك الى وقت الاشراق

جزاك تقضي من هوى البال محروق $ ماشفت بالدنيا بديــــــــــلٍ لــهم لاق

[بنت ماتهاب]

يا عـد ليه النآس رويت منك وآنا مآرويت
ولآ على قول المثل الأول غبش و أقفآبها

[بنت ماتهاب]

قلت وهمومي تغافل زفرة الحزن وتفوت :
"هذا انا جيتك..يا ليت الموت جاني قبل اجيك"


بعدها يا دوب عدّت عبرته حد السكوت
قال وعيونه تغارق دمع : "بسم الله عليك"


قلت : "يا ابن الناس عادي ماورى هالموت موت
وش وراها لا فقدت عيونك ولمسة يديك"؟!

[بنت ماتهاب]

قلبي ورى الأضلاع بالشوق يدعيـــــك..
وسمعـي تمنـى يسمـــع اللي تقولـــه..!

وعينـي تشـّوق لك ومرات تبكيــــــك..
من دمــَع ضيقـات الزمان مخذوولـه.!

واللي خلقنــي عايشــن في رجاويــك..
ماهمنـي ها الكــون عرضــه وطولــه..!

ما تدري ان الدمـع والليـل يرثيــك..!
وشرح الصدور من الغرام معلولـه..!

يزورني طيفك بليلـي وأخاويــــــك..
والوقت يمضـي والجروح محمولــه..!

وشلون ترضى الهجر يقفـي بغاليك..
وشلون ترضى تعيش منته بحولــــه..!

الكل سالي في حياته وناسيــــــــك..
وانا الوحيد اللي عنـت لك خيولـه..!

حتى الهوى لاهب يأتي بطاريـــــك..
اتنفســـه واقول هذا رسوولـــــــه..!

[بنت ماتهاب]

عطيتك الأحساس يا المـيت الـحــــْي
..............وشفت الخيآنه في عيونك سناء ضـْي
ماااات الـوعـد
بـ ــ إيـديك مآينـفـع الــكْي
..............لا قـلت لك باغـيك عن شـوفـتي عـْي
........................................عن شـوفـتي عـْي
.........................................عن شـوفـتي عـْي

[بنت ماتهاب]

تدري وش اللي بعد فرقاك قطعني == ان المفارق قراره كان في طوعي
كنت انتظر دمعتك لا قلت وادعني == واقفيت تضحك وانا اللي سالت دموعي

[بنت ماتهاب]

يرمي زمان الحنين ..ويجلب اقلامي
ـــــ لـ الطيش . "لـ الجنجفة"...لـ العيشة السهلة !

لـ ملعب "الحارة المهجور"...لـ اقدامي ..
ــــــ اللي تحبّه .... .ولادري وش تحبّه له ؟!

وإن ضاق بخل المدى .. بعثر آلامي
ــــــ على زوايا القصيـــد..\ ولو تشابه له ؟!

لطخت صمتي على جدران أعوامي
ـــــــ طفل ٍ ماحس بـ كتاباته ..سوى أهله


ل جمال الشمري

[بنت ماتهاب]

أي والله اني ضايق ومرهق ومخنوق وحزين
و إما بموت من الوله ولا بموت من القهر

واللي لعب في حسبة ايامي وخلاّها سنين
إني على ذا الحال يا شعري لي اكثر من شهر !!

بعت المدينه لجل عين وقالوا الخافي يبين
ودفنتك بجوفي وقالوا وش بقابك ما ظهر ؟!

يا مطوّل الغيبه يا طول الشوق مير الله يعين
العاشق اللي عاش ظامي بين عدّك والنهر !

[بنت ماتهاب]

الله من دنيا لدنيا ارمتني
دنيا معاليق الفوؤاد ااحرقتها

امشي لها طوع ولا طاوعتني
صبرت ماني عارف شاخرتها

لا قلت ابرفع مستواي اخفضتني
وليا صفت لي ساعة كدرتها

ودي اصارحها ولا صارحتنى
الم شوفاتي وهي فرقتها .!

[بنت ماتهاب]

كنت احبك .. كنت !! لكني سليتك
وما بقى سلمته الريح ونثرتك

وانت لاا تزعل اليا مني رثيتك
بعد ما خنت وتوفيت وقبرتك !!

