الوادي بدون شبوك

[ع ح ابن مرقاب]

يتم خلال هذا الاسبوع ازالت جميع الشبوك بالوادي حيث بدأت لجان ازالت الشبوك من عرج وهديه وشفية بتجاه الشمال و مازالت تمارس أعمالها حتى الساعة وش رايكم ماهو شي طيب**؟!!

[™ عبد الله ™]

خطوه طيـّـبه وفي الاتجاه الصحيح

من له ارض يستخرج لها صك او يقوم بزراعتها

لكن تسوير وتضييق على خلق الله !!

[سالم العظيمان]

خطوه طيبه وموفقه ونتمنى الالتزام بها
شكرًا يا ابن مرقاب على الخبر الطيب**

[مطلق الخالدي]

خطوه ممتازه وانا كنت
مواكب الحدث
يوم يششيلون شبوك
الفهده والقليب
وام الغربان

[رجـم بـذال]

لا بالله مهيب خطوه طيبه


ولا قاله الله



عجمان وفي ديرتهم ومشبكين وين جاب الخطوه الطيبه


الا خلهم يشبكون مزارعم لحلالهم ويحمونه من خلق الله

واتمنى انهم يوقفونهم

[معيضي ممتعض]

يا الله ان تمحق على ذا اللجنة

[شِقاوَي]

جعل امحق خطوه
و جلوي مهوب مخلي احدٍ بحاله

[مطنوخ خلقه]

لهيب طيبه ولا قاله الله
الشبوك هذا نعمه تحفظ الحلال من الخطوط السريعه واملاك ناس
العالم يتمنون المزارع
لكن الشكاوي من ناس تبي تنكد الله لايوفقهم
والله يرحم الشيبان الي كاتمين اللجان

[حزن الصرار]

حرآآآم بيتشردون بعدين خرفــاآآآناُ :(

لا بالله ماهي بخطوووة حلوووو الا بيتشرد الحلالٍ ...وبتكثر الحوآدث

لنوو مافي شبك يمسك الحلالٍ ...

[s3odi]

استغرب ردود بعض الاخوان اللي يقول خطوه طيبه وخبر طيب

بن مرقاب اول مادكت شبوك من الوادي شبوكم اللي في شفيه ؟


ازالة شبك بن عمك خبر طيب ؟


من الطبيعي اللي ماعنده لا حلال ولا شبك يقول خبر طيب


لكن فكرت في نفسك ولا فكرت في ابن عمك خسارة من الشبك والزراعه وبعضهم وين يودي حلاله القاع مدهره والشعير على اربعين


الا الله يكون في عونهم والله يعوض عليهم

[مـشـهـور]

لا والله خطوه سيئه الله يعوض الي خسروا

[مطلق الخالدي]

مع احترامي لكل الآرآء
انا مع هذه الخطوه الممتازه
ويالنسبه للي يقول تحمى الحلال من الخطوط
السريعه بالله والي شبكه ماحوله خطوط سريعه ولاشي
والي شبكه 8 كيلو ×8 كيلو ولا فيها شي بالله
وش رايكم لاتاخذكم العاطفه لان الشبك لابن عمي او ماشابه
والي يقووول ان الي يقول ان هاذي خطوه طيبه ماعنده حلال
للاسف انا اقووول كلامه غير صحيح لاني واحد من الناس وعندي حلال
ونرجو منكم تقبل ردي
وبدووووون زعل
ولاهنتـــــــــــو

[العــــديم]

على فكره ..
لجان الإزاله لاتخرج إلا في حالة الشكاوي ..
ولولا الشكاوي ماطلعت لجنة الإزاله .. !

البلا منا وفينا .. !؟

[محمد بن سعود]

^

^

حسد يادافع البلا :)

[روح مغليها]

أقووول امحق خطوة يعني ماخلصنا <<< الازالة ورانا ورانا

[™ عبد الله ™]

اللي صاير في الوادي عملية ( نهب )
وكأن الدعوه مؤقــّــتـه
ماعمرنا شفنا مثل هالشبوك المبالغ فيها ..من الله خلقنا الا في العشر سنوات او السبع الماضيه !!
تغيب سنه وترجع تلقى جوّ كامل مشبـّـك !!
مساحات مذهله ومبالغ فيها
عطيـّـه لك؟ عليك بالعافيه
لكن تشبـّك وانت لا حلال ولا زرع .. ليه؟

