المكرمة الاميريه وحال الشعب الكويتي

[محمد بن فراس]

السلام عليكم ورحمة الله وبركاته

بعيدا عن جو السياسه والازمات السياسيه التي نعيشها هذه الايام وقمع الحريات فاعتبر الموضوع موضوع عن حال الشعب الكويتي حول المكرمه الاميريه التي منحها صاحب السمو الامير صباح الاحمد اطال الله بعمره .

منذو بداية الخبر وارى ان الكل من الشعب يبتسم وعلامات الابتسامه اجدها على وجوه الناس من خلال ذهابي بالسياره او الى الاماكن العامه وانا انظر الى الناس وعلامات الابتسامه واضحه لديهم ولكن البعض من الذين اتتهم المنحه قد خطط مستقبله واين تذهب او يضع المكرمه .. البعض قرر ان يقضي الالتزامات التي عليه سواء التزامات المنزل او الخاصه من اقساط وغيرها والبعض سيسافر بها وخصوصا الحجز على دبي اصبح ممتلئ جدا والبعض قرر ان تذهب الى السوق وانا اجزم ان 90% من الذين سيستلمون المنحه سيشتري جهاز Iphone او بلاك بيري ولكن من المضحك ان البعض اخذ يشتري من الان ويقول موعد تسليم النقود على المنحه :)

اليوم استيقظت من النوم واذا بابنتي الصغيره تبكي وتقول بابا انت بتاخذ فلوس المنحه حقتي كلها فقلت لا يبابا ماراح اخذها فقلت مالذي تريدينه من المنحه فقالت ابي لعبة psp وابي توديني الجمعيه اشتري حلاو واجد وابي الملاهي فقلت ابشري لكي ماتريدين فضحكت فقلت حتى الاطفال اعمارهم 5 او 6 سنوات عرفو بامر المنحه حتى الاطفال لايخفاهم شي :)

همسه : يااهل الوتس اب خصوصا بعد تاريخ 24 الناس اللي بتشتري ايفون بيزعجونكم بالرسايل القديمه وراح اتعرضون للغبار فماعليه تحملوهم :p

بالاخير عليكم بالعافيه وعساكم تتهنون فيها جميعا والله يزيدكم ... تحياتي للجميع .

[sad]

آلـفلوس . تغـير آلنـفوس ..َ!!!


ولآ آلبلآك بيري & Iphone بتشوفه عند الكل .. بعد تاريخ . 24 /2

[من العجمان]

الله يحفظها وتشوفها عروووس :) شكلها مدزوزهـ من الماما ( جس نبض)

يامرحبا ابو شافي مليووووون والله نور القلم .. والله لايحرمنا من ابوناصر

[المبهم]

http://www.aljazeera.net/mritems/images/2008/10/21/1_858843_1_34.jpg





صباح العز والدنا

على امره تعاهدنا

علم بلادي وحدنا

والله لا يغير علينا








الله يطول بعمره ونشوف في عهدة عودة الكويت عروس الخليج :)





شكرا محمد :)

[عمر بن فراس]

هههههههههههههههههههههههههههههه

ياحليلها بس لاتنسى تشتريلها psp

الله من واحد عند مكتب السفريات > مو انا

[عين النسر الغاضب]

كلهم بينت فيهم الا واحد في اللجنه الاعلاميه وهو عارف نفسه هههههههه

الي الحين زعلان ويبي الشعب يسوي بلبله ويسقط الحكومه

مادري ليش هو انسان سلبي وما يحب الخير

اكيد انه بسبب انانيته وغروره او يمكن مغرر به المسيكين

لاهنت يا محمد علي الموضوع

[الـجآسره]

يعطيك آلعآفيه أخوي محمد ..