والله اني .. لاحزنت ولا بكيتك
مثل ما عمّرتك بقلبي دمرتك

بس تدري ليش عقب غياب جيتك ؟
واهتدت رجلي على بيتك وزرتك؟؟

بشكرك .. على آخر طعونك فديتك
ليلة فراقك .. نسيت !! وما شكرتك !!

[بنت ماتهاب]

تقدم الدنيا لنا درس ٍ جديد بكل يوم
والناس تسلم من غثا الدنيا بحفظ دروسها !!

وعلى حسب حفظ المواجيب وتعاليم السلوم
نعرف مقاسات البشر بالمرجله ونقوسها

صيت الرجال الوافيّه بأفعالها .. ولا ّ الرخوم
ينبيك عنها : قل نفعتها وشين نفوسها


محمد جارالله السهلي

[بنت ماتهاب]

عيب التفت في جاه مخلوق وادعيه
وللمبتلي ساعة دعا مستجابه
الضعف ماطيقه ولا طيق طاريه
والدمع لايرقى ولا ينرقابه
والحلم يغنيني عن الكبر والتيه
والظلم محصيني كآبه كآبه
ان ماجمعت وجيه مافرق وجيه
ومن لابنيته ماسعيت بخرابه
وانا لو اني بالتفت بالتفت ليه !
الرمح غاالي والفريسه ذبابه .!


حامد زيد

[بنت ماتهاب]

قالوا: وحيد وقلت: ما عندي أوناس
قالوا: غريب وقلت: بأرضٍ بعيده

أبعدت مابي شوف ناس ٍ من الناس
أبعدت عن بعض الملا وتعديده

مطاوع ٍ قلبي على كل الأجناس
والبعد عن شوف المكاره يفيده

اخترت بعد الدار عن قرب الأنجاس
عن دارهم نلقى ديار ٍ جديده.!

[بنت ماتهاب]

يا عمير في قلبي من الهم ولوال
حر سعر بالقلب ماله مطفي

يا عمير لا تتبع هوا بعض الازوال
اقبل وخله يالعتيبي يقفي

لا تتبعه يا عمير يا طيب الفال
خله على حوض الرذيله يهفي

ومن لا استشارك لا تعذله ولو عال
يلقى من اجناسه صديق يلفي

يا بعد فرق الناس رجلي وخيال
والطيب بين مثل حيد مشفي

وان جاك مكار على الناس محتال
لياك مع ما قال لك تستخفي


الامير والشاعر: محمد السديري

[بنت ماتهاب]

يامشرف المرقاب خله لمشطون
حول وخل مولع القلب يرقا

خله لمشطون تزايد به الكون
على عشير زود الهجر فرقا

ينوح يوم ان الخلايق ينامون
ويزيد نوحه كل ماسمع ورقا

ياسف له اللى للهوا ما يعرفون
ويا سعود شلانه من الدمع غرقا

وكبده من الغالي بها تسع طعون
والعاشرة ياسعود بالقلب زرقا

محد عشق مثله مع الحضر وضعون
شمر وعنازن وروق وبرقا

طفل يتل القلب تل بلا هون؟؟
يس با الفواد ويسرق الحال سرقا

الامير والشاعر: محمد السديري

الله يرحمه

[بنت ماتهاب]

الله من هم بروحي سهجها
بخافى ضميرى فى كنين الحشا لاج

احرمن نار تواقد وهجها
منهاخطر روحى على سلك ديباج

وعين عسى المولى يعجل فرجها
يفوح ناظرها كما عين هداج

استرسلت للدمع من مارهجها
غيظ يكظ عبارها مثل الامواج

كم واحد لة غاية ماهرجها
يكنها لوهو للادنين محتاج

يخاف من عوجا طوال عوجها
هرجت قفاير كض بها كل هراج

يقضب عليك المخطية من حججها
حلو نباة وقلبة اسود من الصاج

اللة خلق دنيا وساع فججها
وعن ما يريب القلب لك كم منهاج

والرجل وان شطت لياليك سجها
عسى تواليها تبشر بالافراج


الامير والشاعر: محمد السديري

[بنت ماتهاب]

امشي على وضح النقا المجرود واحب الحياد
ولا اداني انصاف الحلول ابدن ولا اخون العهود

صابر على ضيم الدهر واجاهد ايامي جهاد
والعمر ينقص والليال السود ماتنقص تزود

من معركتْك ابنسحب واسحب جنودي والعتاد
ولانسحاب احياناً ارحم من معاناة الصمود

ولايندمل جرح البياض اليا دنا منه السواد
ولاتطيب العله اللي بين بيض وبين سود .!

