حوار اسبوعي

[سياتل]

مرحبا جميعاً شلونكم شخباركم إن شاء الله بخير...


بصراحه فيه موضوع يدور براسي من مدة...إن شاء الله يلاقي قبول منكم...



وهو إنه نفتح حواررر أسبوعي يتعلق بالاسره والمجتمع....
بحيث في بداية كل أسبوع نعرض موضوع ونتناقش فيه جميعاً..ونبدي آرائنا ومشكالنا وحلول لهذي المشاكل
من وجهة نظركل وحده فينا...بحيث نستفيد منها وايضاً ننمي الحوار ونكسب الجراءة من النقاش..
مثلاً نعرض المشاكل المتعلقه بالمرأة او الاسره او الرجل..علشان نستفيد

ونصحح مفاهيم بعض إذا كانت خطأ وهم نكسب خبره من اللي مرو بتجارب لسه مامرينا فيها..
وهكذا ببداية كل أسبوع..
أنتم أعطوني الضوء الاخضر بردود مشجعه...وراح أبدأباول موضوع...
وبتكون مرجع لنا ولغيرنا إن شاء الله

[عزوف]

اقتراح رائع يا سياتل ومشكور على طرحه

وانا اوافقك بالراي وعندي موضوع حلو يستحق النقاش وراح يجذب الجميع اذا الله راد راح اكتبه بعد ما تكتب موضوعك انت


وصلت الفكره وانشالله راح نبدأ من باجر وراح تلقى اللي يرضيك يا مشرفنا العزيز :)

تحيــــــــــــاتي

[سياتل]

ماشالله تبارك الرحمن عليش تف تف(عن العين):D
اختي عزوف شاكرلش الرد والترحيب بالموضوع
وافا عليش تمونين على الروح عاد شلون موضوع
ابدي ونحن من ورائك
لكن لي طلب
كل موضوع يكون مستقل بذاته وصاحب الموضوع يحقله اختيارالشخص الي يكتب الموضوع الي وراه ويالييت يعطيه فرصه يوم يفكر بنوع حيوي ومفيد.
اما موضوعنا هذا يكون مرجع ومكان اقتراحات بخصوص الموضوع.
هذا راي والراي الاخير لك وللاخ المستشار..فانتم المسؤلون عن هذا الديوان ومانحن الا ضيوف عندكم.
اخوش
seattle

[فيصل بن حجرف]

السلام عليكم

اقتراح موفق اخوي سياتل

بس بلش انت

مفروض راعي الاقتراح هو اللي يبدا

[cool]

السلاااام عليكم ورحمة الله وبركاااته

تسلم سياتل على الراااي والفكره الحلووه وان شاء الله تكوون الموااضيع

مفيده وناااافعه ويستفيد منهاا الاعضاااء وبالتوفيق ان شاء الله .



كـووول

[روووووعه]

اخوووووووي سياتل...... موضوعك اكثر من رائع... والفكره حلوه مره

وياريت يكوووون الموضوع جاد شوي علشاان الكل يستفيد

وانا اضم صوووووووتي لكم .... وابدأ انت باختيار الموضوع ..

تحياتي لكم .. روووووووعه

[المستشار]

الأخ سياتل ،،، تحياتي لك وبوسة على الخدين على هالاقتراح الحلو منك يابو الأفكار . وما يحتاج موافقة شيبتكم المستشار ،، بعد كلام عزوف وأبوعبدالله والربع ما راح أصلي بروحي شرق .

سيروا ونحن من ورائكم ،، ويا ريت تكون المواضيع متنوعة وتهم المجتمع بأقسامه من رجل وإمرأة وطفل وشيخ (مارح أقول إمرأة عجوز) لأنهم ما يعجزون كله بنات عشرين سنة . هههههه

وسؤال لسياتل : بداية الأسبوع هل هو السبت أو الأحد؟ حدد رجاء ،، لأن كل واحد فينا له بداية أسبوع مختلف . هههههههه وفيه ناس كل أيام الأسبوع عندهم عطلة.

أخت روووعة ،،، آسف لأني دخلت وعدلت في بعض الأخطاء اللغوية في ردك ،،، بس علشان ما يقولون عنا بدو وما نعرف اللغة العربية ،، مع معرفتي التامة بأن البدليات تتم بسبب السرعة في الرد ،،، ومن حماسكم للمشاركة.

أخوكم / المستشار

[عزوف]

روحك سالمه يا مراقبنا والديوان ديوانك

ابـــــــــدأ انت يا سياتل

حشا بالله ما ابدا قبلك ومثل ماقال بوعبدالله انت صاحب الاقتراح وانت اللي راح تبدأ بالموضوع نحن بنتظارك بكل شوووووووووق :)


يعطيكم العافيه جميعا جد احنا بحاجه لمثل هذا التفاعل وتم اللي في بالك يا سياتل ;)

تحياتي

اختك

ع

ز

و

ف

[سياتل]

لاهنتو على الردود المشجعه
ونبدا بعون الله
معى اني كنتلااب عزوف تبدى
<<<<<<<متوهق يبي موضوع قوي
ونخليها كل اثنين انشالله
ومثل ماقلت يكون مستقل بذاته عشان ماتصير فيه خربطه وياخذ حقه
والرد عليه ما يكون بتسلم ولا هنت...لا الرد لابد يكون بابداء راي او تايد راي دون الاخر.
واشكرلكم تفاعلكم وحماسكم المشجع.