و خابرين وش وراها ودونها
و لكم في الشبك اللي جنوبي السدريات واللي جنبه وغيرها وغيرها اكبر دليل
صارت خذ وشبـّك وبيــع

[ابورآكان]

ياليل ابتلشنا ماعاد ندري وش يبون العالم سويتوا سالفه والوادي شبك والوادي ماهوب للبيع والوادي مدري ويش والحين هدموا شبوكنا وجاتنا الازاله والحسد ومدري ويش بعد :p
اصفولكم على راي عشان نعرف وش تبون بالظبط بس

[ع ح ابن مرقاب]

الحمدالله لنا يومين والمطر يصب
بعد ماشالو الشبوك. الله كريم اول مطر ينزل
واذا واحد يبي يعرف ان الشبوك هذي حسد بس
يجي بين شبكين وشوف
تقول تلعب المتاهه تسير في كل الاتجاهات وبالاخير الطريق مسكر
ولا حلال ولا زرع
وخير دليل علا انها حسد خروج لجان التعديات والإزالة ما طلعها الا الشكاوي
علا حدبه تفنيه وتفني عياله من وراه ماعمرها وخاسر رفيقه ودينه وبالاخير تجي الجان وتشيلها وهو يشوف

[ادمنتش]

:rolleyes:

يوم هدمووو شبوكم قلت شي طيب ولا قبل اسبوع تشتكي على الناس تقول يقربون من الشبوك وابلهم تهدم المراكيزز يوم جات التعديات قلت شي طيب والمطر جاء ولنا يومين ليه ماذكرت الله وحنى مصلين صلاه الاسستسقاء امس


لي رجعه برب :)

[м8ąĐїṜ]

اللجنه ماطلعت الا فيه شكآوي عند إهل الشبوك .. وكلن خآبر الأمور !!!

وإن مآشبكووو في ديآرهم وين يشبكون .. كلن عندهـ حلآل وبيقضبه في شبكه لآهيب عيب ولآ حرآم ..~

والله يكون بـ العون

:)

[ع ح ابن مرقاب]

نقصد ذا وغيره
حتى اللي ورأ الشبك يبي يحميه
وماعرفناك

[عبد الله العظيمان]

سلام عليكم ورحمة الله وبركاته

ابن مرقاب اشكرك على الخبر الطيب

وكلام اخوي عبد الله على صواب

اللي يبي يشبك يزرع ولا يشبك كذا
على الفاضي ناس عندهم حلال معد درو
وين يروحون كل مكان شبك وكل شبك اكبر من الثاني
ابن مراقاب والله انك صادق يوم شلو الشبوك
جانا مطر وجيب الله خير

تحياااااتي.

[معيضي ممتعض]

فيه شبوك عمرها من عمر الوادي والناس خابرتها وخابرةٍ اهلها لكن مشكلتها ان ما عليها صك بسبب مشاكل بين اطراف معينة لا نود التطرق لها، لكنها اصبحت بحكم العرف ملك لاصحابها بعد ان حفروا فيها الابار والعيون و احيوها بالزراعة والثروة الحيوانية و البناء واوصلوا لها التيار الكهربائي، وهذه الارض لهم حق فيها فهي ارض اباءهم واجدادهم،و اما من يتحجج بشح الامطار و يربطها بكل استعباط بالشبوك والحسد فهم اما جهلة علاقتهم بالوادي لا تتعدى كشتة يوم او يومين في السنة ،او انهم من الطارئين على الوادي ممن ليس لهم فيه اي وجود تاريخي من مئات السنين، او انهم ممن فرطوا بأراضيهم واملاكهم وباعوها قبل سنوات وتحسفوا فأعمى الحسد قلوبهم،او انهم من جماعة صاحب الشبك الاخضر الذين يدارون بالريموت كنترول من قِبله ليرفعوا الشكاوى على ربعهم وبني عمهم من اجل دراهم معدودات.