طرح هآدئ جداً يلآمس حآل آلكويتين ..
وآلله يبآركلك بآلألف ويبآرك لـ جميع آلكويتين فيهآ ويقطعونهآ بألف عآفيه ..
بـ خصوص الـ البلآك بيري و الـ آي فون لحدٍ يخلي بخآطره شي ورآضين بآلعجآج ويآهلآ ويآمرحبآ ..
أمآ سآلفة آلآلف عند آلورآعين كلن له هدف فيهآ مستحيل يتخبئ عنهم شئ وقول آلحمد لله إنهآ مآطلبت غير الـ psp >> جعل ربي يخليهآ لك ويسترعليهآ ويوفقهآ



على آلهآمش
* آلمآل ليس كآفٍ .!\

[محمد بن فراس]

عبدالله خالد اشكرك على المرور

من العجمان لاوالله عندي اختي الصغيره بسنها معلمتها كل شي وقايله لها ابوك بياخذ الالف :)

المبهم شكرا على مرورك

عمر لاتوصي وان كاني ماشريتلها انت عمها عوضها :)

[محمد بن فراس]

كلهم بينت فيهم الا واحد في اللجنه الاعلاميه وهو عارف نفسه هههههههه

الي الحين زعلان ويبي الشعب يسوي بلبله ويسقط الحكومه

مادري ليش هو انسان سلبي وما يحب الخير

اكيد انه بسبب انانيته وغروره او يمكن مغرر به المسيكين

لاهنت يا محمد علي الموضوع

يامرحبا ياعين النسر

فيه معلومه ارجو ان تصححها لديك وهي اولا ان المكرمه اتت من الامير ولم تاتي من الحكومه وثانيا ليس معناته ان المكرمه تطفي غضبنا او تجعلنا نسكت من حكومتنا الفاشله وانا شخصيا منزعج جدا من حكومتنا وللاسف انه يوجد ناس تقدس اذناب الحكومه الماجورين وان النائب ليس فوق النقد والى ان وصلنا للتخلف للاسف ان نائب مجلس امه يقيم بمعاملاته وليس بمواقفه ومراقبته بالمجلس ويشرع اصبحنا في خدمة مواطن وليس مجلس !

بالاخير ارجو ان تعرف مطلب اسقاط الحكومه ماهو الا لاجل مستقبل ابنائنا واجيالنا القادمه واذا كنت راضي بالاوضاع التي مرت في عهد ناصر المحمد فهذه مصيبه .

شكرا على مرورك

[ســــــارة]

ياحلــــوهـآ عسى ربــي يحفظــهآ و مـاطلبتـ شي الله يسلمكم حقهــآ وتجيبــون لهــآ

بـس اضــــافتي علي البــلاكـ بيــري حقيقـــه من رآيــي الشخـصـي
غميضـــه فيــه حتــي الدينــار


وان شــاءالله دوم الابتـــسامـه في وجــــهـ الشعبــ الكــــــويتي..

[محمد بن فراس]

يامرحبا بالجاسره

اشكرك على مشاركتك ومرورك للموضوع اما بخصوص الايفونيون الجدد عليهم بالعافيه والمساله مسالة مزحه فقط :)

[محمد بن فراس]

ساره

هاذي مانقدر نردلها طلب :)

اما بخصوص البلاك بيري بالنسبه لي استخدمته اسبوع وجلبته للسوق فاانصح الاخوان والاخوات بالاي فون

[مات قلبي كمداً]

/
\







ششَيْينْ لـا سسِمَعْت طَار ِيهُمْ يِ [ فَرْقِزْ قَلْبِي ]
الْ سسِفَرْ و ِ الآيْ فَونْ ../ :p

رَحْمَةً بِنَا يَ { بَنِي آي فُونْ } لـا عَادْ تِ جِيبُونْ طَار ِيهْ لِينْ أششْتِر ِيهْ :D







/
\

[طبــ ع ــي كــذآ.. }~]

الله يخليها لكم وتعيش وتجيب يا محمد :)

بس psp تستاهل جمعية الغآنم على قولة ولد خالتي :p
وجعلها تفسفسها بالعااافيه هي وعمتها:D


والله لا يغير علينا قولوا امين :)

[فهيد الهتلاني]

اول شي نشكر صاحب السمو على المكرمة السخية من يده الكريمة لأنه كريم وحنا نستاهل .. ولا شكر للحكومة لأن لو وصل الامر عند الحكومة كان متنا ولا جتنا المنحة لا وناقصة بعد مايحلبونه ..!