[بنت ماتهاب]

ومن هوياتي غير الشعر
اعشق الفوتشوب والتصميم
واذ

[بنت ماتهاب]

من هوياتي غير الشعر
اعشق الفوتشوب
فاذا ماكنت اقرا شعر
اكون مشغولة بالتصميم
احب التلاعب بالصور وابراز جمالها

ان شاء الله اطرح لكم عن قريب شي من تصميمي

[بنت ماتهاب]

برب طويل شوي

للفوتشوب وبأذن الله ر اجعه لااغلى مكان
ياريحة ابوي وجداني

[بنت ماتهاب]

باك


مآ كْلَ مْنَ .. يْعشقَ صْفآتيَ .. [ عْطيتَه] !
ومَآ كلْ منْ ~ طْبَ الميَآديْن خَيّـآل


يآ ( أبويَ ) .. مْن قديَ وأنآ لكَ وفيَته ..
المهرَه آلليْ جبتهآ .. بنتَ رجّآل .. !

[بنت ماتهاب]

الي تـربى على مـا كـانوا أسلافـه
نفسه على منهج الاجداد../ يعسفهـا

ويـا قـو قلبٍ يعـرف الله ويخـافـه
ويا ضعف نفـس قـويـة في تعجرفها

[بنت ماتهاب]

انا اليا مني تضايقت واحزنت
من ضيقتي تحزن لحزني جماعه
لذا أكابر لأني ادركت وايقنت
اني حريق وخايفين اندلاعه
بك يألهي عن عطا غيرك اعتنت
يلي خلقت من الصناعه صناعه
لاضاق بي حالي توضيت واذنت
وصليت لك يارب سمعن وطاعه
مدامني عبدك وبقدارك امنت
اكيد ابصبر لانفقدلي طماعه
لا يارفيقي ليت لازنت ماشنت
امرضتني وانا ماعندي مناعه



سعد علوش

[بنت ماتهاب]

نفس الكريم اللي من الجود فحّت
ترفعت فوق الخساير والأرباح

ناسٍ تصم آذانها ما توحّت
أنين من صارت هياكلهم أشباح

حتى العصافير الجميلة تنحّت
يوم انّتف من صدرها ريش وجناح

شابت خناجرها والأصوات بحّت
ما عاد نسمع صوت للريح صداح

أصابع الأيام جابت ومحّت
اجمل عطر في الأرض زاكي وفوّاح



حمود البغيلي

[بنت ماتهاب]

هَذَا الْسَّهَر مَاوَرد لِعَيْنَي نُعَاس
احِس هَذَا الْلَّيْل طَاغِي بِطُوْلِه


تَعِبَت امشّي مَابِقَّالِي مِن الْيَاس
اجْر خَطَوَاتِي / ابِيْهَا عَجْوَلَه


الْحُزْن خِلَانِي مَع ضُلُوْع يَبّاس
الْهَم بَاقِي / وَالصَوادِيف حَوْلَه


الْصَّمْت قَالُوْا انَّه اغْلَى مِن الْمَاس
وَاشَوْفَهُم عِنْد الْحَكِي / صَفَقَولِه


يَالِيل تَبْقَى لِلْمَوَاقِيْت عَسَّاس
لَو مْاعْطَانِي هالسَّهر مِن حُلُوْلِه


خَلَت الْمَدِيْنَة وَاتَلَفَّت / للاجْنَّاس
وَاقِيْس هُم الْشَّارِع الْلِي مِشِولِه


رُحْت اتُنْشد عَن دِفُا الْوَقْت / جِلّاس
لَقِيْت سَيْف الْوَقْت يَقْرَع / طُبُوُلّه


صَمْت الْمَدِيْنَة وَالْمَبَانِي وَالاجْرّاس
وَاطْفَال مَّاعَاشَوا حَيَاة الْطُفُوْلَه


يَنَام هَذَا الْلَّيْل بِعُيُوْن / حُرّاس
وَيْصَحَى بِعَيْن الْمُقَبِّلَات / الْخَجُوّلَه


اصْبَحْت كُنِّي شَيْخ وُلِّي عَلَى نَاس
وَامْسَيْت كُنِّي فَاقَدِن لِّي حُمَولَه !