[على كبدي بروده]

الحمدالله لنا يومين والمطر يصب
بعد ماشالو الشبوك. الله كريم اول مطر ينزل
واذا واحد يبي يعرف ان الشبوك هذي حسد بس
يجي بين شبكين وشوف
تقول تلعب المتاهه تسير في كل الاتجاهات وبالاخير الطريق مسكر
ولا حلال ولا زرع
وخير دليل علا انها حسد خروج لجان التعديات والإزالة ما طلعها الا الشكاوي
علا حدبه تفنيه وتفني عياله من وراه ماعمرها وخاسر رفيقه ودينه وبالاخير تجي الجان وتشيلها وهو يشوف




سؤال لك بابن مرقاب كم شبك هدمت التعديات لك شخصينا ..؟وكم كيلو في كم كيلو ؟


والامطار علمها عند الله لاهيب عند الشبوك والا الجنه ولا عندك


وانت عينت غضا شفيه وين راح كان حاميته الشبوك واصبر اسبوع وينقطع من الوادي


وكان ماشبكة يومك تقول انه حسد وماحسد ولا يوم جات الدرتكتل وشلت شبكك صارت الشبوك حسد وماحسد

[м8ąĐїṜ]

^

لآ إزيـد عى كلآمك .. فديت خشمك !

[ع ح ابن مرقاب]

اخوي : على كبدي
اعتقد ان الجميع يشارك منهم مؤيد ومنهم معارض ولله الحمد اني مشارك بسمي ويزيدني شرف
ولكن اشوف من بعض الاخوان المشاركين شايلين علي من جد او على اهل الديرتي
اما بالنسبه لسؤالك
انا أقولك لي شخصي يشهد الله انه مالي ولا شبك
اما الغضا اللي تقول
**علمه عند الله الله اللي ينبته والله اللي يقطعه
ولا انقطع الا يوم سويت الشبوك**
والظاهر انك ماقريت المشاركه عدل انا اقول لا حلال ولا زرع سلامات تشبك
واحب أضيف اني من المعارضين لشبوك بس تشبك على الفاضي لا ياخوي تسكر الطريق وتسبب مشاكل مع الناس ومع ربعك مع البدوان ليه**
والشبوك اللي تقصد لو مايجي في خاطر اهلها علي وينقدون الناس والله مايبنيه ويتركه فاضي ولكن اصبر ويجيه من يكفيك اياه مثل اللي حاصل الحين نفعتهم بشي هذي اخرتها خساير
اقول الكلام ذا والله لاعلي منك ولا من غيرك
بس اشوف بعض الناس جا في خاطره من بعض المشاركات مني والدعوه بصيطه وسع صدرك**

[على كبدي بروده]

اخوي : على كبدي
اعتقد ان الجميع يشارك منهم مؤيد ومنهم معارض ولله الحمد اني مشارك بسمي ويزيدني شرف
ولكن اشوف من بعض الاخوان المشاركين شايلين علي من جد او على اهل الديرتي
اما بالنسبه لسؤالك
انا أقولك لي شخصي يشهد الله انه مالي ولا شبك
اما الغضا اللي تقول
**علمه عند الله الله اللي ينبته والله اللي يقطعه
ولا انقطع الا يوم سويت الشبوك**
والظاهر انك ماقريت المشاركه عدل انا اقول لا حلال ولا زرع سلامات تشبك
واحب أضيف اني من المعارضين لشبوك بس تشبك على الفاضي لا ياخوي تسكر الطريق وتسبب مشاكل مع الناس ومع ربعك مع البدوان ليه**
والشبوك اللي تقصد لو مايجي في خاطر اهلها علي وينقدون الناس والله مايبنيه ويتركه فاضي ولكن اصبر ويجيه من يكفيك اياه مثل اللي حاصل الحين نفعتهم بشي هذي اخرتها خساير
اقول الكلام ذا والله لاعلي منك ولا من غيرك
بس اشوف بعض الناس جا في خاطره من بعض المشاركات مني والدعوه بصيطه وسع صدرك**

ابن مرقاب الي مؤيد الجنه اللي لاعنده مزرعه ولا حلال

واذا ماعندك شبك عند ابيك ولا اخيك ولا ابن عمك وانت اشوفك تفرح عليهم بالخساير بدال

ماتوقف معهم صرت ضدهم ولااحد شال عليك ولاعلى ربعك الناس معهم وانت كلامك ضدهم

اما لغضا وكاد علمه عند الله لكن الشبوك كان حاميته من الحطابه واليوم بتعينه في بسطة النعيريه

ويومك تقول ماعلى منك ولا من غيرك هد ياخيك ولا تفرد عضلاتك ولا عليك الا العافيه والدعوه نت وطباعه وسعة صدر وكلن يقول اللي في خاطره :)