وكم اب فرح لان بيسدد القرض الي عليه وكم ام أفرحت بتشتري مستلزمات بيتها ... وكم ولد فرح وبنت فرحت .. كبير والكبير الله ياصاحب السمو .

واشتر لبنتك الـ psp ترا بنيتنا تستأهل كل خير والباقي من المكرمة خشها لها للمستقبل >> خير ان شاءالله

زين بنتك عسى ربي يحفظها تبي هالعبة .. شافي فديته وش يبي .. هو الاصل وهو المدلل مثل مايقولون .. لاتقصر معاه ولا ترا بعطيه مكرمتي وأخليه يشتري الي يبي .. لاتقصر مع شفوي تراه يستاهل .. هو ذخرك وسندك اذا تعبت .

المكرمة راحت قبل لاتجي .. مستلزمات وامور وارتفاع للأسعار تخليك ينعاف خاطرك من المكرمة وودك انها ماجت بسبب شجع التجار وحسدهم عسى الله يفكنا منهم .. ويخليلك اعيالك ولاتقصر معهم :)

[اسجد لربي عجميه]

ههههههههه غريبه ما قالت اي بود ...اخوي وهو عمره سنتين زين يتكلم طيب جاي لبوي يقوله ابي ايفون هههه ،،واصلا منو الحين ما عنده اي فون ولا بلاك بيري وجات المنحه بعد خلاص

لاهنت ع الطرح ،،تحياااااتي..

[تقريبا شايب]

ياحلو البزارين وطلباتهم

انا بعد عندي بزارين بالدوام وقامو بعد اعلان المنحه بمهاتفة جميع الخطابات بحثا عن المسيار

[عين النسر الغاضب]

اخ محمد ياهلا ومرحبا بك وتتربي في عزك البنيه الحلوه والله يخليك لها ويخليها لكم ان شاء الله .

اتفق مع حرية الراي ولكن بعض الاخوان يتكلمون عن دول الخليج وكاننا في جمهوريات , اخي الكريم هنا في دول الخليج الوضع يختلف عن بقية الشعوب العربيه واعتقد ان قصدي واضح ,, وبعدين احنا راضين بحكوماتنا التي وضعتها القيادات العليا ....

ولنا في تونس عبره 5000 الاف مهاجر تركو بلادهم قبل يومين ودول اوروبا الان تعاني منهم ,,
نحن هنا راضين كل الرضا ولا اريد ان اتكلم في السياسه اكثر من ذلك ...

تقديري لك ولكل شخص عقلاني اما المهايطيه الذين نسوا انفسهم فلا تقدير لهم عندي

[راكان الفارس]

السلام عليكم ورحمة الله وبركاته.....


العزيز محمد بن فراس

أولا الشكر لله ومن ثم لصاحب السمو علي هالمكرمه...شعب يستاهل

تستاهل الــpsp...بس لايكون تشبه عمها:)

الله يخليها لك ويخليك لها....

أخوي تقريبا شايب...خوش مسيار هذا اللي بألف...:)

تحياتي للجميع

[محمد بن فراس]

/
\







ششَيْينْ لـا سسِمَعْت طَار ِيهُمْ يِ [ فَرْقِزْ قَلْبِي ]
الْ سسِفَرْ و ِ الآيْ فَونْ ../ :p

رَحْمَةً بِنَا يَ { بَنِي آي فُونْ } لـا عَادْ تِ جِيبُونْ طَار ِيهْ لِينْ أششْتِر ِيهْ :d







/
\

يامرحبا ومسهلا بالغالي

بالعكس احلى حاجتين السفر والايفون وولكن الناس اذواق :)

