مديح ال صليفيح

[الشيخ ساري الشمري]

السلام عليكم ورحمة الله وبركاته اهدي هذي القصيده لاخواني العجمان عامه وخاصه لال صليفيح القصيده مهداة للشيخ متعب بن مقيت ال صليفيح العجمي وابنائه الكرام القصيده مهداة من ال
شاعر عبيد ابن صران الجشعمي العراق الجزيره


ان عددو بارض الجزيره من جبال +++ وقفت كاالظلع الطويل المنيفي
وان عدوا التجار في سوق الاموال+++ عدوني التجار عملة جنيفي
ياراس مالي ياغناتي من المال+++يادرع جنبي ياحزامي وسيفي
من حيث لي ربع(ن)كريمين وابطال+++ اهل القنا وملافخات السفيفي
ياهاجسي ماعاد لك عذر ينقال+++ياللي من العجمان حملك كليفي
دق المثل دقة نجر يطرب البال+++صوته يشادي صوت ذيب(ن) محيفي
يجذب هل الطولات ذربين الافعال+++ الي وطو كل دربن وعر(ن) مخيفي
من صلب يام ان قلت بالخيل خيال+++عاداتهم رد الوري لو يعيفي
لهم مواقيف(ن) عريضات وطوال+++ فعل(ن) يشاف وفعل مابعد شيفي
اخص انا العجمان منهم بالاقوال+++قول(ن) وكاد ادراه عن كل زيفي
كلام صادق مانقل قول جهال+++يدري مواقيفه نزيه(ن) شريفي
عن هرجة(ن) مابين شامت وعذال+++ هذا ينقصها وهذا يضيفي
مدحت لي ربع(ن) رقوا راس ماطال+++ علي النقا من ايام وقت(ن) عنيفي
سلطانهم سلطان بقفاي واقبال+++وشيطانهم شيطان فوق العسيفي
وكريمهم هداج في حامي اللال +++ كريم يامسقي الغني والضعيفي
للاجي والمحتاج والهارب الضال+++والجاني زابنهم بدور(ن) كسيفي
والجايع الضايع وعسرين الاحوال +++يعطونهم لو كان بس هالرغيفي
سلايل صليفيح للحمل شيال+++ هديب لو حملك ثقيل(ن) خفيفي
حلال عقدات(ن) وللراي فتال+++عقيد قوم ولايعرف النكيفي
يصول صولات(ن)علي الضد صلال+++يدحم بجنبه لو ضعيف(ن) نحيفي
مني لبو محسن تحيات واجلال+++ متعب بن مقيت الشريف العفيفي
له في حنايا قلب مغليه منزال+++ ياقرم يلي للمواجب تنيفي
ياليث عزالله مورثلك اشبال +++ فيهم حميه من السطر له نزيفي
وافين بين اثنين من عم(ن) وخال+++ ماهم من الي لفلفوهم لفيفي
بعروقهم دم(ن) تسلسل تسلسال+++ سلايل صليفيح حر(ن) مهيفي
من ماضي الدنيا ولليوم مازال+++ انتم ذري من بعد رب(ن) لطيفي
عساني اجازي فعلكم يهل الافعال+++ الي لها يطرب من الراس كيفي
مدهالكم يغني عن ايات مدهال+++ وعن غيركم ماشوف مثل الكفيفي
اقولها والناس تدري بالاقوال+++ والناس كلن له صديق وحليفي
يبقي تواصلنا علي بث جوال+++ ماينقطع دام النوايا تضيفي
من عبيد ابن صران بقفاي واقبال+++ كلام صادق مايجي فيه زيفي
ياربعي العجمان تقدير واجلال+++ لعيال متعب درع جنبي وسيفي
لكم نغز البيض شيبان واطفال+++ علي النقا فوق الطويل المنيفي