[ع ح ابن مرقاب]

اخوي :على كبدي
اعتذر منك اذا انت فاهمني غلط لكن كلامي هذا ماني افرد عضلاتي ولكن شفتك تعلق على الشبوك اللي عندنا وشبوكنا لا هي اول شبوك تنشال ولا هي اخر شبوك**
وهل يعني لازم اني اشتكي على ربعي علشان اثبت اني معارض لشبوك كان اول مايشره علي انت لكن في كل مجتمع مؤيد ومعارض مثل اللي صاير الحين**
ولو الموضوع طرح قبل ماتنشال الشبوك كان هذا رأيي**
ولا طرحت انا الموضوع الا علشانه عندي صاير ولو انه صاير عند غيري وانت خابر ما ناقشت الموضوع نهائياً حتى لا يفسر في غير محله
وانا ماني والله فرحان في اللي صاير على العجمان ولكن هذا رأي والدعوه أخذ وعطا
واغلب المشاكل اللي صايره في المجتمع الشبوك لها نسبه ماهي هينه حتى لو الشخص ماقال يبقا في الخاطر

[حاكم نجد]

السلام عليكم


خطوه طيبه وموفقه وياليت يكون هناك صرامه في الامر
ويطبق على الجميع بدون استثناء
توضيح للاخوان الذين يعتقدون ان الشبوك التي إزالتها اللجنه هي
شبوك حلال ومزارع لا. بل شبوك شاسعه المساحه بعضها بالعشرات كيلو مترات
ولا يملك عليها صك شرعي
وكل انسان عاقل و الناس اللي تحب الخير لإخوانهم المسلمين والطيبين
يوافقون هذه الخطوه لانها ايجابيه وعادله
لكن الذين يعارضون فؤلائك ليس في قلوبهم محبة الخير لغيرهم
وملئت قلوبهم بالحسد والطمع والجشع
ويأكلون التراب أكلا لما
ابن مرقاب لاهنت على الخبر الطيب
وكلامك طيب و يدل على طيب معدنك ونبذ الظلم
الله يكثر من أمثالك ويهدي أرباب التراب الذين
ضيقوا على عباد الله على غير حق ظلما وبهتانا
ولاهمهم سوتا انفسهم المتعلقه لحفنة تراب الدنيا
ويبيع لاجلها ربعه وحتى إخوانه
والحمدلله من عقب ما شلوها رزقهم الله بالمطر والخير
ترى الظلم والحسد يقطع الخير من السماء

[مطخطخ]

علما امحق وفعلا ردي

الشبوك صح انها من فوق 3كيلو و5كيلو وفيه نوع من المضايقه لاكن ماحد اشتكى

لاكن البلاء من اهل الحسد والحقد الي حاسدين العالم حتى في تراب

السبب والي خلا اللجنه تقوم بهدم هالشبوك وعمت على شبوك الوادي بين القليب وام الغربان يعني فلاح بن سعود هو السبب الي راح لوزير الداخليه واشتكى واللحين معاد احد برافع عمود واحد

[عَشّــاقْ آلصلَــفْ !]

معارض و مؤيّد :)
الشبوك هدمت وش عاد الحكي فيه :)

وفلاح بن سعود يوم يشتكي يبي له شبك مثل خلق الله ما درآ أن الدعوه بتصير كذا
راح وقال فلان وفلان وفلان ما عندهم شبوك ويبون شبوك وأنا واحد منهم
قامت الداخليه وأرسلت لجنه هدم الشبوك اللي ما عليها صك من البدايه
:)
حتى فلاح بن سعود ما عنده خبر وهو يقول بنفسه يعني بيروح بيعم على ربعه وجماعته؟؟ :)
اذكروا الله وهذا الشي راح يكون من صالحنا يآ أهل الوادي
اللي ما عنده شبك من سنين راح يصير عنده شبك خلال 6 شهور وبتشوفون :)

برايفت لمطخطخ / الحمد لله والشكر يعني مسوي عام عليه هع هع هع :)

شكرا يا ابن مرقاب ولا هنت

[لنا بالمغرب ذكريات]

الخبر ماهو طيب ولا قاله الله


والصراحه اللي راح يشتكي على ربعه ياليت انعرفه


عسا ماشر تهدمون شبوك الرياجيل وحلالهم واللي ايده بالماي ماهو مثل اللي ايده بالنار