تذكرني باحد الاصدقاء الغالين لايحب السفر وكل شهر يقول ساشتري ايفون ومن كثر الالتزامات لديه ياجل بس اعتقد انه سيشتريه بالمنحه :)

شكرا لمرورك

[محمد بن فراس]

الله يخليها لكم وتعيش وتجيب يا محمد :)

بس psp تستاهل جمعية الغآنم على قولة ولد خالتي :p
وجعلها تفسفسها بالعااافيه هي وعمتها:D


والله لا يغير علينا قولوا امين :)

يامرحبا اختي طبعي كذا

الله يجزاش خير ويرحم والديش

لاتوصين psp في كل مكان حتى جمعيتنا تلقين فيها :)

امين ولاهنتي على المرور

[محمد بن فراس]

اول شي نشكر صاحب السمو على المكرمة السخية من يده الكريمة لأنه كريم وحنا نستاهل .. ولا شكر للحكومة لأن لو وصل الامر عند الحكومة كان متنا ولا جتنا المنحة لا وناقصة بعد مايحلبونه ..!

وكم اب فرح لان بيسدد القرض الي عليه وكم ام أفرحت بتشتري مستلزمات بيتها ... وكم ولد فرح وبنت فرحت .. كبير والكبير الله ياصاحب السمو .

واشتر لبنتك الـ psp ترا بنيتنا تستأهل كل خير والباقي من المكرمة خشها لها للمستقبل >> خير ان شاءالله

زين بنتك عسى ربي يحفظها تبي هالعبة .. شافي فديته وش يبي .. هو الاصل وهو المدلل مثل مايقولون .. لاتقصر معاه ولا ترا بعطيه مكرمتي وأخليه يشتري الي يبي .. لاتقصر مع شفوي تراه يستاهل .. هو ذخرك وسندك اذا تعبت .

المكرمة راحت قبل لاتجي .. مستلزمات وامور وارتفاع للأسعار تخليك ينعاف خاطرك من المكرمة وودك انها ماجت بسبب شجع التجار وحسدهم عسى الله يفكنا منهم .. ويخليلك اعيالك ولاتقصر معهم :)

هلا وغلا بالاخ فهيد

لاتنسى ان البنت دلوعة ابيها :)

الولد لاتخاف عليه اعرف شنو يبي المشكله كل شي عنده وهاذي فلوسهم وكيفهم واللي يبونه بنجيبه لهم .

فعلا للاسف بعض الشركات رفعت الاسعار مثل شركة kdd والغانم وانا بالنسبه لي ساقاطع من يرفع الاسعار على الشعب ولن نقترب اليه واتمنى من الجميع مقاطعتهم .

شكرا اخ فهيد على مرورك

[محمد بن فراس]

ههههههههه غريبه ما قالت اي بود ...اخوي وهو عمره سنتين زين يتكلم طيب جاي لبوي يقوله ابي ايفون هههه ،،واصلا منو الحين ما عنده اي فون ولا بلاك بيري وجات المنحه بعد خلاص

لاهنت ع الطرح ،،تحياااااتي..

لا الايبود جربته وماجازلها وتلفوني الايفون كل ماجيت تاخذه بس تبي تغير :)

اطفال الوقت هذا مشالله مايخفاهم شي وكل شي يعرفونه ويدركونه الله يستر عليهم .

شكرا على المرور

[محمد بن فراس]

ياحلو البزارين وطلباتهم

انا بعد عندي بزارين بالدوام وقامو بعد اعلان المنحه بمهاتفة جميع الخطابات بحثا عن المسيار

الله يستر من بزارينك يدورون العرس على طول :)

الحين الخطابات قايم سوقهم الله يرزقهم ويكفينا شرهم :)

[محمد بن فراس]

اخ محمد ياهلا ومرحبا بك وتتربي في عزك البنيه الحلوه والله يخليك لها ويخليها لكم ان شاء الله .