تَخْنُقُنِي الْعِبْرَة وَانَا اقُوْل لَابَاس
وَارْجَع بُتَنْهيِيَدِه عَمِيْقَه زعُولِه


الْحُزْن / كُنْه جَد وَالْعِرْق دَسَّاس
وَالْنَّاس / كُل الْنَّاس هَذِه عَجْوَلَه


وَالْوَقْت / يَرْسُم هُالزَوَايَا بِقِرْطَاس
وَانَا مَعِي قِرْطَاس وَازْرَيت اقُوْلُه


وَالْشِّعْر / هَذَا ماعْرَفَتِه مِن الْنَّاس
جَانِي مَع اوَّل هُم ( نَوَّخ ) ذَّلُوْلَه !


كَتَبَت فِيْه الْلِي عَطَانِي مِن احْسَاس
يَامَا تَنَادُمُنَا / وَاخَذْنَا الْبُطُوْلَه !


وَالْحُر / سَمَّوْه الاجَاوِيد قُرْنَاس
وَالْبُوم / يَبْقَى بُوَم لَو طَبُلوَلَّه


وَالْصَّبْر / قَرَّب ياصَل حُدُوْد الّافْلّاس
وَالْشَّوْق/ ياصَعْبِه يِجِيْنِي .. بِسُهُوْلَه !


وَالْمَوْت / يَسْرِق مَابِقَّالِي مِن انْفِاس
وِيْرُوْح مَعَه الْلِي نَوَاه وَيُنَوِّلَه !!


ازِمَّة مَشَاعِر زَّايَفة مَالِهَا سَاس
وَازِمّة وَفَا / وَالْلَّه وَازِمّة رَجْوَلَه


مَابِالحَزن رَحِمَه وَلافِيْه نُوْمَاس
يَقُوُلُهَا الْلِي عَايْشن فِي فُصُوْلِه


يَاصَاحِبَي يَاصَاحِبَي صَاحِب الْنَّاس
يُمْكِن تُشَوَّف الْلِي مِن اوَّل اقُوْلُه !


راقتــ لي

[بنت ماتهاب]

يقولون العرب صدر الشمالي مايضيق بساع
وانا اقول الصدور اليوم ماعادت شماليه

ماضن احد جهل هالبيت هذا لمصدر الابداع
هذاك اللي اليامنه كوى ينجض لك الكيه

ابو موسى وهو سبعن تسلسل من ظهور سباع
نعم بالشعر وبغيره قليل بهالزمن زيه

اجاري بيتك وقلبي حزين وضايق وملتاع
سبب فعل الحقير اللي بدا يظّهر خوافيه

يدس السم بغيابي ويلبس في لقاي قناع
منافق كاذب وبانت بما يخفي مباديه

لوني حارفه مبطي ماظن لهالقصيده داع
ل كان انهيته بسرعه ولا كبّرت هقاويه

انا مأثر علي مثله ولا همن ردي اطباع
ولكن كيف سواها الهديفه لعنبو حيه

وانا باقي كذا شامخ ولي مثل الصبح مطلاع
اخفي ليله المظلم وطفي نجمه وضيه

صحيح نضيق لا كنا حقيقه بالصدور وساع
وكل ضيقه تدوم الا مع صدورن شماليه

وانا صدري وسيع ولا بعد قسته بعرض القاع
ولاهمن هذاك الخبل وعلومه وطاريه

لو اني بنزل لنفسه بجيب من الكلام انواع
لكني برتفع وارسل سؤالي لزمن ذيه

علامك يازمن ليه انت بالصادق قليل باع
وليش الكذب راعيّه يعيش ويخلف النيه


الشاعر متعب سعود الشمري

[بنت ماتهاب]

لاتظن اني غرير (ن) حتى لو قلبي سموح
طعنة المقفي جريمة مالها خانة سماح

تسجيل خروج وتصبحون على خير :)

[مـشـهـور]

مشكور يا بنت ما تهاب

[بنت ماتهاب]

العفوو اخوي

وصبحك الله بالخير

منور الركن ..

[بنت ماتهاب]

صباح القصيد وبوح المشاعر واصدق الاحاسيس

قفى , وهو من حسرة النفس مصدوم
قفى , .. ويومه راح / كان يتّلفَت !



في نظرته زحمـة أحاسيس وهموم
كنه يقول ( إن السعاده توفـت ! )

[بنت ماتهاب]

المغترب ماعوّضته المنآفي
إن كآن ماحصّل من الدآر لفته

والشوك وإن دسته بالأقدآم حآفي
عجّل ولملم دمّك اللي نزفته

وإن جآك من شرع المحبين لافي
كرر معه ذنبٍ قديم إقترفته.!