اللي شبك لحاله يسواله ميه الف ريال واكثر


والارتواز على حده واكثر

والكهرباء


والبنيان

والنخل


لاوالله الا اهل الديره اللي تهدم شبوكهم وهو يشوفون

وشرها على امير الهجره اللي يعطي ربعه ودخل اللجنه عليهم


والله ابلشونا ابلنا وحلالنا اقولهم في المزهده وابلك مايحلالها الا قيعان الرياجيل المشبكه


ترى الوادي اكبر من الكويت مرتين روح برض الله واسعه منت مجبور تبلس على الرياجيل وعلى حلالهم

عشان بهيمه تخسر ربعك وسمعتك


وانا اقول اللي يقول المطر والمطر بسبه الشبوك

لا والله المطر انقطع من ذنوب اللي توهم يعرفون الابل ومزاينات اللي فيه مباذخ ومهايط

وكلها ذنوب فيها البذخ والتبذير والكبر والمناحر والنميمه والغش والكذب

الا عينو خير والله يمنعنا من الحسد والشماته بربعنا

تقبلو تحياتنا

[مبارك المري]

الله لايخسركم انشالله ولا يشمت الناس فيكم



اما سالفة الشبوك فالله يجزا فلاح ابن سعود خير اذا هو السبب في هدمها


انا شاد من ديرتي وابي الوادي ولا الصمان ولا اي مكان احصل لي شبك 10 في 10 كيلو وفاضي مافيه لازرع ولا حلال , والقصد من راعية ( حسد وطمع) يبي يأجرة على إماراتي ولا قطري ولا غيرهم .. ويش السبب اللي حللة لك وحرمة على غيرك من ربعك ...


لا يأخوان الحق حق هدم الشبوك الفاضيه خطوة طيبة والله يجزا من سعا فيها بالخير



عندك زرع حدد شبك على زرعك,,, عندك حلال حط لك شبك على قد حلالك ...

[عجميه بنت سنافيه]

امحق خطوة وبس....النااس وين يحطوون حلاالهم...؟!

[حزن الصرار]

ماعليكمٌ موبُ صايرٍ شيٌ حكيٌ على الفــاآآضيٌ

تطمنــــوُ ...ونوخو بعارينكمٌ :p

[من دلعك]

لا والله مهيب خطوووووووووه حسنه ولاشي



من عرفناااا الوادي وشبوكه فيه والشبوك الي مشبكينه امماااا لجدانااااا ورثناه وكلن عرررررف حقه


واماااااا بخشم الرياااال اما مستااانسين على هد الشبووووك ماعندكم ساااالفه


وبكررره بجي حده الشيوووخ ياخذ شبك 20 كيلووو 10 كيلووو لاحد يفتح ثمه ليه معن ماله حق فيهه



الا على العجااامين العافيه في شبوووكهم الي جداااانهم مدفووونين فيه وهم الووولا من الغريب الي ماتعب فيه



والله لايهنكم
وماضاع حق من وراه مطالب وشبوووك الودادي مهيب رااايحه بأذن الله

[لنا بالمغرب ذكريات]

الله لايخسركم انشالله ولا يشمت الناس فيكم



اما سالفة الشبوك فالله يجزا فلاح ابن سعود خير اذا هو السبب في هدمها


انا شاد من ديرتي وابي الوادي ولا الصمان ولا اي مكان احصل لي شبك 10 في 10 كيلو وفاضي مافيه لازرع ولا حلال , والقصد من راعية ( حسد وطمع) يبي يأجرة على إماراتي ولا قطري ولا غيرهم .. ويش السبب اللي حللة لك وحرمة على غيرك من ربعك ...


لا يأخوان الحق حق هدم الشبوك الفاضيه خطوة طيبة والله يجزا من سعا فيها بالخير



عندك زرع حدد شبك على زرعك,,, عندك حلال حط لك شبك على قد حلالك ...