اتفق مع حرية الراي ولكن بعض الاخوان يتكلمون عن دول الخليج وكاننا في جمهوريات , اخي الكريم هنا في دول الخليج الوضع يختلف عن بقية الشعوب العربيه واعتقد ان قصدي واضح ,, وبعدين احنا راضين بحكوماتنا التي وضعتها القيادات العليا ....

ولنا في تونس عبره 5000 الاف مهاجر تركو بلادهم قبل يومين ودول اوروبا الان تعاني منهم ,,
نحن هنا راضين كل الرضا ولا اريد ان اتكلم في السياسه اكثر من ذلك ...

تقديري لك ولكل شخص عقلاني اما المهايطيه الذين نسوا انفسهم فلا تقدير لهم عندي

يامرحبا ومسهلا

الله يجزاك خير ويرحم والديك

اخي الكريم ياحبذا لو انك لاتفعل كما يفعل الاعلام الفاسد ونواب الحكومه وهو زج اسم سمو الامير في كل شي اعتقد ان سمو الامير اختار ناصر المحمد وقال حاسبو المقصر استجوبوه ولم يقل ارضو بالحكومه اذاكانت مخطيه او بالصح والغلط نرضى فيها هذا كلام ليس مقبولا لان سمو الامير يعشق الديمقراطيه ولايرضى بالظلم .

اذا انت معجب بالحكومه واعمالها الفاسده التي تعملها فهذه وجهة نظرك ونحترمها واتمنى منك انك ايضا تحترم وجهة نظرنا وعدم تلقيب البعض بالمهايطيه لانه يخالفك الراي .

اشكرك جدا على المشاركه تقبل تحياتي

[محمد بن فراس]

السلام عليكم ورحمة الله وبركاته.....


العزيز محمد بن فراس

أولا الشكر لله ومن ثم لصاحب السمو علي هالمكرمه...شعب يستاهل

تستاهل الــpsp...بس لايكون تشبه عمها:)

الله يخليها لك ويخليك لها....

أخوي تقريبا شايب...خوش مسيار هذا اللي بألف...:)

تحياتي للجميع

لالا ماتشبه عمها خذوها خوالها بالشبه :)

الله يجزاك خير ويرحم والديك وخلك مع تقريبا شايب ترا شكله مهوب هين بيزوجك :)

[عين النسر الغاضب]

اخ محمد من اختلفت معهم بالراي اصبحوا يلفون ويدورون معاي بالكلام فمنهم من يستخدم بعض الكلمات الغير لائقه مثل ( خيتي ) فا سبحان الله حلال عليهم وحرام علي كذا مو صح ولا انت شرايك هم من دفعني لمثل هذا الكلام وكل مره اكتب واؤيد لشخص معين تلقاقهم يحاولون ويحطون من قدر من اؤيده لماذا ؟ اكيد لحاجه في انفسهم لا يعلمها الا الله ....

[تقريبا شايب]

أخوي تقريبا شايب...خوش مسيار هذا اللي بألف...:)



وهل تستوي البكر والثيب :o

اضافة الي ان الخير موجود ولله الحمد ولكن الالف فقط دعم وزيادة خصوصا انها جاءت بدون جهد

واثنين من بزاريني بالدوام غمزت الصنارة معهم ويطلبوني شاهد في عقد القران

ونفسي تراودني ولكن المعروض لايرتقي

[محمد بن فراس]

اخ محمد من اختلفت معهم بالراي اصبحوا يلفون ويدورون معاي بالكلام فمنهم من يستخدم بعض الكلمات الغير لائقه مثل ( خيتي ) فا سبحان الله حلال عليهم وحرام علي كذا مو صح ولا انت شرايك هم من دفعني لمثل هذا الكلام وكل مره اكتب واؤيد لشخص معين تلقاقهم يحاولون ويحطون من قدر من اؤيده لماذا ؟ اكيد لحاجه في انفسهم لا يعلمها الا الله ....

الزين زين لعمره والشين شين لنفسه فكل له وجة نظره فاما التنابز بالالقاب فارى ان الشخص يترفع عنها وتبقى وجهات نظرنا وقناعاتنا محفوظه