[بنت ماتهاب]

راع الوفا ماينكر اقراب.وأنساب
راع.الوفا.لابد.يأخذ.من أسمه
.
وحنا ترى من دوننا.تقصر.أشناب
من جد.ماهي.نص.كلمه.وكلمه
.
والروس.ماتوخذ.على.فعل.الأذناب
والطيب.طيب.ووصمة.العار.وصمه
.
حنا.ترى.مانطعن.ظهور.غيّاب
من غاب.مامتنا.على.أكل.لحمه
.
كذاب.يامتجاهل.الناس.كذاب
والكذب عنوانه.على.الخد.لطمه.!

[بنت ماتهاب]

تجاهلك.ماني.مدور.له.أسباب
ومفارقك.نعمه.من.الله.ورحمه
.
ياللي.لبست.من الحسد.بشت.وثياب
بيتك.خراب.ومنطفي.جمر.فحمه
.
جعلك.يابو.وجهين.تضحك.بلا.ناب
لاصار.لك روحٍ على.الكره.نهمه.!


يالبيه وصح لسانه

[بنت ماتهاب]

أبوي.رباني.على.كسب.الاصحاب
ولاتركني.في.فم الناس.لقمه
.
خويّي.آضلّله.من دون.الأجناب
وآكون.له.في حارق.الصيف.نسمه
.
وبيوتنا.للضيف.مفتوحة.الباب
وصحوننا.بالجود.للضيف.دسمه
.
وانا.الذي.لوشيًب.الوقت.ماشاب
أدعس.على.الدنيا.بشبشب.وجزمه

ظن الخوي فيني ولا مرةٍ خاب
ماني بمن يمشي مع كل نغمة.!

[بنت ماتهاب]

التعامل فنّ راقي بين عرف وبين شيمه
ومن جهل معنى التعامل ،، (( سجلو له.. غير لايق)).!؟

[بنت ماتهاب]

مدري نصيبي ياترى أو نصيبك
خلا المودة بيننا تثمر أشواك

ماني صغيراتحطني وسط جيبك
ولامراهق ينبهر في ثناياك

ابنسحب وابعد واببقى حبيبك
حبيب لكن يمكن أضطر وأسلاك

ماأبي غرامك دام حبي يريبك
قد كنت احبك لكن الشك اغواك.!

[بنت ماتهاب]

لاني شخص مريض النفس لاعاقل ولا مجنون
توهم في خياله اني متيم في هوى عيونه


مصيبه كيف تخلص من جنون العاشق المفتون
اليا من صار مابينك وبينه عشق يطرونه.!

[بنت ماتهاب]

اشهد إني في غيابك [ تيتّمت ]
وإني [ فـقـدت ] الناس و الناس حولي !

[بنت ماتهاب]

http://dc17.arabsh.com/i/02410/qvcxirrr80ae.jpg


ما يحس بــ [بَرْد قَلْبَكـ] / غير من يَسكن شِغَافه ..!
كُلْ.. ما ./ .خَيَّم .. عليك الـــ بَرْد! / جابته ,, الثواني..!!

الدِفَـــا: ما هو بــ فَرْو ٍ .. / تَلبِسَه / وإلا لِفَافه !
الدِفَـــا : روحك تــضُمْه , من غلا

[بنت ماتهاب]

كلمة فمان الله في يـوم المـوادع ماتهـون
الا على قلبٍ على حسب الاصول / يقولها ..!


والا فمان الله في قلبٍ من الفرقا / حنون ..؟
ياشين طرقتها عليه ، و يا كبـر مفعـولهـا

[بنت ماتهاب]

لاضاقت الأربع زوايا على البال
..........................ذكرت ربي مفرج الضيق كله

يجبر كسير الوقت في عثرة الحال
........................وبتنفرج مادام هرجي على الله


تسجيل خروج
اليوم بنت خالي عازمتني على السينما
من زمان مارحت :)

[بنت ماتهاب]

بااك



هــــذا الـفـضــاء مـلْـكــكْ ولا ودّك تـطـيــر
ارجـــــوك قـــــم يــاطــيــر حــــــرّك جــنــاحــك

حبسـت نفـسـك فالقـفـص خـيـر ياطـيـر
وقضيت عمرك وانت تنـزف جراحـك

مااشتقت للمنهاج في صبح وعصير
الــــيــــا صــــفــــا جــــــــوّك وهــــبّــــت ريــــاحــــك

عــايــش طـلـيــق وتـنـتـظـر فــزعــة الـغــيــر
مـــن نـفـسـك السـجـانـه اطـلــق ســراحــك

[بنت ماتهاب]

مساءكم الله بالخير..