طيب يامري 10 كيلو انت تقصد شخص معين قول اسمه وشبكه ومكانه

ماعرفنا احد شبك 10 كيلو الا كم رجال وهذي ارضهم ان رضيت ولا مارضيت حلالهم بتناشبهم بحلالهم

ماناشبوك الرياجيل في ابلك ولا غنمك

ولا كل الشبوك 10 كيلو

كيلو بكيلو او اكثر

وشهو الحسد اللي مخليك تبلس على الرياجيل بحلالهم الا روحلهم وقولهم في وجيهم

لا تجي وتشكى روحلهم دامنك راعي حق وصادق


ورساله لبن عظيمان كل ماكتب بموضوع تعدل فيه شنهو الغلط اللي كتبته وقمت وعدلت

مالك حق لني ملاحظ الكلام اللي مايعجبك تشيله وهذا مهو بحق دامني ماغلطت بحد

تقبلو تحياتي

[سالم العظيمان]

ورساله لبن عظيمان كل ماكتب بموضوع تعدل فيه شنهو الغلط اللي كتبته وقمت وعدلت

مالك حق لني ملاحظ الكلام اللي مايعجبك تشيله وهذا مهو بحق دامني ماغلطت بحد

تقبلو تحياتي


اي مواضيع تتحدث عنها ياليت تذكرها حتى نكون على بينه

اما مشاركتك في هذا الموضوع رقم ( 32 ) فتم شطب كلمتين منها

لانها تنفافي قوانين المنتدى وهي صفات بذيئه

لك حرية الانتقاد لكن لا تتعدى الحريه الإساءة الشخصيه و اطلاق الشتائم
ودليل ذالك هذا الموضوع فيه اراء مع واخرى ضد ولم يتم شطبها مالم تتعدى حدودها

المنتدى للجميع ويتيح حرية الرأي و التعبير بالحدود المتعارف عليها
ومع ذالك المنتدى ليس جسر عبور لاطلاق شتائم و قذف باشخاص الآخرين

لنا بالمغرب ذكريات < انت عضو نشيط ولك تواجدك الملموس في الشبكه وخصوصا
باقسام الخاصه بالقبيله و نحترم شخصك و طرحك واراءك ونقدر ذالك لكن الاساءه لا احد يقبلها
ولك مني اطيب تحيه

[[ بلآ خطيه ]]

الله يكتب اللي فيه الخير :)

[العــــديم]

أنتوا دخلتوا في جدال

وماقلتوا لنا علوم اللجنه .. وين واصلين ألحين .. ؟ :)

[الهارون]

الاراضي اراضي عبدالعزيز ال سعود وخذاها بحد السيف والان كلن تحت القانون ومافيه ارض حق ال فلان او ال فلان خلاص كل شي بالقانون ومهب كيفك تمشي وتشبك اللي تبي
حسد يدافعلبلاااا
ارض الله وتحت ابن سعود
والقانون ياخذ مجراه :)
واللي مايعجبه يروح يشبك في البحر بعد معاد باقي إلا كذا اي والله :)

[ماجد2009]

بالنسبة لاوامر الدولة حول الشبوك حنا نطيعها.
الشيء اللي بذكره أن هذه الاراضي للعجمان ومراعيهم وشبوكهم وبعضهم مشبك من اكثر من 30 سنة.

[لنا بالمغرب ذكريات]

الاراضي اراضي عبدالعزيز ال سعود وخذاها بحد السيف والان كلن تحت القانون ومافيه ارض حق ال فلان او ال فلان خلاص كل شي بالقانون ومهب كيفك تمشي وتشبك اللي تبي
حسد يدافعلبلاااا
ارض الله وتحت ابن سعود
والقانون ياخذ مجراه :)
واللي مايعجبه يروح يشبك في البحر بعد معاد باقي إلا كذا اي والله :)



لعلمك الخاص ان العجمان ويام دخلها بسلام من دون سيف مع ان العجمان قاوموه ولاقدرو وعطاهم الوادي وقال هذي ارضكم والوني


والينها من طيبه ولا غبار على كلامك ان ابن سعود مالك المملكه كلها لاكن الوادي

وادي العجمان ان اعجبك ولا ماعجبك

مثل مانت بديره ابن صباح فابن صباح شيخك ويعتبر تاج راسك

بس لما تقولها هذي مزرارعكم بال هارون اذا لكم تقدير بقدرك ولاهو متعدي عليك لنها ارضك

وهو ماهو بطامع مزرعتك لن الكويت كلها له


هذا مثال عساس تستوعب الفكره

لني ماني فاهم ليش تطلع من اصل الموضوع وتدخل بكلام نعرف مقصدك ونعرف نرد عليك فيه


تقبل تحياتي

[الهارون]

انا تاج راسي ابن صباح وافتخر فيه وعندي مزرعه بوثيقه وبقانون مارحت اشبك علي كيفي واقول هذي لي وهذي حق اخواني
ولا اذا كلش بعد شبك قصر نايف وقل انه حق نايف بن حثلين وحق العجمان واخذه؟؟
ولا المطران بيشبكون العارضيه وياخذونها لهم بعد
اقول خطوه جيد ازالة جميع الشبوك واللي معه وثيقه حكومه يشبك بكيفه بس يجي واحد يقول ارض جدي السابع عشر ويشبك عشره كيلو ولا خمس كيلو بكيفه لاااا
كل واحد تحت القانون بعدين لبا العرب وش مزعلك ولا ماتحب القانون
وتزور التاريخ وتقول الوادي ماخذينه العجمان وعبدالعزيز ماله حكم في وادي العجمان؟؟؟ ولا شلون فيه امارة وشرطه وخدمات حكوميه
كلامك خطير وفيه تزوير للحقائق ولا تزود لوسمحت
شوف كلامك وشيقول؟؟ ((((( ابن سعود مالك المملكه كلها لاكن الوادي

وادي العجمان ان اعجبك ولا ماعجبك
))))
لو ابلغ عليك يقطونك ورا البحر ويمسحون اسمك انتبه علي كلامك ولاتقول كلام ماتعرفه وتزو التاريخ علي كيفك
ايه وينك يالجويهل :))))))))))

[ابورآكان]

اقول خطوه جيد ازالة جميع الشبوك واللي معه وثيقه حكومه يشبك بكيفه بس يجي واحد يقول ارض جدي السابع عشر ويشبك عشره كيلو ولا خمس كيلو بكيفه لاااا
)

:eek: ياويلك يا لهارون الحين الله يعينك على الهجوم اللي بيجيك وبيجونك فوق ظهور الخيل بسيوفهم ورابطين قنازعهم وبيعيدون ليل العيينه انفذ بجلدك يافتي فانت تفوهت بكلام قد يخرجك من المله :p
اي صدق الله يذكرك بالشهاده ذكرتني بقصر جدي نايف بروح آخذه عاد خوش موقع ;)

[الهارون]

اذا شبكة قصر نايف عطني الملحق اشبكه واخذه لي :):):)

[لنا بالمغرب ذكريات]

انا تاج راسي ابن صباح وافتخر فيه وعندي مزرعه بوثيقه وبقانون مارحت اشبك علي كيفي واقول هذي لي وهذي حق اخواني
ولا اذا كلش بعد شبك قصر نايف وقل انه حق نايف بن حثلين وحق العجمان واخذه؟؟
ولا المطران بيشبكون العارضيه وياخذونها لهم بعد
اقول خطوه جيد ازالة جميع الشبوك واللي معه وثيقه حكومه يشبك بكيفه بس يجي واحد يقول ارض جدي السابع عشر ويشبك عشره كيلو ولا خمس كيلو بكيفه لاااا
كل واحد تحت القانون بعدين لبا العرب وش مزعلك ولا ماتحب القانون
وتزور التاريخ وتقول الوادي ماخذينه العجمان وعبدالعزيز ماله حكم في وادي العجمان؟؟؟ ولا شلون فيه امارة وشرطه وخدمات حكوميه
كلامك خطير وفيه تزوير للحقائق ولا تزود لوسمحت
شوف كلامك وشيقول؟؟ ((((( ابن سعود مالك المملكه كلها لاكن الوادي

وادي العجمان ان اعجبك ولا ماعجبك
))))
لو ابلغ عليك يقطونك ورا البحر ويمسحون اسمك انتبه علي كلامك ولاتقول كلام ماتعرفه وتزو التاريخ علي كيفك
ايه وينك يالجويهل :))))))))))




علعموم يالهارون انا كنت حاب ارد عليك وواضحلك شنو مقصدي بالكلام اللي قلته لك بس مبين عليك مافهمته لنك منت فاهم شنو العجمان وشنو تاريخ العجمان


علعموم انت مو فاهم شي لن الاساسيات انت مافهمت فاماراح تفهم اللي قلته وكنت بوضحلك بشكل اوضح عشان تفهم