مالي غير القلم والحـرف لا غـاب
عني الفرح لحضه .. واعلـن مغيبـة

وبد الحزن يطرق علي بعض الابواب
والبال من الضيقات حصـل نصيبـة

[بنت ماتهاب]

لـيــت الـلـيـال معلمـتـنـي وش وراء ســـد الـجـبـال
ماكان حار الفكر في بيض القلوب وسودها .!

ياوقت ياللـي منطّلـقْ للغـدر .. واحكمـت العقـال
ماهوب انا اللي ينحني لكفوف بـان برودهـا .!

[بنت ماتهاب]

http://www.mekshat.com/pix/upload/images35/mk1168_gyrfalcons4.jpg

هــــذا الـفـضــاء مـلْـكــكْ ولا ودّك تـطـيــر
ارجـــــوك قـــــم يــاطــيــر حــــــرّك جــنــاحــك

حبسـت نفـسـك فالقـفـص خـيـر ياطـيـر
وقضيت عمرك وانت تنـزف جراحـك

مااشتقت للمنهاج في صبح وعصير
الــــيــــا صــــفــــا جــــــــوّك وهــــبّــــت ريــــاحــــك

عــايــش طـلـيــق وتـنـتـظـر فــزعــة الـغــيــر
مـــن نـفـسـك السـجـانـه اطـلــق ســراحــك

[بنت ماتهاب]

لا تحسـب إن صمتـي ب.. وجـه الليالـي صـمـود
تــعــبــت مـــــــن كـــــــف شــرهــاتـــي وصـافـحـتــهــا

لا والله الـــلـــي تــشــوفــه فــــــيّ مـــاهــــو بـــــــرود
لــــكـــــن الأســـــــــرار تــجــرحــنـــي لا وضــحــتـــهـــا

أنـــا كـــذا مـــن خـلـقــت ، وقــبــل أبــيــح الــســدود
أمــــــوت وتــغــيــب شـــمـــس الــعــمــر مـابـحـتــهــا

عودت خال الوفاض .. وقلت ل.. الصبر ، جود
وجـلــســت مـــــع نــفــســي الـــبـــارح ونـاصـحـتـهــا

مـــن مـــا لـقـيـتـه مــــن الـبـايــر وكــــف الـجـحــود
أبــعـــدت نـفــســي عـــــن أهـــــل الـــــذم وآزحـتــهــا

وأصبحت أجامل .. وأسامح .. بس عندي حدود
بعـض العـرب مخـطـي ب.. نفـسـك لا سامحتـهـا.!

[بنت ماتهاب]

يآرب
أن جآت لك دعوآت مكسوره ..!
أفرد جناح الرضا .. [ وأجبر خوآطرنا ]

[بنت ماتهاب]

كل(ن) له.. اظْروفه وانا لي.. اظْروفي
والـنـاس مـاتـدري عــن الـنـاس يـاسـعـود

أمَـسّـح..ادمــوعــي بـــراحـــة ..اكــفــوفـــي
واصبر ولا..كنّي علـى الأرض..موجـود

والمشكلـه!! شعـري كسـر جـسـر خـوفـي
يطلع ولو حطوا..له.. اشْروط ..وحْدُود .!

[بنت ماتهاب]

كم عطيتك من ملا كفي رشـوف
من غديـر(ن) بالمشاعـر هايمـه

استهـيـم أرضــاك وبحـالـك اروف
وفي بحـر حبـك سبحـت وعايمـه

المحبه (حـب) صـادق ومعـروف
مـدركــوه أهـــل الـقـلـوب الـنـايـمـه

ايه احبك حب يالف@د العيوف
روح روحـي دون غيـرك شايـمـه

وعـذابــي لاســـرى لـيــل الـقـنــوف
ولاح بــارقـــهـــا ودارت حــايـــمـــه

وقتفاها شعـف والخافـق شعـوف
مـابــرى جـرحــي كــثــر دمـدايـمــه

لو غلا الغالين لاغـاب امخلـوف
ماستـبـاح الـسـد عـقـب إكتـايـمـه

ومـا مـلأ عينـي ولايمكـن اشـوف
غـيــر حـبــك يـاغــرام الهـايـمـه!!