بس للاسف دامك قلت وين الجويهل عنك وقط ورى البحر انا اقولها لك بصوت العالي انت واللي وراك واللي فوقك منت كفو اتحط عينك بعيني عشان تقدر تقول الكلام هذا بس الشاشه تعطيك الشجاعه كامله:)


بس بقولك شي دامك شاد حيلك بالجويهل فهذا قدرك وهذا مستواك هو وامثاله ورجاءا دام هذا مثلك الاعلى بالحياه اسمحلي اقولك انت اخترت الانسان الواطي وتستاهل انه يمثلك وكون قدوتك هذا حقك مانقدر نقولك شي

[شآسع المري911]

معارض و مؤيّد :)
الشبوك هدمت وش عاد الحكي فيه :)

وفلاح بن سعود يوم يشتكي يبي له شبك مثل خلق الله ما درآ أن الدعوه بتصير كذا
راح وقال فلان وفلان وفلان ما عندهم شبوك ويبون شبوك وأنا واحد منهم
قامت الداخليه وأرسلت لجنه هدم الشبوك اللي ما عليها صك من البدايه
:)
حتى فلاح بن سعود ما عنده خبر وهو يقول بنفسه يعني بيروح بيعم على ربعه وجماعته؟؟ :)
اذكروا الله وهذا الشي راح يكون من صالحنا يآ أهل الوادي
اللي ما عنده شبك من سنين راح يصير عنده شبك خلال 6 شهور وبتشوفون :)

برايفت لمطخطخ / الحمد لله والشكر يعني مسوي عام عليه هع هع هع :)

شكرا يا ابن مرقاب ولا هنت



كلام صحيح وعسى الله يصلح الشان وعزلله كلامك مليان ووافي

[شآسع المري911]

الله لايخسركم انشالله ولا يشمت الناس فيكم



اما سالفة الشبوك فالله يجزا فلاح ابن سعود خير اذا هو السبب في هدمها


انا شاد من ديرتي وابي الوادي ولا الصمان ولا اي مكان احصل لي شبك 10 في 10 كيلو وفاضي مافيه لازرع ولا حلال , والقصد من راعية ( حسد وطمع) يبي يأجرة على إماراتي ولا قطري ولا غيرهم .. ويش السبب اللي حللة لك وحرمة على غيرك من ربعك ...


لا يأخوان الحق حق هدم الشبوك الفاضيه خطوة طيبة والله يجزا من سعا فيها بالخير



عندك زرع حدد شبك على زرعك,,, عندك حلال حط لك شبك على قد حلالك ...



8 8

لقفك يابن عمي لقفاهـ يـآ وش دخلك في العجمان وأرآآضيهم وفي شبوكهم ..

بصرهم جعل ربي يصلح مابينهم

وانت ارضك هذيك هنااك من الجاافوره ودآآيآآتهـآآ

انا قلت لك ذا الكلام متعمد ابغي اسبق احدهم قبل يقولها لك ويحطها بين عيونك



ذلحين حيها من رفيق واسر وانا اخيك

[شآسع المري911]

الاراضي اراضي عبدالعزيز ال سعود وخذاها بحد السيف والان كلن تحت القانون ومافيه ارض حق ال فلان او ال فلان خلاص كل شي بالقانون ومهب كيفك تمشي وتشبك اللي تبي
حسد يدافعلبلاااا
ارض الله وتحت ابن سعود
والقانون ياخذ مجراه :)
واللي مايعجبه يروح يشبك في البحر بعد معاد باقي إلا كذا اي والله :)



الهاارون يكون بعلمك عبد العزيز حكمها بالسيف صح بس ماحكمها لحااله ساعدو على الحكم عطراان الشوارب

جعل ربي يرحمك يابن كروز المري الي جمالتك فيه تسوى حكم البلاد

[حزن الصرار]

آرفعُوٍ علوومكم الله لا يهينكمٌ ....

ترآنا في منتدى رآقي ولا يحق لي آي شخص السب والتلفظُ السلبيُ
بــاآآرك الله فيكمُ

[هـزاع]

الله يجزاهم خير ان كان معهم حــــــــــــــــــــــــــــــــــق .. وان كان مالهم حق أمرهم عند الله

لاهنت على الموضوع وماقصرت

[عبدالله بن مباركـ~.~]

الله لايهينك

اخوك عبدالله بن مبارك العجمي